ޔުވެންޓަސްގެ ރޮނާލްޑޯ ބޮލުން ޖަހަން އަރާއިރު، ޕާމާގެ ކުޅުންތެރިން ސަމާލުވެގެން. --ފޮޓޯ: އޭއެފްޕީ
03 ފެބުރުއަރީ 2019 - 08:44
4 comments
ޓިއުރިން (ފެބްރުއަރީ 3) – ކްރިސްޓިއާނޯ ރޮނާލްޑޯގެ ދެ ގޯލުން ޔުވެންޓަސް ކުރީގައި އޮއްވާ، ފަހު ވަގުތު ޖާވީނިއޯ ޖެހި ދެ ލަނޑާ އެކު ޕާމާ އިން ރޭ އިޓާލިއަން ލީގުގައި ގަދަފަދަ ޔުވެންޓަސްއާ 3-3 އިން އެއްވަރުކޮށްފި އެވެ.
މި ސީޒަނުގެ ލީގުގައި ޔުވެންޓަސް އަތުން ޕޮއިންޓް ގެއްލުނު ތިން ވަނަ މެޗެވެ. އެ ޓީމުގެ އަދި ބައްޔެއް ނުވެ އެވެ. ރޭ ޔުވެންޓަސް މޮޅުނުވުމުން އެއް ވަނައިގައި ނުވަ ޕޮއިންޓަށް ލީޑު ވަނީ ކުޑަވެފަ އެވެ. އެ ޓީމު އެއް ވަނައިގައި އޮތީ 60 ޕޮއިންޓާ އެކު އެވެ. ރޭ ސަމްޕްޑޯރިއާ އަތުން 3-0 އިން މޮޅުވި ނަޕޯލީ ދެ ވަނައިގައި އޮތީ 51 ޕޮއިންޓާ އެކު އެވެ.
ފުރަތަމަ އެގާރައިގައި ކުޅޭ ދެ ޑިފެންޑަރުން ކަމަށްވާ ޖިއޯޖިއޯ ކިއެލީނީ އާއި ލިއޮނާޑޯ ބޮނޫޗީ އަނިޔާގައި ތިބުމުން ރޭ ޔުވެންޓަސްގެ ޑިފެންސް ލައިން ފެނުނީ ބަލިކޮށެވެ. އެ މަގާމަށް ކުޅުނީ މާޓިން ސަސެރެސް އާއި ޒުވާން ކުޅުންތެރިޔާ ޑެނިއަލް ރުގާނީ އެވެ. ގޯލް ބެލެހެއްޓީ ބަދަލު ގޯލްކީޕަރު މަޓިއާ ޕެރިން އެވެ.
އަމިއްލަ ދަނޑުގައި ޔުވެންޓަސް ކުޅުނު މެޗުގެ 36 ވަނަ މިނެޓުގައި ރޮނާލްޑޯ ލީޑު ނަގައިދިނެވެ. ދެ ވަނަ ލަނޑު 62 ވަނަ މިނެޓުގައި ޖެހީ ރުގާނީ އެވެ. އޭގެ ދެ މިނެޓު ފަހުން އެންޓޯނިއޯ ބަރިއްޔާ ވަނީ ޕާމާ އަށް އެއްވަރުކޮށްދީފަ އެވެ. އަދި އޭގެ ދެ މިނެޓު ފަހުން ރޮނާލްޑޯ ލަނޑު ޖަހައި ލީޑު ފުޅާކުރި އެވެ.
ހަތަރު އަހަރުގެ މެދުކެނޑުމަކަށް ފަހު ފުރަތަމަ ޑިވިޝަނުގައި ވާދަކުރަމުން އަންނަ ޕާމާ އިން މަންޒަރު ބަދަލުކޮށްލީ 74 ވަނަ މިނެޓާއި އިތުރު ވަގުތުގެ ތެރޭ ޖާވީނިއޯ ވައްދާލި ދެ ގޯލާ އެކު އެވެ. މި ނަތީޖާއާ އެކު ޕާމާ އޮތީ 29 ޕޮއިންޓް ހޯދައި 12 ވަނައިގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރަދީފް
03 February 2019
މަރުހަބާ ޕާމާ.ޔުވޭ ކަހަލަ ޓީމެއްގެ ފަހަތުން އަރާ ސްކޯއެއްވަރަު ކުރުން އެއީ ހަމަ ވަރަށް ރަނގަޅުކާމިޔާބީއެއް.އަދި ކުރީގެ އާސެނަލް ކުޅުންތެރިއެއްގެ މަސައްކަތުން ޕާމާ ޔުވޭއަތުން ޕޮއިންޓެއް ހޯދިހޯދުން ވެސް ފާހަގަކުރަން.ރޭގަ ޔޫރަޕްގެ ގަދަ 5 ލީގްގެތެރެއިން 03 ލީގް (ސެރިއާ،ބުންޑަސްލީގާ، ލަލީގާ)ގެ ލީޑަރުން ކުޅުނު މެޗްތައް އެއްވަރުވެގެން ނިމިގެންދިޔަކަން ފާހަގަކޮއްލެވޭ.މިރޭ އާސެނަލް މޮޅުވާނެބާ؟؟!! #ފޯޒާޔުވޭ #ވިސްކައެލްބާސާ #ހަލަމެޑްރިޑް #ޕުތަމެޑްރިޑް
ޕުތަރަދީފްް
03 February 2019
ރޯނުއެދުރާ ކަލޭ ކޮންމެ ތަނަކަށްވެސް އާސެނަލް ވައްދާތި، ތިބުނާ އާސެނަލްގެ ކުރީގެ ކުޅުންތެރިއާ ޖާވީނިއޯ އާސެނަލް ނޫން ޔޫރަޕުގެ މަޝްހޫރު އެހެން ޓީމުތަކަށްވެސް ކުޅުނު، ފްރާންސްގެ ލިއްލެ އަށް 67މެޗުން 28ގޯލް އަދި އިޓަލީގެ ރޯމާ އަށް 71މެޗުން 17ގޯލްވެސް ޖަހައިދިން. އާސެނަލްގަ 46މެޗުން ޖާވީނިއޯ އަށް ޖެހުނީ 9ލަނޑު. ތިމާ ހިތުން އާސެނަލްވަރެއް ނެތިގެން ކޮމެންޓެއް ކުރިއްޔާ އާސެނަލްގެ ވާހަކަ ދައްކާއިރު އާސެނަލް އަކީ ޔޫރަޕްގެ މިކީމައުސް މުބާރާތްކުޅޭ ޓީމެއް
ރަދީފް
03 February 2019
ޕުތަރަދީފްއަށް.މަށަށްވެސް ޖާވީނިއޯގެ ހިސްޓްރީއިނގޭ.ކަލޭގަ ވިސްނުން ހުރީ މިހެން.(ޓިޗަރު:ވަޓް އިޒް އެކައުންޓިންގް؟ ޕުތަރަދީފް:އިޓްސް އަ ސަބްޖެކްޓް ވިޗް އައި ސްޓަޑީ.) ކަލޭގެ ޓީމް އޮތީ ލީގްގެ ކިތައްވަނައިގަތޯ ނިކަން ބަލާބަލަ. ވ.ވެދުން
މަޢުމޫން ޢޤ
03 February 2019
ގަދަ 5 ލީގުގެ ތެރެއިން 3 ލީގުގެ ލީޑަރުން އެއްވަރުވި ވާހަކަ ބުނެފަ އާރސެނަލް މޮޅުވާނެހޭ ތިޔަ އެހީ އެމީހުންނަކީ ލީގު ލީޑަރުންތަ؟ ނޫނީ އެމީހުން ކުޅެނީ ލީޑަރުންނާތަ؟ ލިވަރޕޫލޭ ޕްރިމިއަރ ލީގު ލީޑަރުންނަކީ. ވާނުވާ ކޮމެންޓް ނުކޮށްބަލަ.