"ހަވީރު" އާއި "މިހާރު"ގެ ލިއުންތެރިޔާ އަހުމަދު އަބްދުﷲ ސައީދު، އޭނާ "މިހާރު"ގައި ބޭނުންކުރެއްވި މޭޒު ކައިރީގައި
16 ޖެނުއަރީ 2019 - 08:21
23 comments
ނޫސްވެރިކަމުގައި ދިގު މުއްދަތެއް ހޭދަކުރެއްވި އަހްމަދު އަބްދުﷲ ސައީދު، "ހަވީރު" އާއި "މިހާރު" އަށް ކޮށްދެއްވި ޚިދުމަތުގެ އަގު އިއްޔެ ވަޒަންކޮށްފި އެވެ.
މީގެ، 15 އަހަރު ކުރިން "ހަވީރާ" ގުޅިވަޑައިގަތް އަހްމަދު ނޫސްވެރިކަން ދޫކޮށްލެއްވީ މިދިޔަ މަހުގެ ތެރޭގަ އެވެ. "ހަވީރު" ހުއްޓާލަން މަޖުބޫރުވުމުން ނެރުނު "މިހާރު" ގައި ދެ އަހަރު މަސައްކަތް ކުރެއްވުމަށް ފަހު އޭނާ ވަކިވެވަޑައިގަތީ ރައީސް އޮފީހުގެ އިސް މަގާމަކަށް ވަޑައިގަތުމަށެވެ.
އަހުމަދު މިހާރު ހުންނެވީ ރައީސް އޮފީހުގެ އަންޑަ ސެކްރެޓަރީގެ މަގާމުގަ އެވެ.
އޭނާ "ހަވީރު" އާއި "މިހާރު" އަށް ކޮށްދެއްވި ޚިދުމަތުގެ އަގު ވަޒަންކުރަން "މިހާރު"ގައި ބޭއްވި ހަފުލާގައި، "ހަވީރު" ނޫހުގެ ޗެއާމަން ޑރ. މުހައްމަދު ޒާހިރު ހުސެއިން، ހާއްސަ މެހެމާނެއްގެ ގޮތުން، ބައިވެރިވެވަޑައިގަތެވެ. ދެ ނޫޙަށް އޭނާ ކޮށްދެއްވި ހިދުމަތުގެ އަގުވަޒަންކުރުމުގެ ގޮތުން ޚާއްސަ ފިލައެއް ވަނީ އަރުވައިފަ އެވެ.
ލިއުންތެރިކަމުގައި އަހުމަދުގެ ދެއްކެވި ނަމޫނާ އާއި ކޮށްދެއްވި ޚިދުމަތް ބަލައިގަނެ ޒާހިރު އޭނާއަށް ޝުކުރު އަދާކުރެއްވި އެވެ.
ނޫސްވެރިކަމުގެ ދާއިރާ އަށް އަހުމަދު ވެންނެވީ "މިއަދު" ނޫހުންނެވެ. އޭގެ ފަހުން އޭރު މަޝްހޫރުވި ހަފުތާ މަޖައްލާއެއް ކަމަށްވާ "އުދަރެސް"ގައި އިސްކޮށް އުޅުއްވި އެވެ. "ހަވީރު"އާ ގުޅިވަޑައިގަތީ 2004 ގަ އެވެ. އޭގެ ފަހުން "މިހާރު" އިން ވަކިވެވަޑައިގަތުމާ ހަމައަށް އަހުމަދު ގެންދެވީ ޝައުގުވެރި، އާއްމުންނަށް ބޭނުންތެރި، މުހިއްމު ލިއުންތަކެއް ލިއުއްވަމުންނެވެ. އޭގެ އިތުރުން ލިއުންތައް އެޑިޓް ކުރައްވައި ނޫސްވެރިން އުފެއްދެވުމުގެ މަސައްކަތް ވެސް ކުރެއްވި އެވެ.
"މިހާރު"ގެ ބައެއް މުވައްޒަފުންނާއި "ހަވީރު"ގެ ކުރީގެ ޗެއާމަން ޑރ. ޒާހިރުއާ އެކު އަހުމަދު ފޮޓޯއަކަށް ހުއްޓިގެން
"މިހާރު"ގެ އެޑިޓަރު މޫސާ ލަތީފް، އަހްމަދު ސިފަކުރެއްވީ، ރާއްޖޭގެ ގިނަ ނޫސްވެރިންނާ ޚިލާފަށް، ހުރިހާ ދާއިރާއަކަށް ވެސް ލިއުއްވަން ކުޅަދާނަ ބޭފުޅެއްގެ ގޮތުގަ އެވެ. ޚާއްސަ ގޮތެއްގައި ފާހަގަކުރެއްވީ ފަލަކީ އިލްމާ ގުޅޭ ގޮތުން އަހްމަދުގެ ލިއުއްވުންތަކެވެ. ރާއްޖޭގައި އެ ދާއިރާ އިން ލިއުއްވަނީ މަދު ބޭފުޅެކެވެ.
"ލިއުންތެރި ކަމުގައި އަހުމަދަކީ ތަފާތު ހުނަރު ލިބިވަޑައިގެން ހުންނެވި ބޭފުޅެއް. ހަތަރު ބަސް ދެނެވަޑައިގެން ހުންނެވުމަކީ ލިއުންތައް މުއްސަނދިވުމުގެ އެއް ސަބަބު. އަރަބި ރަނގަޅަށް ދެނެވަޑައިގަންނަވާ، އިނގިރޭސި، އުރުދޫ ވެސް އެނގިވަޑައިގަންނަވާ،" މޫސަ ވިދާޅުވި އެވެ.
"އަހުމަދު ކަހަލަ ލިއުންތެރިޔަކު ވަރަށް ނުފެންނާނެ. އަޅުގަނޑުމެންނާ އެކު އެހާ ދުވަހު މަސައްކަތްކުރައްވާފައި އެހެން ދާއިރާއެއް ހިޔާރުކުރެއްވިޔަސް، އަހުމަދު ކުރެއްވި މަސައްކަތް އަބަދުވެސް ހަނދާން ހުންނާނެ."
އަހްމަދު ވަނީ ގާނޫނީ ދާއިރާއިން މާސްޓާސް ހައްދަވައިފަ އެވެ. އޭނާއަކީ އިސްލާމިކް މިނިސްޓްރީގައި އޮންނަ ހަނދު ސާބިތުކުރާ ކޮމެޓީގެ މެމްބަރެކެވެ. ފަލަކީ އިލްމާ ގުޅޭ ޝައުގުވެރި އަދި މައުލޫމާތު މުއްސަނދި ގިނަ ލިއުއްވުންތަކެއް އަހްމަދު ލިއުއްވި އެވެ. އެފަދަ ހުނަރުތަކާ އެކު ނޫސްވެރިކަމަށް އަހްމަދު ކޮށްދެއްވީ އަގުހުރި ޚިދުމަތެއް ކަމަށް މޫސަ ވިދާޅުވި އެވެ.
އާ މަގާމަކަށް ވަޑައިގަތަސް "މިހާރު" އަކީ އޭނާއާ ގާތް ތަނެއް ކަމަށް އަހްމަދު ވިދާޅުވި އެވެ. ބޮޑެތި މައްސަލަތަކަށް ލޯ ހުޅުވި ތަފާތު ނަޒަރިއްޔާތަކުން ވިސްނަން ފުރުސަތު ލިބި ބަދަލަކަށް ލިއުއްވުންތައް ގެނެސްދެއްވުނީ "ހަވީރު" އާއި "މިހާރު"ގެ މެނޭޖްމަންޓުގެ އެއްބާރުލުމާ އެކު ކަން ފާހަގަކުރެއްވި އެވެ.
"ވަރަށް ބޮޑަށް ޝުކުރު ދަންނަވަން މި ލިބުނު ފުރުސަތަށް،" އަހުމަދު ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ލަތީ
16 January 2019
ޓޫއޭ އަކީ ވަރަށް ރަނގަޅު މީހެއް. ދަށް މުވައްޒަފުންނަށް ވަރަށް ކަމޭހިތާ ބޭފުޅެއް.. ފޮނި ގޮތެއް ނުހުންނާނެ..
nazeel
16 January 2019
ޓެކްސީތަކާ ބެހޭގޮތުން އެއްޗެއް ލިޔެލާފަ މަޤާމެއްވެސް ދަމައިގަތި. މަތީމަޤާމު ހޯދަން ކުރިމަސައްކަތް ކާމިޔާބު ވެއްޖެދޯ. މިހުރިހާދުވަހު ފާޑުކިޔާފަ ތިމާ ކުރާކަންތަކަށް ފާޑުކިޔަން ފުރުސަތުލިބުނީ.
ހުތާ
16 January 2019
އަހުމަދު އަކީ ނަމޫނާ ނޫސްވެރިއެކެވެ. އެހެންދާއިރާއަކަށް ވަޒީފާ ބަދަލުކުރެއްވި ނަމަވެސް އަހުމަދުގެ ރިޕޯޓުތައް ކިޔާލަން ލިބޭނެކަމަށް އުންމީދުކުރަމެވެ. މީގެ އިތުރުން ނޫސްވެރިން ބިނާކުރުމުގައިވެސް އަހުމަދުގެ ބައިވެރިވުން އެދާއިރާއަށް ލިބޭނެކަމަށްވެސް އުންމީދު ކުރަމެވެ. އަހުމަދަށް ހުރިހާ ގޮތަކުން ކުރިއެރުމަށް އެދެމެވެ.
ކޮމެންޓު
16 January 2019
ސަރުކާރު ގެންނަން ކުރި މަސައްކަތުގެ އުޖޫރަ. ހަޖަމު ނުވާނެ ކަން އެނގޭ
ރާބޮޑޭ
16 January 2019
މަރުހަބާ ބްރޯ !
މިސްރުބޯކިބާ
16 January 2019
އަޅުގަނޑުގެ ޕަރސަނަލް އެކްސްޕީރިއެންސިން ބުނަން އިނގޭ އަހުމަދު އަބްދުއްލާ ސައީދަކީ އެތިކަލް ނޫސްވެރިއެއްކަން. ވަރަށް ރަނގަޅު ބޭފުޅެއް.
ފުންއަސަރު
16 January 2019
މިހާރު މަށާ ހަމަ އެންމެ ގާތުގަ. މަރްހަބާ އަހްމަދު.
ރަދީފް
16 January 2019
އިބްރާހީމާ މަސައްކަތްކުރައްވަނީ ރައީސް އޮފީހުގަތަ؟؟؟
ޑރ.ނަޒުނާ އަހުމަދު/ހިތަދޫ/އީޔޫ
16 January 2019
އަހުމަދުގެ ލިޔުންތަށް 'އަބްދުﷲ ސައީދު' ގެ ނަމަގަ ހުންނަނީ
މޯޑް
16 January 2019
އަހުމަދު ޢަބްދުﷲ ސަޢީދުގެ ނަމުގަ
ފަސްފައިސަލް
16 January 2019
އަހުމަދު، އަބަދުވެސް ތެދު އެއީ ތެދުކަމުގައި ބަލައިގަންނާތި. ފެންނަން ހުރި ހެކިތަކުގެ މައްޗަށް ބުރަވެހުރެ، ގޮތް ނިންމުމުގައި އަމިއްލަ ނަފްސުގެ ދަހިވެތިކަމަށްވުރެ މުޅި ގައުމުގެ މަސްލަހަތު އިސްކުރާތި. އަބަދުވެސް ހެޔޮމަގަށް މަސައްކަތްކުރާތި. އެކަކު އަނެކަކާ ޖެހި ފިތުނަ އުފެދޭ ވާހަކަތަކާ ކަންކަމުން ދުރުވާތި. ހިތްހަމަނުހެޖިގެން މީހަކާ މުއާމަލާތްކުރަން ޖެހޭ ހާލަތެއްގައިވެސް ނަފްސު ކޮންޓްރޯލް ކުރާތި. ހައްގުބަސް ބުނަން ޖެހިލުން ނުވާތި
ފަރުޒާން
16 January 2019
ލިއުން ތޯ ނޫނީ ލިޔުން ތޯ، މާގިނައިން އޮތީމަ ހަމަ އަހާލީ