ޚަބަރު / މެމްބަރު އަބްދުﷲ ޖާބިރު (ކާށިދޫ)

އަޅުގަނޑު ހުންނާނީ ރައީސްގެ ފަހަތްޕުޅުގައި: ޖާބިރު

އަބްދުﷲ ޖާބިރު: ކާށީދޫ ދާއިރާގެ ގޮނޑި ކާމިޔާބު ކުރެއްވީ އޭނާ -- ފައިލް ފޮޓޯ: މިހާރު

07 އެޕްރީލް 2019 - 14:25

އަމިއްލަ ކެންޑިޑޭޓެއްގެ ގޮތުގައި ކާށިދޫ ދާއިރާގެ ގޮނޑި ކާމިޔާބު ކުރެވުނަސް، ހުންނަވާނީ އެމްޑީޕީ އާއި ރައީސް އިބްރާހިމް މުހަންމަދު ސޯލިހާ އެކު ކަމަށް ވިޔަފާރިވެރިޔާ އަބްދުﷲ ޖާބިރު ވިދާޅުވެއްޖެ އެވެ.

"މިހާރު" އާ ވާހަކަ ދައްކަވަމުން ޖާބިރު މިއަދު ވިދާޅުވީ އޭނާ އަކީ އަދިވެސް އެމްޑީޕީގެ މެމްބަރެއް ކަމަށާއި އެހެންވެ އެމްޑީޕީގެ ކާމިޔާބީގެ ލިސްޓްގައި އޭނާގެ ނަން ވެސް ގުނެން ޖެހޭ ކަމަށެވެ.

"އަޅުގަނޑު ހުންނާނީ ރައީސް އިބްރާހިމް މުހަންމަދު ސޯލިހުގެ ފަހަތްޕުޅުގައި. އަޅުގަނޑު މިހުރީ އެމަނިކުފާނަށް ޓަކައި ޝަހީދު ވެސް ވާން ތައްޔާރަށް،" ރައީސް ސްޕެޝަލް އެންވޯއިގެ މަގާމުގައި މިހާރު ވެސް ހުންނެވި ޖާބިރު ވިދާޅުވި އެވެ.

ކާށިދޫ ދާއިރާ އަށް އަމިއްލަ ގޮތުން ޖާބިރު ވާދަކުރެއްވީ، އެމްޑީޕީގެ ޕްރައިމަރީގައި ނާކާމިޔާބުވެ ވަޑައިގަތުމާ ގުޅިގެންނެވެ. އެ ދާއިރާއިން މި އިންތިހާބުގައި އެންމެ ކައިރިން ޖާބިރާ ވާދަކުރެއްވީ ވެސް އެމްޑީޕީގެ ކެންޑިޑޭޓެވެ.

ޖާބިރު ވިދާޅުވީ މި އިންތިހާބުން ފެނިގެން މި ދިޔައީ ކޯލިޝަން ނެތް މަންޒަރު ކަމަށާއި މިއީ ކުރީގެ ރައީސް މައުމޫން އަބްދުލްގައްޔޫމާއި ޖުމްހޫރީ ޕާޓީގެ ލީޑަރު ގާސިމް އިބްރާހިމްގެ ސިޔާސީ ހަޔާތް ނިމިގެން ދިޔަ އިންތިހާބެއް ކަމަށެވެ.

"އަޅުގަނޑު ދަންނަވާނީ ބޮޑުތަނުން މިވީ ބަލި ގާސިމް ގަބޫލު ކުރައްވައި މަޖިލީހުގެ ރައީސް ކަމުން މިހާރުން މިހާރަށް އިސްތިއުފާ ދެއްވާށޭ،" މަޖިލީހުގެ ރައީސް ކަމަށް ވަޑައިގަތުމަށް ކުރިން ޝައުގުވެރިކަން ފާޅުކުރެއްވި ޖާބިރު ވިދާޅުވި އެވެ.

އެކަމަކު އޭނާ މިއަދު ވިދާޅުވީ މަޖިލީހުގެ ރައީސް ކަމަށް ވަޑައިގަތުމުގެ ވިސްނުން އެއްފަރާތް ކޮށް، މަޖިލީހުގެ ރައީސް ކަމަށް އެމްޑީޕީގެ ލީޑާޝިޕުން ގެންނަން މަސައްކަތް ކުރާ ހިތަދޫ އުތުރު ދާއިރާގެ މުހަންމަދު އަސްލަމް އަށް ތާއީދު ކުރައްވަން ނިންމަވާފައިވާ ކަމަށެވެ.

"އެމްޑީޕީގެ ކޮންމެ ނިންމުމަކަށް އަޅުގަނޑު ބޯލަނބާނަން،" ޖާބިރު ވިދާޅުވި އެވެ.

މެމްބަރު އަބްދުﷲ ޖާބިރު (ކާށިދޫ) ރައްޔިތުންގެ މަޖިލީހުގެ އިންތިޚާބު 2019 ރައްޔިތުންގެ މަޖިލިސް ކ. ކާށިދޫ

60 ކޮމެންޓް, 224 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަހުމަދުބެ

10 April 2019

ގުނބޯހައްދަނީ ބިލިޔަނަރަކަސް ވައިރުނަރަކަސް ވާނެވަރުގެ ވާހަކަދައްކަބަލަ ކޭބަލްކާރު ވައިރުދަމާލެވޭވަރު މިރާއްޖޭގެ އެއްވެސްރަށެއްގެ ނުހުންނާނެ ދެންކިހިނެއް ކޭބަލްކާރުއަޅާނީ ޖާބިރުކިތަންމެމޮޅަސް ވާނެކަމެއްނޫންއެއީ ޖާބިރު ހިނދުކޮޅުައައީދޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަސީދު

09 April 2019

ޢުހު ކަލޭހުންނަންޖެހޭނީ އެންމެންނައްވުރެކުރީގައި އެއްގޮތަކައްވެސް ފަހަތުގައި ހުންނާކައްނުޖެހޭނެ ތީއެއައްވުރެ މާމޮޅުމީހެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސޯޝަލިސްޓް

08 April 2019

ޖާބިރު ގާސިމް ޗަމްޕާ ޔުނިވާސަލް އަދި ޝިޔާމް އަތުގަ އޮތީ ކިތައް ރިސޯޓުތޯ ކާކަށް އެގެނީ. މއީ އަސާސީ މައުލޫމާތެއް. ނޫސްވެރިންވެސް އެބަޖެހޭ އެންމެ ފުރަތަަމަ މިކަހަލަ އަސާސީ މައުލޫމާތު ފަތުރަން. ވަކިވަކިފަރުދުންނަށް ރިސޯޓުދީ އެމީހުން އިންތިހާއަށް މުއްސަތިކުރުމުގެ ބަދަލުދައި ދައުލަތުން ހުރިހާ ވިޔަފާރިއެއް ކުރަންއެބަޖެހޭ. ސޯޝަލިސްޓު މުޖުތަމައުއެއް އުފައްދަންޖެހޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮރިޖިނަލް މޮހަނު

08 April 2019

ސޯޝަލިސްޓެއްނޫން. އިސްލާމީ ވެރިކަމެއް. މުދަލުގެ ޒަކާތް ނަގާދީ. އިންޓަރަސްޓު(ރިބާ) މަނާކުރޭ. އަދުލު އިންސާފު ގާއިމުކޮށްދީ. އޭރުން ދެންހުރިކަންކަން މަޑުމަޑުން ހަމައަކަށްއެޅި ރަނގަޅުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސޯޝަލިސްޓު ނަމްބަރު 2

09 April 2019

އޮރިޖިނަލް މޮހަނުއަށް، ސޯޝަލިސްޓު ސިޔާސަތުތަކާއި އިސްލާމީ އުސޫލުތަކާ ހިލާފީތޯ؟ %100 އިސްލާމީ ވެރިކަމެއް ނޫންތޯ ރާއްޖޭގައި މިހާރުވެސް އޮތީ؟ މުދަލު ޒަކާތް ނުނަގާތޯ މިހާރުވެސް؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރައްޔިތުމީހާ.

08 April 2019

ގޮނޑި ލިބެންދެން ރައްޔިތުންގެ ކެންޑިޑޭޓު. އެމް.ޑީ.ޕީ މީހަކު ހުއްޓައި އޭނަނުހޮވާ ޖާބިރަށް ދިނީ ކަމަކުދޯ؟ ވަކި މީހެއްގެ ފަހތުގައި ހުންނާނެ ކަމެއްނެތް. ޜައްޔިތުންގެ މީހެއްގެ ގޮތުގައި ހުރޭ.