މިދިޔަ އަހަރު ޓީބިލް ވިއްކި އަދަދު 4.3 ބިލިއަނަށް

އެމްއެމްއޭގެ އިމާރާތް--ޓީބިލް ވިއްކުމަށް ހަފްތާއަކު އެއްފަހަރު ހުޅުވާލާނެ-- ފޮޓޯ: މިހާރު

ފާތިމަތު ޝަނާ މުހައްމަދު، މިހާރު

02 ޖެނުއަރީ 2020 - 14:50

ދައުލަތުގެ ހަރަދުތައް މެނޭޖްކުރުމަށްޓަކައި މިދިޔަ އަހަރުގެ ފަހު ހަފްތާއާ ހަމަޔަށް 4.3 ބިލިއަން ރުފިޔާގެ ޓީބިލް ވިއްކައިފި އެވެ.

ފިނޭންސް މިނިސްޓްރީން އާންމުކޮށްފައިވާ ތަފާސް ހިސާބުތަކުން އެނގޭ ގޮތުގައި މިދިޔަ ޑިސެމްބަރު މަހުގެ 26 ވަނަ ދުވަހުގެ ނިޔަލަށް ދިވެހި ރުފިޔާ އިން ޓީބިލް ވިއްކި އަދަދު ވަނީ 1.9 ބިލިއަނަށް އަރައިފަ އެވެ. ނޮވެމްބަރު މަސް ނިމުނު އިރު ދިވެހި ރުފިޔާ އިން ވިއްކި ޓީބިލް އުޅެނީ 1.2 ބިލިއަންގަ އެވެ. އެހެން ކަމުން މިދިޔަ ޑިސެމްބަރު މަހު އެކަނި ވެސް ސަރުކާރުގެ ހަރަދުތަކަށް ފައިސާ ހޯދުމަށް 734 މިލިއަން ރުފިޔާގެ ޓީބިލް ވިއްކާފައިވެ އެވެ. މިއީ މަހެއްގެ ތެރޭ އެންމެ ގިނަ އަދަދަކަށް މިދިޔަ އަހަރު ޓީބިލް ވިއްކި އެއް މަަހެވެ.

ދިޔަ އަހަރުގެ ބަޖެޓުގައި ހަތަރު ބިލިއަން ރުފިޔާ، ބަޖެޓުގެ ބޭރުން ހޯދުމަށް ސަރުކާރުން ކަނޑައަޅާފައިވެ އެވެ.

ޑޮލަރުން ޓީބިލް ވިއްކި ވަރު 150 މިލިއަނަށް އަރާއިރު މިއީ އިންޑިޔާ ސަރުކާރަށް ވިއްކާފައިވާ އަދަދެވެ. ދިވެހި ރުފިޔާ އިން ނަމަ އެއީ 2.3 ބިލިއަނެވެ. ފިނޭންސް މިނިސްޓްރީން ބުނީ، ޓީބިލްގެ އަދަދު އެހާ ބޮޑު ކަމަށް ދައްކަނީ އިންޑިޔާ އަށް ޓީބިލް ވިއްކުމުގެ ސަބަބުންނެވެ. އިންޑިޔާ އަށް ޓީބިލް ވިއްކާފައި ވުމާ އެކު މި އަހަރު ސަރުކާރުން އިތުރަށް ސޮވެރިން ބޮންޑު ވިއްކައިފައެއް ނުވެ އެވެ.

ޓީބިލަކީ އިންޓަރެސްޓާ އެކު އަނބުރާ ދައްކާ ގޮތަށް ސަރުކާރުން ނަގާ ފައިސާ އެވެ. އެމްއެމްއޭ އިން ހަތަރު މިންގަނޑެއްގައި ޓީބިލު އަންނަނީ ވިއްކަމުންނެވެ. އެއީ 28 ދުވަހާއި 98 ދުވަހާއި 182 ދުވަހުގެ އިތުރުން 364 ދުވަހުގެ ތެރޭގައި ފައިސާ އަނބުރާ ދައްކަންޖެހޭ ޓީބިލެވެ. ޓީބިލް އަނބުރާ ދައްކަންޖެހޭ މުއްދަތު އިތުރުވާ މިންވަރަކަށް އިންޓްރެސްޓް ރޭޓް ދާނީ ބޮޑުވަމުންނެވެ.

ސަރުކާރުގެ ކޭޝްޕްލޯ ހަމަޖެއްސުމަށް ޓީބިލް ވިއްކާ އިރު މިިދިޔަ އަހަރު ނިމުނުއިރު ގާތްގަނޑަކަށް 700 މިލިއަން ރުފިޔާގެ ޓީބިލް ވިއްކާފައިވެ އެވެ. އެހެންކަމުން ޓީބިލް ވިއްކި އަދަދު ހިސާބުތަކުން އެންމެ ބޮޑު އަހަރަކަށް މިދިޔަ އަހަރު ވެގެންދާނެ އެވެ. ދައުލަތުގެ ބަޖެޓް ޑެފިސިޓަށް ބޭނުންވާ ފައިސާ ހޯދުމަށް މީގެ ކުރީ ސަރުކާރުތަކުން ވެސް ބޮޑެތި އަދަދުތަކުން ޓީބިލް ވިއްކާފައިވެ އެވެ. އެގޮތުން 2017 ވަނަ އަހަރުގެ އޮގަސްޓް މަހު ކޭޝްފްލޯ ހަމަޖެއްސުމަށް 1.2 ބިލިއަން ރުފިޔާގެ ޓީބިލް ވިއްކާފައިވެ އެވެ. އެއީ އެއްފަހަރާ ޓީބިލް އެންމެ ގިނަ އަދަދަކަށް ވިއްކި އެއް ފަހަރެވެ.

މަރުކަޒީ ބޭންކް، އެމްއެމްއޭ މެދުވެރިކޮށް ސަރުކާރުން ޓީބިލް ވިއްކުމަށް ހަފްތާއަކު އެއް ފަހަރު ހުޅުވާލަ އެވެ. ސަރުކާރުގެ ކޭޝް ފްލޯ ހަމަޖެއްސުމަށް އެމްއެމްއޭ މެދުވެރިކޮށް ސަރުކާރުން ޓީބިލް އާންމު ގޮތެއްގައި ވިއްކަނީ ޕެންޝަން ފަންޑާއި ބައެއް ބޭންކްތަކާއި ސަރުކާރު ހިއްސާވާ ބައެއް ކުންފުނިތަކާއި އަމިއްލަ ކުންފުނިތަކަށެވެ.

ފިނޭންސް މިނިސްޓްރީ އެމްއެމްއޭ ޓްރެޝަރީ ބިލް

29 ކޮމެންޓް, 56 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޣަދަ

03 January 2020

ކިހާރަންގަޅު..ލޯން ނުނަގާ ބޭރަށް ސައިބިލް ވިއްކާގެން އެ ހޯދާލީ 4 ބިލިޔަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހހހހ

02 January 2020

ކުރިން ތިޖޫރި ހުރިތަނުގައި ވަޅެއްހުރި، މިހާތު އެވަޅުވެސް ނެތް. މިއޮތީވެރިކަމެއް އައިއްސަ، 2023 އަށް ރެޑީ ވެގެން މިހުރީ މިހާރު. ވ،ސަލާމް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަކީމް

03 January 2020

އަނގަޔަށް މީހަކު ޑަންލޮޕް ނާޅަނީސް ވާނުވާ ނުއެނގި ވާހަކަ ނުދައްކަބަލަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަހީނުބޭ

03 January 2020

ހަކީމްބޭ ކުރިން އެގޮތަށް ވާހަދެއްކި މީހުންގެ އަނގަޔަށް ޑަންލޮޕް އަޅަފަ އައިސް ދެންވާހަކަދައްކާ މިސާލު ތައްޔިބު، ލޫކަސް ، ނުހެންގޮސް ހާހުން. ޔާމީނު ވެރިކަމުގަ ދަރުވަނީއޭ ޗައިނާއްވިއްކާލީއޭ ކޮކުރީޓުތަރައްގީ ބޭނުމެއްނޫނެ، ސިޓިކާޖަހާގެން ފޭރެނީ އެ ކީމީހުން، މިހާރުވަކިން ތަފާތު؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝޮކްތެރަޕީ

02 January 2020

ސަރުކާރުގެ ކުންފުނިތަކަށް. ރައިސް ޔާމިން އަޅުއްވަމުން ގެދިޔަ ފުލެޓްތަށް. މިސަރުކާރުން ވަނީ ހުއްޓުވާފަ. ދިވެހި އެތައް ރައްއިތުންގެ ބޯހިޔާވުމުގެ ފުރުސަތު މިސަރުކާރުން ނިގުޅައިގަތީ.