މީގެ ކުރިން ބޭއްވި އޭލެވެލް އިމްތިޚާނުން، އެއް ވަނަ ހޯދި ދަރިވަރުންތަކެއް ޓްރޮފީއާއެކު ފޮޓޯއަށް ހުއްޓިލައިގެން---ފޮޓޯ: ހުސައިން ވަހީދު/މިހާރު
16 މެއި 2019 - 22:13
10 comments
ހަޔަ އެޗީވާސް ސްކޮލަޝިޕުގައި މިހާރު ކިޔަވަމުން އަންނަ ދަރިވަރުންނަށް، އޯއީސީޑީ ގައުމުތަކުން ކިޔެވުމުގެ ފުރުސަތު މިއަދު ހުޅުވާލައިފި އެވެ.
އޭ ލެވެލް އިމްތިހާނުން ފަސް މާއްދާއިން އޭ ހޯދާ ދަރިވަރުންނަށް ދެމުން އަންނަ މި ސްކޮލަޝިޕުގައި ކުރިން ކިޔެވެނީ ހަމައެކަނި ސާކް ގައުމުތަކުގެ އިތުރުން މެލޭޝިއާ، ތައިލެންޑް، ޕިލިޕީންސް އަދި ޗައިނާ އިންނެވެ. ނަމަވެސް މިދިޔަ ޑިސެމްބަރު ވަނީ ހަޔަ އެޗީވާސް ސްކޮލަޝިޕުގައި އޯއީސީޑީ ގައުމުތަކުން ކިޔެވޭގޮތަށް ހަޔަ އެޑިއުކޭޝަން މިނިސްޓްރީން ހަމަޖައްސައިފަ އެވެ.
ނަމަވެސް މިނިސްޓްރީން އޭރު އިއުލާނުކުރީ، ހަޔަ އެޗީވާސް ސްކޮލަޝިޕުގައި މުޅިން އަލަށް ކިޔަވަން ފަށާ ދަރިވަރުންނަށް އޯއީސީޑީ ގައުމުތަކުން ކިޔެވުމުގެ ފުރުސަތު ހުޅުވާލި ކަމަށެވެ. އެކަމަކު މިިދިޔަ މާޗު މަހު ވަނީ، އެ ސްކޮލަޝިޕުގައި މިހާރު ކިޔަވަމުން އަންނަ ދަރިވަރުންނަށް ވެސް އޯއީސީޑީ ގައުމުތަކުން ކިޔެވޭނެ އިންތިޒާމު ހަމަޖައްސާފައިވާކަން އިއުލާނުކޮށްފަ އެވެ.
އެ މިނިސްޓްރީގެ އޮފިޝަލަކު ވިދާޅުވީ މީގެ ދެ އަހަރު ކުރިން ދޭން ފެށި ހަޔަ އެޗީވާސް ސްކޮލަޝިޕަށް 79 ދަރިވަރަކު ޝަރުތުހަމަވާ ކަމަށެވެ. ނަމަވެސް އެ ދަރިވަރުންނަށް އޯއީސީޑީ ގައުމުތަކުން ކިޔެވުމުގެ ފުރުސަތު ގެއްލިފައިވާތީ، ރައީސް އިބްރާހިމް މުހައްމަދު ސޯލިހުގެ ވައުދާ އެއްގޮތަށް އެ ފުރުސަތު ފަހިކޮށްދޭން ފަށާފައިވާކަމަށް ވިދާޅުވި އެވެ.
އެހެންވެ އެ ސްކޮލަޝިޕުގައި މިހާރު ކިޔަވަމުން އަންނަ ދަރިވަރުން، ހަޔަ އެޑިއުކޭޝަންގެ ސްކޮލަޝިޕް ސެކްޝަންގެ އީމެއިލް [email protected] މެއިލްކޮށް އެކަން އަންގައިދިނުމަށް އެދިފައިވެ އެވެ.
ސްކޮލަޝިޕް ލިބުނު ބައެއް ދަރިވަރުން އަދި ކިޔަވާކަށް ނުފަށަ އެވެ. ނަމަވެސް އެ ދަރިވަރުންނަށް ވެސް އާ ފުރުސަތުގެ ދަށުން ކިޔެވޭނެ އެވެ.
އޯއީސީޑީ ގައުމުތަކުން ކިޔެވޭގޮތަށް ބަދަލު ގެނައުމުން، ތައުލީމީގޮތުން ދުނިޔޭގައި ކުރިއަރާފައިވާ ގައުމުތަކުގައި ކިޔެވުމުގެ ފުރުސަތު ލިބޭނެ އެވެ. އޯއީސީޑީ ގައުމުތަކުގެ ތެރޭގައި އޮސްޓްރޭލިއާ، އިނގިރޭސިވިލާތް، ނިއުޒިލެންޑް އަދި ފިންލެންޑް ފަދަ ގައުމުތައް ހިމެނެ އެވެ.
އޭ ލެވެލް އިން މަތީ ނަތީޖާ ހޯދާ ދަރިވަރުންނަށް ސަރުކާރުން ދެ ސްކޮލަޝިޕެއް މިހާރު ދެ އެވެ. އެއީ ހައި އެޗީވާސްގެ އިތުރުން ރައީސުލްޖުމްހޫރިއްޔާގެ ސްކޮލަޝިޕެވެ. ދުނިޔޭގެ ކޮންމެ ގައުމަކުން ވެސް ކިޔެވޭ ގޮތަށް އޮންނަ ރައީސްގެ ސްކޮލަޝިޕް ދެނީ ފަސް މާއްދާ އިން އޭ ސްޓާ ހޯދާ ދަރިވަރުންނަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަހްމަދު
18 May 2019
އޯއީސީޑީ ގައުމުތަކަކީ ދުނިޔޭންބޭރުގެ ގައުމުތަށްތ؟
ތަމްރީންނުކުރުމޭ
17 May 2019
ރާއްޖޭގެ އިކޮނޮމީ ހިފަހައްޓަނީ ރާއްޖޭގައި ހުރި ރިސޯރޓްސް ތަކާއި އަދި މާލެ ސަރަހައްދުގައި ކުރާ ވިޔަފާރި ތަކުންނޭ އެކަމަކު ރާއްޖޭގެ 10 ރިސޯރޓް ގައި ވެސް ޖީއެމްގެ ގޮތުގައި އާއި އަދި ޑިރެކްޓަރުންގެ ގޮތުގައި އާއި އަދި މެނޭޖަރުންނާއި ޗީފް އިންޖިނިއަރުންގެ ގޮތުގައި ދިވެހިން ނުތިބެއޭ ދެ ފެކްޓަރ އެއް މީގައިވޭ އެއްފެކްޓަރ އަކީ ބޭރު ޖީއެމްމެން ދިވެހިންނަށް މަތީ މަގާމް ތައް ނުދޭނެ ތިއަރީ އެއް ގެންގުޅުން ދެވަނަ ފެކްޓަރ އަކީ ސަރުކާރުން އެކަމަށް މީހުން
ތަކަށްވެސް
17 May 2019
ލޯކަލް ކޮލެޖްސް ތައް ސްޕެޝަލީ ޕްރައިވެޓް ކޮލެޖްސް ތަކުގެ ޓެކްނިކަލް ކެޕޭސިޓީ އާއި ފައިނޭންޝަލް ކެޕޭސިޓީ ވަރުގަދަ ކޮށްފިނަމަ ރާއްޖޭގެ ހައިއެޗީވާރސް ސްކޮލަރޝިޕް ލިބޭ ކުދިން ފުރަތަމަ މާރސްޓަރސް އަށް ކިޔަވަން ޖެހޭނީ އެއީ ރާއްޖޭގެ ލޯކަލް ޔުނިވަރސިޓީ އަކުން ކަމަށް ގާނޫނަކުން ހެދިދާނެއޭ މިގޮތަށް މިކަން ވެއްޖެނަމަ ރާއްޖޭން ބޭރަށް ދާ ފައިސާ ހިފެހެއްޓި އަދި ގައުމުގައި އެކުދިން ކިޔަވާއިރު އެކުދިން ރިސޯރޓްސް ތަކުން ސްޕޮންސަރ ކުރާނެއޭ ރިސޯރޓްސް ތަކުގެ ވަޒީފާ
ލުކްވެލް
17 May 2019
ހަޔަ އެޗީވާސް ސްކޮލަޝިޕުގައި ކިޔަވާ ދަރިވަރުން، އޯއީސީޑީ ގައުމުތަކުން ކިޔަވަން ހުޅުވާލި ގޮތަށް ލޯ އެޗީވާސް ސްކޮލަރޝިޕް ގައި ކިޔަވާ ކުދިންނަށް ލޯކަލް ޔުނިވަރސިޓީ ތަކާއި ކޮލެޖްސް ތައް ހުޅުވާލާ އެތަން ތަނުގެ ޓެކްނިކަލް ކެޕޭސިޓީ އާއި ފައިނޭންޝަލް ކެޕޭސިޓީ ވަރުގަދަ ކުރަން އެބަޖެހޭ ރާއްޖޭގެ ގައުމީ ޔުނިވަރސިޓީ އާއި އަދި އަމިއްލަ ކޮލެޖްސް ތަކުގައި ކިޔަވާ ދެނީ އެއީ ޕާރޓްޓައިމް ލެކްޗަރަރ އިން އެކަން އެގޮތަށް ކޮށްގެން ނެރެވޭނެ ނަތީޖާ އެއް ނޯންނާނެއޭ
ޕްލީޒް
17 May 2019
ދެން އެންމެ އަވަހަށް ހައި އެޗީޥާސް ސކޮލާޝިޕަށް އެޕްލައި ކުރަން ހުޅުވާލާނެ ދުވަހެއްވެސް ބުނެދެއްވިނަމައޭ ހިތަށްއަރާ
ޒީއުޏީސް
17 May 2019
ޚަބަރު ލިޔަން ހަމަ ނޭނގެނީތަ؟ ގިނަ ޚަބަރު ތަކުން ފެންނަނީ އެއްވެސް ކަހަލަ ހަމައެއް ލަމައެއް ނެތި ލިޔާތަން ... މީގެ ވެސް އެންމެ މުހިއްމީ އޯއީސީޑީ ... އެކު އެޔެއް ނޭނގޭ.. ބައެއްގައުމޯ ކިޔާފަ ޖަހާފަހުރީ..
ދިހި
17 May 2019
އޯއީސީޑީ(އޮގަނައިޒޭޝަން ފޯރ އިކޮނޮމިކް ކޯޕަރޭޝަން އެންޑު ޑިވަލޮޕްމެންޓު) އަކީ ދެވަނަ ބޮޑުހަގުރާމައާ ގުޅިގެން ހަލާކުވެހައިވާ ޔޫރަޕުގެ އިގޮތިސޯދު ނަގާ ކޮޅަށްޖެހުމަށް އެގައުމުތަކުގައި، ހަމައެކަނި ޑިމޮކްރަސީގެ އުސޫލުތަށް ގަބޫލުކުރާ ގައުމުތަކަށް ބައިވެރިވެވޭގޮތަށް އުފެއްދި އޯރގަނައިޒޭޝަނެއް.. މައިގަޑު މަގުސަސަކީ.. ހަމަހަމަ ކަމާއެކު ތައުލީމީ ފުރުސަތުތައް ދިނުން.. އާއްމު ވިޔަފާރިއާ ކޮމްޕެނީތަކަށް ސަރުކާރުތަކުގެ ކޮންޓުރޮލް ނުބޭއްވުން.. މިކަހަލަ ބައިވަރު
ޒިޔާޕު
17 May 2019
ކޮބާތަ އޯއީސީ ޤައުމަކީ؟ ހަބަރު ކިޔާނިމުނު އިރުވެސް އޯއީސީ ޤައުމުތަކަކީ ކުބާކަމެއްނޭންގުނު
ނެވަރވިން
16 May 2019
ހަޔަ އެޗީވާސް ސްކޮލަޝިޕުގައި ކިޔަވާ ދަރިވަރުން، އޯއީސީޑީ ގައުމުތަކުން ކިޔަވަން ހުޅުވާލި ނަމަވެސް ރާއްޖޭގެ ޖޮބް މާރކެޓަށް ބޭނުންވާ ސްކިލްޑް މީހުން ތައްޔާރު ކުރަން ސަރުކާރުން ބޭނުން ނަމަ ރާއްޖޭގެ އަމިއްލަ ކޮލެޖްސް ތަކަށް ހުޅުމާލޭން ދިހަ ހާސް އަކަފޫޓްގެ ބިން ތައް ހިލޭ ދީގެން އަދި ޔުނިވަރސިޓީގެ ފެކަލްޓީސް ތައް އަޅަން ބީއެމްއެލް އިން ލޯ އިންޓަރެސްޓް ރޭޓް ގައި ލޯން ދީގެން ނޫން ގޮތަށް މިކަން ހައްލު ނުވާނެއޭ ބޭރުގެ ސްކޮލަރޝިޕްސް ތައް އެއީ ހައްލެއް ނޫނޭ
ޚެލޯ
17 May 2019
ޜާއްޖޭގައި ޔުނިވާސިޓީ ހުންނަނީ ނަމެއްގައި. ޔުނިވާސިޓީތައް ހިންގަނީ 80ގެ އަހަރުތަކު ޕްރައިމަރީ ސްކޫލް ހިންގިގޮތައް