މާފުށީ ޖަލު:-- ފޮޓޯ: މިހާރު ފައިލް ފޮޓޯ
21 ޖޫން 2019 - 19:50
79 comments
މާފުށީ ޖަލުގައި އިއްޔެ ހަވީރު ހިނގި ހަމަނުޖެހުންތަކުގައި ޖަލު ބަލަހައްޓާ އޮފިސަރުން، ދެ ގޮޅިއަކުން މީހުން ނެރެ އެމީހުންނަށް އަނިޔާކޮށް ބޯ ބޭލުވިކަން "މިހާރު"އަށް އެނގިއްޖެ އެވެ.
އެނގިފައިވާގޮތުގައި ދެ ގޮޅިއަކުން ޖުމްލަ ފަސް މީހުން ނެރުމަށްފަހު އެމީހުން ފަހަތަށް ބިޑި އަޅުވައި ބިން މައްޗަށް ވައްޓާލުމަށްފަހު މުގުރުން ގައިގައި ތަޅާފައި ވެ އެވެ. އަދި ކުރިމަތިފަރާތަށާއި ފުރަގަސް ފަރާތަށް ޕެޕަ ސްޕްރޭ ޖަހައި ބޯ ބާލުވާފައިވާ ކަމަށް ވެސް ވެ އެވެ.
އޭގެ އިތުރުން އެހެން ދެ ގޮޅިއެއްގައި ތިބި ދެ މީހުން ނެރުމަށްފަހު ވެސް ބޯބާލުވާފައި ވެ އެވެ. އެތަނުން އެކަކީ ބަންގްލަދޭޝް މީހެކެވެ. މަރުގެ މައްސަލައެއްގައި ހައްޔަރުކޮށް، ތަހުގީގު ނިމެންދެން އޭނާ ބަންދުގައި ހުންނަތާ ގިނަ އަހަރުތަކެއް ވެއްޖެ އެވެ. ދެން ހުރީ 18 އަހަރު ވުމުން އެހެން ޖަލަކުން މާފުށީ ޖަލަށް ބަދަލުކުރި މީހެކެވެ. އޭނާގެ ގޮޅި ބަދަލުކުރަން އުޅުމުގެ ތެރޭގައި ހިނގި ޒުވާބެއްގެ ތެރޭގައި ޒުވާބުކޮށް ވަނީ ބޯބާލުވައިފަ އެވެ.
އެހެން ނަމަވެސް ކަރެކްޝަންސް އިން މި ވާހަކަ ދޮގު ކުރެ އެވެ. އެތަނުން ބުނީ ގައިދީންގެ ބޯބާލާފައި ނުވާނެ ކަމަށެވެ.
އެކަމުގެ މައުލޫމާތު އެނގޭ މީހަކު ކިޔައިދިން ގޮތުގައި ގޮޅިއަށް ވަދެ އޮފިސަރުން ވަނީ އެ ގައިދީންގެ އަންނައުނުތައް ވެސް ވީދާލައިފަ އެވެ. އޭގެ ތެރެއިން ބައެއް ގައިދީންގެ ގައިގައި ރިއްސާއިރު ޑޮކްޓަރަށް ދައްކައިދީފައި ނުވާ ކަމަށް ވެސް ވެ އެވެ.
ގައިދީންތަކެއް:-- ފޮޓޯ: ނިޝާން އަލީ/ މިހާރު
އެނގިފައިވާގޮތުގައި، ޖަލުގައި ހަމަނުޖެހުންތައް ހިނގީ، ގޮޅީގައި ތިބި މީހުން، އެތަނުގެ ޑިއުޓީ އޮފިސަރަށް ގޮވައި، އެހެން ގޮޅިއެއްގައި ހުރި އެއްޗެއް ގެނެސްދޭން އެނދުމުން އެ އޮފިސަރު އެކަން ނުކޮށްދިނުމުންނެވެ. އެކަންތަކުގެ ސަބަބުން ހިނގި ހަމަނުޖެހުމުގައި ޖަލުގެ އޮފިސަރަށް ހަމަލާދީފައިވާ ކަމަށް ކަރެކްޝަންސް އިން ބުންޏެވެ.
ފަހުން ރޭ 8:30 ހާއިރު އައިޖީއެމްއެޗަށް ގެންގޮސް ފަރުވާދިނުމަށް ފަހު މިއަދު ހެނދުނު 10:00 ހާއިރު އޭނާ ވަނީ ދޫކޮށްލައިފަ އެވެ. ޖަލު އޮފިސަރުގެ އަތަށާއި ފަޔަށް އަނިޔާލިބުން ފިޔަވައި މާބޮޑު ޒަހަމްތަކެއް ނުލިބެ އެވެ.
އެ ހަމަނުޖެހުންތަކާ ގުޅިގެން ހޯމް މިނިސްޓްރީން ރޭ ބުނެފައި ހަމަނުޖެހުން ކޮންޓްރޯލް ކުރުމުގައި ހާލަތާ ނުބައްދަލު ބާރުގެ ބޭނުންކޮށްފައިވާ ކަމަށެވެ. ޖަލުގެ އޮފިސަރަށް ހަމަލާދިނީ މާ ބޮޑު ހަމަނުޖެހުމެއްގެ ތެރޭގައި ނޫން ކަމަށް ބުނުން ފިޔަވައި ކަރެކްޝަންސް އިން އިތުރު ވާހަކައެއް ނުދައްކަ އެވެ.
ޖަލުގައި އަޑުގަދަކުރަން ފެށުމުން އެމަޖެންސީ ސްޕެޝަލް ގްރޫޕު (އީއެސްޖީ)ގެ 30 ވަރަކަށް މީހުން ވެސް އެތަނަށް ވަނެވެ.
"އެމީހުން ޖަލަށް ގެންދިޔައިރު ބޮކްސާގައި ހުރީ. ފަހުން މުގުރު ދިއްކޮށް ހަޑިކޮށް ވާހަކަދެއްކި ކަމަށް ވެސް ވޭ. އޭގެ ފަހުން ޖަލު އޮފިސަރުން ގޮސް އުޅުނު އެކަންތައް ހަމަޖައްސަން،" އެކަމުގެ މައުލޫމާތު އެނގޭ މީހަކު ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެމްސް
23 June 2019
ޖަލުގަ، މީހުނަށް އަނިޔާކޮށް މަރާވެސް ހަދާފަ ހުރިކަމީ ޙަޤީގަތެއް، އެއަކީ އިއްޔެ އަކު މިއަދަކު އެކަނި ހިނގާ ކަމެއް ނޫން!
ކަރާ
23 June 2019
ޖަލުތަކުގަ ޑީއެޗްއެލް އާއި ފެޑެކްސް ފެ ޙިދުމަތް ތަޢާރަފް ކުރަންވީނު އެ މީހުން ބޭނުންވާ އެއްޗެހި އެެއް ގޮޅިން އަނެއް ގޮޅިއަށް ގެންދަން.
22 June 2019
ޖަލަށް ގެންގޮސް ބައިތިއްބަނީ އާދެ ލައްބަ ކިޔާ ފިރުމާ ހަދާކަށް ނޫން.... އުޅެން ނުޖެހޭ ގޮތަށް އުޅެންޔާ އަނިޔާވެސް ވާނެ.... ބަސް އަހައިގެން ތިބެ ބަލަ ހުކުމް ތަންފީޒުވެ ނިމެންދެން.....ޖަލަކީ 5 ތަރީގެ ރިސޯޓެއްކަމަށް ބައެއްމީހުންނަށް ހީވާކަހަލަ
ކިޔުންތެރި
22 June 2019
އެއީ ހަމަ މިވެރިކަމާއި ދޭތެރޭގައި ރައްޔިތުންގެ ހިތުގާ ނަފުރަތު އުފެއްދުމަށް އޮފިސަރުން ކުރާކަމެއް
ދިވެއްސެއް...
22 June 2019
ހައިރާންވާ ކަމަކީ މިޖަލުގައި ސީސީޓީވީ ކެމެރާތައް ނުހުންނަނީތަ؟ މިދައްކަނީ މިހެން ކަންހިގާފި ކަމަށް އެމީހަކު ބުނޭ، އެހެން ކަންހިގާފިކަމަށް ދެން ހުރިމީހާ ބުނާ ވާހަކަ. އަޖައިބެއް. ކީއްވެތަ ކެމެރާ ނުހުންނީ؟ ކެމެރާ ހުންނަނަމަ މިކަހަލަ މައުލޫމާތު ކެމަރާ ފޫޓޭޖަކުން ނޫންތަ ލިބެންޖެހޭނީ. ދެން ހޯމް މިނިސްޓްރީންވެސް މިކަމުގަ މަޢުލޫމާތު ހިފަހައްޓަން ކުރާ މަސައްކަތުން ހައިރާންވޭ. ޔާމީން ސަރުކާރާ މާބޮޑު ތަފާތެއް ނެތެއްނު ދެން.
އުދުހޭ
22 June 2019
އަނިޔާ ކުރެވޭނީ ކެމެރާ ނެތީމަތާ
އެމްސް
23 June 2019
މަޢުލޫމާތު ރަގަނޅަށް ހޯދައިގެން ކޮމެންޓް ކުރުން ބުއްދިވެރި. ޑޮކްޓަރ އަފްރާޝީމްގެ ދުވަސް ދުއްވާލިރޭވެސް ފުރަތަމަ ކުޅެލީ މަގުމަތީހުރި ސީސީޓީވީ ކެމެރާތަކާއި، މިފަހަރުވެސް ކަން ކުރީ ހަމަ އެހެން، މާނައަކީ ބޭނުންކޮށްފަވީ ހަމަ އެއް ޓެކްޓިކްސް ތަކެކޭ. މިޙަޤީގަތް އަބުދުއްލޯ ރިޔާޒް އަށް ވަރަށް ސާފުވާނެ
ކަންއޮތްގޮތް
22 June 2019
އަނިޔާއަކީ އެއްވެސްއިރެއްގައި އެއްވެސްބަޔަކު ކޮށްގެންވާނެކަމެއްނޫނެވެ. އަނިޔާކުރާކަށް ނުޖެހެއެވެ. އަނިޔާ ނުކުރެއެކޭ ނުބުނާނަމެވެ. އެކަމަކު އެއީ ﷲސވޢގެ ޒާތުފުޅަށްވެސް މަނަޢަކުރުުއްވާފައިވާކަމެކެވެ. ޙައްޤު އަދަބާއި އަނިޔާ ތަފާތެވެ. ޖަލުގައި މަނާ އެކަމަކު އާދަވެފައިވާކަމެއް ކޮށްލަދޭށޭބުނުމުން ތަށިބަރިއެއް ނޫނީ ހަދިޔާއެއް ގެންގޮސްދިނުމަކީ މައްސަލައެއްނޫނެވެ. ކޮށްއުޅޭނަމަ، ކޮށްލަދިނީމަ ނިމުނީއެވެ. އެއީ މައްސަލަޖެހޭވެރުކަމަކަށް ހަދަންވީސަބަބެއްނެތް.
ރަދީފް
22 June 2019
''މީހަކު ކިޔައިދިން ގޮތުގައި ގޮޅިއަށް ވަދެ އޮފިސަރުން ވަނީ އެ ގައިދީންގެ އަންނައުނުތައް ވެސް ވީދާލައިފަ އެވެ.'' މީކިއްކުރަން ކުރިކަމެއް ބާ؟؟!!
އަހަންމަދުބެއްޔާ
23 June 2019
އަރާފައިހުރި ރުޅިގަނޑު ދައްކާލަންތޯއްޗެ.
ށޯލޭ
22 June 2019
މިހާރު ކޮމެންޓް ކިޔާލީމަ މި އެގެނީ މިހާރު ޤައިދީނަށް އަނިޔާކުރުން މައްސަލައެއް ނޫނކަން
ލޮލްލޮލްލޮލް
22 June 2019
ކޮންމެހެން ނުޖެހޭ އެއްގޮޅިން އަނެއް ގޮޅިއަށް ހަދިޔާ ތަކާ ތަށިބަރިޔާ އެހެން އެއްޗެހި ގެންގޮސްދޭކަށް.
ކުކޫ
22 June 2019
ޖަަލަކީ 5 ތަރީގެ ރިސޯޓެއްތަ؟ ޖަލުގަ އަދަބު ދޭވަރު އަދިވެސް ކުޑަ. އިސްލާމީ ޝަރީޢަތުގައި ވައްކަން ކުރީމަ އަތްކަނޑަން އޮވޭ.. އެކަންވެސް ކޮށްފިނަމަ މިތިބަ ބައިގަނޑު ދުވާނެ ހިއުމަން ރައިޓްސްއޭ ގޮވަމުން... ދީނުގެ އަދުއްވުން ގިނައީ މިހާރު...
Mohamed ibrahim
22 June 2019
ދީނުގަ އޮންނަނީ ވަންކަން ކުރީމަ އަތް ކަނޑާށޭ.....އަނިޔާކުރާށެކޭ ނޫން....
އިންސާނިއްޔަތު
23 June 2019
އަދަބު ދިނުމަކީ ގާޒީކުރި ހުކުމް ތަންފީޒުކުރުން. ކުރިމަތި ފަރާތަށް މިރުސް ސްޕްރޭ ކުރުމަކީ ނުހައްގު އަނިޔާ. އަނިޔާ ކުރިމީހުންނަށް ހައްގު ޖަޒާ/ޢަޒާބު ދެއްވާށި.