ކުރީގެ ނައިބު ރައީސް އަހުމަދު އަދީބު މީގެ ކުރިން ގޭ ބަންދަށް ބަދަލުކުރުމަށްފަހު އަނބުރާ ޖަލަށް ގެންދިއުމަށް ކަރެކްޝަންސްގެ ވެހިކަލަށް އަރުވަނީ--- ފޮޓޯ: ނިޝާން އަލީ/ މިހާރު
27 މާޗް 2019 - 10:14
18 comments
ކުރީގެ ނައިބު ރައީސް އަހުމަދު އަދީބު ރޭ ގޭ ބަންދަށް ބަދަލުކޮށްފި އެވެ.
އެނގިފައިވާ ގޮތުގައި އައިޖީއެމްއެޗްގައި އެޑްމިޓްކޮށް ގާތްގަނޑަކަށް ދެ ހަފުތާ ވަންދެން ފަރުވާ ދިނުމަށް ފަހު ގެއަށް ބަދަލުކުރީ 11:30 ހާއިރެވެ. ޓެސްޓުތަކެއް ހެދި ނަމަވެސް އަދީބަށް ފަރުވާ ދިނީ ކޮން ބައްޔަކަށް ކަމެއް ސާފެއް ނުވެ އެވެ.
ކަރެކްޝަންސް އިން ބުނީ އަދީބު ގޭ ބަންދަށް ބަދަލުކުރީ ޝަރުތުތަކާ އެކުގައި ކަމަށެވެ. ނަމަވެސް ގެއަށް ބަދަލުކުރީ ކިހާ މުއްދަތަކަށް ކަމެއް ނުބުންޏެވެ.
މީގެ ކުރިން އަދީބު ގޭ ބަންދަށް ބަދަލުކުރުމުން، އޭނާ ނިސްބަތްވާ މޯލްޑިވްސް ތާޑްވޭ ޑިމޮކްރެޓްސް (އެމްޓީޑީ) އިން އެކަން ހާމަކުރި ނަމަވެސް މިފަހަރު އެއްވެސް މައުލޫމާތެއް ހާމައެއް ނުކުރެ އެވެ.
ޓެރަރިޒަމާއި ހިޔާނާތުގެ އެކި ކުށްތައް ސާބިތުވެ، ކްރިމިނަލް ކޯޓުން 33 އަހަރުގެ ހުކުމެއް އިއްވާފައިވާ އަދީބު މިިދިޔަ ނޮވެމްބަރު މަހުގެ ފަހުކޮޅު ވެސް ގޭ ބަންދަށް ބަދަލުކުރި އެވެ. މަހަކަށް ވުރެ ގިނަ ދުވަސް ވަންދެން ގޭ ބަންދުގައި ބެހެއްޓުމަށްފަހު އޭނާ އަނބުރާ ޖަލަށް ގެންދިޔައީ މިދިޔަ ޖެނުއަރީ ދެ ވަނަ ދުވަހު އެވެ.
ކުރީގެ ރައީސް އަބްދުﷲ ޔާމީންގެ ވެރިކަމުގައި އެމްއެމްޕީއާރުސީގެ 1.4 ބިލިއަން ރުފިޔާގެ ހިޔާނާތް ހިންގުމުގައި އިސްކޮށް ހުރި ކަމަށް ތުހުމަތުކުރެވޭ އަދީބު މީގެ ކުރިން ޖަލަށް ގެންދިއުމުން، އޭނާ އަނބުރާ ގޭ ބަންދަށް ބަދަލުކުރުމުގެ އަމުރެއް ހައި ކޯޓުން ނެރުނެވެ. ނަމަވެސް ގޭ ބަންދަށް ވެސް ބަދަލުކުރި ފަހުން ސުޕްރީމް ކޯޓުން ވަނީ އެ އަމުރަށް އަމަލުކުރުން ފަސްކޮށްފަ އެވެ.
ހައި ކޯޓުގެ އަމުރަށް އަމަލުކުރުން ފަސްކުރަން ސުޕްރީމް ކޯޓުން އަމުރު ނެރުނީ، ހައި ކޯޓުގެ އެ އަމުރު ދައުލަތުގެ ފަރާތުން ސުޕްރީމް ކޯޓުގައި އިސްތިއުނާފްކޮށް، އެ އަމުރަށް އަމަލު ކުރުން ފަސްކުރުމުގެ އަމުރަކަށް ދައުލަތުން އެދުމުންނެވެ.
އަދީބު ގޭ ބަންދަށް ބަދަލުކުރިއިރު، މަނީލޯންޑަރިންގެ ތުހުމަތުގައި ދައުވާ ލިބޭ ކުރީގެ ރައީސް އަބްދުﷲ ޔާމީން ވެސް ޖަލުގައި ބެހެއްޓުމަށް ފަހު ވަނީ ގޭ ބަންދަށް ބަދަލުކޮށްފަ އެެވެ. އެމަނިކުފާނުގެ ޝަރީއަތް ނިމެންދެން ބަންދުގައި ބަހައްޓަން ކޯޓުން ވަނީ އަމުރުކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަބީބާ
27 March 2019
100 ދުވަހުގެ ސިރު ވައުދު ތަކުކެ ތެރެއިން ވައުދެއް ދެއްތޯ؟
ހޯމް މިނިސްޓްރީގެ މީހެއް
27 March 2019
އަދީބު ގެއަށް ބަދަލުކުރީ ޑީލެއްގެ ދަށުން، އަދީބުގެ އެމްއެމްޕީއާރުސީ ނެޓްވޯކްގެ ފަރާތްތައް ލައްވާ ދޮގު ހެކިބަސް ބަޔާންތަކެއް ވަކިފަރާތްތަކަކަށް ނަގުދު ފައިސާ ދިންކަމަށް ބުނުވާފަ، މިކަން ދެތިން ދުވަހެއްގެ ތެރޭގައި އިނގޭނެ
ނުބައިހާނު
27 March 2019
ކެމްޕޭނަށް ލާރިކޮޅެއް ބޭނުންވާއިރަށް ބުރޯ ގެއަށް. ކެމްޕޭނު ނިމޭއިރަށް ބުރޯ ޖަލަށް. އަނެއްކާވެސް ދަތިވެލާ އިރަށް ބުރޯ ގެއަށް. ދަތި ފިލީ ބުރޯ ޖަލަށް. މިކަހަލަ ބުރޯއެއް މަށަށްވެސް ލިބޭނަމަ. މިއީ އެޖެންޑާ ކުދިންނަށް ލިބިފަހުރި ރަންބިސް އަޅާ ކުކުޅެއް
ވިސްނާ1
27 March 2019
އަދީބާއި ޔާމީނަކީ ޖަލު ނޫން އެހެން ތަނެއް ހައްގުވާ ބައެއް ނޫނެވެ. ހިންގާފައިވާ ޖަރީމާތައް މާ ބޮޑެވެ. ދައުލަތުގެ މާލިއްޔަތައް ދީފައިވާ ގެއްލުން އަގު ނުކުރެއެވެ. ދިވެހި ރައްޔިތުންނަށް ލިބިފައިވާ ގުދުރަތީ ރިސޯސްތައް ރައްޔިތުންނަށް އޭގެ މަންފާ އެންމެ ފުރިހަމަ ގޮތުގައި ނުލިބޭ ގޮތަށް އަމިއްލަ ޖީބަށް ކަހާލާފައިވާ މިންވަރު މާ ބޮޑެެވެ.
ކޮބާ..ކޮބާ
27 March 2019
ބައިތުލްމާލު އެއްކޮށް ބޭނުން ކުރިޔަސް ކުއްވެރި ނުވާނެ ކަން އަންގައިދީފި..
ހިގޮ
27 March 2019
ތިޔައީ ވެރިކަން ކުރަން ފަސޭހަ އަށް ކުރާ ކަންތައް ރައިޔަތުން ނައް ގެއްލުން
ޖަމްބޯ
27 March 2019
އަދީބަށްވެސް މި ސަރުކާރުގެ ކޮންމެސް މަގާމެއް ދޭން ފެނޭ. މިހާރު އޮތީ ހުރިހާ އެއްޗެއް މިކުސް ވެފަ. އޭރު ކީހާ ބަނދިތައް ހަނދާން ނެތިއްޖެ. ގައުމު ކައި ހުސްކުރި މީހުންނާއި. އޭގެން މުއްސަނދިވި މީހުން ތިބި ތާކު އެބަތިބި. އެކަން ހަނދާން ނެތިއްޖެ
ހިޝާ
27 March 2019
މިހާރު އެމްއެމްޕީއަރުސީ ގެ ފައިސާ ނެގި މީހާކު ނެތް
ދޭސީ
27 March 2019
މިސަރުކަރުވެސް ހަމަ ސިއްރުސިއްރުން މި ހުރިހާ އެންމެން ދޫކުރަނީނު. ދެން އުޅޭނެ ލަވަކިޔާފަ ޕާޓީ ބާއްވާލާ ފައިސާތައްވެސް މެނޭޖްކޮށް ހަދަން.
3333
27 March 2019
ތި އެންންމެންނަކީވެސް ކޭމީހުން. ނުކައި ހުރި މީހާއަށް ވަގަށް ގޮވީ. ދިވެހިންނަކީ ބުރާންތިވެފަ ތިބޭ ބައެއް.
ސަނީޕް
27 March 2019
ގަބޫލު ކުރަން އުނދަގޫ ހަގީގަތަކީ، ހުރިހާ ސިޔާސީ ވެރިންވެސް ކޮރަޕްޓްކަން، އެޓްލީސްޓް ބްރޯ ކޫލް