24 ފެބުރުއަރީ 2019 - 12:05
42 comments
ޑިޕާޓްމަންޓް އޮފް ޕަބްލިކް އެގްޒަމިނޭޝަން (ޑީޕީއީ) ގެ ޑިރެކްޓަ ޖެނެރަލްގެ މަގާމުގައި ހުންނެވި އަހުމަދު ޝަކީބާއި ހަމަ އެ އޮފީހުގެ އިސް މަގާމެއްގައި ހުންނެވި އޭނާގެ އަނބިކަނބަލުން އުމްނިޔާ މުސްތަފާ، އެޑިއުކޭޝަން މިނިސްޓްރީގެ އެހެން ދެ އިދާރާއަކަށް ބަދަލުކޮށްފި އެވެ.
ޑީޕީއީގެ ވެރިއަކަށް ޝަކީބު ހުންނަވާތާ 11 އަހަރު ފަހުން މިދިޔަ ބުރާސްފަތި ދުވަހުން ފެށިގެން އޭނާ ބަދަލުކޮށްފައި ވަނީ، ނޭޝަނަލް އިންސްޓިޓިއުޓް އޮފް އެޑިއުކޭޝަން (އެންއައިއީ) ގެ ޑިރެކްޓާ ޖެނެރަލްގެ މަގާމަށެވެ. އޭނާގެ އަނބިކަނބަލުން އުމްނިޔާ ބަދަލުކޮށްފައި ވަނީ އެޑިއުކޭޝަން މިނިސްޓްރީގެ ޕޮލިސީ ޑިޕާޓްމަންޓަށެވެ.
ޑީޕީއީގައި އުޅުއްވަމުން ކައިވެނި ކުރެއްވި އެ ދެ ބޭފުޅުންނާ ގުޅޭ ގިނަ ޝަކުވާތަކެއް އެތަނުގެ މުވައްޒަފުން ވަނީ ކަމާ ބެހޭ އިދާރާތަކަށް ހުށަހަޅައިފަ އެވެ. އޭސީސީން ވަނީ އެ ޝަކުވާތައް ބެލުމަށް ސިވިލް ސާވިސް ކޮމިޝަނަށް ވެސް އަންގައިފަ އެވެ.
އެޑިއުކޭޝަން މިނިސްޓްރީގެ މީޑިއާ އޮފިޝަލް ވިދާޅުވީ މި ސަރުކާރުން އެ މިނިސްޓްރީގެ މަސައްކަތްތައް ހަރުދަނާ ކުރުމުގެ ގޮތުން އެކި ޑިޕާޓްމަންޓުތަކުގައި ތިއްބެވި މުވައްޒަފުން ބަދަލު ކުރަމުން އަންނަ ކަމަށެވެ. އެއީ ވަކި ބޭފުޅަކާ ދޭތެރޭ އަޅާ ފިޔަވަޅެއް ނޫން ކަމަށް އޭނާ ވިދާޅުވި އެވެ.
Shakeebge massalathah balan ACC in CSC ah fonuvaifi
The most trusted news source in the Maldives
Mihaaru
ޝަކީބުގެ މައްސަލަ ބަލަން އެންގުން--
މިދިޔަ މަހު ކުރީކޮޅު ޑީޕީއީގެ މުވައްޒަފުންތަކެއް ރައީސް އިބްރާހިމް މުހައްމަދު ސޯލިހާއި އޭސީސީގެ އިތުރުން އެޗްއާރުސީއެމާއި ވަޒީފާއާ ބެހޭ ޓްރެބިއުނަލަށް ހުށަހަޅާފައިވާ މައްސަލަތަކުގައި ޝަކީބުގެ މައްޗަށް ގިނަ ތުހުމަތުތަކެއް ކޮށްފައިވެ އެވެ. އެގޮތުން އެ އޮފީހުގެ އިސް މަގާމެއްގައި ހުންނެވި ޝަކީބްގެ އަނބިކަނބަލުން އުމްނިޔާ މުސްތަފާއާ އެހެން މުވައްޒަފުން ތަފާތުކުރާ ކަމަށް ތުހުމަތުކޮށްފައިވެ އެވެ.
ކަމާ ބެހޭ ފަރާތްތަކަށް ހުށައެޅި މައްސަލަތަކުގައި ޑީޕީއީގެ މުވައްޒަފުން އެދިފައި ވަނީ އެކަންކަން ބަލައި، ވީހާ ވެސް އަވަހަކަށް އޭނާ މަގާމުން ދުރުކޮށްދިނުމަށެވެ.
އިމްތިހާނުތަކާ ގުޅޭ ކަންކަން ބަލަހައްޓާ ޑީޕީއީ ވަގުތީ ގޮތުން ހިންގެވުމާ ހަވާލުވެވަޑައިގެން މިހާރު ހުންނެވީ އެތަނުގެ ޑިރެކްޓަރަކަށް ހުންނެވި މުހައްމަދު އާޒިމް އަބްދުލްހާދީ (އާޒިމްބެ) އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިގޭ
25 February 2019
އެމް އޭސީއެލް ގެ ވެސް ހާލަކީ ހަމަ ތި.
ދަރިވަރު
25 February 2019
ދެމަފިރިން އަދި މައިންބައިންނާއި ދަރީން އެއް ތަނެއްގާ ޚައްސަކޮށް އިސްވެރީންގެ ގޮތުގަ ތިބުމަކީ އެހާ ރަނގަޅު ކަމެއް ނޫން. ވަރަށް ގިނަ ކުންފުނިތަކުގަ އަދި ސަރުކާރުތަކުގަ ވަޡީފާ ދޭއިރު އެހާ ތިމާގެ ދެމީހުންނަށް އެއްތަނަކުން ވަޡީފާ ނުދޭނެ.
ކުރުނީސް
25 February 2019
މިފަދަ މަޤާމުތަކުގައި 6 - 5 އަހަރަށްވުރެ ގިނަ ދުވަހު އެކަކު ހުރުން ރަގަޅެއް ނޫން. ދާއިރާގެ ތަޖުރިބާ ހުރި އިތުރު މީހުންނަށް ފުރުޞަތު ދިނުމުން އިތުރު ހުނަރުތަކާއި، ހިޔާލާއެކު ތަން ތަރައްޤީކުރެވޭނެ.
ސަރުކާނު
25 February 2019
ހާދަ ނުކެރިގެންނޭ ކަނަކަން ތިކުރަނީ. ކޮންމެހެން ހަރުދަނާ ކުރާށޭ ނުބުންޏަސް އެ ޑިޕާޓްމަންޓްގެ މުައައްޒަފުންގެ ކނަބޮޑުވުނތައް ބަލާ އެޅި ފިޔަވަޅެކޭ ބުނީމަ ނިމުނީނު. ހެއްވާދޯ
މޮޔަގޮވާ މީހާ
25 February 2019
ތިޔާއީ މިސަރުކަރު އަންނަން އުޅުނު އިރުގެ މަސްވަރާތަކެއް ޑިޕީއީ ސަކީބު ވަކިކުރުން، އަމީނިއްޔާ ސްކޫލްގެ ޕްރިންސިޕަލް ބަދަލުކުރުން އެތަންތަނަށް ލާންވީ މީހުންވެސް ކަންޑައަޅާފަ ވާނީ އެކަމަކު މިހާރު ޕްރިންސިޕަލް ހުންނެވީ ކޮޅު ބަދަލު ކޮއްލައިގެން ދެން ދަތް އަޅަންޖެހޭނީ އަމިއްލަ އިނގިޔެއްގަ ފުރަތަމަފަހަރަށް އަމީނިއްޔާ އަށް ފިރިހެން ޕްރިންސިޕަލެއް ލާނެ ދައުރުމީ ވަރަށް ސަލާމް
..،..
24 February 2019
ރަނގަޅުކަމެއް
ކަނބާފާނު
24 February 2019
ޝަކީބުގެ މައްޗަށް ތުހުމަތު ކުރެވުނު މައްސަލަ ނިމިއްޖެތޯ؟ ނުނިމެނީސް ބަދަލު ކުރިނަމަ މިއީ އިންސާފެއް ނޫން. މައްސަލަ ނިމުނުއިރު އެކަން ސާބިތުވިނަމަ މިއީވެސް އިންސާފެއް ނޫން. އަދި މައްސަލަ ސާބިތު ނުވިނަމަ ދޮގު ހެދި މުއައްޒަފުންނަށް ފިޔަވަޅު ނޭޅުނިއްޔާ އެއީވެސް އިންސާފެއް ނޫން
ގޮންގަ
24 February 2019
މިސަރުކާރަކީ އެންމެ އަނިޔާވެރި މަކަރުވެރި ސަރުކާރު. ކައިރި މީހުންނަށް އެންމެ ގިނަބައި ލިބޭގޮތަށް ސިއްރު އެޖެންޑާގެ ދަށުން ހުރިހާ ކަމެއް ރޭވިގެން ކުރިއަށްދާނި. އަމަލާ ބަހާ ދިމާނުވާނެ
މަލްތޫސް
24 February 2019
ހުރިހާ އިންސާނުންނަކީވެސް ގާބިލް އިންސާނުން. ގާބިލް ވަނީ އެކަމެއްގައި އަމަލީގޮތުން އުޅުމުން. ތައުލީމީ ނިޒާމުން ދަސްކޮށްދޭ ކަމަކީ ވިޔަފާރިވެރިންނަށް ހިދުމަތްކޮށްދިނުން އަދި މަކަރާ ހީލާތްހެދުން. ތައުލީމީ ނިޒާމުގެ ބޭނުމަކީ އިންސާނާ ހަލާކުކުރުން. މިޒަމާނުގަ ގޭގަތިބެގެންވެސް ކިޔެވޭނެ. އިންސާނާ މީ ކޮންކަހައެއްޗެއްކަން އަދި ހަށިގަޑު މަސައްކަތްކުރާގޮތް ކިޔަވަދޭންޖެހޭ އަދި ސޯޝަލްސައިންސް(އިންސާނުން އުޅޭނޫޅޭގޮތް) ކިޔަވަދޭންޖެހޭ.
ފަސާދަ
24 February 2019
އެމްޑިޕީ ވެރިކަމެއްގައި ބާރުގަދަވާނީ ރައްޔިތުން/މުވައްޒަފުން، ވެރިންނެއް ނޫން. ރައްޔިތުމީހާ/މުވައްފުން މުސާރަބޮޑުމީހާ ސައިޒައް ތިރިކުރަނީ. ނޮޓް ދި ވައިސް ވާސާ.