ވަޓަވައްރެހާ ރިސޯޓުގެ ބީޗް ސަރަހައްދު.
26 ޑިސެމްބަރ 2019 - 13:43
17 comments
ކާށިދޫ ދާއިރާގެ މެމްބަރު އަބްދުﷲ ޖާބިރު، ރިސޯޓެއްގެ ގޮތުގައި ތަރައްގީ ކުރައްވަމުން ގެންދަވާ ގދ. ވަޓަވައްރެހާ ވިއްކާލަން ނިންމައި ޝައުގުވެރިކަން ހުރި ބަޔަކު ހޯދަން ފަށައިފި އެވެ.
ޑީއާރުޕީގެ ލީޑަރު ޖާބިރުގެ ކުންފުނި، ޔޮޓް ޓުއާސް އިން ތަރައްގީ ކުރަމުންދާ މި ރަށުގެ 60 ޕަސެންޓް މަސައްކަތް މިހާރު ވަނީ ނިމިފަ އެވެ.
ޖާބިރު "މިހާރު" އަށް ވިދާޅުވީ، ކޮންސްޓްރަކްޝަންގެ ހުރިހާ މަސައްކަތެއް އަންނަ އަހަރު ނިންމައި ޑިސެމްބަރުގެ ތެރޭގައި ރިސޯޓް ހުޅުވާނެ ކަމަށެވެ.
ޔޮޓް ޓުއާސް އިން މީގެ ކުރިން ވެސް ވަނީ ރިސޯޓުގެ ގޮތުގައި ރަށްތައް ތަރައްގީ ކުރުމަށް ފަހު ވިއްކާލައިފަ އެވެ.
ވަޓަވައްރެހާގެ ނަން މިހާރު ވަނީ ރާޅުވެލި ކްލަބް ރިސޯޓަށް ބަދަލުކޮށްފަ އެވެ. މި ރަށުގައި 200 ކޮޓަރި ހަދާއިރު ތަފާތު ނުވަ ކެޓަގަރީއެއްގެ ކޮޓަރިތައް އޭގެ ތެރޭގައި ހިމެނެ އެވެ. އެކި ފެންވަރުގެ ކޮޓަރިތައް ހަދާ މި ރަށުގައި އާންމުކޮށް ރާއްޖޭގެ އެހެން ރިސޯޓުތަކުގައި ހުންނަ ގޮތަށް ބީޗް ވިލާތަކާއި ވޯޓާ ވިލާތައް ވެސް ހުންނާނެ އެވެ.
ޖާބިރު ތަރައްގީ ކުރައްވާ ވަޓަވައްރެހާ.
އަދި ތިން ރެސްޓޯރެންޓާއި ހަތަރު ބާ ހުންނާނެ އެވެ. ވޯޓާ ސްޕޯޓްސް އާއި އެކްސްކާޝަން ގިނަ ހަރަކާތްތަކެއް ރަށުގައި އިންތިޒާމު ކުރެވޭނެ ގޮތަށް ރަށް ތަރައްގީ ކުރާއިރު ސްޕާގެ ހިދުމަތް ދިނުމަށް ލޭކް ސްޕާއެއް އެ ރިސޯޓުގައި ހަދާނެ އެވެ.
އެ ރިސޯޓު ގަންނަން ބޭނުންވާ މީހުން އެކަމަށް އެދި ޕްރޮޕޯޒަލް ހުށަހަޅަން އެ ކުންފުނިން އެދެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފައިބިއަހަރުވެސް
28 December 2019
ޖާބިރު ހާދަ ގިނަރިސޯޓުތައްވެސް އޮވެޔޭދޯ ކޮންމެ އަހަރަކު ރިސޯޓެއް އެބަ ވިއްކާލާ މއ. ކާމިނީ ހުޅަނގުގެ ޔާމީނު ވެރިކަމުން ބޭލި އަހަރުވެސް ރިސޯޓެއް ވިއްކި
ދާދޭ
27 December 2019
ރައްޔިތުންގެ ނުހަނު އަގުބޮޑު އެސެޓްތައް ކުޑައަގެއްގައި ނެގުމަށްފަހު އެއްވެސް މަސައްކަތެއް ނުކޮށް ނުވަތަ ދެތިން ޖިފުޓި ޖެހުމަށްފަހު އެތައްމިލިއަން ޑޮލަރަށް ވިއްކާލައިބފައިސާކޮޅު ޖީބަށްޖަހާ ޖެހުން ހުއްޓުވަން ވެއްޖެ ނުންތޯ؟
ރިޟާ
27 December 2019
މަ ބޭނުން ގަންނަން
އަހަންމަ
27 December 2019
ތިޔަވިއްކައިގެން ނަމަވެސް މީހުންނަށް ދަރާފައި ހުރި ދަރަނިތައް އަދާކުރުން ބުއްދިވެރިވާނެ..
ކަލޯ
26 December 2019
ތީ ހަދާ ނުނިމޭ ތަނެއްތަ? 2006 ގަވެސް ތިތަން ހަދަނީ, 2019 ގަވެސް ތިތަން ހަދަނީ
ކޭބަލޭ
26 December 2019
ކޭބަލްކާރު ޕްރޮޖެކުޓު ފަށަންކަންނޭގެ ރިސޯޓް ވިއްކާލަނީ..ދާއިރާގެ ރައްޔިތުންނައްޓަކައި
އަލްޖިބްރާ
26 December 2019
ޖާބިރުގެ އަތްމަތީ ހުސްވީތަ؟ މީހުނަށް ދެއްކި ހުވަފެންތަށް ހުވަފެނަށް ވެ ނިމެނީ އުތަ ؟
ސަމާލު
26 December 2019
ވަޓަވައްރެހާ ރިސޯޓޭ ކިޔަން ފުރަތަމަ ލަދުގަނެބަލަ، އެއީ 15 އަހަރުން 15 ކޮޓަރިވެސް ނުނިމި އޮތް ރަށެއް، ތިޔަ ފޮޓޯއިން ފެންނަ ތަންތަނަކީ މިހާރު ބާވެ ޢަޅިޔަށް ވެފައި ހުރި ތަންތަން، ތިޔަ ވަޓަވައްރެހާގެ މައްޗަށް ސަރުކާރުން ދައްކަން ޖެހޭ ދަރަނި 40 މިލިއަން ޑޮލަރަށްވުރެ މާބޮޑު، މުޅިތަން އޮތީ ވީރާނާވެފައި، މޮޔައެއްނޫނީ ތިތަނަކަށް ވަޔެއް ނޭޅޭނެ
އަލިފްލައިލާ
26 December 2019
އެތާ މަސައްކަތް ކުރި މީހުންނަށް ފައިސާ ދިން ތޯބަކަން ޖެހެއެވެ. ފައިސާ ނުލިބޭ މީހަކުވާނަމަ ޓްރަބިއުނަލް ގަ މައްސަލަ ޖެއްސުމުން ފައިސާ ލިބޭނެއެވެ.
އަހުމަދުފ
26 December 2019
ޖާބިރު ވިއްކާލާ އަވަސް ކުރޭ .
ބުއްޅަބޭ
26 December 2019
މައުމޫނަ/ށް ވިއްކާލާ! 26 މިލިޔަން ކަނޑާލާފަ!