ބީއެމްއެލްގެ އީދު ސައިގައި ބަޔަކު މިއަދު ބައިވެރިވަނީ.---ފޮޓޯ: ބީއެމްއެލް
04 ޖޫން 2019 - 13:43
4 comments
މިއަދު ފާހަގަކުރާ ފިތުރު އީދު ދުވަހާ ގުޅިގެން، ބޭންކް އޮފް މޯލްޑިވްސް (ބީއެމްއެލް) އިން އަށް ރަށެއްގައި އީދު ސައި ބާއްވައިފި އެވެ.
ބީއެމްއެލްގެ އެހީތެރިކަމާ އެކު، އީދު ސައި ބޭއްވީ ހއ. ހޯރަފުއްޓާއި ށ. ފުނަދު އާއި ނ. ހޮޅުދު އާއި ޅ. ނައިފަރާއި އއ. ރަސްދު އާއި ވ. ފެލިދޫގެ އިތުރުން މ. މުއްޔާއި ސ. ހުޅުމީދޫގަ އެވެ. އީދު ސައި އިންތިޒާމްކޮށްފައިވަނީ ކޮންމެ ރަށެއްގެ ރަށު ކައުންސިލާއި މަދަނީ ޖަމިއްޔާތަކާއި އާންމު ފަރުދުންނާ ގުޅިގެންނެވެ.
ބީއެމްއެލްގެ އީދު ސައިގެ ތެރެއިން.---ފޮޓޯ: ބީއެމްއެލް
ބީއެމްއެލްގެ މެނޭޖަރު، ޕަބްލިކް ރިލޭޝަންސް، މުހައްމަދު ސައީދު ވިދާޅުވީ، ކުދިބޮޑު އެންމެން އީދު ސައިގައި ބައިވެރިވެ، އެއްކޮށް ސައިބޮއި، ވާހަކަ ދެއްކުމަކީ އުފާވެރި މަންޒަރެއް ކަމަށެވެ.
މި ހަރަކާތް އިންތިޒާމު ކުރީ ބޭންކުގެ ބްރާންޗުތަކުގެ މުވައްޒަފުންގެ އިސްނެގުމާ އެކު އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބަހުގެ އަދީބު
05 June 2019
ރަނގަޅު ގޮތަކީ “ޢީދު ސަޔަށް”
ފާނު
05 June 2019
މިއީވެސް ވަރަށް ރަނގަޅުކަމެއް.. އަދި މީގެއިތުރުން އީދު ހަދިޔާއެއްގެ ގޮތުގައި ކޮންމެވެސް ނިކަމެތި އާއިލާއެއްގެ ނިކަމެތިކަން ފިލުވައިދިނުން ކީއްތޯ...
ބަބުރުކަލޯ
04 June 2019
އޮބިނެސް ޓޫ ދާ މެކުސް.
ބޮޑު ޖަމާޢަތް
04 June 2019
ލަފާކުރެވޭ ގޮތުން މީގެ ފަންސަވީހަަކަށް އަހަރު ކުރިން ފެށިގެން ހއ. އުލިގަމުގައި ދެ އީދުގައިވެސް ހެނދުނު ސަޔާއި މެންދުރުގެ ކެއުންވެސް ބާއްވަނީ ބޮޑު ޖަމާޢަތުގަ. އޭރު އެހެން ރަށްރަށުގައި މިކަންކުރާހެނެއް ހިއެއްނުވެ. މިއަދު މިކަން މުޅި ރާއްްޖެއަށް ފުޅާވެފައިވާތީ އުފާކުރަން. އަންނަ ޢީދުގައި ބމލ އިން މިކަމުގެ އަގުވަޒަންކޮށް އުލިގަމަށް ފުރުޞަތު ދެއްވުން ކިހިނެއްވާނެތޯ؟