ޕީޕީއެމްގެ ޓިކެޓު ދޭނެ ބޭފުޅުން ކަނޑައަޅަން ކޮމިޓީއެއް

އަހުމަދު ސާއިލް އަލީ، މިހާރު

29 ނޮވެމްބަރ 2018 - 20:05

އަންނަ އަހަރު ބާއްވާ ރައްޔިތުން މަޖިލިހުގެ އިންތިޚާބުގައި ޕީޕީއެމްގެ ޓިކެޓުގައި ވާދަކުރައްވާނެ ބޭފުޅުން ކަނޑައެޅުމަށް އެ ޕާޓީގެ ކައުންސިލުން މިއަދު ކޮމިޓީއެއް ނަގައިފި އެވެ.

ޕީޕީއެމްގެ ސެކްރެޓަރީ ޖެނެރަލް މުހައްމަދު ހުސައިން ޝަރީފު (މުންދު) "މިހާރު" އަށް ވިދާޅުވީ އެ ކޮމިޓީގެ މަސްއޫލިޔަތަކަށް ވާނީ 2014 ވަނަ އަހަރު ބޭއްވި ރައްޔިތުންގެ މަޖިލިހުގެ އިންތިޚާބަށް ވެސް އެ ޕާޓީން ޓިކެޓު ދިން އުސޫލުން، އިންތިޚާބަށް ކުރިމަތިލައްވާ ބޭފުޅުންނަށް މާކްސް ދީގެން ގޮތެއް ނިންމުން ކަމަށެވެ.

އެންމެ ފަހުން ބޭއްވި ރައްޔިތުންގެ މަޖިލިހުގެ އިންތިޚާބުގައި ޕީޕީއެމްގެ ޓިކެޓު ދިނީ ދާއިރާތަކުން އެ ޕާޓީގެ ޓިކެޓު ހޯދުމަށް ކުރިމަތިލެއްވި ބޭފުޅުންގެ ޝަރުތުތައް ބަލައި މާކްސް ދިނުމަށް ފަހު އެވެ. މާކްސް ދިނުމުގައި، ޕާޓީގައި ހޭދަކުރި މުއްދަތާއި އަދާކުރެއްވި މަގާމުތަކަށް ބަލަ އެވެ. ޕްރައިމަރީ އަކަށް ދަނީ ކޮމިޓީން ކަނޑައަޅާ ވަރަކަށް މާކްސް ނުލިބޭ ކެންޑިޑޭޓުން ތިބި ދާއިރާތަކުންނެވެ.

"އަޅުގަނޑުމެން ޓިކެޓް ދޭނެ ގޮތުގެ ތަފްސީލް ކުރިއަށް އޮތް ދެ ދުވަހެއްގެ ތެރޭގައި ތިޔަބޭފުޅުންނަށް [މީޑިއާއަށް] ހާމަކުރާނަން. މިއަދު ނިންމީ އެ މަސައްކަތް ކުރާނެ ކޮމިޓީއެއް،" މުންދު ވިދާޅުވި އެވެ.

ޕީޕީއެމްގެ ޓިކެޓު ދޭނެ އުސޫލާ އެކު، އެ ޕާޓީއާ އެކު ކޯލިޝަން ހަދާފައިވާ ޑީއާރުޕީގެ ކެންޑިޑޭޓުންނަށް ފުރުސަތު ދޭނެ ގޮތަކާ މެދު ވެސް މަޝްވަރާ ކުރަމުން އަންނަ ކަމަށް މުންދު ވިދާޅުވި އެވެ.

ވެރިކަން ކުރާ ޕާޓީގެ ގޮތުގައި އޮވެ، އެންމެ ފަހުން ބޭއްވި ރައްޔިތުންގެ މަޖިލިހުގެ އިންތިޚާބުގައި ޕީޕީއެމުން ވަނީ ގިނަ ގޮނޑިތަކެއް ހޯދައިފަ އެވެ. ނަމަވެސް ޕާޓީގެ ތެރޭގައި ޖެހުނު މައްސަލަތަކާއި ސަރުކާރު ބަދަލުވުމުން އެ ޕާޓީގެ މެމްބަރުންގެ އަދަދު މިހާރު ވަނީ ބޮޑުތަން ދަށް ވެފަ އެވެ. މިދިޔަ ސެޕްޓެމްބަރު 23 ގައި ބޭއްވި ރިޔާސީ އިންތިޚާބާ ހަމައަށް އެންމެ ބާރުގަދަ ޕާޓީގެ ގޮތުގައި ބަލަމުން އައި ޕީޕީއެމްގައި މިހާރު ތިއްބެވީ ރައްޔިތުންގެ މަޖިލިހަށް ނިސްބަތްވާ 29 މެމްބަރުންނެވެ. އަދި ރައްޔިތުންގެ މަޖިލިހުގެ ކޮންޓްރޯލް ވެސް ޕީޕީއެމަށް ވަނީ ގެއްލިފަ އެވެ.

އާ ރައީސް އިބްރާހިމް މުހައްމަދު ސޯލިހްގެ ސަރުކާރުގެ ވަޒީރު ކަމަށް ވަޑައިގަތުމަށް ރައްޔިތުންގެ މަޖިލިހުގެ އެމްޑީޕީގެ ގިނަ މެމްބަރުންތަކެއް އިސްތިއުފާ ދެއްވުމާ އެކު، މިހާރު މަޖިލިހުގެ ޖުމްލަ އަކީ 79 މެމްބަރުންނެވެ. އެމްޑީޕީ އާއި ޖޭޕީގެ 19 މެމްބަރުންނާ އެކު، މަޖިލިހުގައި ސަރުކާރު ކޯލިޝަން ތަމްސީކުރައްވާ ޖުމްލަ މެމްބަރުންގެ އަދަދަކީ 46 އެވެ.

ރައްޔިތުންގެ މަޖިލިސް މަޖިލީހުގެ މެމްބަރުން ޕީޕީއެމް ރައްޔިތުންގެ މަޖިލީހުގެ އިންތިޚާބު 2019 މުހައްމަދު ހުސެން ޝަރީފު (މުންދު)

23 ކޮމެންޓް, 110 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހަނީމް

01 December 2018

މިހާރުގެ ރައީސް މަޖިލިހުގަ އިންނެވި ކޮޓަރިއެއްގެ ދޮރުވައްޓާލާ ހަޔާތް ގޮވަމުންދުވި އަލީ އާރިފް ނޫން މީހަކު ކެލާ ދާއިރާ ރައްޔިތުން ބޭނުމީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނިލަންދޫ ދާއިރާ

30 November 2018

ޢިއްޔެ ކައުންސިލުން ނިންމީ މިހާރުވެސް މެމްބަރު ކަމުގައި ތިބި މީހުންނަށް ޓިކެޓް ދޭން. މުންދުވެސް އިތުރު ފުޅު ނުހައްދަވާ. މިދާއިރާގެ ގޮނޑީގައި ހުރި މެމްބަރަކަށް ގައިމުވެސް ފުރުޞަތެއް ނެތް. ޝުކުރިއްޔާ ޕީޕީއެމް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަން ހުސެން

30 November 2018

މީ މައްސަލަ އަކީ. ޑިމޮކްރަސީ ގެ ހަމަތައް ނެތި ތި ކުރާ ކަންކަން އާއްމުން ބަލައި ނުގަންނާނެ. އެކަން ބަދަލު ކޮށް މެމްބަރުންގެ ތާއީދު އޮތް މިހުން ބަލާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގޮތްކުޑަ

30 November 2018

ހަމަ ބަރާބަރު. ތިޔަ ދަނީ ޗައިނާގެ ކޮމިއުނިސްޓު ޕާޓީ އާއި އެއްގޮތަށް. ޕާޓީގެ މެންބަރުން ކައިރީ އަހަންޖެހޭ އެކައްޗެއްވެސް ނޯންނާނެ. ދެތިން މީހުންވެގެން ހުރިހާ ކަމެއް ނިންމާނީ. މިހާރު ތިޔަ ބައިގަޑު އުތުރު ކޮރެއާ އާއި ޗައިނާގެ މޮޑެލްއަށް ރަގަޅަށް ފެތިއްޖެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހާމިދު ޝާހިދު

30 November 2018

ٱلْـحَـمْـدُ للهِ‎ އަދި ޕާޓީ މަރެއްނުވޭ. ރައީސް ޔާމީންގެ ޒައާމަތު އަހަރުމެންނަށް ދުއްވާލެވުމުގެ ހިތި މިހާއަވަހަށް ފެންނަން ފަށާއިފި. އިންޑިއާގެ މިލިޓިރީ ބޭސް ރާއްޖޭގައި ހެދުމާއި، އެގައުމުގެ ސިފައިން ބޭތިއްބުމާއި، އެގައުމުން 1 ބިލިއަން ޑޮލަރުގެ ލޯނު ނެގުމާއި، ކޯލިޝަން ތެރޭގައި އުފެދެމުންދާ މައްސަލަތައް ދަނީ އިތުރުވަމުން. އެމީހުނަށް ފާރަވެރި ވުމަށްޓަކާ ވަރުގަދަ އިދިކޮޅު ޕާޓީއަކަށް ޕީޕީއެމް ވާނެކަމަށް އުންމީދު ކުރަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަކީމް

30 November 2018

ވަރަށް ޑިމޮކްރެޓިކް ގޮތެއް ޕާޓީ ޓިކެޓް ދޭން ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޯހުދު ޒިންދަގީ

30 November 2018

ތަބަކަކާ އަޅުގަނޑު ދެކޮޅެއްނޫން. އެކަމަކު ތަބަކައްލާފަ ޓިކެޓުދިނުމާ ދެކޮޅު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސާއިދު

30 November 2018

ބޭނުން ބަޔަކަށް ބަހާލުމުގެ ބޭނުމުގައި ތި ގޮތަށް ތިނިންމަނީ. ޕާޓީގައިއަދާކުރި މަގާމައްބަލާގޮތައް ނިންމުން އެއީ ވަރަށް ބޭއިންސާފުންނިންމިނިންމުމެއް. ކޮބައިތޯ ދާއިރާ ތަކުގެ ތާއީދު ލިބިފައިވާ ބޭފުޅުންގެ ހައްގު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަރާބަރު

30 November 2018

ޕީޕީއެމް ހިނގަންޖެހެނީ މިވަގުތު ރައީސް ޔާމީނުގެ ވިސްނުމާ އެއްގޮތަށް. ކެރިގެން ގައުމު ކުރިޔަށްނެރެ 'ދިވެހިން ފަސްޓް' ޕޮލިސީގެ ދަށުން ޕީޕީއެމް ހިންގާ. ހުރިހާ ކުންޔެއް މިހާރު ބޭރުވެއްޖެ. ދެން އޮތީ އިރާދަކުރެއްވިއްޔާ އުޖާލާ ދުވަސްތަށް ކުރިއަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަބްދުﷲނާފިޒް

29 November 2018

"ޕީޕީއެމްގެ ޓިކެޓު ދޭނެ އުސޫލާ އެކު، އެ ޕާޓީއާ އެކު ކޯލިޝަން ހަދާފައިވާ ޑީއާރުޕީގެ ކެންޑިޑޭޓުންނަށް ފުރުސަތު ދޭނެ ގޮތަކާ މެދު ވެސް މަޝްވަރާ ކުރަމުން އަންނަ ކަމަށް" މުންދު ވިދާޅުވި އެވެ. ބަލަ މިހުރިހާ ދުވަހު ގޮވާނެގީ، އެމަނިކުފާނު އެކަނިމާއެކަނި ގިނިކަންޏާ ނުކުމެ ވަޑައިގެން 96ހާސް ވޯޓު ހޯއްދެވުމަކީ ވަރަށް ބޮޑު ކާމިޔާބެކޯ، އަދި ކިރިއާ މިއެނގުނީ ހުސްދޮގުކަން، ޑީއާރުޕީވެސް ޕީޕީއެމް އާއެކު ކޯލިޝަން ހެދިކަން، ދެން އަތްޖަހާ