ޕީޕީއެމްގެ ޖަލްސާއެެއްގައި އެ ޕާޓީގެ އިސް ބޭފުޅުންގެ އަޑު ނިހާން އައްސަވަނީ: ޕާޓީގެ ހިންގުން އޮތް ގޮތަށް މިއަދު ވަރަށް ބޮޑަށް ފާޑުވިދާޅުވި.---ފައިލް ފޮޓޯ: މިހާރު
19 އެޕްރީލް 2019 - 17:17
57 comments
އެންމެ ފަހުން ބޭއްވި ތިން އިންތިޚާބުގައި ވެސް ޕީޕީއެމަށް ނާކާމިޔާބުވީ ރައްޔިތުންނަށް ކޮށްދޭނެ ކަންތައްތަކެއް ރަނގަޅަށް ކިޔައި ނުދެވުމުން ކަަމަށް އެ ޕާޓީގެ ޕާލަމެންޓްރީ ގްރޫޕްގެ ކުރީގެ ލީޑަރު ވިލިމާލެ ދާއިރާގެ މެމްބަރު އަހުމަދު ނިހާން މިއަދު ވިދާޅުވެއްޖެ އެވެ.
ޕީއެސްއެމަށް ދެއްވި އިންޓަވިއުއެއްގައި ނިހާން ވިދާޅުވީ، ޕީޕީއެމަށް ނާކާމިޔާބުވީ ވަކި ބޭފުޅަކު ހުންނަވައިގެން ނުވަތަ ނޫޅުއްވުމުން ނޫން ކަމަށާއި ޕާޓީ ކޮނޑު އަޅައިގެން ނުކުންނާނެ ބަޔަކު އުފެއްދިފައި ނެތުމުން ކަމަށެވެ. އަދިވެސް އާ ބަޔަކު ނުކުމެ މަސަައްކަތްކޮށްފި ނަމަ އެ ޕާޓީ އަށް ކާމިޔާބު ލިބޭނެ ކަމަށް ދެކެވަޑައިގަންނަވާ ކަމަށް ވެސް އޭނާ ވިދާޅުވި އެވެ.
"ފިކުރަކާ އެކުގައި ރައްޔިތުންނަށް ވިއްކައިދޭން މަސައްކަތް ކުރަން ވާނެ. ފަހުގެ ތާރީޚެއް ގައި ޕީޕީއެމްއަށް ލިބުނު ގެއްލުންތަކަކީ މި އެޖެންޑާ ރައްޔިތުންނާ ހަމައަށް ގެންގޮސްދޭނެ، ޕީޕީއެމުން ކޮށްދޭނެ ރަނގަޅު ކަންތައްތައް ދައްކައި ދިނުމުން ދުރުހެލި ވަނީ، އަޅުގަނޑުމެންނަށް އެ މަސަައްކަތް ނުކުރެވުނީ،" މިދިޔަ ފަސް އަހަރު ސަރުކާރު ހިންގި އެކަމަކު މިހާރު އިދިކޮޅު ޕާޓީގެ ގޮތުގައި އޮތް ޕީޕީއެމްގެ ބަލިފައިތަކާ ގުޅޭ ގޮތުން ނިހާން ވިދާޅުވި އެވެ.
"އެންމެ ކުޑަމިނުން ޚުދު އަޅުގަނޑު އެ ސަރަހައްދަކަށް ނިސްބަތްވާ ތިނަދޫގައި، އެމްޑީޕީން ބިމެއް، އެ މީހުންގެ އަމިއްލަ ބޭނުމަށް ނަގައިގެން ޕާޓީން ބޭނުންތައް ކުރާތާ މިހާރު މީ ފަސް ހަ އަހަރުވީ. އަޅުގަނޑުމެންނަށް ބިމަށް އެޕްލައި ވެސް ނުކުރެވުނު. މީ ކާކުގެ މައްސަލައެއްތޯ،" ނިހާން
އޭނާ ވިދާޅުވި ގޮތުގައި ޕީޕީއެމް ކުރިއެރުވުމުގައި އާއްމު މެމްބަރުންގެ ބައިވެރިވުން ރަނގަޅަށް ލިބޭނެ އިންތިޒާމެއް ހަމަނުޖެއްސި އިދާރީ ގޮތުން ވެސް އެ ޕާޓީ އަށް ވަނީ ބޮޑެތި ގޯސްތައް ހެދިފަ އެވެ. ޕީޕީއެމްގެ ހަރު މުދަލެއް ރާއްޖޭގެ އެއްވެސް ތަނެއްގައި ނެތީ ހިންގުންތެރިކަމާއި ވިސްނުންތެރިކަން ޕާޓީގެ އެއްވެސް ހިސާބެއްގައި ނެތުމުން ކަމަށް ވެސް ވިދާޅުވި އެވެ.
"އެންމެ ކުޑަމިނުން ޚުދު އަޅުގަނޑު އެ ސަރަހައްދަކަށް ނިސްބަތްވާ ތިނަދޫގައި، އެމްޑީޕީން ބިމެއް، އެ މީހުންގެ އަމިއްލަ ބޭނުމަށް ނަގައިގެން ޕާޓީން ބޭނުންތައް ކުރާތާ މިހާރު މީ ފަސް ހަ އަހަރުވީ. އަޅުގަނޑުމެންނަށް ބިމަށް އެޕްލައި ވެސް ނުކުރެވުނު. މީ ކާކުގެ މައްސަލައެއްތޯ،" މި މަހުގެ ހަ ވަނަ ދުވަހު ބޭއްވި އާންމު އިންތިޚާބުގައި ތިނަދޫ ދެކުނު ދާއިރާ އަށް ވާދަކުރައްވައި ނާކާމިޔާބުވި ނިހާން ވިދާޅުވި އެވެ.
އޭނާ ވިދާޅުވީ، ޕީޕީއެމާ ގުޅުން ހުރި ވިޔަފާރިތަކަށް ވެސް ކުރިއެރުންތައް ދީފައި ނުވާ ކަމަށާއި ޕާޓީގެ މެމްބަރުންގެ ގޮތުގައި "އަތް ދިއްކޮށްލާނެ" ފަދަ ރަނގަޅު ބަޔަކާ ގުޅުން ވެސް ބަދަހިވެފައި ނެތް ކަމަށެވެ.
ނިހާން ވިދާޅުވި ގޮތުގައި ޕީޕީއެމްގެ އިންތިޒާމް ރަނގަޅު ނުވީ، ޕާޓީގެ ލީޑަޝިޕްގައި ކުރީގެ ރައީސް މައުމޫން އަބްދުލްގައްޔޫމް ނުވަތަ ކުރީގެ ރައީސް އަބްދުﷲ ޔާމީނު ނެތުމުންނެއް ނޫނެވެ.
ޔާމީންގެ ވެރިކަމުގައި އެމަނިކުފާނު ތިނަދު އަށް ކުރެއްވި ދަތުރުފުޅުގައި، އެ ރަށުގެ މީހުންނާ ބައްދަލުކުރެއްވުމަށް ބޭއްވެވި ހަފުލާގައި ބައިވެރިވެވަޑައިގަންނަވަނީ.---ފޮޓޯ: ރައީސް އޮފީސް
ޕީޕީއެމްގެ އިންތިޒާމުތައް އޮތް ގޮތަށް ފާޑުވިދާޅުވެ ނިހާން ވާހަކަ ދެއްކެވި އިރު ވެރިކަން ކުރާ ކޯލިޝަންގެ މައި ޕާޓީ އެމްޑީޕީގެ ހިންގުންތެރިކަމަށް އޭނާ ތައުރީފު ކުރެއްވި އެވެ.
"އެމްޑީޕީގެ އޭގެ ޒާތުގައި، އެ ފިކުރަށް ތަބާވާ ބައެއްގެ މެދުގައި ރައީސް ނަޝީދު ހުއްޓަސް، ރައީސް އިބްރާހީމް މުހައްމަދު ސޯލިހު ހުއްޓަސް އަދި އެހެން މީހަކު ހުއްޓަސް އެ އޮންނަ އެކުވެރިކަމާއި ބަދަހިކަން ބާއްވާނެ ގޮތްތަކެއް ތަރުތީބު ކުރެވިފައި އޮތީ،" އޭނާ ވިދާޅުވި އެވެ.
މި ފަހަރުގެ އާންމު އިންތިޚާބުގައި ޕީޕީއެމަށް ކާމިޔާބު ކުރެވުނީ އެންމެ ފަސް ގޮނޑި އެވެ. އެ ޕާޓީއާ އެކު ކޯލިޝަން ހެދި ކޮންގްރެސް ޕާޓީ އަށް ނެގުނީ އެންމެ ތިން ގޮނޑި އެވެ. މިދިޔަ އަހަރުގެ ރިޔާސީ އިންތިޚާބާއި އޭގެ ކުރިން ބޭއްވި ލޯކަލް ކައުންސިލްތަކުގެ އިންތިޚާބުގައި ވެސް އެ ޕާޓީ ވަނީ ބޮޑު ބައްޔަކުން ބަލިވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބޫމް
21 April 2019
ތިމީހުން ބެލީ ރައްޔިތުންނަށް ކަމެއް ކޮށްދޭކަށް ނޫން. ރައްޔިތުން ތިމީހުންނަށް ކަންތައްތައް ކޮށްދޭންޖެހޭ ކަމަށް. ތިމާމެންގެ ބަސް ހަރުކޮށް ގައްޑާ ވާން. އަމިއްލަ ބޮނޑި ބޮޑު ކުރަން. އެކަމާ ހެދި ޕާޓީގެ ކަމަކާ ވިސްނާލަން ވަގުތު ނުލިބުނީ.
Hassan Thoufeeq
20 April 2019
ޕީޕީއެމަށް ތިޔަ ދިމާވި ނާކާމިޔާބީ އަކީ ހަމަ ނިހާނުމެން ދުލުން ގޮން ޖައްސަވަމުން ކިޔާއެކައްޗެއް އަބަދު ކިޔަމުން އަޔަތީ ނިކުތްނަތީޖާ! ޢެއިގެ ފުރިހަމަ ޒިއްމާ ނިހާންނަގަންޖެހޭ! ޤާނޫނު ނަގަހައްޓަން! ޢިސްލާމްދީން ޙިމާޔަތްކުރަން މިނިވަންކަން ދަމަހައްޓަން މިލަވައިގެ ނަތީޖާ! ލާދީ ވެރިންނެއް އަޔަކަ ނުދޭނަން! މިބަސްތަކެއް މިހާރު ނުވިކޭނެ! ނުބައި ޕްރަޑަކްޓެއް ވިއްކަން ހަދައިގެން ދިމާވިގޮތް! ރައްޔިތުންނަށް ކޮށްދޭނެ އެއްވެސް ކަމެއްގެ ވާހަކައެއް ނުދެއްކޭ!!!
މަތިމަސް ޗަންޕާ
20 April 2019
ހުރިހާ ސިޔާސީ ޕާޓީގެ ވެރިން ބަންދުކޮއްފަ އެވަރުންވެސް ކާމިޔާބުނުވި.. އަދީބު ޕީޕީއެމް ހިންގަން ހުރިނަމަ ޔަގީން ކާމިޔާބުކުރާނެ ދެންވެސް އުމަރާ ޕާޓީހަވާލު ކޮއްފަދޭބަލަ އޭނައެކަން ކުރާނެ
ސަންދާނު މޮޔަމީހާ
20 April 2019
ކަލޭމެންގެ ކިބުރުވެރިކަމޯ.؟ ކަލޭމެން ބުނީމެއްނޫން އައްޑޫމީހުން ނުލަޔޭ މިފަހަރު ރިޔާސީ އިންތިހާބު ކާމިޔާބުކުރާނީ!! ކަލޭމެން ބުނީމެއްނޫން ފޭދޫ ރައްޔަތުންކާރީ ހިތަދޫމީހުންނައް ވެކުސިންދޭށޯ އެމީހުންނައް ނުވިސްނެޔޯ. އައިބީއަށް އަހަރުމެން ހިތަދޫމީހުން އޮންނާނީ ބަލިކުދިން ބޯކަހަލަ ވެކުސިނެއްދީފަ..ކަލޭމެން ބުނީމެއްނޫން ހުރިހާމައްސަލަޔެއްގޮސް ހުއްޓެނީ އަރާއިރަށޯ...؟ މިފަހަރު އައްޑޫގެ ހުރިހާވޯޓެއް ގޮސްހުއްޓުނީ ތިމީހުން ބުނިތަނަށް އަހަރުމެން އެކަންކޮއްފިން
މީރާ
20 April 2019
ހަނދާން އެބަހުރި ނިހާން ބުނުއްވި ހަނދާން ގާނޫނު ބަދަލުކޮއްގެން ދެދައުރަށްވުރެ ގިނައިންވެސް ރައީސް ޔާމީން ބަހައްޓަވަން ހިޔާލުފާޅު ކުރެއްވިކަން. އަޅުގަނޑުމީ ޔާމީންގެ އިގްތިސާދީ އެޖެންޑާއަށް ތައުރީފުކުރާމީހެއް. އެކަމު ނިހާން އާއި އަދުރޭފަދަ ބޭބޭފުޅުންނާއި ހެދި އަޅުގަނޑުވެސް އިދިކޮޅަށް ވޯޓްދޭން މަޖުބޫރުވީ. ފޭލުވީ ތިބޭބޭފުޅުންގެ ސަބަބުން. ހާއްސަކޮށް ގިނަގިނައިން ބަސްވިދާޅުވާ ބޭފުޅުން.
އަސް
20 April 2019
އެންމެ ބޮޑު ފެއިލިއަރ އަކީ މާސިންގާ ވައްކަމާއި، ވެރިކަމުގެ ނުފޫޒާއި ބާރު ފޯރުވުން. ރައްޔިތުންގެ ފައިސާއިން ވަކި ފަރުދަކަށް ވަކި ޕާޓީއަކަށް ނާޖާއިޒް ފައިދާ ވާކަށް އަދިވެސް ރައްޔިތުން ބޭނުުމެއް ނުވާނެ.
ުޔަހްޔާ
20 April 2019
ކިބުރު ވެރިވެ ބޮޑާވެ ގަތީ.
ޝޮކްތެރަޕީ
20 April 2019
ޕީޕީއެމް ރަގަޅުވާނީ އަދުރޭ ޔާމިން ބޭރުކޮއްގެން.
ލައުރާ
20 April 2019
ރިސޯޓު ތަކުން ބަލިކޮއްލީ ހިއްސާދޭންބުނެ ނުދިނީމަ ފުރަތަމަދުވަހުން ފެށިގެން ދިންނަމަ ވޯޓުދޭނަން 2 އަހަރުން އަޅަންބުނި އެއާޕޯޓު 5 އަހަރުވީއިރު ނިންމާނުލީމަ އިންޓްރަސްޓް ކުޑަލޯނުލިބޭނެ ގޮތެއް ނުދެއްކީމަ ކަރަންޓާ ފެނުގެ އަގު އިންތިހާބޮޑުކޮއް ބޭރުގައުމުތަކާ މޫނުކެނޑި މީހުން ގެއްލި ތިޖޫރީ ފޫގޮސް ފަނޑިޔާރުގެ ހިސޯރުކޮއް ހުރިހާ ސިޔާސީވެރިން ޖަލައްލާ ރާއްޖެޓީވީ ރޯކޮއް މަގުބަންދުކޮއް މިކަހަލަ ސަބަބުތަކާ ވައްކަމާހެދި
ޙަބީބު
20 April 2019
ދެންމިސަރުކާރުން ތިޔައެއާޕޯޓު އަޅާނެބާ ރިސޯޓުހިއްސާ ދޭނެބާ އިންޓްރަސްޓްކުޑަލޯނު ދޭނެބާ މަބަލާނަން އަޅެ
ރަސްގެތީމު ކަލޯ
20 April 2019
ޕީޕީއެމް ފެއިލްވީ ދުވަހަކުވެސް ތިމާމެންގެ ވެރިކަން ނުނިމޭނެކަމަށް ހީކޮށް ފާޅުގާ ވައްކަންކޮށް ރައްޔިތުން އަނިޔާވެރިވެ ހިތުހުރިގޮތަކަށް ދަޢުލަތް ހިންގަން އުޅުނީމަ!