ބޭންކް އޮފް މޯލްޑިވްސް ހެޑް އޮފީސް
15 ޖެނުއަރީ 2019 - 14:43
44 comments
ހިޔާނާތުގެ މައްސަލައެއްގެ ތުހުމަތުގައި ބީއެމްއެލުން ސަސްޕެންޑްކޮށްފައިވަނީ އެތަނުގައި ވަޒީފާ އަދާކުރަމުން އަންނަ ދެމަފިރިން ކަން "މިހާރު" އަށް އެނގިއްޖެ އެވެ.
އެކަމަކު އެނގިފައިވާ ގޮތުގައި އެ ދެމަފިރިން ވަޒީފާ އަދާކުރަނީ އެއް ޑިޕާޓްމަންޓްގައެއް ނޫނެވެ. ބީއެމްއެލްގެ އެތެރޭގެ އުސޫލުތައް ހަމަޖެހިފައި އޮންނަ ގޮތުން، ދެމަފިރިންނަށް އެ ބޭންކްގައި ވަޒީފާ އަދާކުރެވުނަސް، އެއް ޑިޕާޓްމަންޓްގައެއް ނޫޅެވޭނެ އެވެ.
އެއްދުވަސްވަރެއްގައި ބީއެމްއެލްގައި ދެމަފިރިންނަށް ވަޒީފާއެއް އަދައެއް ނުކުރެވެ އެވެ. އޭރު ބޭންކްގެ ވަޒީފާގައި އުޅެމުން ކައިވެންޏާ ހަމައަށް ދިޔަ ބައެއް މީހުން ވަނީ، ދެމަފިރިންގެ ތެރެއިން އެކަކު ބޭންކްގެ ވަޒީފާ ދޫކޮށްލައިފަ އެވެ.
ބީއެމްއެލްގެ ފައިސާތަކަކަށް ހިޔާނާތްތެރިވި މައްސަލަ އެ ބޭންކުން މިހާރު ގެންދަނީ ބަލަމުންނެވެ. އެކަމަކު އެ މުވައްޒަފުން ހިޔާނާތްތެރިވީ ކަސްޓަމަރުންގެ ފައިސާއަށް ނޫންކަން އެނގިފައިވެ އެވެ. އެއީ ބީއެމްއެލްގެ އޮޕަރޭޝަންތަކުގައި ބޭނުންކުރާ ފައިސާކަމަށް ވެ އެވެ.
ބައެއް މީހުން ތުހުމަތު ކުރާ ގޮތުގައި އެ ހިޔާނާތުގެ އަދަދު އަށް މިލިއަން ރުފިޔާ އަށް އަރަ އެވެ.
މި މައްސަލާގައި ބީއެމްއެލްގެ އޮފިޝަލަކު އިއްޔެ ވިދާޅުވީ ބޭންކުގައި ހިނގާފާނެ ނުރަނގަޅު އަމަލެއް ނުވަތަ އިހުމާލެއް ދެނެގަތުމަށް ހަރުދަނާ ގަވައިދުތަކާއި އުސޫލުތަކުގެ އިތުރުން އިންޓާނަލް ކޮންޓްރޯލްތައް ވެސް އެ ބޭންކުގައި ގާއިމްކޮށްފައިވާ ކަމަށެވެ. އަދި އެއްވެސް މުވައްޒަފަކު ގަވައިދާ ހިލާފު ކަމެއް ކޮށްފި ނަމަ ތަހުގީގީ އިދާރާތައް މެދުވެރިކޮށް އެކަމެއް ތަހުގީގުކޮށް އަޅަން ޖެހޭ އެންމެ ހަރުކަށި ފިޔަވަޅު ބޭންކުން އަޅާނެ ކަމަށް ވެސް އޭނާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސްޕެއަރއެންޑްއެރޯ
16 January 2019
ދެމަފިރިންގެ މޞްރާބު އެއްދިމާއަކަށް ޔައުނީ ވައްކަން ކުރުމުގަ ދަރިންނަށް މި ކާންދެވުނީ ކޯއްޗެއްބާ؟
ކިޔާބަލަ.. ބުނެބަލަ
16 January 2019
ދިވެހިންގެ ބޭންކް އިން ވައްކަންކުރި މީހުންގެ ނަން ހާމަ ކޮށް ސޯސަލް މީޑިއާގައި އެމީހުން ގެ ފޮޓޯ ނުޖަހަނީކީއްވެބާ؟ އެމީހުންނަކީ ކޮންބައެއްކަން ނޭންގޭގޮތައް ސިއްރު ކޮއްގެން އުޅުމަކީ ދެވަނަ ފަހަރައް ވެސް އެކަން ކުރުމައް އެޅޭ ބާރެއް... ދެން އެހެން ވަޒީފާތަކަށް އެމީހުން ގޮއްސަ ވެސް ހަމަ އެކަން ތަކުރާރު ވުމަކީ ދުރުކަމެއްނޫން.....!!!!
ޢެޑްމުންޑޯ
15 January 2019
ވަރަށް ހަރުދަނާވެއްޖެނުން ، 2011 އިން ފެށިގެން މިއަދާ ހަމައަށް 8 މިލިއަން ރުފިޔާ ދަވާލި އިރުވެސް ރޭކާވެސް ލީނޫނިއްޔާ ، ހަރުދަނާވެގެން ވާނީ ތިވަރު
ގޮތްކުޑޭ
15 January 2019
ފުލުހުން ނުޖެހޭތަ މިކަން ބަލަން؟ އެވެސް އެމްސީ ހަމީދުކާރި ބުނަންތަ ޖެހެނީ؟
ބިސްބެ
15 January 2019
ފުލުހުން މައްސަލަ ބަލާނީ ފުލުހުންނަށް ރިޕޯޓް ކުރީމަ. އަދޮ ތަަނަކު ކަމެއް ހިގިޔަސް ބޯގަޅާކަށް ނުޖެހޭނެ
ބާގީން
16 January 2019
މައްސަލައި ގައި ދައުވާ ކުރާނެ ފަރާތެއް ނެތިއްުޔާ؟؟
މާރަނގާ - އައްޑޫ ސިޓީ
15 January 2019
ދިވެހިންނަކީ ކޮންމެ ކަމެއް ވެސް “ވަރިހަމަ ކުރާ ބަޔަކަށް ވާތީ” މިފަދަ ކަންކަން އާންމުވޭ. ކޮންފްލިކްޓް އޮފް އިންޓްރެސްޓް އަކީ ދިވެހިންނަށް މުހިންމު އެއްޗެއް ނޫން. އަދި އަހަރުމެން ގިނަ ރައްޔިތުން އެކަންކަން ސީރިއަސް ކަމަކަށް ނުނަގާ. ޓެކްހަކީ ދައުލަތެއްގެ ފުރާނަ ކަމުގައިވާއިރު ޓެކްސް އޮފީހުގެ ވެރިޔާގެ އަންހެނުން ޓެކްސް ޓްރައިބިއުނަލްގެ ވެރިއަކަށް ހުރުމުގެ ނަތީޖާއާއި މެދު ވިސްނަނީ ކިތައް މީހުންތޯ؟ މިއީ މި ދައުލަތުގެ ހާލަތު.
އިބްރާހިމް ބިން ސުފްޔާން
15 January 2019
މިހާ ކުޑަ މުޖުތަމައުއެއްގަ ތިބުނާ ނޫން ބަޔަކު ނޫޅޭނެ. ތިބާ މީރާގަ އުޅެންޏާ އަންހެނުން ފިނޭންސް މިނިސްޓްރީގަ ދަރި އެމް.އެމް.އޭގަ. މިއީ މިކަން އޮތް ގޮތް. އެހެންވީމަ ދެމަފިރިންނަށް އެއްބޭންކެއްގަ ނޫނީ އެހެންތަނެއްގަ ނޫޅެވޭ ގޮތް ހެދުމަކީ މުޅިއަކުން ހައްލެއް ނޫން. ސަބަބަކީ އާބާދީ ނިސްބަތުން މަދު ގައުމެއް ވީމާ ހުރިހާ ދާއިރާއެއްގަވެސް ޢާއިލީ ގުޅުން އޮންނަ މީހުން ގިނަކަން.
ދައްތި
15 January 2019
ބޭންކުތަކުގައިވެސް، މިނިވަން މުޢައްސަސާތަކުގައިވެސް ދެމަފިރިންނަށް ނޫޅެވޭގޮތް ހަދަންވީ. ގުޅިގެން ހިންގާ ޖަރީމާތައް މިހުންނަނީ. އަދި އަނެއް މައްސަލައަކީ ނުއިނަސް ރައްޓެހިވެގެންވެސް އެތައް ދުވަހެއް ވަންދެން އެބައުޅޭ. ސުވާލަކީ އިނުމެކޭ ނުއިނުމެކޭ ކޮބައިހޭ ތަފާތަކީ.
ހައި
15 January 2019
މިއީ އާންމުކަމަކަށް ނުވިޔަސް މި ހަމަ އަބަދުމެ ހުރިހާ ބޭންކެއްގަވެސް ހިނގާކަމެއް. ދިވެހިރާއްޖެއެކަންޏެއްނޫން، ހުރިހާ ދިމާލެއްގަވެސް ހިނގާ ސީރިއަސް ކަމެއް. ދާދިފަހުން ބޭންކެއްގަ އުޅޭ އުތުރުގެ ރަށަކަށް ނިސްބަތްވާ އަންހެނަކުވެސް ވަނީ ބޭންކުގަ ހުރި މީސްމީހުންގެ ފައިސާއިން ގެއެއްގެ ފިނިޝިންހަދާފަ. އެގެ ކުއްޔަށްދީގެން އެ ފައިސާ ހަމަވެސް ކޮށްފި.
މާރަނގާ - އައްޑޫ ސިޓީ
15 January 2019
އެހެންވީމަ އަޑުއުފުލަމުން މިދަނީ ބޭންކް ހިންގާން ތިބީ ޤާބިލް ބައެއް ނޫންކަމަށް. ދައުލަތާއި ރައްޔަތު ހިއްސާވާ ބެންކެއްގައި ކަސްޓަމަރުންނާއި ހިއްސާދާރުންގެ ފައިސާ ނޫން ފައިސާއެއް ހުރި ވާހަކަ ބުނުމަކީ ކޮން ފަދަ އަޖާއިބެއް! ތިއީ 2 މީހަކަށް ބޭންކް ތެރޭގައި ހިންގިދާނެ އަދި މިލިޔަނުން ވައްކަންކުރާން އެތައް އަހަރެއް ވަންދެން ފުރުސަތު ހޯދޭނެ ކަމެއް ނޫން. ދައުލަތުގެ ބޭންކެއް ލޫޓުވާލުމަކީ ބޮޑު ޖަރީމާއެއް. ވަގުން ނެކޭ އެއްފަދައިން “އިހްމާލުވި މީހުންނަށް” ފިޔަވަޅު އަޅާން ޖެހޭ.
ޢިސްމާލު
15 January 2019
ދެމަފިރިންގ އެންމެ ގިނައީ އެސްޓީއޯގަ. ފްލެޓްވެސް ލިބުނު ކަމަށްވަނީ ދެމީހުންނަށް.
ޝެލަރީ
15 January 2019
ކޮބާހޭ އެމްއެމްޕީއާރުސީ ފައިސާތައް އެނބުރިއިރު ހުރި ސީއޯ އޭނަވެސް ބެޗީ މޮޅު ވާހަކައެއް ދައްކާފަ ދެއްތޯ؟