ސުޕްރީމް ކޯޓު: އެ ކޯޓުގެ އާ ބެންޗާ އެކު ޝަރީއަތްތައް މިހާރު ވަނީ ފަށާފައި -- ފޮޓޯ/މިހާރު
05 ޖެނުއަރީ 2020 - 12:03
11 comments
އާ އަހަރާ އެކު ސުޕްރީމް ކޯޓުގެ ރިސެސް ނިމި، އާ އުއްތަމަ ފަނޑިޔާރާއި އެ ކޯޓުގެ އާ ފަނޑިޔާރުންގެ ބެންޗުން މިއަދު ޝަރީއަތްތައް ފަށައިފި އެވެ.
އުއްތަމަ ފަނޑިޔާރުގެ މަގާމަށް އެ ކޯޓުގެ ކުރީގެ ފަނޑިޔާރު އަހުމަދު މުއުތަސިމް އަދުނާން އާއި ފަނޑިޔާރު ކަމަށް ހުސްނުއްސުއޫދު މިދިޔަ ޑިސެމްބަރު މަހު ކުރީކޮޅު އައްޔަން ކުރެއްވިއިރު ރިސެސްގައި އޮތުމުން މިދިޔަ އަހަރު ދެ ބޭފުޅުން އެއްވެސް މައްސަލައެއް ނުބައްލަވަ އެވެ. އެކަމަކު އޭގެ ކުރިން އައްޔަންކުރި ތިން ފަނޑިޔާރުން ކަމަށްވާ ޑރ. އަޒްމިރަލްދާ ޒާހިރާއި ފަނޑިޔާރު އައިޝާ ޝުޖޫން މުހައްމަދުގެ އިތުރުން ފަނޑިޔާރު މަހާޒް އަލީ ޒާހިރު ކުރިން ބައެއް މައްސަލަތައް ބެއްލެވި އެވެ.
ރިސެސް ނިމުމާ އެކު، މިއަދު ފެށި ޝަރީއަތްތަކުގެ ތެރެއިން އުއްތަމަ ފަނޑިޔާރު މުއުތަސިމް ރިޔާސަތުގައި އިންނަވައިގެން ފުރަތަމަ ބައްލަވަނީ މަސްތުވާތަކެތީގެ މައްސަލައެކެވެ. އުއްތަމަ ފަނޑިޔާރުގެ އިތުރުން ފަނޑިޔާރު ސުއޫދު ވެސް އެ މައްސަލަ ބައްލަވާ ބެންޗުގައި ބައިވެރިވެވަޑައިގަންނަވަ އެވެ.
މީގެ އިތުރުން ވަޒީފާއާ ބެހޭ ދެ މައްސަލައެއްގެ ޝަރީއަތް ވެސް ކުރިއަށް ގެންދަން ތާވަލްގައި ހިމަނާފައިވެ އެވެ. އަދި މި ހަފުތާ އާއި އަންނަ ހަފުތާއަށް ވެސް މަދަނީ މައްސަލަތަކަކާއި ޖިނާއީ މައްސަލަތަކެއްގެ ޝަރީއަތް ތާވަލްކޮށްފައި ވާއިރު، އޭގެ ތެރޭގައި ގިނައީ 2012 ވަނަ އަހަރުން ފެށިގެން 2014 ވަނަ އަހަރާ ދެމެދު ހުށަހެޅި މައްސަލަތަކެވެ.
އޭގެ ބައެއް މައްސަލަތަކުގެ އަޑުއެހުންތައް ސުޕްރީމް ކޯޓުގެ ކުރީގެ ބެންޗުން އޮތީ ކުރިއަށް ގެންގޮސް، ނިންމާލައިފަ އެވެ.
ސުޕްރީމް ކޯޓުގެ ފަސް ފަނޑިޔާރުންގެ އާ ބެންޗާ އެކު ޝަރީއަތްތައް ފެށިއިރު އެ ކޯޓުގެ ބެންޗުގައި ދެ މަގާމެއް ހުސްކޮށް އަދި އެބަ އޮތެވެ. އެ ދެ މަގާމަށް ބޭފުޅުން އައްޔަންކުރުމާ މެދު ޖުޑީޝަލް ސާވިސް ކޮމިޝަން (ޖޭއެސްސީ) އިން އަދި ރައީސަށް ލަފާ އަރުވާފައެއް ނުވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިބުރާ
06 January 2020
ފަނޑިޔާރުން ﷲއަށް ބިރުވެތިވުން މުހިއް މު!
ބަރުގޮހޮޑާ
05 January 2020
ވަރަށް ބޮޑުު އުއްމީދެއްގައި މިތިބެނީ ދިވެހިންނަށް ގެއްލިފައިވާ ހައްގުތައް އިއާދަވާނެކަމަށް.
ޡުލޭ
05 January 2020
އިންސާފެއް ލިބޭނެތަ ތިތާކުން.
ބޭރު
05 January 2020
ބާކީ އޮތް ދެ ސްލޮޓަށްވެސް އަވަހަށް ފަޑިޔާރުން އަންޔަންކޮށް، ފުނިޖެހިފައިވާ މައްސަލަތައް ބަލައި ފައިސަލާ ކުރަނިވި ހުކުމެއް ކަނޑައެޅުމުގައި ފަޑިޔާރުންގެ ވަގުތު ހޭދަކޮށްދެއްވާށެވެ. ކުރީގެ ފަޑިޔާރުންހެން ކޯޓްތަކުގެ އިދާރީ ހިންގުމުގެ ތެރެއަށްވަދެ އުސޫލުތަކާއި ގަވާއިދުތައް ހެދުމުގައި ވަގުތު ހޭދަ ނުކުރަށްވާނެކަަމަށް އުއްމީދު ކުރަމެވެ.
ބޭރުމީހާ
05 January 2020
ސުޕްރީމް ކޯޓުގައި އެ ތިއްބެވީ ސޮއިކޮށްފައި ނެތަސް އެމްޑީޕީގެ ބޭފުޅުންނެވެ.
ބޮޑުމީހާ
05 January 2020
2012 - 2014 ވަނަ އަހަރުގެ ނުނިމި ހުރި މައްސަލަތައް ހުރުމަކީ ޝަރުއީ ދާއިރާ ފެއިލްވެފައިވާ ކަމުގެ ހެއްކެއް! މައްސަލަތައް ދިގުލައިގެން ދިއުމަކީ އިންސާފު ހޯދުމަށް އެޅޭ ހުރަހެއް، އަދި މައްސަލައިގައި ކުށްވެރިވާ ފަރާތް އިސްލާހުވާން ލިބޭ ފުރުސަތުވެސް ހަނިވޭ
ޑީީޑީޑީ
05 January 2020
ޕާޓީ ކުދިން ފަނޑިޔާރު ކަމަށް ލައިގެން ކޮންކަމެއް ކުރަންބާ މި އުޅެނީ
ގެދާނޯމޮސް
05 January 2020
އާބެންޗަށް އޮތީ ޔާމިންގެ ޝަރީޢަތުގެ އިސްތިއުނާފުގެ މައްސަލަ ބަލައި އެބޭފުޅާ މިނިވަން ކުރުމެވެ.
ބޯވަ
05 January 2020
ޔާމީނު މިނިވަންވާ ކަމަށްވާނަމަ މި ރާއްޖޭގެ ޖަލެއްގައި މީހަކު ހުރެގެން ނުވާނެއެވެ. ޔާމީނުގެ މައްސަލައަކީ އެހާ ސާފު އެއްވެސް އޮޅުމެއް ނެތް މައްސަލައެކެވެ. އެންމެ އާދައިގެ އިންސާނަކަށްވެސް ވިސްނޭހާ ތިލަ އަދި ހާމަކަށް ބޮޑު ކަމެއްގެ މަށްޗަށް އިއްވާފައިވާ ހުކުމެކެވެ.
އޭޑީ
05 January 2020
ޝަރުއީ ދާއިރާ އިސްލާހުވަމުން ރަނގަޅުވަމުން އަންނަ ކަމުގެ އިހުސާސް މިއަދު އެބަކުރެވޭ! މިއަދު ސިޔާސީ އެކިއެކި ބޭނުންތަކަށް މީސްމީހުން ހިފާ ހައްޔަރުކޮށް، އެމީހުންގެ މުދަލާއި، ގޯތިގެދޮރު އަތުލާކަށް ނޫޅޭ. ސަރުކާރުގެ މިސްރާބުވެސް ރަނގަޅު! އަދި ސަރުއީ ނިޒާމާއި، ގާނޫނު ހެދުމުގެ ނިޒާމުގެ މިސްރާބުވެސް ހަމަ ރަނގަޅު! ގައުމު މިދަނީ ރަނގަޅު ދިމާލަށް. އެހެންވެ ޖަމީލުމެން އެހާ ރުޅިގަދަވަނީ. ހެހެހެ
ހަރުމާދު
05 January 2020
އެބަ ރަނގަޅުވޭ. އުންމީދެއް އެބަ ފެނޭ