މަޖިލިސް މެޖޯރިޓީ ނުލިބިއްޖެ ނަމަ ދާނީ ބަޣާވާތާ ދިމާލަށް: ނަޝީދު

ކުރިން ބޭއްވި ޖަލްސާއެއް ނަޝީދު ވާހަކަފުޅު ދައްކަވަނީ: އެމްޑީޕީއަށް މަޖިލީހުގެ މެޖޯރިޓީ ދޭންޖެހޭ ކަމަށް ވިދާޅުވި.---ފޮޓޯ: ނިޝާން އަލީ/މިހާރު

އާސިމާ ނިޒާރު، މިހާރު

03 މާޗް 2019 - 18:36

33 comments

އަންނަ މަހު ބާއްވާ ރައްޔިތުންގެ މަޖިލީހުގެ އިންތިޚާބުގައި އެމްޑީޕީ އަށް މެޖޯރިޓީ ނުލިބިއްޖެ ނަމަ އަނެއްކާ ވެސް ދާނީ ބަޣާވާތާ ދިމާލަށް ކަމަށް ކުރީގެ ރައީސް މުހައްމަދު ނަޝީދު ރޭ ވިދާޅުވެއްޖެ އެވެ.

އެމްޑީޕީގެ ޓިކެޓުގައި ބާރަށު ދާއިރާއަށް ކުރިމަތިލައްވާ އެ ޕާޓީގެ ޑެޕިއުޓީ ޗެއާޕާސަން އަހުމަދު އަބްދުﷲގެ ކެމްޕެއިން ފެށުމުގެ ރަސްމިއްޔާތުގައި ވާހަކަފުޅު ދައްކަވަމުން ނަޝީދު ވިދާޅުވީ އެމްޑީޕީއަށް ދެ ވަނަ ފަހަރަށް ރިޔާސީ އިންތިޚާބު ކާމިޔާބުކުރެވިއްޖެ ކަމަށެވެ. ނަމަވެސް ނަތީޖާ އެގޮތަށް އައި ކަމުގައި ވިއަސް ފަރުވާ ކުޑަ ކުރާކަށް ނުވާނެ ކަމަށް ވިދާޅުވި އެވެ.

އެމަނިކުފާނު ވިދާޅުވީ އެމްޑީޕީ އަދި ރައީސް އިބްރާހިމް މުހައްމަދު ސޯލިހަށް އެމްޑީޕީގެ މެޖޯރިޓީ ނުލިބިއްޖެނަމަ ރައްޔިތުން އަނެއްކާ ވެސް ވެސް ދެކޭނީ ވަރަށް ހިތާމަވެރި މަންޒަރެއް ކަމަށެވެ.

"އަނެއްކާ ވެސް އަޅުގަނޑުމެންގެ އުދަރެސް ބަނަވެގެންދާނީ ބަޣާވާތާ ދިމާލަށް. އަނެއްކާ ވެސް އަޅުގަނޑުމެންގެ ތެރެއަށް އަންނާނީ ހަމަނުޖެހުން،" މައްޗަންގޯޅި މެދު ދާއިރާއަށް އެމްޑީޕީގެ ޓިކެޓުގައި މަޖިލީހަށް ވާދަކުރައްވާ ނަޝީދު ވިދާޅުވި އެވެ.

އެމްޑީޕީގެ ސަރުކާރު ވެއްޓުނީ ފެބްރުއަރީ 7، 2012 ގައި އޭރުގެ އިދިކޮޅު ފަރާތްތަކުން ކުރި މުޒާހަރާތަކާއި ފުލުހުންނާއި ސިފައިން ވެސް ސަރުކާރާ ދެކޮޅަށް ތެދުވެ، ހިންގި ކަންތައްތަކަށްފަހު ނަޝީދު އިސްތިއުފާ ދެއްވުމުންނެވެ. އޭރު ވެރިކަން ވެއްޓުނީ ބަޣާވާތަކުން ކަމަށް ނަޝީދު ވިދާޅުވި ނަމަވެސް އެ މައްސަލަ ބަލަން އުފެއްދި ނޭޝަނަލް އިންކުއަރީ ކޮމިޝަނުން ނިންމީ އެއީ ބަޥާތެއް ނޫން ކަމަށެވެ.

ނަޝީދު ވިދާޅުވީ ރައީސް ސޯލިހުގެ ހުރިހާ ވައުދަކީ ރަނުން ރަނަށް އަކުރުން އަކުރަށް ފުއްދާނެ ވައުދުތަކެއް ކަމަށެވެ. އެ ވައުދުތައް ވެފައިވަނީ ރަނގަޅަށް ހިސާބު ޖަހައި ދިރާސާތައް ކޮށްފައި ކަން ފާހަގަކުރެއްވި އެވެ.

އެމްޑީޕީ ފިޔަވައި އެހެން ކެންޑިޑޭޓުން މަޖިލީހަށް ވަޑައިގަންނަވަނީ ކީއްކުރަންތޯ ސާފެއް ނުކޮށްދެވޭ ކަމަށާއި ނަމަވެސް އެ ޕާޓީގެ ކެންޑިޑޭޓުން މަޖިލީހަށް ވަޑައިގަންނަވާ ސަބަބު ސާފުކޮށްދޭންޖެހޭ ކަމަށް ވިދާޅުވި އެވެ. އެހެންވެ ރަައްޔިތުންނަށް ކުރިއެރުން ހޯދައިދޭން އެމްޑީޕީއަށް މަޖިލިސް މެޖޯރިޓީ ދޭންޖެހޭ ކަމަށް ނަޝީދު ވިދާޅުވި އެވެ.

އެމްޑީޕީން ވެރިކަން ކުރަން ބޭނުންވަނީ ޕީޕީއެމާއި ވެސް ގުޅިގެން ކަމަށާއި ތަރައްގީ ކަށަވަރުކުރުމުގައި އެންމެންގެ ބައިވެރިވުން މުހިއްމު ކަމަށް އެމަނިކުފާނު ވިދާޅުވި އެވެ.

އަންނަ އޭޕްރީލް މަހު ބާއްވާ މަޖިލިސް އިންތިޚާބުގެ 87 ދާއިރާގެ ތެރެއިން ނިލަންދޫ ދާއިރާ ފިޔަވައި އެހެން ހުރިހާ ދާއިރާއަކަށް އެމްޑީޕީން ވާދަކުރެ އެވެ.

ރައީސް މުހައްމަދު ނަޝީދު އެމްޑީޕީ މެމްބަރު އަހުމަދު އަބްދުﷲ (ބާރަށް) ފެބްރުއަރީ 7 ރައްޔިތުންގެ މަޖިލީހުގެ އިންތިޚާބު 2019

33 ކޮމެންޓް, 92 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ވަތުބަތާނަ

04 March 2019

މަނިކުފާނޫޫ! ކާކަށްތޯ އޮޅުވާލަން ތިއުޅުއްވަނީ؟ ތިކަން ކުރުމުގެ ރެކޯޑާއި ފަޚުރާއި ޝަރަފު ކާބަފައިންނަށް ނިސްބަތްވާތީތޯ ތިވާހަކަ ނުހުއްޓިގެން ތިއުޅެނީ؟ ނުޖެހޭ އެއްވެސް ބަޔަކަށް މެޖޯރިޓީ ދޭކަށް! ތަމެންނަށް ދީފިނާ މިރާއްޖެ އިންޑިޔާއަށް ވިއްކާލާނނެ! ރައްޔިތުންނަށް ގައުމަށް ޣައްދާރުވުން ނޫންތޯ އެއްމެ ބޮޑު ޚިޔާނާތަކީ؟ ކޮބައިހޭ 8؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކިޔޭނުކިޔޭ

04 March 2019

މަށަކަށްވާ ނޭނގެއެވެ. އިހައްދުވަހު ބުނީ މިހާރު މިތިބީ ވައްޓާލީމާ ތެދުވެ ކަމަށާއި ދެންނުވެއްޓޭނެ ކަމަށެވެ. މިހާރު ތިބުނަނީ ވެއްޓިދާނެ ކަމަށެވެ. ކޮންމެވެސް އެކައްޗެއް ކިޔާބަލާށެވެ. އެއިރުން މީހުންނަށް ދައްކާވާހަކަ ޤަބޫލުކުރަން ފަސޭހަ ވާނެއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑރ.ނަޒުނާ އަހުމަދު ހިތަދޫ/ޔޫކޭ

04 March 2019

އުއްމީދު ކުރަން ދިވެހިރާއްޖޭގެ އެއްމެހައި ރައްޔަތުން ނިދުމުގެ ތެރެއިން ތެދުވެ މިހިނގާ މަޖިލީހުގެ މެމްބަރުން ހިންގައިފައިވާ ވައްކަމާއި ހޯދައިގަތް މުއްސަނދިކަމަށް ވިސްނާނެކަމަށް. މީގެތެރެއިން ބައެއްމީހުނަކީ ދިވެހިރާއްޖެ ތައުލީމި ގޮތުން ކަޑައްތުކޮސްފައިވާ ލަނދުދަނޑިތަކަށް ބަލާނަމަ އަސާސީ ފެންވަރުވެސް ނެތްމީސްމީހުން. މިފަދަ މީސްމީހުން މަޖިލީހުގެ ޗެމްބަރތެރޭގައި ކުރިހާވެސް ކަމަކީ އެބައިމީހުނަށް ބޯކޮށް މުއްސަނދި، މިވަގުތު ތިބި އެކަކަުވެސްނުހޮވަންގޮވަނ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

‫މުށަވަކި

04 March 2019

ހ‫ަށީގާ ހޭހުރީވިއްޔާ އަލުން ތިޔަސޫރަ ނުދެކޭނަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެޔާމީނު

04 March 2019

މީނައާއި މައުމޫން ވަރުގެ އަމިއްލަ އެދުން ބޮޑު 2 މީހުން މަށެއް ނުދެކެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބްދުﷲ

04 March 2019

ބަޢާވާތެއް ނުުކުރާނެ. އަމިއްލައަށް ގޯސް ހެދިގެން ވެރރިކަމުން އިސްތިއުފާދޭން މަޖުބޫރު ވާނެ ހާލަތެއް ދިމާވެދާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލޯކަ!

04 March 2019

ކަލޭ ވެރިކަމުގައި ހުރިއިރު ވަގުވަގަށް މެމްބަރުންނަށް ރިޝްވަތު ދީގެން މަޖިލިސްގެ މެޖޯރިޓީ ހޯދަންވެގެން ކުރިމަސައްކަތް ކާމިޔާބު ނުވެ އަނގަވަތައް ވެއްޓި ލީ ލަކުނު ނުފިލައި އުޅެނިކޮށް އަނެއްފަހަރު ކޯލިޝަނަށް އޮޅުވާލައިގެން މެޖޯރިޓީ ހޯދަން ތިކުރާ ނާޖާއިޒް މަސައްކަތުން މިފަހަރުވެއްޓި އަނގައިގެ ދަތްކޮޅު އެތެރަށް މެޅި، ކަށިމަތި ބިންދައިގެން ދިޔައިމާ އަނެއް ބަޣާވާތައް ގޮވައި ދެވަނަފަހަރަށް ރާއްޖޭގައި ހުޅުޖަހާނެ ކަމީ ޝައްކެއްހުރިކަމެއްނޫނެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖާވާ

04 March 2019

އަބަ ބަޣާވާތޭ މިކިޔެނީ އެއީ ޢާއިލީ ކަމަކަށްވާތީ.ތޯއްޗެ ބުނާއަޑު އިވޭ މުނިކާފަ އިރުއްސުރެ ކުރަމުން އަންނަ ކަމެކޭ 1983 ފިސްތޯލަވެސް އެތެތެކުރީ އެއީ ކީއްކުރަންބާ މިކަންކަން.ސާފުކޮއްލަ ދިނުން ބޭނުން