އިކޮނޮމިކް މިނިސްޓަރު ފައްޔާޒު އިސްމާއިލް މޯލްޑިވްސް ޓޫރިޒަމް ކޮންފަރެންސްގައި ވާހަކަދައްކަވަނީ-- ފޮޓޯ: ޓޫރިޒަމް
04 އޮކްޓޯބަރ 2019 - 10:42
78 comments
ގައުމީ ބޭންކް، ބޭންކް އޮފް މޯލްޑިވްސް (ބީއެމްއެލް) އިން ނަގާ ފައިދާ މާ ބޮޑު ކަމަށާއި، އެފައިދާ ކުޑަކުރަން ޖެހޭ ކަމަށް ގަބޫލުކުރައްވާ ކަމަށް އިކޮނޮމިކް މިނިސްޓަރު ފައްޔާޒު އިސްމާއިލް އިއްޔެ ވިދާޅުވެއްޖެ އެވެ.
ވޯލްޑް ޓޫރިޒަމް ދުވަހާ ގުޅިގެން ކްރޮސްރޯޑްސްގައި ކުރިއަށް ގެންދިޔަ ޓޫރިޒަމް ކޮންފަރެންސްގައި ބައިވެރިއަކު ކުރި ސުވާލަކަށް ޖަވާބު ދެއްވަމުން ފައްޔާޒު ވިދާޅުވީ ބީއެމްއެލްގެ ފައިދާ ކުޑަކޮށް، އިގްތިސާދު ކުރިއަށް ގެންދަން މުހިއްމު މަސައްކަތްތަކެއް ކުރާ ބޭންކަކަށް އެތަން ވާން ޖެހޭ ކަމަށެވެ.
"އަޅުގަނޑު ގަބޫލުކުރާ ގޮތުގައި ބޭންކް އޮފް މޯލްޑިވްސް މާ ބޮޑު. ބޭންކް އޮފް މޯލްޑިވްސް އެބަ ޖެހޭ ކުޑަވާން. ނުވަތަ އިތުރު ބޭންކްތައް އައިސް މިހާރު މި އޮތް މޮނޮޕޮލީ ބަދަލުވާން ޖެހޭ،" ފައްޔާޒު ވިދާޅުވި އެވެ.
އިކޮނޮމިކް މިނިސްޓަރު ވިދާޅުވީ ރާއްޖެ އަށް އިތުރު ބޭންކްތައް ގެނައުމަށް މިހާރު ވެސް ގިނަ މަސައްކަތްތަކެއް ކުރަމުން އަންނަ ކަމަށެވެ.
"އަޅުގަނޑު ގަބޫލުކުރާ ގޮތުގައި މަނިޓަރީ އޮތޯރިޓީން ހަދާފައި ހުރި ރެގިއުލޭޝަންތައް ވެސް އެބަ ޖެހޭ ބަދަލު ކުރަން. ކޮންމެވެސް ވަރަކަށް ބޭންކަކީ ވެސް ގެއްލުން ނުވާ ވިޔަފާރިއަކަށް ވެގެން ނުވާނެ. އެހެން ވިޔަފާރިތަކެކޭ އެއްގޮތަކަށް ބޭންކަކީ ވެސް ރިސްކު ނަގަން ޖެހޭ ވިޔަފާރިއަކަށް ވާން ޖެހޭނެ،" ފައްޔާޒު ވިދާޅުވި އެވެ.
އޭނާ ވިދާޅުވީ ފައިސާ ނުދައްކައިގެން އަރާ ޖޫރިމަނާތަކާއި ބޭންކުން ނަގާ ޕީނަލް އިންޓްރެސްޓް ވެސް ބަދަލުވާން ޖެހޭ ކަމަށެވެ. އެގޮތުން 10 ޕަސެންޓް ނުވަތަ 12 ޕަސެންޓުގެ އިންޓްރެސްޓް ނެގުމަށް ފަހު ޖޫރިމަނާއަށް އިތުރު ފަސް ޕަސެންޓް ނެގުމަކީ ގަބޫލުކުރައްވާ ކަމެއް ނޫން ކަމަށް ވިދާޅުވި އެވެ.
ބީއެމްއެލް އަކީ ރާއްޖޭގެ އެންމެ ބޮޑު ބޭންކެވެ. އެ ބޭންކަށް މިދިޔަ އަހަރު ފައިދާގެ ގޮތުގައި 1.6 ބިލިއަން ރުފިޔާ ލިބުނެވެ. ބީއެމްއެލްގައި 279،000 ކަސްޓަމަރުން ތިބި އިރު މިދިޔަ އަހަރު ނިމުނުއިރު 12 ބިލިއަން ރުފިޔާގެ ލޯނު ދޫކުރި އެވެ.
ބީއެމްއެލް އިން މިދިޔަ އަހަރު ވަނީ ޑިވިޑެންޑާއި ޓެކްސްގެ ގޮތުގައި ދައުލަތަށް ގާތްގަނޑަކަށް 400 މިލިއަން ރުފިޔާ ދައްކައިފަ އެވެ.
ބީއެމްއެލަކީ މިހާރު ވެސް ގެދޮރުގެ މަޝްރޫއުތަކަށް އެންމެ ގިނަ ލޯނު ދޫކުރާ ބޭންކެވެ. ރާއްޖޭގައި ހިންގާ ބޭރުގެ ބޮޑެތި ބޭންކްތަކުން ގެދޮރު ގަތުން ފަދަ ކަންކަމަށް ލޯނެއް ދުލެއް ނުކުރެ އެވެ. އެ ބޭންކްތަކުން ބޮޑަށް އިންވެސްޓްކުރަނީ ރާއްޖޭގެ އެންމެ ބޮޑެތި ވިޔަފާރިވެރިންނަށާއި ޓޫރިޒަމް ދާއިރާއަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރައްޔިތުކަލޯ
06 October 2019
ފައްޔާޒުގެ ވާހަކަޔަށް 100 ޕަސެންޓް ތާއީދު . ބީއެމްއެލް އަކީ ރައްޔިތުން ފެލާ ބޭންކެއް. ވަރަށް ފަހުން ބޭންކުން ވަނީ ގެދޮރު އަޅަން ދޫކުރާ ލޯނަށް ކުރިން ބަހައްޓަންޖެހޭ 20% ގެ ބަދަލުގައި 30% އަށް ބޮޑުކޮށްފައި. މީގެ މާނައަކީ ނަގާ ލޯނުގެ 1/3 (ތިންބައިކުޅަ އެއްބައި) އަތުގައި ހުންނަންޖެހޭނެ. ރައްޔިތުން ފެލިއަސް މީ ތަންކޮޅެއް ބޮޑުވަރު. ފަޚުރުވެރިކަމާއެކު 1.6 ބިލިއަން ފައިދާވި ވާހަކަ ދައްކާއިރު ގޯނިބޭ ކުޑަ އަލީ ސީއީއޯ އަކަށް ހުއްޓަސް ތިވަރަށް ފައިދާވާނެ.
ރީތި މޫސަ
05 October 2019
މިހާރުވެސް އުޅެނީ ސަރުކާރު ހިންގާނެފައިސާނެތިގެން އެބޭންކުން ކޮންމެއަހަރަކު އެތަށްމިލިއަންރުފިޔާއެއް ސަރުކާރުގެ ބައިތުންމަލަށް މިބުނީ ފައިދާގެ ބޮޑުޕަސެންޓެއް އިންލަންޑްރެވެނިއުއަށްދައްކާ އެފައިސާއިން ރައްޔިތުންގެ ބަނދަރާ ނަރުދަމާ އަދި އެހެނިހެން އަސާސީ ޚިދުމަތަށް ސަރުކާރުން ހޭދަކުރޭ އެހެންވީމަ އެބޭންކަށް ފައިދާވިވަރަކަށް ރަނގަޅީ ރައްޔިތުންނަށް
ޢިބްރާހީމް
05 October 2019
ތިޔައީ ވރަގަޅު ވާހަކައެއް. ތިޔަ ބޭންކުން އާ މު ރައްޔިތަކަށް ލޯނެއް ހޯދަންކުރަނއ ޖެހޭ މަސަައްކަޔުގެ ވާހަކަ ދައްކާކަން ނުވާނެ. ފައިދާ ބިލިޔަލުން ލިބޭނެތާ އިންޓަރެސްޓު %20-11 ދެ މެދުގައި އެއްލައްކަ ނަގާފިއްޔާ ދައްކާ ނި މޭއިރު 2 ލައްކަ. ޢަނެއްކާ އެހެންގައު މުތަކުގައި ލޯނުދޭން ބޭންކުން ދާނީ އާ މުންގެފަހަތުން އެކަ މަކު ރާއްޖޭގއި ލޯނެއް ހޯދަންވެއްޖެއްޔާ އެކަ މަށް އެދިގެން ހުންތާ އަހަރުވާއޮރުވެސް ނުލިބޭ، އަދި ބޭންކުން އަޅާވެސްނުލާނެ.
ޢަލި3
05 October 2019
ބީއެމްއެލް އަށްދިމާވެގެން އުޅޭމައްސަލައަކީ އެބޭންކް ހިންގަމުން އަންނަނީ މައުމޫނު ދުވަސްވަރުގެ ބޯދާ ޚުދުމުހުތާރު އުސޫލުތަކަކާއި ގަވާއިދު ތަކެއްގެ މައްޗަށް.
ދޮންމަނިކް
04 October 2019
މިފަހަރު އިންޓްރަސްޓް ރޭޓް 5 ޓު 6 ފަސެންޓައް ތިރިކޮއް ރައްޔިތުންގެ ބޭންކަކައް ހަދަންވާނެ ށބަހޭ މިނިސްޓަރޫޫޫޫޫޫޫޫޫޫޫޫޫ
ފުރުޓޭ
04 October 2019
އިންޓްރެސްޓް ރޭޓް ދަށް ކުރުވާ. ކިޔަވަން ކުއްޖަކު ލޯނަށް އެދުނަސް ހަންދަމާލާ ތިތަނުން
ތުންބިބީ
04 October 2019
ފައްޔާޒު އެވިދާޅުވި ވާހަކަ އަށް ބަލާއިރު އެއީ 100 ގެ ވާހަކައެއް، މިހާކުޑަކުޑަ އާބާދީއެއްގަ އަދި ހަމަ އެއާއި އެކު އުފެއްދުންތެރިކަން އެހާކުޑަ ގައުމެއްގަ ބޭންކަކުން އެހާ ބޮޑު ފައިދާއެއް ނަގާނަމަ ހަމަ ޔަޤީނުންވެސް މިހާރު ވަރަށް ގިނަ މީހުން ތިބޭނީ ދަރަނިވެރިވެ ގޮތްހުސްވެފަ. ދަރަނިވެރި ވެފައިވާ މީހުން ދުނިޔޭގެ ލަދަށް އެކަން ހާމަކުރަން ނުކެރެނީ.
ރަމްޒީ2
05 October 2019
ފައްޔާޒު ވާހަކަ ބަރާބަރެއްނޫން. ބެންކުން ކުރަމުން އެގެންދާ އިންވެސްޓްމަންޓްސް ނުފެނޭތަ؟؟ ބެންކަށް އައި ކުރިއެރުން ނެފެނޭތަ؟؟ ކީއްވެ އާންމުންގެ އެންމެ މަގުބޫލުބެންކަކަށް ބެންކް އޮފް މޯލްޑިވެސް ވީ؟؟ ދެން މިކިޔަނީ މޮނޮޕޮލީއޯ. ފައްޔާޒަށް އިނގޭތަ މޮނޮޕޮލީ އަކީ ކޯއްޗެއްކަން.
ހާހާ
04 October 2019
ފައިދާ ބޮޑުވާނެނު މީހުންގެ އެކައުންޓްގެ ހުންނަ ފައިސާ ކޮޅު އެބަ ކަޓުވާލާ ވިއްޔަ... ޅަ ދަރިއަކަށް އެކައުންޓެއް ހުޅުވިޔަސް މުއާމަލާތެއް ނުހިނގާ ދުވަސްކޮޅެއް ވާއިރަށް މަހަކީ 50 ރުފިޔާ މަގުން އެބަ ކަޓުވާލާ.. އަމާނާތެއްގެ ގޮތުގަ ރައްކާކުރަން ހަވާލުކުރީމަ ކަނީ މި.. މީހަކު މަރުވެގެން ކޯޓު މަރުހަލާއިން ނިމިގެން ބަލާއިރުވެސް މި ހުންނަނީ ކަނޑާފަ.. ވާރިސުންނަށް ލިބެނީ ބާކީ
ބޮޑުމީހާ
04 October 2019
ދިވެހިންގެ ބޭންކަކީ ދިވެހިން ފެލާ ބޭންކެއް. 25000 ރުފިޔާގެ ލުއިލޯނަށް 50000 ރުފިޔާއާއި ގާތް ކުރާވަރަށް ދެއްކުނީމަ ދެން ތި ބޭންކަށް ފައިދާނުވެ ދާނެތަ. އަދި މިގައުމުގަ ސިވިލް ސާވެންޓެއް ނެތް ތި ލޯނުގަ ނުޖެހޭ
ބޭންކް
04 October 2019
ބޭންކުން ކްރެޑިޓްކާޑުން މިހާވިޔަފާރި ކުރާއިރުވެސް އެކާޑުގަނޑު ރިނިޔުކުރަން އަހަރީފީފަދަ ތަކެތިއަދިވެސްނަގާ. އަހުރުމެން ކިހާލާރިއެއްމިދެނީބޭންކަށް އެކިއެކިވިޔަފާރިތަކަށް ބޭންކްގެ ކާޑުންލާރިދައްކާގެން. މީތަންކޮޅެއްބޮޑުވަރު އަސްލު. ކުރިއަރާފައިވާގައުމުތަކުގަ ކާޑުއެއީ ހިލޭލިބޭއެއްޗެއް.