ސްޓެލްކޯގެ މެނޭޖިން ޑިރެކްޓަ ހަސަން މުގުނީ. --މިހާރު ފޮޓޯ: ނިޝާން އަލީ
27 ޑިސެމްބަރ 2018 - 18:52
34 comments
މިދުވަސްވަރު މާލެ އިން ކަރަންޓް ކެނޑެނީ މާލޭގައި ބޭނުންކުރާ ބޮޑު ތިން އިންޖީނުގެ މެއިންޓެނެންސް މަސައްކަތްތަކެއް ކުރާތީ ކަމަށް ސްޓެލްކޯގެ މެނޭޖިން ޑިރެކްޓަ ހަސަން މުގުނީ ވިދާޅުވެއްޖެ އެވެ.
"މިހާރު" އަށް ދެއްވި އިންޓަވިއުއެއްގައި މުގުނީ ވިދާޅުވީ، މާޗު މަހުގެ ކުރިން މި ތިން އިންޖީނުގެ އޯވަހޯލް ކުރުމުގެ މަސައްކަތް ކޮށް ނިންމަންޖެހޭ ކަމަށް އޭނާ ވިދާޅުވި އެވެ.
ބޮޑު ތިން އިންޖީނުގެ ތެރެއިން އެއް އިންޖީނުގެ މެއިންޓެނެންސް މަސައްކަތް އެއްކޮށް ނިމިފައިވާ ކަމަށް އޭނާ ވިދާޅުވި އެވެ. މުގުނީ ވިދާޅުވީ، މި އިން ކޮންމެ އިންޖީނެއް އޯވަހޯލް ކުރުމަށްޓަކާއި 21 ދުވަސް ނަގާ ކަމަށެވެ. މާލެ އަށް ކަރަންޓްގެ ހިދުމަތް ދިނުމަށް ބޭނުންވާ ބޮޑު ކޮންމެ އިންޖީނަކީ ނުވަ މެގަވޮޓްގެ ކެޕޭސިޓީގެ އިންޖީނުތަކެކެވެ.
"އިތުރު ދެ އިންޖީނެއް އެބަޖެހޭ އޯވަހޯލް ކުރަން. މި އިންޖީނުތަކަކީ ގާތްގަނޑަކަށް ދެތިން އަހަރުން އޯވަހޯލް ކުރަންޖެހޭ އިންޖީނުތަކެއް. ބޮޑު އިންޖީނެއްގެ ހޯވަހޯލް ކުރުމުގެ މަސައްކަތް ކުރަމުންދާ އިރު އެހެން އިންޖީނެއްގެ މައްސަލައެއް ދިމާވެއްޖިއްޔާ ލޯޑު ހިފަހައްޓަން އެއްބައި ފަހަރަށް އެބަ ދަތި ދިމާވޭ،" މުގުނީ ވިދާޅުވި އެވެ.
އޭނާ ވިދާޅުވީ، މި މަސައްކަތްތައް ކުރިއަށްދާއިރު ދޭތެރެ ދޭތެރެއިން މާލެއިން ކަރަންޓް ކެނޑުމަކީ އެކަށީގެންވާ ކަމެއް ކަމަށެވެ.
މި މައްސަލަ މިދުވަސްވަރު ދިމާވަނީ މި ފާއިތުވެދިޔަ އަހަރުތަކުގައި މާލޭގެ ކަރަންޓްގެ ހިދުމަތުގެ ކެޕޭސިޓީ އިތުރު ކުރުމަށް މަސައްކަތް ކުރެވިފައިނުވާތީ ކަމަށް އޭނާ ވިދާޅުވި އެވެ. އެގޮތުން 2017 ވަނަ އަހަރާއި 2018 ވަނަ އަހަރު ވެސް ކެޕޭސިޓީ އިތުރު ކުރުމަށް މާބޮޑު މަސައްކަތެއް ސްޓެލްކޯ އިން ކޮށްފައިނުވާ ކަމަށް އޭނާ ވިދާޅުވި އެވެ. އެހެން ނަމަވެސް ކޮންމެ އަހަރަކުވެސް އިމާރާތް ކުރާ ބިލްޑިންތައް އަންނަނީ އިތުރު ވަމުން ކަމަށް މުގްނީ ވިދޅުވި އެވެ. އެހެން ކަމުން ސްޓެލްކޯ އިން މާލޭގައި ކެޕޭސިޓީ އިތުރު ކުރުމުގެ މަސައްކަތަކީ އަބަދުވެސް ކުރަންޖެހޭނެ މަސައްކަތެއް ކަމަށް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިލްހާމް
29 December 2018
ކަރަންޓް ކަޑަނީ ބިލުވަނީ ބޮޑު ވަޒީފާތަކުން ބޭރުކުރަނީ ނަގާ ދަރަނި ލޯން ވަނީ ގިނަ އަޅުވެތިކަމުގެ ބިރު ވަނީ ބޮދު
ދިރުވާލު
29 December 2018
މާލޭގައި އެންމެ ފަހުން ބެހެއްޓުނީ 8 މެބަވޮޓްގެ އިންޖީނެއް، އެއީ ފޯތު ޕަވާގެ ތިން އިންޖީނުން އެންމެ ފަހުގެ އިންޖީނު، ފޯތުޕަވާގެ 2 އިންޖީނު ބެހެއްޓުނީ މައުމޫނުގެ ވެރިކަމުގައި އެކަމަކު ނަޝީދުގެ ވެރިކަމުގައި އަދި ޑރ. ވަހީދުގެ ވެރިކަމުގައި ކަރަންޓްދެވުނީ، ދެން އޭގެ ފަހުން 1 އިންޖީނު ބެހެއްޓި އެއީ ޔާމީނުގެ ވެރިކަމުގައި، ދެން 3 އިންޖީނު އެއްފަހަރަކާ އޯވާ ހޯލްކުރަންޖެހޭ ސަބަބެއް ނޭގުނު، ކޮބާ ދެން ބެހެއްޓުނު ކުޑަ 3 އިންޖީނު؟
އިބިރިހިންބެއްޔާ
29 December 2018
ހުޅުހުމާލޭގައި ރަގަޅު ޕަވަރ ސްޓޭޝަނެއް ހައްދަވާ އިމަރޖެންސީ ޙާލަތުގައި ދެކޮޅުން ދެކޮޅަށް ކަރަންޓް ދެވޭ ސިސްޓަމަކަށް އިންވެސްޓްކުރުން އެއީ ހައްލެއް. "OTEC" ފަދަ ތިމާވެއްޓާއި ރައްޓެހި، މި މާހައުލާއިގުޅޭ ޓެކޮނޯލޮޖީ އާއި ދިމާލަށް ދާންފެށުންވެސް ބުއްދިވެރި.
މަމީ
28 December 2018
އަޅެ ފަހެ ކަލޭމެން ކަރަންޓު ލިބޭކަމަށްޓަކައި ޝުކުރުވެރި ވެބަލަ!! ލިބޭ އިރު އެކަމަށް ޝުކުރުވެރިނުވެ މިނިޓަކަށްވެސް ކަރަންޓުގޮއްސިޔާ އެޖެހުނީ ބޮޑުތާ!!! ނިކަން ކެތްތެރިވެގެން ތިބެބަލަ އެރަނގަޅު ކޮށްގެން ކަރަންޓު ފޯރު ކޮށްދެެވެންދެން!!
މުކައްބަ
28 December 2018
އަޅެ ތިނޫން ވަރެއް ދުވަހަކުވެސް ވޭތަ. ޙައިރާންވޭ
މުހައްމަދު/ހިތަދޫ/ބީޕީ
28 December 2018
ތިކަހަލަ ދެވުޅި އެއްނުވާ ވާހަކަ ތަކަކީ އެއްވެސް މީހަކު ގަބޫލު ކުރާނެ ވާހަކަތަކެއްނޫން.. ޕަވަރ ޖަނެރޭޓަރު ތަކުގެ މެއިންޓެނަންސު ކަންތައް ކުރަމުން ދަނީ ރޭވިފައިވާ ވަކި އުސޫލުތަކުގެ ތެރެއިން ބޭނުންކުރާ ހުރިހާއިންޖީނުތަކެއް އެއްފަހަރާ ހުއްޓައިގެން މޭޖަރ އޮވަރހަލްކުރާ ކަމެއްނުދަންނަން..ޓެކުނިކަލް ދާއިރާތަކުގެ މެނޭޖުމެންޓުގައި އެދާއިރާއާއި ގުޅުންނެތް ބަޔަކު އިސްކުރުމުން ތަނުގައި ތިބޭ ތެކުނިކަލްސުޓާފުން އެމީހަކު ގުނބޫ ހައްދައި ކޮސްކޮށްލާމަންޒަރ އެބަފެނ
އިބިރިހިންބެއްޔާ
29 December 2018
"...ބޮޑު އިންޖީނެއްގެ ހޯވަހޯލް ކުރުމުގެ މަސައްކަތް ކުރަމުންދާ އިރު އެހެން އިންޖީނެއްގެ މައްސަލައެއް ދިމާވެއްޖިއްޔާ ލޯޑު ހިފަހައްޓަން އެއްބައި ފަހަރަށް އެބަ ދަތި ދިމާވޭ" ވާނުވާ އެބަ އެގޭތޯ؟
އަކމެޑް
28 December 2018
މައްސަލަ އަކީ ބޮލަށް ކަނޑާ ސިޔާސަތު
މައްސަލައަކީ
28 December 2018
މައްސަލައަކީ ކަރަންޓް ކެނޑުމެއްނޫން. އޯވަރހޯލްކުރުމާ އެހެން މަސައްކަތްތައްވެސް ކުރާއިރު ކަރަންޓް ހިނގައިދާނެކަން ވިސްނޭނަމަ ކުރީބައިގައި އަންގާލުން މުހިއްމީ. ވަކި ގަވައިދަކުން އެކި ހިސާބުން ކަރަންޓު ކަނޑައިގެންވެސް ކުރަންޖެހޭ މުހިއްމު މަސައްކަތް ކުރަންޖެހޭނެކަން އެންމެންވެސް ދަންނާނެ. އެކަމު އެކަން ރާވާލައިގެން ކުރީބައިގައި އަންގާނުލެވުން މައްސަލައަކީ.
ރޭނިގޭ އާދަންބެގެ އަހުމަދުގެ މުހަންމަދު
28 December 2018
މާލޭގެ ޕީކް ލޯޑް އައް ބޭނުންވަނީ ކިތައް މެގަވޮޓުތޯ؟
ރޭނިގޭ އާދަންބެގެ އަހުމަދުގެ
28 December 2018
މާލެ ވަރުގެ ކުޑަ ފިނޮޅަކަށް ބޭނުންނުވާ ވަރުގެ އެލެކުޓުރިކު އެބަ ދޭންޖެހޭ. މިކަމަކީ ރާއްޖެތެރޭގެ މީހުންގެ އިތުރުން ބަންގާލު މީހުން މިފިނޮޅަށް އަރައި ގަދަ ކޮށްފައިވާތީ ކަރަންޓު ދޭންޖެހޭ އެބަ 34.7 މެގަ ވާޓުސް ޕީކު ފަޑީގައި އެވާހަކަވުނެލީ
މޮޑޮޮ...
28 December 2018
އިިންޖީނެެއްނޫން ޖަނަރޭޓަރު
އަކމެޑް
28 December 2018
???
ޝަހުމާ
28 December 2018
ޖަނެރޭޓަރ އެއީ ކޯއްޗެއްކަން ނޭގުނަސް އަނގަބާނާތި، އިންޖީނުގެ އެހީގައި ޖެނެރޭޓުވެ އެލެކުޓުރިސިޓީ އުފެދެނީ ދިވެހިރާޖޭގެ މޭޖަރ އެކެކުޓުރިކު ޕުރޮޑިއުސް ކުރަނީ ޑީޒެލް އިންޖީނުތަކު އެހީގައި. ބެއްޔާ ސާފުވެއްޖެތޯ އަހަރުމެން މީ އަދި ގުރޭޑު 8 ގެ ކިޔަވާކުދީން