އައިޖީއެމްއެޗުގައި ކެންސަރު ބަލިމީހެއްގެ އޮޕަރޭޝަން ކުރިއަށް ދަނީ: ރާއްޖެ އިން މިހާރު ލިބެން ހުރި ފަރުވާތަައް ގިނަ
04 ފެބުރުއަރީ 2020 - 10:09
6 comments
ރާއްޖޭގައި ކެންސަރުގެ ފަރުވާގެ ދާއިރާއިން ކުރިއެރުންތައް ހޯދަމުން އަޔަސް، އަދިވެސް ގިރާކުރަން ޖެހޭ ހަރުފަތްތައް ގިނަ ކަމަށް، އައިޖީއެމްއެޗުގެ ކެންސަރާ ބެހޭ ޑިޕާޓްމަންޓްގެ އިސް ވެރިޔާ، ޑރ. މުހައްމަދު ޝިފާން މިއަދު ވިދާޅުވެއްޖެ އެވެ.
ކެންސަރުގެ އޮޕަރޭޝަންތަކަށް ހާއްސަ ދިވެހި ފުރަތަމަ ޑޮކްޓަރު، ޝިފާން، ދުނިޔޭގެ ކެންސަރު ދުވަހާ ގުޅިގެން ނެރުއްވި ބަޔާނެއްގައި ވިދާޅުވީ ކެންސަރު ހުރިތޯ ދެނެގަތުމުގެ ތަހުލީލުތަކާއި ކެންސަރަށް މިހާރު ރާއްޖޭގައި ލިބެން ހުރި ފަރުވާތަކަށް ބަލާއިރު، އުފާކުރަން ޖެހޭ ކަމަށެވެ. ނަމަވެސް އަދިވެސް ރަނގަޅު ކުރަން ހުރި ކަންކަން ގިނަކަން ބަޔާނުގައި އޭނާ ފާހަގަކުރެއްވި އެވެ.
"ލިބިފައި ހުރި ވަސީލަތްތަކާ އެކު ކުރިއަށް ދިއުމުގައި އަދިވެސް ދަތިތަކެއް އެބަ ހުއްޓެވެ،" ޑރ. ޝިފާން ވިދާޅުވި އެވެ.
"ހިދުމަތް ފުޅާކޮށް އެންމެ ފުރިހަމަޔަށް ފަރުވާ ދިނުމަށްޓަކައި އަދިވެސް ގިރާކުރަން ޖެހޭ އެތަކެއް ހަރުފަތްތަކެއް އެބަ ހުއްޓެވެ."
ރާއްޖޭގައި ކެންސަރު ޖެހޭ މީހުންގެ އަދަދު ނިސްބަތުން ވަރަށް ގިނަ އެވެ. އެއީ އާސަންދައިން ވެސް އެންމެ ބޮޑު ހޭދައެއް ކުރަން ޖެހޭ އެއް ދާއިރާ އެވެ. ކުރީ ސަރުކާރުން ވެސް އަދި މިހާރުގެ ސަަރުކާރުން ވެސް ކެންސަރުގެ ފަރުވާއަށް ހާއްސަކޮށްގެން ބައެއް ކަަންކަން ފަށާފައިވެ އެވެ.
އިންޑިއާ ސަރުކާރާ ގުޅިގެން ހުޅުމާލޭގައި ކެންސަރަށް ހާއްސަ ހޮސްޕިޓަލެއް އަޅަން މިހާރު ވަނީ ނިންމައިފަ އެވެ. އެއީ، ޝިފާން ވިދާޅުވި ގޮތުގައި، ރާއްޖޭގެ ސިއްހީ ނިޒާމަށް އަންނާނެ ބޮޑު އިންގިލާބެކެވެ.
ރާއްޖޭގައި ކެންސަރު ޖެހިފައިވާ މީހުންގެ އަދަދު އުޅެނީ 600 އަށް ވުރެ މަތީގަ އެވެ. އެއީ ހުޅުމާލޭ ހޮސްޕިޓަލްގައި 2017 ގައި ހެދި ކެންސަރަށް ފަރުވާ ދޭ ހާއްސަ ސެންޓަރުގައި އޭރު ރަޖިސްޓްރީކުރި މީހުންގެ އަދަދެވެ.
ސަރުކާރުން ބުނާ ގޮތުގައި މިހާރު މަހަކު އެވްރެޖްކޮށް ކެންސަރު ބަލީގައި 53 މީހުން އައިޖީއެމްްއެޗުގައި ރަޖިސްޓްރީކުރެ އެވެ. މިއީ ތަޖުރިބާކާރުން ބުނާ ގޮތުގައި، ރާއްޖޭގެ ނިސްބަތުން ވަރަށް މަތީ އަދަދެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދެރަކަމެއް
04 February 2020
އެވްރެޖްކޮށް މިހާރު މަހަކު 53 މީހުން މި ބަލީގަ ރަޖިސްޓްރީކުރުމަކީ ކޮރޯނާ ވައިރަހަށްވުރެ ބިރުވެރިކަމެއް.
ކޮސްގޮވާ
04 February 2020
ސިގްރޭޓުބުމާއި ރަގަޅު ތަރުކާރީއާއި މޭވާ ނުކާ އަދި ކަސްރަތުނުކުރާ މީހުންނަށް ޖެހޭ ބައްޔެއް.
އަރުވާލި އާދަނުގެ ސިޔާސީހާސަރު
04 February 2020
ކެންސަރު ހުދުބަލި * : ތިއޮށް ތަރުކާރީ މޭވާ މާރުކޭޓް ( ފުޑް އެންޑް ޑްރަގް އޮތޯރިޓީން ) ޓްރެފިކް ޕޮލިސް މަގު ބަލަހައްޓގޮތަށް އޮފިސަރުން ބައިތިއްބައިގެން ބަލާ ބަލާ ކަން ހިންގާގޮތް. ބުޅާ މީދާ މީގޮނުތޯ ބަންދުކޮށްފާ ދިޔައިމާ އެ ތަކަތެ މަތިން ދުވަނީ. މޭޒު ދަށުގައި ބަންގާޅީން ދޮންކެޔޮ ގަނޑު ދޮންކުރަން މޭޒުދަށުގައި ފޮރުވާފައ ބަހައްޓައިގެން އެ ސްޕްރޭކޮށް ނަގަނީ ( ( ޒަމް ޒަމް ވަޅު ) ފެންތޯ ؟ ކެންސަރެއް ނޫން އެބޯލާ ނުޖެހޭކަންވެސް ﷲ ރަހުމަތް ފުޅުން ރަގަޅު.
ޑރ. ރާމީ ހަސަން ފްލޮރިޑާ/އެމެރިކާ
04 February 2020
ތަރުކާރީއާއި މޭވާ އޭ އާއްމުގޮތަކަށް ލިޔުމުގެ ބަދަލުގައި އަޅުގަނޑުމެން ދެކެފަރިތަ ކެންސަރުން ދިފާއުކުރާ ބައެއް އެއްޗެހި ލިޔެލާނަން. ކެރެޓް (ދުވާލަކު 01)، (މުގުރާފައިވާ ފޮނިތޮށި، ދުވާލަކު ސައިސަމުސަލެއް)، ރީނދޫ (ކުޑަ ސަމުސަލެއް، ފެނުގައި ގިރާފައި)، ފެހި ސައި ނުވަތަ ގްރީން ޓީ( ދުވާލަކު 2 ތަށި)، އޮރެންޖް (ދުވާލަކު އެކަތި)، ޒައިތޫނި ތެޔޮ (ބޯންވީ ދުވާލަކު ބޮޑުސަމުސަލުގެ 3 ސަމުސާ). ދުވާލަކު 20 އާމަންޑް ނަޓް، 8 ގަޑިއިރު ފެނުގައި ބަހައްޓާ ތޮށި ނަގާފައި.
ޕްރިވެންޓް ކެންސަރ
04 February 2020
ކެންސަރުން ދުރުވުމަށްޓަކައި ކުރެވިދާނެ ބައެއް ކަންތައްތައް:- ޑަޔަޓް ރަނގަޅުކުރުން، މަދުން ކެއުން، ސްޓްރެސް މަދުކުރުން، އުފަލުގައި އުޅުން، ބޮޑީ ޑީޓޮކްސިފައި ކުރުން، މޮބައިލް ޓަވަރު ހުންނަ އިމާރާތްތަކާ ދުރުގަ އުޅުން، ކަސްރަތު ކުރުން، ކެމިކަލާއި ޕެސްޓިސައިޑް ނުހުންނަ އޯގަރނިކް ފުޑް ކެއުން...
މިވެސް ސަބަބެއް
04 February 2020
ދިރިއުމުގަ ސްޓްރެސް ލެވެލް އިންތިހާއަށް މައްޗަށް ދިއުމަކީ ތަޖުރިބާކާރުން ގަބޫލު ކުރާގޮތުގައި ހޯމޯންގެ ބަލެންސް ގެއްލި ދިފާއީ ނިޒާމަށް ގުޑުންއަރާނެކަމެއް. މިދިޔަ ވިހި ތިރީސްއަހަރު ދިވެހިންގެ ސްޓްރެސް ލެވެލް މައްޗަށް ހިގައްޖެ ރަށްދޫކޮށް މާލެ އަންނަން މަޖުބޫރުވުނުން. ވަރަށް ދަތިކޮށް ކުއްޔަށް އުޅޭއިރު އަނގާއަތާ ދިމާނުވޭ. ގެއިން އޮފީހަށް އޮފީހުން ގެއަށް، ހިތްހަމަ ޖައްސާލާން ދާނެތަނެއްނެތް. ދިވެހިން މިތިބެނީ މާލެ ކިއާ ކުޑަ ޖަލެއްގަ ގޮތަކަށް ބަނދެވިފަ.