14 ސެޕްޓެމްބަރ 2019 - 01:24
39 comments
މަނީލޯންޑާ ކުރުމާއި އެނޫން ވެސް އެތައް ކުށެއް ކުރަމުންދާ ކަމަށް ތުހުމަތުކުރެވޭ ބަންގްލަދޭޝް މީހަކު މިރޭ ރާއްޖޭން ޑީޕޯޓްކޮށްފި އެވެ.
މޯލްޑިވްސް އިމިގްރޭޝަނުން ބުނީ އަބޫ ހަނީފް ނަމަކަށް ކިޔާ ބަންގްލަދޭޝް މީހާ ޑީޕޯޓްކުރީ ރާއްޖޭގައި ހުރުމަށް ދިން ހުއްދައިގެ ޝަރުތާ ހިލާފުވެގެން ކަމަށެވެ. އޭނާ ޑީޕޯޓް ކުރީ މިރޭ އެއާޕޯޓުން ހިފެހެއްޓުމަށް ފަހު ކަމަށް ވެސް ބުންޏެވެ.
އަބޫ ހަނީފްގެ ވޯކްޕާމިޓްގެ ފޮޓޯއަކާއި އޭނާ އުޅެމުން އަންނަ މުއްސަނދި ދިރިއުޅުން ދައްކައިދޭ ފޮޓޯތައް ސޯޝަލް މީޑިއާގައި މިއަދު ދައުރުވި އެވެ. އެގޮތުން ބައެއް ފަރާތްތަކުން ތުހުމަތުކޮށްފައިވާ ގޮތުގައި ވަޑިއެއްގެ ނަމުގައި ރާއްޖެ އަށް އެތެރެވި އެ މީހާ ގެންދަނީ މަނީ ލޯންޑާ ކުރަމުންނެވެ.
އަބޫ ހަނީފާ ބެހޭ ގޮތުން މީހަކު ޖެހި ޕޯސްޓެއް.
އިމިގްރޭޝަންގެ އިސް އޮފިޝަލަކު ވިދާޅުވީ ސޯޝަލް މީޑިއާގައި ކުރި ތުހުމަތުތައް އިމިގްރޭޝަނުން ވެސް އޭނާ އަށް ކުރާ ކަމަށެވެ. އެހެން ނަަމަވެސް އޭނާ ޑީޕޯޓްކޮށްލީ ރާއްޖޭގައި ހުރުމަށް ދިން ހުއްދައިގެ ޝަރުތާ ހިލާފުވެގެންނެވެ.
ކޮންޓްރޯލާ އޮފް އިމިގްރޭޝަން މުހައްމަދު އަހުމަދު ހުސައިން (ހަނަފީ) މިރޭ ކުރެއްވި ޓްވީޓެއްގައި ވިދާޅުވީ ނުފޫޒުން އެއްކިބާވެ ހުންނަވައި އިމިގްރޭޝަން ގާނޫނު ފުރިހަމައަށް ތަންފީޒުކުރައްވާނެ ކަމަށެވެ.
"އިންޝާﷲ ބިދޭސީންގެ މައްސަލަ އަށް ހައްލެއް ހޯދާނީ އިބްރާހީމް މުހައްމަދު ސޯލިހުގެ މި ވެރިކަމުގައި،" އޭނާ ވިދާޅުވި އެވެ.
ގަވައިދާ ހިލާފަށް ރާއްޖޭގައި އުޅޭ ބިދޭސީންނާއި ގަވައިދާ ހިލާފަށް ރާއްޖެ އަށް މީހުން ރެކްރޫޓްކުރާ މީހުން ހޯދަން އިމިގްރޭޝަނުން ވަނީ ހާއްސަ އޮޕަރޭޝަނެއް ފަށާފަ އެވެ. މީހުން ރެކްރޫޓްކުރުމާއި ހުއްދަނެތި ވިޔަފާރިކުރުމުގައި އުޅުނު ބަންގްލަދޭޝް މީހަކު ވެސް އެ އޮޕަރޭޝަންގައި މިއަދު ހޯދައި ޑީޕޯޓްކޮށްލި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބޮޑުމީހާ
15 September 2019
ތިކަހަލަ އެތައް ބަޔަކު އެބައުޅޭ މިހާރު. ހުޅުމާލޭގައި އެޕާރޓްމަންޓް ވެސް ކުއްޔަށް ނަގަންޖެހެނީ މިމީހުންގެ ކައިރިން. ހުރިހާ ފިހާރަ، ހޮޓާ، ސެލޫންތަކުގައި ހުސްމިމީހުން. ހެޔޮ ނުވާނެ ތި އެންމެން ބޭރުކޮށް ދިވެހިންނަށް ފުރުސަތު ހޯދައިދީ. ނުބުނާތި ދިވެހިން ނުކުރާނެއޭ؟ ދިވެހިން ވެމްކޯގަ އުޅެންޏާ ދިވެހިން ހުރިހާ ކަމެއްވެސް ކުރާނެ. ފުރުސަތު ދޭންވީ
ވަގޮކަޅާ
15 September 2019
ނިމިދިޔަ ސަރުކާރުގަ އަންވަރު ކިޔާމީހަކު އިމިގްރޭޝަނުގަ ކޮންޓްރޯލަރު މަގާމުގަ ހުރިކަމަށްވޭ އޭނަވަރުގެ މަހުޖަނަކު މިރާއްޖޭގަ ނެތޭބުންޏަސް ދޮގަކައްނުވާނެ އަންވަރުގެ ވިޔާފާރި ކޭއެފްސީ' ޕިއްޒާހަޓް' ގުލޯރިޔާޖީންސް' މޯޓީމަހަލް' ޗިކިންގް' ލޯލާ' މަރިޔާދު' މިވަރު އޯކޭދޯ ފަސްއަހަރައް!!!!!!!!!!
ވާލުސޮރު
15 September 2019
އިމިގްރޭޝަނުގަ އުޅޭ މުއްސަނދީ ބާސްކެޓް ގުރޫޕު ގެ މައްސަލަ ބެލީމާ ލައްކަ ގިނަ ކަންތައް އިނގޭނެ
ހުސެން
15 September 2019
"މަނީލޯންޑާ ކުރުމާއި އެނޫން ވެސް އެތައް ކުށެއް ކުރަމުންދާ ކަމަށް ތުހުމަތުކުރެވޭ ބަންގްލަދޭޝް މީހަކު މިރޭ ރާއްޖޭން ޑީޕޯޓްކޮށްފި އެވެ" ތިޔަށްވުރެން މާބޮޑެތި ތުހުމަތުތަށް ކުރެވޭ މީހުނާ ވަގަށް މިރާއްޖެއަށް އެތެރެވެން މުޅިން ގަވައިދާ ޚިލާފަށް އުޅޭ ބޮންދުމެންވެސް އެތިބީ މިނިވަނުންގެ ގޮތުގަ ނޫންތޯ! ގަވައިދާ ހިލާފަށް އެތެރެވެގެން އުޅޭ ބަނގާޅުންގެ މައްސަލަ އިންސާފުން ތަހުގީގުކޮށްފިނަމަ އެކަން ކުރުމުގެ މުގުލުގަ ތިބޭނީ އިމިގުރޭޝަނުގެ މީހުން ދެނޯ؟
ޝެލަރީ
15 September 2019
ތަހުގީގު ނޮކޮއް ޑީޕޯޓް ކުރުމަކީ ހިންގި ޖަރީމާއެއް ކޮންމެވެސް ބޮޑެއްގެ ޝާމިލްވުން ތިކަމުގައި އެބައޮތް؟
ޕިޔާ
15 September 2019
މި ދިވެހި ރާއްޖޭގަ ބޭރު މީހުނަށް ދިރިއުޅެ ވިޔަފާރިކޮށް ހަދަން ދިވެހިންނަށްވުރެ ފަސޭހަ! އެމީހުނަށް އަމިއްލަ ގައުމުގައި ނުކުރެވޭހާ ފަސޭހައިން ރާއްޖޭގައި ވިޔަފާރި ކޮށް އުޅެވޭ! ނިކަން ދިވެއްސަކު ތިތަނުން ގައުމަކަށް ގޮސް ވިޔަފާރިއެއް ހިންގަން އުޅެބަލަ! ދިވެހިމީހާ އޮންނަންޖެހޭނީ ޖަލުގަ! ސަރުކާރުގެ ކަމާއިބެހޭ މުވައްސަސާތައް ހަރުދަނާ ކޮށްގެން ތިކަހަލަ ކަންކަން ހުއްޓުވޭނީ!
ރުމާލު10
15 September 2019
ކުރީގަ ރައީސްކަންކޮށްފަހުރިމީހަކުވެސް އެބައުޅޭ މަނީލޯންޑަރިންއަށް ތުހުމަތުކުރާ. އެރައީސްވެސް ޑީޕޯޓް ކޮށްލަންފެނޭ.
ހުސެން
15 September 2019
ކުރީގެ ރައީސް އެއީ ދިވެހި ރައްޔިތެއްނުން، ކޮންތާކަށް ޑީޕޯޓް ކުރަނީ؟ ބަންގާޅު ސޮރު ޑީޕޯޓް ކުރިކުރުން ހަގީގީ ކަމަކާ ވައްތަރެއްނޫން، ބޮޑަށްވައްތަރީ އިމިގުރޭޝަނުން ހިންގި ޖަރީމާއަކާ، އެންމެ ބަންގާޅީއެއް ވިއްޔަ މިތަނުގަ ނުގަވައިދުން އުޅެނީ ނުވަތަ ނުވަގައިދުން ވިޔަފާރިކޮށް މަނީލޯންޑަރ ކުރަނީ ދޯ!!
ދެލޯދުންމާރި
14 September 2019
ކެފޭއޯކޭ މާފަންނު އިތާގޯޅި ދެބަންގާޅީ ޑޮލަރުގަނެ ވިއްކާނެ ބޮޑެތިއަދަދުން!!!މ.އެންދެރިކުރިގަ އުޅޭބަންގާޅީ އޭނަގެ ނަމަކައްކިޔަނީ ފާރޫގު ޑޮލަރުގަނެ ވިއްކާނެ!! އޮޕިކަން އޭކިޔާފިހާރަ އިތާގޯޅި ދިވެއްސަކުނަމުގަ ހުސްބަންގާޅީ ސޭޓުން!! ޕައިން ޓުރީސް ކިޔާފިހާރައެއް މ.ފިޔާތޮށިމަގު މިތަނުގަކުރިން ވިޔަފާރިކުރި މީހުންނެރެ ބަންގާޅީން މިހާރު ދިވެއްސެށްގެ ނަމުގަހިންގަނީ ފިހާރަޔަކީ2000 އަކަފޫޓުގެ ބޮޑުތަނެށް ސޭޓަކީވެސް އިންޑިޔާމީހެއް މިތަނުގާ ފަސްއިންޑިޔާމީހުންއުޅޭ
ދެރަކަމެއް
14 September 2019
މާލޭގަ ތި މީހުންނާ ހެދި މަގެއްގެ މަތިން ހިނގާލެވެން ނޯވޭ. ރާއްޖެތެރޭގަވެސް ހަމަ އެވަރު.
ހޮޓްކިންގް
14 September 2019
ޤަވާޢިދާ ޚިލާފަށް އުޅޭ މީހުންނާއި އުޅޭ ތަންތަނާއި އެތަންތަނުން އެމީހުން ފެންނާނެ ވަގުތުތަކާއި އެމީހުން ގެންގުޅޭ މީޙުންގެ މަޢުލޫމާތު ރިޕޯޓުކުރާނެ ހޮޓްލައިން ނޫނީ ނަންބަރުގަނޑެއް ދީބަލަ.