ބީއެމްއެލް ޕޭމެންޓް ގޭޓްވޭ ހިދުމުން ސެޓަޕް ފީ އާިއ މަހަކު އެއް ފަހަރު ދައްކަން ޖެހޭ މެއިންޓެންސް ފީ މާޗު 1، 2019 އިން ފެށިގެން ނުނަގަން ވަނީ ނިންމާފައި--ފޮޓޯ:ބީއެމްއެލް
03 މާޗް 2019 - 12:54
4 comments
ބޭންކް އޮފް މޯލްޑިވްސް (ބީއެމްއެލް) އިން ކުދި ވިޔަފާރިތަކަށް ފަހިވާގޮތަށް ޕޭމަންޓް ގޭޓްވޭގެ ހިދުމަތް ހުޅުވާލައިފި އެވެ.
ބީއެމްއެލް އިން ބުނީ ހިދުމަތް ލިބިގަތުމަށްޓަކައި މިހާރު ދައްކަންޖެހޭ ސެޓަޕް ފީ އާއި މަހަކު އެއްފަހަރު ދައްކަން ޖެހޭ މެއިންޓެނަންސް ފީ މާޗް 1 އިން ފެށިގެން ނުނަގާ ގޮތަށް ބޭންކުން ހަމަޖައްސާފައިވާ ކަމަށެވެ.
ސެކިއުރިޓީ ޑިޕޮސިޓެއް ބެހެއްޓުމަކާ ނުލައި މި ހިދުމަތް ހޯދޭނެ ފަސޭހަ ގޮތްތަކެއް ވަނީ ކަނޑައަޅާފަ އެވެ. ޑެޕިއުޓީ ސީއީއޯ އަދި ޑައިރެކްޓަރު އޮފް އޮޕަރޭޝަންސް މުހައްމަދު ޝަރީފް ވިދާޅުވީ އީ-ކޮމާސް ގެ ހިދުމަތް ދިވެހިރާއްޖޭގައި ވެސް އަންނަނީ ވަރަށް ހަލުވިކަމާ އެކު ކުރިއަރަމުން ކަމަށެވެ. ބީއެމްއެލް ޕޭމަންޓް ގޭޓްވޭގެ ހިދުމަތް ހޯދާ 112 މާޗަންޓުން އެބަތިބި ކަމަށް އޭނާ ވިދާޅުވި އެވެ.
މި ފާއިތުވެދިޔަ ދުވަސްތަކުގައި ޕޭމަންޓް ގޭޓްވޭ މެދުވެރިކޮށް 1.5 މިލިއަން ޓްރާންސެކްޝަން ހަދާފައިވެ އެވެ. ވަރަށް ގިނަ ކުދި ވިޔަފާރިތަކުންނާއި އަލަށް ވިޔަފާރިފަށައިގަންނަ ފަރާތްތަކުން އެދެމުން އައީ ވީހާ ވެސް ލުއިފަސޭހަކޮށް މި ހިދުމަތް އެ ފަރާތްތަކަށް ލިބޭނެ ގޮތް ހަމަޖައްސައިދިނުމަށް ކަމަށް އޭނާ ވިދާޅުވި އެވެ. ކަސްޓަމަރުން ދިން ހިޔާލާ އެއްގޮތަށް މި ބަދަލުތައް ގެނައުމުން ހިދުމަތް ހޯދާ ވިޔަފާރިތަކަށް ކުރިއެރުން ލިބޭނެ ކަމަށް ޝަރީފު ވިދާޅުވި އެވެ.
ކުދި އަދި މެދުފަންތީގެ ވިޔަފާރި ތަރައްގީ ކުރުމަށް ބޭނުންވާ މާލީ އެހީތެރިކަން ހޯދުމަށާއި ފައިސާގެ މުއާމަލާތްތައް ހިންގުމުގައި ލުއި ފަސޭހަކަން ލިބޭ ހިދުމަތްތަކެއް ފޯރުކޮށް ދިނުމުގައި ބޭންކުން ދަނީ މުހިއްމު ގިނަ މަސައްކަތްތަކެއް ކުރަމުންނެވެ. ޒަމާނީ ޓެކްނޮލޮޖީއާ އެކު ބޭންކް އޮފް މޯލްޑިވްސް އިން އަންނަނީ ޕޭމަންޓް ގޭޓްވޭގެ އިތުރުން ވަރަށް ފުޅާ ދާއިރާއެއްގައި ޑިޖިޓަލް ބޭންކިންގެ ހިދުމަތް ދެމުންނެވެ.
މި ހިދުމަތްތަކުގެ ތެރޭގައި އިންޓަރނެޓް، މޮބައިލް ބޭންކިން އަދި ޑިޖިޓަލް ވޮލެޓްގެ ހިމެނެ އެވެ. ބޭންކުގެ ޑިޖިޓަލް ބޭންކިން ވަސީލަތްތައް ބޭނުންކޮށްގެން މިދިޔަ އަހަރު 40 މިލިއަނަށް ވުރެ ގިނަ މުއާމަލާތްކޮށްފައިވެ އެވެ. މިއީ މުޅި ބޭންކް މެދުވެރިކޮށް ހިންގޭ މުއާމަލާތްތަކުގެ 90 ޕަސެންޓަށް ވުރެ ބޮޑު އަދަދެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މާޗެންޓް ހާލު
03 March 2019
މާޗަންޓް ޓްރާންސެކްޝަން ފީ %2.5 ވުރެއް ކުޑަވެސް ކޮއްދޭށެވެ. މިހާރު ގޭޓްވޭ ގަންނަށް އިއްޗެއްގެ ވެލިއުގެ %2.5 ވިއްކާ ފަރާތުން ބޭންކަށް ނަގައެވެ. މި ހިދުމަތް ބޭނުންކުރާ މީހުން އަގު ހަދަން ޖެހެނީ އެވަރު ލައިގެންނެވެ. މި ފީ %0.50 ވަރަށް ބަދަލު ކުރާށެވެ. އޭރުން ގިނަ މީހުން ނަގުދު ފައިސާއިން ޑިޖިޓަލް ޕޭމަންޓް އަށް ބަދަލުވާނެވެ. މި ކަން ވައިގަ ނުހިފައިގެން މި އުޅެނީ ސެޓަޕް ފީ، މެއިންޓެނަސް ފީ އަދި މާޗެންޓް ފީ ބޮޑުވީމައެވެ.
މުށި
03 March 2019
ޕޭމަންޓް ގޭޓްވޭ ގެ ޚިދުމަތަކީ ކޮބައިތަ.
އަހަންމަދާ
03 March 2019
އެއީ ޕޭމަންޓް ކިޔާމީހެއް އޭނަ އަންނަން ހަދާފަ ހުންނަ ދޮރުއަށްޓެއްކަމަށް ހީވަނީ. އެ މީހާ ވަޑައިގަންނަވާ މަގު ތޯއްޗެ.
buddy
04 March 2019
އަޅުގަޑަށް އެގިފައޮންނަގޮތް ގޯސްނޫންނަމަ، ޕޭމަންޓްގޭޓްވޭ އެއީ އޮންލައިންކޮށް ޕޭމަންޓް ހެދުމަށް ބޭނުންކުރާ ނިޒާމެއް. ވަރަށްގިނަ އޮންލައިން ވިޔަފާރިކުރާ ވެބްސައިޓްތަކުން ގަންނައެއްޗިއްސަށް ފައިސާދެއްކުމަށް މިފަދަ ޕޭމަންޓްގޭޓްވޭތައް ބޭނުންކުރޭ. ރާއްޖޭގައިވެސް ފެނަކަ، ސްޓެލްކޯ، ވެމްކޯ، މީޑިޔާނެޓްފަދަ ތަންތަނަށް އޮންލައިންކޮށް ފައިސާދެއްކުމަށް މިގޭޓްވޭ ބޭނުންކުރޭ. އަދި ބައެއް އަމިއްލަ އޮންލައިން ވިޔަފާރިތައްވެސް މިގޭޓްވޭ ބޭނުންކުރޭ.