ޓޫރިޒަމް މިނިސްޓަރު އަލީ ވަހީދު މަޓީގެ އަހަރީ އާންމު ޖަލްސާގައި ވާހަކަދައްކަވަނީ--ފޮޓޯ:ހުސައިން ވަހީދު/މިހާރު
21 ޖެނުއަރީ 2019 - 12:24
11 comments
ރާއްޖޭގެ ޓޫރިޒަމް އާ ހަރުފަތަކަށް ގެންދިއުމުގައި ސަރުކާރުން ބަރޯސާވާ އެއް ބަޔަކީ، އެ ސިނާއަތު ތަމްސީލްކުރާ މަޓީ ކަމަށް ޓޫރިޒަމް މިނިސްޓަރު އަލީ ވަހީދު މިއަދު، ކުރުނބާ މޯލްޑިވްސްގައި ވިދާޅުވެއްޖެ އެވެ.
މަޓީގެ އަހަރީ އާންމު ޖަލްސާގައި ވާހަކަ ދައްކަވަމުން އަލީ ވަހީދު ވިދާޅުވީ މަޓީގައި ތިއްބެވީ ރާއްޖޭގެ ޓޫރިޒަމް ދާއިރާގެ އާރުކާޓީން ކަމަށެވެ. އެހެންކަމުން ރާއްޖޭގެ ފަތުރުވެރިކަން ކުރިއަށް ގެންގޮސް ޑައިވާސިފައި ކުރުމުގައި މަސައްކަތް ކުރާނީ، މަޓީއާ އެކުގައި ކަމަށް އޭނާ ވިދާޅުވި އެވެ.
އަލީ ވަހީދު ވިދާޅުވީ ދުނިޔޭގެ އެކި ހިސާބުތަކަށް ބަލާ އިރު ރާއްޖެއަކީ ސާވިސް އިންޑަސްޓްރީގައި އެއް ވަނަ ކަމަށެވެ.
"ރާއްޖޭގައި މިފަތުރުވެރިކަމުގެ ސިނާއަތް ކުރިއަށް ގެންދިޔުމުގައި އަޅުގަނޑުމެންގެ އަމާޒު ހުރީ ދިވެހި ރާއްޖޭގެ އެކި އެކި ޑެސްޓިނޭޝަން ތަކަކަށް ޑިވެލޮޕްވެ ޑިފައިން ވެގެން ދިޔުން. އެކަމަށްޓަކައި އަޅުގަނޑުމެންގެ އިންޑަސްޓްރީއަށް ބޭނުންވާ އިންސެންޓިވްސްތައް އަދި ގާނޫނާއި ގަވައިދުތަކަށް ގެންނަން ޖެހޭ ބަދަލުތައް އަޅުގަނޑުމެން ގެންނާނަން،" އޭނާ ވިދާޅުވި އެވެ.
ރާއްޖޭގެ ފަތުރުވެރިކަން މާކެޓް ކުރުމުގައި މީގެ ކުރިން ހަރަދުކުރި ވަރަށް ވުރެ ތިން ގުނަ އިތުރަށް ހޭދަކުރާއިރު، ސަރުކާރާއި އިންޑަސްޓްރީގެ ފަރާތްތަކުން މަސައްކަތް ކުރާނީ ގުޅިގެން ކަމަށެވެ.
މިނިސްޓަރު ވަނީ މި ދުވަސްވަރު ޓޫރިޒަމް ދާއިރާގައި ހިނގާ ހިތާމަވެރި ހާދިސާތަކާ މެދު ވެސް ވާހަކަ ދައްކަވައިފަ އެވެ. އެގޮތުން އޭނާ ވިދާޅުވީ އެފަދަ ހާދިސާތަކުން ރައްކާތެރިވުމުގެ ފިޔަވަޅުތައް ވަރުގަދަ ކުރަން ޖެހޭ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގޫހި
21 January 2019
މަޓީ ދެކެ ހާދަ ލޯތްބެކޭ ތިޔަވަނީ. ދެން ކީއްކުރާ މިނިސްޓަރެއް.
މަޓީގެމާނަ
21 January 2019
މަހުޖަނުން އަތްދަށުވެ ތާށިވާ އިންޑަސްޓްރީ (އެމް.އޭ.ޓީ.އައި) ރާއްޖޭގެ ޓޫރިޒަމް ގެ ސިޔާސަތު ލިޔެފަ ސަރުކާރަށް ހުށަހަޅަނީ މަޓި ކޮންޓްރޯލް ކޮށްގެން އުޅޭ 3 ބޮޑުން. އެމީހުން ދެކޭގޮތުގައި ރިޒޯރޓްތަކުގަ މަސައްކަތް ކުރާދިވެހިންނަކީ 3 ވަނަދަރަޖައިގެ އެމީހުންގެ ނޯކަރުން. އެ ދިވެހިންނަށް އަދި ދިވެހި ދައުލަތަކަށްވެސް މިމީހުންގެ ޤަދަރެއްނެތް. 1970 ގައި ޓޫރިޒަމް ތަޢާރަފު ކުރީމަލިބެންޖެހޭ ބާރެކޯ . ސަރުކާރު އަދި ޓޫރިޒަމް މިނިސްޓަރ އަކީ މިމީހުންގެ ގޮނޑިކޮއްކޮއިން
އޯ ޕްލީސް
21 January 2019
ޓޫރިޒަމް މިނިސްޓަރ، ޓޫރިޒަމް ގެ ސިޔާސަތު. މިއީ އަބަދުވެސް މަޓީ ގަ ތިބޭ 3 މަހުޖަނެއްގެ ނިންމުން. މިނިސްޓަރު ހުންނާނީ އެއިން ބޭކަލަކު ކޯފާ ވެދާނެތީ ބިރުން ރޫރުއަޅައަޅާ
ގޮމަށި
21 January 2019
މިއޮއް މަރުވާހާ ގެސްޓުންގެ ކަންތަކާމެދު މަޓީއާ ވާހަކަދައްކާލަ ބަލަ
ސުލެއިމާން
21 January 2019
އަލީވަހީދަށް އަދިނޭވާހަކައެއް ބުނެދީފާނަން. ޓުއަރިޒަމް ރައްޔިތުންނަށް ފައިދާހުރިގޮތަކަށް ކުރިއަރުވާކަށް ލާހިކައެއްނޫން. މިވިޔާފާރި ކޮންޓްރޯލްކޮށްގެން އުޅެނީ ވަރަށްމަދުމީހަކު. ރައްޔިތުންގެ ގެ އަޅުވެތިކަމާއި ކުރާމަސައްކަތަށް ލިބެންވާ ހަމަ އުޖޫރައާއި އަތޮޅުގެ ރަށްތަޢް އެއަތޮޅުތަކަށް ފައިދާހުރިގޮތުގައި ބޭނުން ކުރުމަށް ހައްލެއްގެންނަށް ސަރުކާރަކަށް ނުކެރޭނެ. މަޓީއަކީ ރައްޔިތުންނަށް ހުރިބިރެއް!
ސަލީމު މުހައަމަދު
21 January 2019
ކުރިއަރުވާ ވާހަކައެއް ދައްކާނެކަމެއްނެތް ޖޮބް ޖެއްލެނީ ގެއްލެނީ ގާސިމާ ހުރެ އަވަހަށް ކޮޅުބަދަލުކޮށްލާ.
ސާޔާ
21 January 2019
ކަލޯ ދިވެހިން ޓޫރިޒަމް ސެކްޓަރ ގަ މިހާނިކަމެތިކޮށް މިއުޅެނީ ތިޔަ މަޓީ ގެ ސަބަބުން. އެ މީހުން އިސްމަގާމުތަކުގާއެތިބި މީހުންގެ ސަބަބުން.
ކަރީމުއްދީން ބާޝާ
21 January 2019
ބައިއެޅެންޏޭ ތި މީހުންނާ އެކު ހަމަކުރިޔަށް ދާންވީ.
ނަމޯލަ
21 January 2019
އައްޔާ އެއްކަލަ ކިއްލި ވިއްކައިގެން ގަތް ގޯތީގެ ވާހަކަ ހިނގާބަލަ ދައްކަން.
ދީމާހު
21 January 2019
މަޓީގެ މީހުންގެ މުށުތެރޭ ހުރެގެން ފަތުރުވެރިކަން ކުރިއެރުވޭނަމަ ފަތުރުވެރި ކަމުގެ ސިނާއަތުގައި މަސައްކަތްކުރާ ދިވެހިން އޮޔާ ދިޔައީ. އުންމީދުކުރިން އަލީ ވަހީދު ލީޑަރޝިޕް ދައްކާނެކަމަށް. އެކަމަކު މިފެނުނީ ކުރިން ތިޔަ މަގާމުގައި ތިބި މީހުންނަށްވުރެވެސް ހާލުބޮޑުކޮށް އުޅޭތަން. ކަމުގެ ތަޖުރިބާއާއި ނޯހައު މުހިންމު ދޯ ވަޒީރަކަށް ހުންނަ މީހަކަށްވެސް.