ރާއްޖޭގެ އެންމެ ބޮޑު ބޭންކް ބީއެމްއެލް: އެތެރޭގެ ހިޔާނާތުގެ މައްސަލައެއް ވަނީ ފެންމަތިވެފައި
14 ޖެނުއަރީ 2019 - 15:42
60 comments
ބީއެމްއެލްގެ މުވަައްޒަފުންތަކެއް އެތައް މިލިއަން ރުފިޔާއަކަށް ހިޔާނާތްވި މައްސަލައެއް އެ ބޭންކުން ބަލަން ފަށައިފި އެވެ.
"މިހާރު" އަށް އެނގިފައިވާ ގޮތުގައި ހިޔާނާތުގެ ތުހުމަތު އެޅުނު މުވައްޒަފުން ހިންގާފައިވާ މުއާމަލާތްތައް، ބޭންކްގެ އެތެރޭގެ އޮޑިޓަރުން މިހާރު ގެންދަނީ ބަލަމުންނެވެ.
އެފަދަ ހިޔާނާތެއްގެ މައްސަލަ ފެންމަތިވެ، ބަލަމުންދާކަން ބީއެމްއެލުން ދޮގެއް ނުކުރެ އެވެ.
ބީއެމްއެލްގެ އޮފިޝަލަކު ވިދާޅުވީ ބޭންކުގައި ހިނގާފާނެ ނުރަނގަޅު އަމަލެއް ނުވަތަ އިހުމާލެއް ދެނެގަތުމަށް ހަރުދަނާ ގަވައިދުތަކާއި އުސޫލުތަކުގެ އިތުރުން އިންޓާނަލް ކޮންޓްރޯލްތައް ވެސް އެބޭންކުގައި ގާއިމްކޮށްފައިވާ ކަމަށެވެ. އަދި އެއްވެސް މުވައްޒަފަކު ގަވައިދާ ހިލާފު ކަމެއް ކޮށްފި ނަމަ ތަހުގީގީ އިދާރާތައް މެދުވެރިކޮށް އެކަމެއް ތަހުގީގުކޮށް އަޅަން ޖެހޭ އެންމެ ހަރުކަށި ފިޔަވަޅު ބޭންކުން އަޅާނެ ކަމަށް ވެސް އޭނާ ވިދާޅުވި އެވެ.
ރާއްޖޭގެ ގައުމީ ބޭންކްގެ އެތެރޭގެ މި ހިޔާނާތުގެ ވާހަކަ ސޯޝަލް މީޑިއާގައި ވެސް ދަނީ ފެތުރެމުންނެވެ. ބައެއް މީހުން ތުހުމަތުކުރާ ގޮތުގައި އެ ހިޔާނާތުގެ އަގު 8 މިލިއަން ރުފިޔާއަށް އަރަ އެވެ. އެކަމަކު އެ ތުހުމަތުގައި ހިމެނެނީ ކިތައް މުވައްޒަފުންކަމެއް އަދި އެ މީހުން ހިޔާނާތްވީ ކިހާ އަދަދެއްގެ ފައިސާއަކަށް ކަމެއް، "މިހާރު"އަށް އެނގިފައެއް ނުވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަޑަ
16 January 2019
ބޭންކް ނަމުގަ ފާޑުފާދު ކޯލް ވެސ މި ކުރަނީ ބޭންކު ތެރެއިން މިކަންކަމަށް މަގުފަހި ކުރެވިގެން. ބޭންކް މުވައްޒަފުން އެކި މީސްމީހުންގެ އެކައުންޓް ތަކުން ލާރި ކޮޅު ކޮޅު ނަގާ ވާހަކަ މީގެ އެތައްއަހަރެއް ކުރިންވެސް އަޑުއިވޭ. އެއީ 50 ލާރި ނުނީ 80 ލާރި މަދުވެގެން ބޭންކަށް ގުޅާނީ ނުނީ ދާނީ ވަރަށް މަދު މީހެއްކަމަށް ބޭންކުގަ އުޅެފަތިބި މީހުން ބުނަނީ. ދިޔައިމަ ކޮންމެސް އެއްޗެއް ކިޔާފަ އެކަން ހަމަ ޖައްސާލަނީ
އައްލާބެއްޔާ
15 January 2019
ތަން ދަވާލައިގެން ޖަލަށް! ދެން ޖަލުން ހުކުމް ތަންފީޒު ކޮއްނިމިގެން ވަނީ ބޮޑު މުއްސަންޖަކަށް!
މާރަނގާ - އައްޑޫ ސިޓީ
15 January 2019
ރާއްޖޭގައިއަށަގެންފައިވާ ހިޔާނާތުގެސަޤާފަތަށްބަލައި 3 ސިޓީގެ ހިއްސާއެކުލެވޭގޮތަށް ސޯލިޙްގެ ސަރުކާރުން އުފައްދާން ނިންމި އެސްއެމްއީ ބޭންކްގައި ރާއްޖޭގައި ބްރާންޖޭގައި ބްރާންޗެއްނެތް ޓްއަރިޒަމްއަށް ނުވަތަ ރިއަލްސްޓޭޓަށް ފައިނޭންސް ކުރުމަށް ޙާއްސަ އެމަރިކާ، ކެނަޑާ ،ނުވަތަ އީޔޫ ބޭންކެއްގެ ހިއްސާ ހިމެނުމުގެ މުހިންމުކަން އެގިގެން ހިގައްޖެ. * * ހިޔާނާތް ހުއްޓުވުމަށް ވަފާތެރުބައެއްގެ
މާރަނގާ - އައްޑޫ ސިޓީ
15 January 2019
ބެންކް އޮފް މޯލްޑިވިސްއަކީ ދުނިޔޭގެ ފައިނޭންޝިއަލް ޤާނޫނާއި ގަވާއިދާއިއެއްގޮތަށް އަދި ރާއްޖޭގެ މާލީ ޤާނޫނުތަކާއި މަރުކަޒީބޭންކްގެ ހުރިހާނިންމުންތަކަށް ބޯލަބައިގެން ހިންގާންޖެހޭ ދިވެހިރައްޔިތުންނާއި ދައުލަތް ހިއްސާވާ ޕަބްލިކް ކުންފުންޏެއް. * * ބޭންކް ތެރެއިން މިފަދަ ޖަރީމާއެއްހިންގާ “ބޭންކް ދޮވެލިއިރު” ބޭންކް އޮފިޝަލުންނާއި ބޯޑްމެންބަރުން ހެވިލާފައި ތިބެން ފުރުސަތުދިނުމަކީ ސަރުކާރުގެ އިހްމާލެއް. މިކަމަށް ވަގުތުން ފިޔަވަޅުއަޅާންޖެހޭ.
ޕްލޫޓަކުރެޓް
15 January 2019
ހުރިހާ ކުންފުނިތައް، އޮފީސްތައް ކޮންނަންޖެހޭނެ. ހަމަކަށަވަރުން ސީއީއޯ އިންނާ އޮފީސްތަކުގެ ވެރިންވާނީ މަކަރާ ހީލަތާ ބޮޑެތި ވައްކަންތައް ކޮށްފައި. ޔާމީން އެޑްމިނިސްޓްރޭޝަންގެ ބޭނުމަކަށްވީ ރައްޔިތުން ނެތި ފަނާކޮށްލުން. އެ އެއްމެންނަށް ރައްޔިތުންނަށް ބޭނުންގޮތެއް ހާދާފަ އުފަލުގައި ނޫޅެނެކަން ދައްކަންޖެހޭނެ އަދި ވަރުގަދަ އަދަބެއް ދޭންވާނެ.
އެޔާމީނު
15 January 2019
އެމީހުން ވެސް މިދިޔަ އިންތިޚާބު ދުވަސް ވަރު ޔާމީނަށް ވަގަށް ގޮވާފަ ހުންނާނެ.
މުދިމު
15 January 2019
MMA ކުރަނީ ކޮން ކަމެއްތަ.އެބަ ޖެހޭ ރައްޔިތުންގެ ފައިސާ ައަށް ވާ ގޮތް ގާތުން ބަލަން
kަަK
15 January 2019
tީ ތީއާކަމެއް ނޫން. ލާރި މަދުވެގެން ބޭންކަށް ރިޕޯރޓް ކުރިއަސް އަޅާނުލާނެ. ޢެމްއެމްއޭ އޮންނަނީ ބާރު ކެޑިފައި. ބީއެމްއެލް މާ ބާރުގަދަ.......... އެހާމެ ބޮޑާ ވެރިން ... ބި
މާރަނގާ - އައްޑޫ ސިޓީ
15 January 2019
ބޭންކާއިބެހޭ އެއްވެސްތައުލީމެއް ތަމްރީނެއްނެތި 1982 ގައި ބޭންކްހުޅުވަން އެތަނަށްވެއްދި “ނުފޫޒުގަދަ ކަނބަލުންތަކެއް” އިތުރުތަމްރީނެއްނެތިތިތަނުގެ އެންމެއިސްވެރިންގެގޮތުގައި ތިބުމަކީވެސް ހަމަޖެހޭކަމެއްނޫން. * * ޤައުމީބޭންކަށް 37 އަހަރުވާއިރު ބޭންކްގެ ސީއީއޯ ކަން އަދާކުރެވޭ ފެންވަރުގެ ދިވެއްސަކުނެތްނަމަ އެފަދަ މިހަކު ތަމްރީނުކޮށްގެންވިޔަސް ތިތަނަށް ގެނައި ސިންގަޕޯރ އަދި އިޤިރޭސިވިލާތު މީހާގެ ފަރާތުންކުރި ހިތިތަޖުރިބާ އިއާދަ ނުވާނެގޮތެއް ހޯދަންޖެހޭ.
ޕްލޫޓަކުރެޓް
15 January 2019
މައްސަލައަކީ ދިވެހިން ނުދެކޭ ދިވެހިންނަކީ ވިސްނުންތޫނުބައެއްް ކަމަށް. ކޮންމެ މީހަކުވެސް އެމީހާގެ އަމިއްލަ ނަފުސަށް އިތުބާރުކުރަންޖެހޭނެ، ތިމާއަކީ މީހެއްކަން ގަބޫލްކުރަންޖެހޭނެ. އެކަމަކު އަހަރަމެންގެ ތެރޭގަ ކަންތައް އޮންނަގޮތަކީ ބަޔަކު ކަމެއްކުރީމަ ކަމެއްކުރީމަ ކަމެއްކުރަނީ. އެއްވެސްކަމަކާ ބުއްދިއެއް ވިސްނުމެއްނުކުރޭ. ނާސްތާ ޕްރޮޖެކްޓަކީވެސް އެ ޒާތަށް ގޮސް އޮތް ކަމެއް. މީގެ ސަތޭކައަހަރުކުރިން ސްކޫލަށްދަނީ ނުކައި، އެހެންވެ އެގައުމުގައި އެކަންތައް
ކިޔު5
15 January 2019
އެކައުންޓްތަކުން ވައްކަން ކުރެވިދާނެ ބާ؟!! މިމަހު 9 ހާ ހިސާބުގަ މަގޭ އެކައުންޓުން، ގެއަށް ފައިނޭންސް ކޮށްދިން ފަރާތަށް ކަނޑަންޖެހޭ މިންވަރު އުނޮކުރެވިފައިވޭ. އެކަމަކު، ތަފްސީލަށް ބަލާއިރު އެ އަދަދު ކަނޑާފައިވާކަމަށް ނުދައްކާ. 2 ވަނަ ދުވަހު އެކަން ހަމަޖެހުނީ!!
ޕްލޫޓަކުރެޓް
15 January 2019
އަދި މިނީސްޓޭޓްމަންޓް ނަގާ އިރު ލާރިނަގާ ތާރީހުވެސް އިންނަނީ އޮޅުވާލާފަ. ރެޑިކަލް ރިފޯމްތައް ގެންނަން އެބަޖެހޭ. މިކަހަލަ ހުރިހާ ކަމަކަށްވެސް. ސެޓިފިކެޓެއް ނެތަސް ސީއީއޯ ކަން ކުރެވިދާނެ. ބޭނުން އެއްޗަކީ ވިސްނުންތޫނުކަން. ސެޓްފިކެޓް އޮތުމަކީ ވުސްނުންތޫނުކަން އަންގައިދޭކަމެއް ނޫން. ދަރީންނޭ ހޭލަބަލަ!