ފޮރިން މިނިސްޓަރު ޝާހިދު މިދިޔަ ބުރާސްފަތި ދުވަހު "މިހާރު" އާ އިންޓަވިއު ދެއްވަނީ.---ފޮޓޯ: ހުސައިން ވަހީދު/މިހާރު
07 މެއި 2019 - 09:36
18 comments
އެކި ގައުމުތަކާއި ތަފާތު ޖަމާއަތްތަކުން ރާއްޖެ އަށް ބޭނުންވާ އެހީތައް ހޯދުމަށް ޕާޓްނާޝިޕް ފޯރަމެއް އަންނަ މަހު ބާއްވަން ސަރުކާރުން ނިންމައިފި އެވެ.
މިދިޔަ ހަފުތާގައި "މިހާރު" އަށް ދެއްވި އިންޓަވިއުއެއްގައި ފޮރިން މިނިސްޓަރު އަބްދުﷲ ޝާހިދު ވިދާޅުވީ، އަންނަ މަހުގެ 17، 18 ގައި ބާއްވާ ފޯރަމްގެ ދައުވަތު މިހާތަނަށް 105 ފަރާތަކަށް ފޮނުވާފައިވާނެ ކަމަށެވެ. އޭގެ ތެރޭގައި އެކި ގައުމުތަކާއި ބައިނަލްއަގްވާމީ ޖަމިއްޔާ، ޖަމާއަތްތައް ވެސް ހިމެނެ އެވެ.
"އެ ޕާޓްނާޝިޕް ފޯރަމްގައި އަޅުގަނޑުމެން ތަރައްގީގައި އިސްކަންދޭ ދާއިރާތައް ފާހަގަކޮށްފައި ހުންނާނެ. އެ ފޯރަމްގައި އަޅުގަނޑުމެން ހުޅުވާލާނަން އިންވެސްޓުމަންޓް އަދި އެހީ ދިނުމަށް ބޭނުންވާ ފަރާތްތަކަށް،" ޝާހިދު ވިދާޅުވި އެވެ.
އޭނާ ފާހަގަކުރެއްވި ގޮތުގައި ރާއްޖޭގައި އެންމެ ބޮޑު ދަތިކަމެއް އޮތީ ބޭނުންވާ މިންވަރަށް ބޯހިޔާވަހިކަން ހޯދައިދިނުމުގަ އެވެ. އެހެންވެ، އެކަމަށް ލުޔެއް ލިބޭނެ ކޮންމެ މަސައްކަތަކަށް ވެސް މަރުހަބާ ކިޔާނެ ކަމަށް މިނިސްޓަރު ވިދާޅުވި އެވެ.
ރާއްޖޭގައި މިވަގުތު ބޯހިޔާވަހިކަމުގެ މަޝްރޫއުތައް އެންމެ ފުޅާކޮށް ހިންގަނީ ޗައިނާގެ އެހީތެރިކަމާ އެކު ކަމަށް ވާތީ، އެ ގައުމުގެ އެހީ އިތުރުކުރުމުގެ ވިސްނުންތަކެއް ގެންގުންގުޅުއްވަންތޯ ދެންނެވުމުން ޝާހިދު ވިދާޅުވީ، އެކަންކަން ކުރިއަށް ގެންދާނީ ރާއްޖޭގައި ބާއްވާ ޕާޓްނާޝިޕް ފޯރަމްގައި އެކުލަވާލާ ޕްލޭންތަކާ އެއްގޮތަށް ކަމަށެވެ.
"ހިސާބު އަދަދުން ބަލައިފިއްޔާ ރައީސް ޔާމީންގެ އެންމެ ފަހު ހަތަރު އަހަރުގެ ތެރޭގައި ލިބިފައި އޮތީ 1.97 ބިލިއަން ރުފިޔާ ހިލޭ އެހީގެ ގޮތުގައި. އެހެންވީމާ އަޅުގަނޑުމެންނަށް މި ލިބުނީ އާދަޔާ ޚިލާފު ކާމިޔާބީއެއް. އެއިން އެކަނި އަންގައިދޭ ރާއްޖެ އަށް މި އައި ހެޔޮ ބަދަލު. ބައިނަލްއަގްވާމީ މުޖުތަމައުން ބަލައިގަތް މިންވަރު،" ޝާހިދު
އޭނާ ވިދާޅުވީ، ޕާޓްނާޝިޕް ފޯރަމްގެ ބޭނުމަކީ މި ސަރުކާރުން ގެންގުޅޭ ތަރައްގީގެ ވިސްނުން ބައިނަލްއަގްވާމީ ފަރާތްތަކާ ހިއްސާކުރުން ކަމަށެވެ.
"މައިގަނޑު ބޭނުމަކީ އެހީ އާއި އިންވެސްޓްމަންޓު ހޯދުން. އަޅުގަނޑުމެންގެ ތަރައްގީގައި ބައިނަލްއަގްވާމީ ފަރާތްތަކަށް ބައިވެރިވެވޭނެ ދޮރުތައް ހުޅުވައިލުން. އަޅުގަނޑުމެންގެ ތަރައްގީގައި ބައިވެރިވެވޭނެ ގޮތްތައް މީހުންނަށް އެންގީމާ މީހުން ރާއްޖެ އަށް އަންނާނީ،" ޝާހިދު ވިދާޅުވި އެވެ.
"އަޅުގަނޑުމެންގެ ގައުމުގެ ވަސީލަތްތައް ހުރި ގޮތުން ފޮރިން ޑައިރެކްޓް އިންވެސްޓުމަންޓު އެކަށީގެންވާ ވަރަށް ނުލިބި ކުރިއަށް ނުދެވޭނެ. އެ ހުރިހާ ފުރުސަތުތައް ހުރި ކަން އަންގައި ދިނުން ފޯރަމްގެ ބޭނުމަކީ. އަޅުގަނޑުމެންނަކީ ހުޅުވާލައިގެން ގާނޫނުގެ ވެރިކަން ހިންގާ ގައުމެއްކަން ސާބިތުކޮށްދޭން ޖެހޭ."
ފޮރިން މިނިސްޓަރު ޝާހިދު މިދިޔަ ހަފުތާގައި "މިހާރު" އާ ވާހަކަ ދައްކަވަނީ: މިދިޔަ ފަސް އަހަރާ ބަލާއިރު، ބައިނަލްއަގްވާމީ ފަރާތްތަކުން ރާއްޖެ ބަލައިގަތުން އިތުރުވެފައިވާ ކަމަށް ވިދާޅުވި.---ފޮޓޯ: ހުސައިން ވަހީދު/މިހާރު
މިދިޔަ އަހަރުގެ ނޮވެމްބަރު 17 ގައި ވެރިކަމާ ހަވާލުވި މި ސަރުކާރުގެ ފޮރިން މިނިސްޓަރު ޝާހިދު މިދިޔަ މާޗް މަހުގެ ނިޔަލަށް ރާއްޖެ އިން ބޭރަށް ކުރެއްވި ދަތުރުތަކުން ހިލޭ އެހީގެ ގޮތުގައި 1.9 ބިލިއަން ރުފިޔާ ލިބިފައިވާ ކަމަށް ފޮރިން މިނިސްޓްރީން ކުރިން ވަނީ ބުނެފަ އެވެ.
އެ މިނިސްޓްރީން ބުނެފައި ވަނީ މި ސަރުކާރުގެ ފުރަތަމަ 100 ދުވަހުގެ ތެރޭގައި ހިލޭ އެހީ ހޯދި މިންވަރަށް، މިދިޔަ ފަސް އަހަރުގައި ވެސް ނުހޯދެ އެވެ. މީގެ ކުރިން ބޭރުގެ ފަރާތްތަކުން ރާއްޖެ އަށް ހިލޭ އެހީ ދެނީ ލޯނެއް ނުވަތަ އެހެން ކަމެއް ކުރިމަތި ކުރުވާފައި ކަމަށް ވެސް ފޮރިން މިނިސްޓްރީން ބުނެފައި ވެ އެވެ.
މިދިޔަ މާޗުގެ ނިޔަލަށް ރާއްޖެ އަށް ގައުމުތަކުން ހިލޭ އެހީ ދިން ގޮތުގެ ތަފުސީލް:
- އިންޑިއާ އިން 771 މިލިއަން ރުފިޔާ (50 މިލިއަން ޑޮލަރު)
- ޔޫއޭއިން 771 މިލިއަން ރުފިޔާ (50 މިލިއަން ޑޮލަރު)
- އެމެރިކާ އިން 308 މިލިއަން ރުފިޔާ (20 މިލިއަން ޑޮލަރު)
"ހިސާބު އަދަދުން ބަލައިފިއްޔާ ރައީސް ޔާމީންގެ އެންމެ ފަހު ހަތަރު އަހަރުގެ ތެރޭގައި ލިބިފައި އޮތީ 1.97 ބިލިއަން ރުފިޔާ ހިލޭ އެހީގެ ގޮތުގައި. އެހެންވީމާ އަޅުގަނޑުމެންނަށް މި ލިބުނީ އާދަޔާ ޚިލާފު ކާމިޔާބީއެއް. އެއިން އެކަނި އަންގައިދޭ ރާއްޖެ އަށް މި އައި ހެޔޮ ބަދަލު. ބައިނަލްއަގްވާމީ މުޖުތަމައުން ބަލައިގަތް މިންވަރު،" ޝާހިދު ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދެލޯދުންމާރި
08 May 2019
ށާހިދު ކަލޭމެނަކައް ތިކަމެއްނުވާނެ ކަލޭމެންނައް ކުރެވޭނެ ކަންތައްއެބަކުރޭ ވެރިކަންލިބުނީމަ މުޒާހަރާކުރުން ދެންކުރާކަމަކީ 100 ދުވަސް ހަމަނުވެގެން އެވާހަކަދެއްކުން
ސުންނާ ފަތި ކުރާ ވެރިން
07 May 2019
އިންވެސްޓަރުން ތި ހޯދަނީ މިހާރު ރާއްޖޭގައި ބިނާކޮށްފައި ހުރިތަންތަން ބިމާ ހަމަކޮށްފައި ހަމަ އެތަނުގައި އާ އިމާރާތެއް ނުވަތަ ޕާކެއް އަޅަން. މިގޮތަށް ކަންތައްކުރުމުން ރާއްޖެއަށް އެއްވެސް ކުރިއެރުމެއް ނުލިބެއެއްނު. އެހެން ވީމަ ތިޔަ އެހީގެ ބޭނުމެއް ފައިދާކުރަނިވި ގޮތެއްގައި ބޭނުމެއް ނުކުރެވޭ. ހުސްކޮށް އޮންނަ ބިމެއް ތަރައްގީކުރާނަަވެސް ރަނގަޅު... މީހަކު ކަމެއްކުރުމުން އެކަމެއް ސުންނާފަތި ކުރާ ވެރިން މިގައުމުގެ ވެރިކަމަށް މިއަންނަނީ. އެމީހެއްގެ ފަރާތުން ރަނގަޅު ތަރައްގީއެއް ނުލިބޭ
ބަބުރަންޖީ ހާޖީ
07 May 2019
ނާށިގަނޑެއްނޫން މިރާއްޖެއަށް ބޭނުން. ބޭނުންވަނީ އުވަދޯންޏެއް. އޭރުން މާ ގިނަފަހަރު ނުގޮސް އެއްބުރުން ނިންމާލެވޭނީ.
ރަދީފް ހުސެން
07 May 2019
ނާށިގަނޑު ހިފައިގެން ދުވިވަރަކަށް ލިބޭއެއްޗެއް ގިނަވެދާނެ އެއީ ގައުމަށް ހެޔޮބަދަޅެއް އައުމުގެ ނިސާނެތްނޫން. އެއީ ސަލާންޖެހުން ސަގާފަތަކަށް ވީކަމުގެނިސާނެތް. މިދައުރުގެ ފޮރިންމިނިސް ޓަރުގެ ބޭނުމަކީ ނާސިގަނޑު ހިފައިގެންދުވުން އަދި އެއީ ފަހުރެއްކަމުގަވެސްދެކެ. މިދިޔަ 5 އަހަރުމިގައުމުގެ ރައީސް މަސައްކަތްކުރީ ގައުމު އަމިއްލަ ފައިމައްޗައްތެދުވެވޭތޯ އެކަމަޢް ފަށައިގަތުމުން ދިވެހިންގެބަޔެއްގެ އެހީތެރިކަމާއެކީ އަވައްޓެރިބޮޑުގައުމެއް ހިތްނުތަނަސްވެ ޒާތީވި
ވެއިޓް
07 May 2019
ރައީސް ޔާމީން ބޭއްވީ އިނވެސްޓްމަންޓް ފޯރަމްތައް. ރައީސް އިބޫ މިބާއްވަނީ ސަލާންޖެހުމުގެ ފޯރަމް. އަމިއްލަ ފައިމައްޗަށް ތެދުވެވެނިކޮށް ޝާހިދު ތިއުޅެނީ އިންޑިއާ ފައިބުޑަށް ވެއްޓެން. ޔާމީނުވެސް ކޮރަޕްޓުނުވެ ވެރިކަންކުރިނަމަ މިގައުމު އޮތީހީ ކިހާ ހަމަޖެހުމާ ކުރިއެރުމުގަ؟
ކޮރަލް
07 May 2019
އިންވެސްޓަރުން ހޯދާ އުޅެނީ ވިޔަފާރި ކުރުމަށެވެ. ކޮންމެ ވެސް ރައްޓެހި މީހަކާ ފައިދާ ވާގޮތައް އިންވެސްޓަރު ހަވާލު ކުރާނެއެވެ. ދެން 50 ނޫނީ 70 އަހަރަށް ފައިދާ ލިބިލިބި ހުންނާނެއެވެ.
ޢެޑްމުންޑޯ
07 May 2019
ސަލާންޖަހާގެން ކިހާދުވަހަކު ހިފެހެއްޓޭނެބާ ހިތައް އަރަނީ
ނަމެއް
07 May 2019
އިންޑިޔާގެ ޕްރޮގްރާމްއަކުން ދެކުނިން ރާއްޖޭގަ އިންޑިޔާގެ ބައިވަރު ރާޑަރު ބަހައްޓާ އޭގެ ސީދާ ގުޅުން އެމީހުންނަށް ސެޓެލައިޓް މެދުވެރިކޮށް ލިބޭނެ ވާހަކަ. ރާއްޖޭގެ ކަނޑުގެ ސަރަހައްދުގަ ހިނގާ ގިނަ ކަންތައް އެނގޭނެ އޭރުން. މި ރީޖަންގަ ޗައިނާގެ މައްޗަށް އެމީހުންނަށް އެ ލިބުނީ ވަރަށް ބޮޑު ބާރެއް. 50 މިލިޔަން ޑޮލަރު އެއީ މިއަށް ބަލާއިރު ކުޑަ އަދަދެއްހެން ހީވޭ. އަނެއްކާ ރާއްޖޭގަ ހިންގާ ޕްރޮޖެކްޓްތަކުންވެސް މި އަދަދު އެމީހުން އަނބުރާ ނަގާނެ.
އަލީ އަލީ
07 May 2019
ސަލާން ޖަހަނީއޭ ނުބުނަންވެގެން ދެއްތޯ ތިޔައުޅުއްވަނީ!
ޜުކުރާ
07 May 2019
ހަތަރެސްކަން ހަމަ ވަނީ އެވެ