ނިއު ޒީލެންޑުގެ ބޮޑު ވަޒީރު ޖަސިންޑާ އާޑާން ނޫސްވެރިންނާ ވާހަކަ ދައްކަވަނީ. --ފޮޓޯ:އޭއެފްޕީ
21 މާޗް 2019 - 10:35
10 comments
ކްރައިސްޗާޗް (މާޗް 21) - ނިއު ޒީލެންޑުގެ ކްރައިސްޗާޗުގެ ދެ މިސްކިތަކަށް ހަމަލާދީ 50 މީހުން މަރާލި ހާދިސާ އަށް ފަހު އަންނަ ފުރަތަމަ ހުކުރު ނަމާދު އެ ގައުމުގެ ގައުމީ ޓީވީން ލައިވްކޮށް ދެ މިނިޓުގެ ސްކޫތެއް ގެނައުމަށް ބޮޑު ވަޒީރު އާޑާން ޖަސިންޑާ ނިންމަވައިފި އެވެ.
"ހަމަލާ އަށް ފަހު މުސްލިމުން ފުރަތަމަ ހުކުރު ނަމާދަށް ދާއިރު އެ މީހުންނާ އެކު އެންމެން ވާކަން ހާމަކޮށްދޭން ބޭނުންވާ އެތައް ބަޔަކު ތިބޭނެ،" ނޫސްވެރިންނާ ވާހަކަ ދައްކަވަމުން ޖަސިންޑާ ވިދާޅުވި އެވެ. "އެކަން ހާމަކުރުމަށްޓަކައި މާދަމާ ދެ މިނިޓުގެ ސްކޫތެއް ގެނެވޭނެ. އަދި ހުކުރު ނަމާދު ނިއު ޒީލެންޑުގެ ގައުމީ ޓީވީ އާއި ރޭޑިއޯ އިން ލައިވް ކުރާނެ."
ހަމަލާގައި މުސްލިމުންނަށާއި ގައުމަށް ލިބުނު ހިތާމައިގައި ބައިވެރިވުމުގެ ގޮތުން ވީހާ ވެސް ގިނަ އަންހެނުން މާދަމާ ބޯނިވާކޮށް، ބުރުގާ އަޅައިގެން ތިބުމުގެ ހަރަކާތެއް ވެސް ދަނީ އިންތިޒާމް ކުރަމުންނެވެ. މަސްކަތުގެ މާހައުލާއި ސްކޫލްތަކާ އަދި ކުޅިވަރުގެ ދަނޑުތަކުގައި ވެސް ބުރުގާގައި ތިބުމަށް ވަނީ އިލްތިމާސްކޮށްފަ އެވެ. ނިއު ޒީލެންޑުގެ އިސްލާމިކް ވިމެންސް ކައުންސިލާއި ނިއު ޒީލެންޑް މުސްލިމް އެސޯސިއޭޝަނުން ވަނީ އެކަމަށް މަރުހަބާ ކިޔައިފަ އެވެ. މުސްލިމް އެސޯސިއޭޝަންގެ ރައީސް ވިދާޅުވީ މި ހިތާމައިން އަރައިގަތުމަށް ވީހާވެސް ގިނަ ބައެއްގެ ހިތްވަރު ބޭނުންވާ ކަމަށެވެ.
އާޑާން އިއްޔެ ވަނީ ހަމަލާ އަށް ފަހު ފުރަތަމަ އެޓެންޑްވީ މީހުންނާ ބައްދަލު ކުރައްވައި ޝުކުރު އަދާ ކުރައްވައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މުހަައަމަދު
22 March 2019
އޭ ﷲ އެލޮބުވެތި ކަމަނާ އަށާއި މުޅިނިއުޒިލެންޑަށް ހިދާޔަތުގެ ތެދުމަގު ދަށްކަވާށި އާމީން
ފޫހި
21 March 2019
ﷲ އަކުބަރު. މިކަމަނާއަށް ތެދުމަގުދައްކަވާ މުޅި ނިއުޒިލޭންޑަކީ މުސްލިމުންދެކެ ލޯބިވާތަނެއްކަމުގައި ލައްވާ އެކަމަނާގެ ވެރިކަން ގަދަކުރައްވާށި. އާމީން!
ޚާތޫން
21 March 2019
މިރާއްޖޭގެ އަންހެންވެރިންވެސް އެބަޖެހޭ އެ ކަނބަލުންގެ ހެދުންތައް އަދަބު އަޚުލާގުގެ މިންގަނޑަށް ފައްތަން. މިހާރަކަށް އައިސް އަންހެނުންގެ ދުވަހާއި ގުޅިގެން ނެރޭ އެކި އެކި ޕޯސްޓާރ ތަކުގައިވެސް ފެންނަނީ އައުރަ ނިވާނުކޮށް ތިބޭ ވަނާތައް އެނގޭ ގޮތަށް އިޝްތިހާރު ކުރެވިފައިވާ ފޮޓޯތައް. ލަދުވެތިކަން ނެތުމަކީ ނާތަހުޒީބުކަން. ބުރުގާތައް މޭމަތި ނިވާނުވާގޮތަށް އަޅާއުޅުމުގެ ލަދުވެތިކަމެއްނެތް ސަޤާފަތެއް ފެތުރެމުންދޭ.
އަބްދުﷲ
21 March 2019
ﷲ އަކްބަރ
ސޯޅަ
21 March 2019
މި ކަމަނާއަށް ﷲ ތަޢާލާ ހިދާޔަތް ދައްކަވާ ދެދުނިޔޭގެ ބާއްޖަވެރިކަން މިންވަރު ކުރައްވާށި. އާމީން.
ޖަމީލުބެ
21 March 2019
"އެއީ ތިޔަބައިމީހުންނަށްހުރި ނުބައެއްކަމުގައި ތިޔަބައިމީހުން ހީނުކުރާށެވެ! އަދި ކިއެއްތަ! އެއީ ތިޔަބައިމީހުންނަށްހުރި ހެވެކެވެ." ސޫރަތުއް ނޫރު - 11
މޯލްޑިވިއަން ފްރޮމް ނިއުޒިލޭންޑް
21 March 2019
ދީނީ މިނިވަންކަމުގެ ޓޮލަރެންސް. އެކަހަލަ މުޖުތަމައުއެއްގައި އުޅުމުން އީމާންކަން ވަރުގަދަ. އެހެން ދީންތަކުގެ މީހުންނަށް ނަމޫނާ ދެއްކުމުގެ ހިއްވަރާއި ސާބިތުކަން އިތުރުވޭ.
ވޮޗްޑޯގް
21 March 2019
ރާއްޖޭގައިވެސް ލައިވްކުރަންވީ ނޫންތޯ މި ހުކުރު ނަމާދު.
ވަހީދު
21 March 2019
ކޮންމެ ކަމަކާއި ގުޅިގެން ވަރަށް ގިނަ ކަންކަންވާނެ. ސްނާމީގެ ފަހުން އަހަރުމެންގެ ރަށުގައި އަނބުގަސް ހައްދަން ފަސޭހަ. ޢަރަބި ރަބީޢުގެ ފަހުން ޔޫރަޕުގައި އިސްލާމްދީން ދަނީ ފެތުރެމުން. މިހަލާގެ ފަހުން ނިއުޒީލެންޑް ގައި ހަލުވިކަމާއި އެކު އިސްލާމްދީން ފެތުރޭނެ އިން ޝ ﷲ.
ރަދީފް
21 March 2019
ކޮބާ ފެނޭތަ؟؟ ރާއްޖޭގެ ލާދީނީ ބައިގަނޑަށް ފެނޭތަ؟؟ އިސްލާމް ދީން އަބަދުވެސް ދާނީ ކުރިއަރަމުން.އިންޝާﷲ.