މީހުންތަކެއް މަގުމަތީގައި: މި ދުވަސްވަރު އާދަޔާހިލާފަށް ހޫނުވުމުން ސަމާލުވާން ވަނީ އިލްތިމާސްކޮށްފައި : ހުސައިން ވަހީދު/ މިހާރު
24 މާޗް 2019 - 16:50
16 comments
މި ދުވަސްވަރަކީ ރާއްޖެއަށް އާދަޔާހިލާފަށް ހޫނު ގަދަ ދުވަސްވަރެއް ކަމަށާއި އެހެންވެ، އެކަމުން ރައްކާތެރިވުމަށް ސަމާލުކަން ދިނުމަށް ހެލްތު ޕްރޮޓެކްޝަން އެޖެންސީ (އެޗްޕީއޭ) އިން މިއަދު އިލްތިމާސްކޮށްފި އެވެ.
ރާއްޖޭގެ ހުރިހާ ހިސާބެއްގައި ވެސް މި ދުވަސްވަރު ހޫނުމިން އުޅެނީ 32 ޑިގްރީ ސެލްސިޔަސްއަށް ވުރެ މަތީގަ އެވެ.
މިކަމަށް ސަމާލުވުން އެދި އެޗްޕީއޭން ނެރުނު ނޫސް ބަޔާނެއްގައި ބުނީ ހޫނުން ރައްކާތެރިވުމަށާއި ހޫނުގެ ސަބަބުން ދިމާވެދާނެ ސިއްހީ މައްސަލަތައް ކުޑަކުރުމަށް ފިޔަވަޅު އެޅުން މުހިއްމު ކަމަށެވެ.
ހޫނުން ރައްކާތެރިވުމަށް ކުރެވިދާނެ ބައެއް ކަންކަން
- ހޫނު ގަދަ ގަޑިތަކުގައި ކުޅިވަރު ކުޅުމާއި ބޭރުގައި އެކި ހަރަކާތްތައް ހިންގުމުގެ ބަދަލުގައި އެތެރޭގައި ނުވަތަ ހޫނު މަޑުވަގުތުތަކުގައި އެކަން ކުރުން
- އަވީގައި އުޅޭ މިންވަރު މަދުކުރުން
- ކަރުނުހިއްކި ނަމަވެސް ގިނައިން ފެން ބުއިން
- ހަކުރު އަދި ކެފެއިން ހުންނަ ބުއިންތަކާ ދުރުވުން
- ބޭރަށް ނިކުންނަ ނަމަ އަވިން ރައްކާތެރިވުމަށް، ޔޫވީ ފިލްޓާ އައިނެއް އެޅުން، ސަންސްކްރީން ލޯޝަން އުނގުޅުމާއި ތޮފި އެޅުމާއި ގަޔަށް ދޫހެދުން ލުން
ހޫނު ގަދަވުމުގެ ސަބަބުން ދިމާވެދާނެ ސިއްހީ މައްސަލަތައް ވެސް އެ ބަޔާނުގައި ފާހަގަކޮށްފައި ވެ އެވެ. އެގޮތުން ހަށިގަނޑުން ފެންމަދުވެ ބޯ އެނބުރުމާއި އަކުނިވަޔަށް ދެމުމާއި ލޮލުގެ މަތީ ފަށަލަ ފިހެވި، ލޮލުގެ އެތެރެއަށް ގެއްލުން ލިބުމާއި ހަންގަނޑު ރަތްވެ ފޮޅުމާއި ކުދި ރަތް ބިހި ނެގުން ހިމެނެ އެވެ.
ސަމާލުކަން ދޭންވީ ކަންކަން
- ވަރުދެރަވެ ބޯ އަނބުރާނަމަ، ވަގުތުން ފިނިތަނެއްގައި މަޑުކޮށްލުން
- ވަރުދެރަވުމާއި އަތްފައި ފިނިވުމާއި އަކުނިވަޔަށް ދަމާނަމަ އަވަހަށް ސިއްހީ ފަރުވާ ހޯދާ
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަބީދު
25 March 2019
މޫސުން ގޯސްވީމަ މީޓިއަރަލޮޖީން ފާޑުފާޑުގެ އެލާޓްތައް ނެރޭނޭ. ހޫނު ގަދަވުމަކީ އެމީހުންގެ މޭންޑޭގަ ހިމެނޭކަމެއް ނުންތަ؟
ދޮންދީދީ
24 March 2019
މިދުވަސްވަރަކީ ހޫނުގަދަ ދުވަސްވަރެއްކަމާއި އަވިބާރުގަޑީގަ އަތްވަށް ނިކުތީމަ ހޫނުވާނެކަން އެޗްޕީއޭއިން އިއުލާން ނުކުރިނަމަ ހިއެއްނުވޭ އެއްވެސް ދިވެއްސަކަށް މިކަން އެނގޭނެހެނެއް. ހެހެހެހެ.
ގޫބައްޑާ
24 March 2019
ހޫނުގަދައިރު ހުދުހެދުން ލައިގެން ބޭރުގައި އުޅުން ރަނގަޅު.
ވާލުސޮރު
24 March 2019
މާރޗް 22ން 28 އަށް އިރު ދަތުރުކުރާނީ ސީދާ އީކުއޭޓަރ މަތިން. މިހަފްތާގަ ހޫނުގަދައީ އެހެންވެ. އެކަމަކު ފެށޭ ހަފްތާގަ ހޫނު މަޑުވާނެކަމަށް މޫސުމީ މާހިރުން ވިދާޅުވޭ.
އަހުމެ
24 March 2019
މިހަބަރު ކިޔާފަ މި ރުޅިއައީ ކީއްވެޔޯ. ލޮލް
ކައެ ބައްޕަ
25 March 2019
އެއީ ދޫ އެއްޗެހި ލާވާހަކަ ބުނީމަ
ޏަފްޠޫނުލް މިއްރީޚް
24 March 2019
ޢަސްލު އިކުއިނޮކްސްގެ މަތިން މީހަކު ހަނދާންކޮށްދިނީމަ މާބޮޑަށް އޭގެ އިހުސާސް ކުރެވޭ. ޏޫންތަ؟
ބަހޫބަލީ
24 March 2019
މައުމޫނުގެ ވެރިކަމުގެ ދުވަސްވަރުވެސް ހަމަ މިވަރަށް ހޫނުގަދަވޭ އެކަމަކު ސަރުކާރުން އޭރު ނިންމާފަ އޮންނަނީ ކަންނޭގޭ 31 ޑިގްރީ...ކިތަންމެ ހޫނުވިއަސް އަބަދުވެސް 31 ހުގަ ހުންނަވާހަކަ ބުނާނީ. މޯބައޮލްގެ ޒަމާނެއްނޫންވީމަ އިތުރަށް ބަލާލެވޭކަށްވެސް ނޯވޭ.
ވަހީދު
24 March 2019
މައުމޫނުގެ ވެރިކަމުގައި ޓީވީން ޚަބަރު ބަލާ މީހުންނަށް އެނގޭނެ އަބަދު ހުންނަނީ 31 ޑިގްރީގައި ނޫންކަން. އަދި ރާއްޖޭގެ އެކި ސަރަހައްދުން މައުލޫމާތު ގެނެސްދޭއިރު، އެތަންތަން ތަފާތުކޮށް ހުންނަނީ. ވާރޭ، ވައި، އަވިދިން ވަގުތު ވެސް ތަފާތު.
ސިޔާސީ
24 March 2019
ކޮންމެކަމެއް ވެސް ވާނެ ސިޔާސީ ކުރަން
މަގޭވިސްނުން
24 March 2019
ކީތޯވާނީ މިދުވަސްކޮޅު ސްކޫލްތައް ބަންދުކޮށްލިއްޔާ. ގިނަސްކޫލްތަކަކީ އޭސީވެސް ކޮށްފަހުންނަތަންތަނެއްނޫން. މިފަދަ ހޫނުގަދަ ގަޢުމުގަވެސް މިހުންނަނީ ފިނިމޫސުމުގެ ޔުނީފޯރމް ހަދާފަ އަދި އެއާއެކު ޓައިވެސް އަޅަންޖެހޭ. ސްކޫލްތަކުގެ ގަޑި ކުރުކޮށްލުންވެސް މިވެސް ކުރެވިދާނެ ކަމެއް.
މައި ތިންކިންގ
25 March 2019
ސްކޫލްތައް ބަންދު ކުރީމާ ހުރިހާ ކުދިންތައް ހޮލިޑޭ ހަދަން މަގުތައްމަތީގައާ އަތިރިމަތީގައި އުޅޭނީ. މިހާރު އަވީގައި އުޅޭ ވަގުތު މަދުވެއެއްނު ސްކޫލްތެރޭގައި ތިބޭތީ.
ބޮއިކޮޓް ޓައީ އެންޑް ޖެކެޓް
25 March 2019
ޔުނިފޯމާ ގުޅޭ ގޮތުން ވިދާޅުވެފަ ތިއޮތީ ވަރަށްބޮޑު ތެދެއް. ދިވެހިންނަށް ވާގޮތަކީ ބޭރުބަޔަކު ކުރަންޏާ އެކަމެއް ކުރަންޖެހޭނެ. ނުބަލާނެ އޭގެ ވަށައިގެންހުރި ކަންކަމަކަށް. މިކަހަލަ ހޫނު ގައުމެއްގަ އެމަތިމަތިން ޖެކެޓްގޮތަށް ޔުނިފޯމް ލައްވާފަ އަދި ނުވީތާކަށް ޓައީ އަޅުވައިގެން ޔުނިފޯމް ހަދަން ހެޔޮނުވާނެ. މިއީ މިހާރު މަންހަޖުގައި ބުނާ ހަރަކާތްތެރި އުނގެނުމުގެ ގޮތްތަކަށްވެސް އޮތް ހުރަހެއް. ކަރުބެދިފަ ގުޑާނުލެވި އަނެއްކާ އެހާ ހޫނުގަ. ހެޔޮވާނެކިހިނެއް؟
ސަތާރަ
24 March 2019
ސަމާލުކަން ދޭންވީ ކަންތައްކުގައި އެބުނާ ވަރަށް މިހާރު ހޫނުތޯ؟ ބޭރުގެ ބައެއްގައުމުތަކުގައި 35 އަށްވުރެވެސް މައްޗަށް ހޫނު އަރައިގެންދޭ.
ފަންޖާސަރާ
24 March 2019
ބްރޯ ހިއުމިޑިޓީ ކިއާއެއްޗެއް އަޑުއަހަންތަ؟ 35 ގަ ހުއްޓަސް ހިއުމިޑިޓީ ވަރަށް ދަށުގަ އުޅޭނަމަ ހޫނު އިހުސާސް ކުރެވޭވަރު ބޮޑުތަނުން ކުޑަވެގެން ހިގައިދާނެ
ާއަށާރަ
24 March 2019
ބަލަ ރާއްޖޭގަ ނާރައެ މީގަ އެއިން ވަަރައް ވެސް ކުރިން އެއް. ބޭރު ގައުމުގެ ވާހަކަ އެއް ނުކިޔައެ މީހެއް.