182 ދީނީ ސްކޫލް ކޮންޓްރޯލުގެ ދަށަށް ގެނެސްފިން: ޕާކިސްތާން

އިންޑިއާ އިން ހަމަލާ ދިން ކަމަށް ބުނާ ޖައިޝީ މުހައްމަދުގެ ދީނީ މަދަރުސާއެއް. --ފޮޓޯ:ބީބީސީ

ހަސަން އާމިރު، މިހާރު

08 މާޗް 2019 - 10:19

އިސްލާމްއާބާދު (މާޗް 8) - ހަރުކަށިކަމާ ދެކޮޅަށް ޕާކިސްތާނުން ފަށާފައިވާ ކެމްޕޭނުގެ ދަށުން، ދީނީ ތައުލީމްދޭ 182 މަދަރުސާއެއް ސަރުކާރުގެ ކޮންޓްރޯލްގެ ދަށަށް ގެނެސްފައިވާ ކަމަށް އެ ގައުމުން ބުނެފި އެވެ.

މަނާކޮށްފައިވާ ޖަމާއަތްތަކަށް ނިސްބަަތްވާ 100 އަށް ވުރެ ގިނަ މީހުން ހައްޔަރުކޮށްފައިވާ ކަމަށް ވެސް ޕާކިސްތާނުން ބުނެ އެވެ.

"182 މަދަރުސާގެ މެނޭޖްމަންޓް ކޮންޓްރޯލް މިހާރު ވަނީ ޕްރޮވިންސްތަކުގެ ސަރުކާރުތަކުން ނަގާފައި،" ޕާކިސްތާނުގެ ދާޚިލީ ވުޒާރާ އިން ނެރުނު ބަޔާނެއްގައި ބުނެފައިވެ އެވެ.

ދާޚިލީ ވުޒާރާ އިން ބުނެފައި ވަނީ މިއީ މާކުރިން ވެސް ކުރަން ރާވާފައިވާ ކަމެއް ކަމަށެވެ. އަދި މިއީ ކަޝްމީރުގައި ދިން ހަމަލާއާ ގުޅިގެން އިންޑިއާގެ ފަރާތުން ކުރިމަތިކުރާ ޕްރެޝަރަށް ކުރާ ކަމެއް ނޫން ކަމަށް ވެސް ބުނެފައިވެ އެވެ. އިންޑިއާ އިން ބުނަމުން ދަނީ ހަރުކަށި ޖަމާއަތްތަކުން ކަޝްމީރުގައި ޓެރަރިސްޓް ހަމަލާތައް ދެނީ ޕާކިސްތާނަށް އެ މީހުން ކޮންޓްރޯލް ނުކުރެވޭތީ ކަމަށެވެ.

މިދިޔަ މަހު 14 ވަނަ ދުވަހު ކަޝްމީރުގެ ޕުލްވަމާގައި ޓެރަރިސްޓް ހަމަލާދީފައި ވަނީ ޕާކިސްތާނަށް ނިސްބަތްވާ ޖައިޝީ މުހައްމަދު ކިޔާ ޖަމާއަތަކުންނެވެ. އިންޑިއާ އިން ވަނީ އެ ޖަމާއަތުގެ މައި މަރުކަޒަށް ބޮން އަޅައިފަ އެވެ. ޕާކިސްތާނުން ބުނެފައި ވަނީ އިންޑިއާގެ ހަމަލާތަކުގައި ޖައިޝީ މުހައްމަދުން ހިންގާ އެއްވެސް މަދަރުސާއަކަށް ގެއްލުން ނުވާ ކަމަށެވެ.

ޕާކިސްތާނުން ވަނީ ޖައިޝީ މުހައްމަދު އިސް މީހުން ހައްޔަރުކޮށް އެ ޖަމާއަތުގެ މުދާތައް ހިފަހައްޓަން ފަށައިފަ އެވެ.

ސްކޫލް ޕާކިސްތާން ދީން

2 ކޮމެންޓް, 15 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ވަހީދު

08 March 2019

ތިއައީ ދީނީ ސްކޫލްތަކެއް ނޫން. ތިއައީ ދީނުގެ ނަމުގާ މީހުން ކާފަރުކޮށް ޖާހިލިއްޔަ ޒަމާނުގެ ބަދަވީންގެ އާދަކާދަ ދަސްކޮށްދީ އިސްލާމްދީނުގެ ބުރުސޫރަ ހުތުރުކޮށް މުސްލިމުންގެ އިލްމީ ހޭލުންތެރިކަން ނައްތާލުމަށް އިނގިރޭސި ސަރުކާރުން ފަންޑުކޮށްގެން ޕާކިސްތާނުގާ ހިންގާ ކޭމްޕުތަކެއް. ތިތަނުން ކިއަވައިގެން އައި ބަޔަކު މިރާއްޖެވެސް ފަސާދަކުރީ. ތިއަހުރިހާ ކޭމްޕެއް ނައްތާލަންޖެހޭ.