09 ފެބުރުއަރީ 2020 - 09:50
23 comments
އައްޑު އަކީ ތާރީހީ ގޮތުންނާއި ސަގާފީ ގޮތުން ފާހަގަކޮށްލެވޭ ކަންތައްތަކެއް ހުރި ތަނަކަށް ވާތީ އައްޑޫގެ ސަގާފީ ތަރިކަ ރައްކާތެރިކޮށް، އައްޑޫގައި ސަގާފީ ފަތުރުވެރިކަން ކުރިއަރުވަން މަސައްކަތްކުރުން މުހިންމު ކަމަށް ހެރިޓޭޖް މިނިސްޓަރު ޔުމްނާ މައުމޫން ވިދާޅުވެއްޖެ އެވެ.
މަގާމާ ހަވާލުވެވަޑައިގަތް ފަހުން ފުރަތަމަ ފަހަރަށް އައްޑު އަށް ކުރެއްވި ދަތުރުގައި އުޅުއްވަމުން މިނިސްޓަރު ކުރެއްވި ޓްވީޓެއްގައި ވިދާޅުވީ އައްޑު އަކީ ތަފާތު ބަހުރުވައަކާއި ދިގު ތާރީހަކާއި މުއްސަނދި ސަގާފަތަކާއި ތަރިކަ ލިބިފައިވާ ސިޓީއެއް ކަމަށާއި އެ ތަނުގެ ސަގާފީ ތަރިކަ ރައްކާތެރިކޮށް ސަގާފީ ފަތުރުވެރިކަން ކުރިއަރުވަން މަސައްކަތްކުރުން މުހިންމު ކަމަށެވެ.
ައައްޑޫ ސިޓީ އަކީ ތަފާތު ބަހުރުވައަކާއި ދިގު ތާރީޚަކާި، މުއްސަނދި ސަގާފަތަކާއި ތަރިކަ ލިބިފައިވާ ސިޓީއެއް. މި ސިޓީގެ ސަގާފީ ތަރިކަ ރައްކާތެރިކޮށް ސަގާފީ ފަތުރުވެރިކަން ކުރިއަރުވަން މަސައްކަތް ކުރުން މުހިންމު. @AdduCityCouncil @MoACHmv @MoTmv pic.twitter.com/TTwxmAIi84
— Yumna Maumoon (@yumna_maumoon) February 8, 2020
މިނިސްޓަރުގެ އައްޑޫގެ ދަތުރުގައި އައްޑޫގެ އެކި އަވަށްތަކުގައި ހުރި ތާރީހީ ތަންތަނަށް ވަޑައިގެން އެތަންތަން ބައްލަވައިލައިވެ އެވެ. މީގެ އިތުރުން އައްޑޫ ސިޓީ ކައުންސިލާ ބައްދަލުކުރައްވައި ސަގާފީ ތަރިކަ ރައްކާތެރިކޮށް، ސަގާފީ ފަތުރުވެރިކަން ކުރިއަރުވަން ކުރެވިދާނެ މަސައްކަތްތަކާ ބެހޭ ގޮތުން މަޝްވަރާކުރެއްވި އެވެ.
މިނިސްޓަރ @yumna_maumoon އައްޑޫ ސިޓީއަށް ކުރައްވާ ދަތުރުފުޅުގައި މަރަދޫ ދަނޑިވަރަ މިސްކިތުގެ އާސާރީ ގަބުރުސްތާނާއި މަރަދޫ މާމިސްކިތާއި މަރަދޫ ޤާދިރީ ކަލޭގެފާނުގެ ޒިޔާރަތާއި އެތަނާއި ގުޅިފައިވާ އާސާރުތައް ބައްލަވާލައްވައިފި. pic.twitter.com/8qSXfGqhdB
— Ministry of Arts, Culture and Heritage (@MoACHmv) February 8, 2020
މީގެ އިތުރުން އައްޑޫގެ މާއްދީ ތަރަކައިގެ ގޮތުގައި ގިނަ ތަންތަން އެބަހުރި ކަމަށާއި އައްޑޫގެ މައުނަވީ ތަރިކައިގެ ގޮތުގައި ހުރި، އައްޑޫ ބަހުރުވަ، ހާއްސަ ކުޅިވަރުތައް، ހާއްސަ އާދަކާދަ، މަސައްކަތްތެރިކަން ހިމެނޭކަން ވެސް މިނިސްޓަރު ފާހަގަކުރެއްވި އެވެ.
މިނިސްޓަރ @yumna_maumoon އައްޑޫ ސިޓީއަށް ކުރައްވާ ދަތުރުފުޅުގައި ގަމުގައި މީހުން ދިރިއުޅުނު ޒަމާނުގެ މާމިސްކިތާއި އެ މިސްކިތާ އިންވެގެން އޮތް އާސާރީ ގަބުރުސްތާނު ބައްލަވާލައްވައިފި. @AdduCityCouncil pic.twitter.com/f959JK8ZGU
— Ministry of Arts, Culture and Heritage (@MoACHmv) February 7, 2020
މިނިސްޓަރާ އެކު ބައްދަލުވުމުގައި އައްޑޫ މޭޔަރު އަބްދުﷲ ސޯދިގް (ސޯބެ) ވަނީ އައްޑޫ ބަހުރުވަ ގެއްލެމުންދާކަމުގެ ކަންބޮޑުވުން ފާޅުކުރައްވައިފަ އެވެ. އަދި ބަހުގެ ސިޔާސަތެއްގެ ބޭނުންތެރިކަން ފާހަގަކުރައްވައި، އައްޑޫގެ ތާރީހު ރަސްމީ ސިފައެއްގައި ލިޔެވިފައި ނުވާ ކަމަށް ވެސް މޭޔަރު ވިދާޅުވި އެވެ.
މިނިސްޓަރ @yumna_maumoon އައްޑޫ ސިޓީއަށް ކުރައްވާ ދަތުރުފުޅުގައި ސިޓީ ކައުންސިލާއި ބައްދަލުކުރައްވައި، ފަންނާއި ސަގާފަތާއި ތަރިކައިގެ ދާއިރާއިން އެ ސިޓީގައި ކުރެވިދާނެ ކަންކަމާމެދު މަޝްވަރާކުރައްވައިފި.@AdduCityCouncil pic.twitter.com/TVY4opN23d
— Ministry of Arts, Culture and Heritage (@MoACHmv) February 6, 2020
އައްޑޫގެ އާސާރީ ތަންތަނާ ބެހޭ ސާވޭއެއް ހެދުމުގެ މަސައްކަތްތަކެއް ދާދި ފަހުން ހެރިޓޭޖް މިނިސްޓްރީގެ ދަށުން ކުރިއަށް ގެންގޮސްފައިވާ އިރު، އައްޑޫ ސިޓީ ކައުންސިލުން ވަނީ އައްޑޫގެ ވަނަވަރާ ބެހޭ ފޮތެއް ލިޔުމުގެ މަސައްކަތް ވެސް ފަށައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސިރުފާ
09 February 2020
ރާއްޖޭގައިއޮންނަންޖެހޭނީ އެއްބަހެއް ތަފާތުބަހަކުން ވާހަކަ ދެއްކިގެންނުވާނެ އެހެންވާނަމަ ބައިބައިވުން އުފެދޭނެ.
ފަތަފޮޅި.
09 February 2020
އޯކޭ. އެބަހަކީ އައްޑޫ ބަހަށް ހަދާލަންފެނޭ. މާލޭ ބަހަށްވުރެން ހުރިހާ ގޮތަކުންވެސް މުއްސަނދިބަހެއް އައްޑޫ ބަހަކީ. އަދި ވާހަކަ ދައްކާ އަޑު ކަންފަތުގައި ޖެހުނީމަވެސް ހިތްގައިމުކަމެއް އައްޑޫ ބަހުގަ ހުރޭ. ޔޫ އަށް މިގޮތް އޯކޭތަ ؟
ކޮސްގޮވާ
09 February 2020
އައްޑުގައި އައްޑުބަސް ދިރުވާފައި އައްޑޫގައި ސަގާފީ ޓޫރިޒަމް ދިރުވުން ރަގަޅެއްނޫން. ރާއްޖޭގައި ަވކިބަޔެއްގައި ވަކިކަމެއް ދިރުވާވަހަކަ މިގޮތަށް ބަސްމަގު ބޭނުންކުރުމުން ގައުމު ބައިބައިވާނީ. ވަކިވުމުގެ ހިޔާލާއި ގްރޫޕް ހެދުމާއި ބައިބައިވުމަށް ހިއްތަވަރު ލިބޭކަހަލަ ކަންތައްތަ ނުރާވަންވީ. މިހާރުވެސް އައްޑޫ ހުޅުމީދޫ އެއުޅެނީ ސިޓީންވަކިވާން.
މޮޑަފްް
09 February 2020
އައްޑޫބަސް ނެތެމުންދާކަމަށް ސޯބެ ވިދާޅުވިއިރު ފުރަތަމަ ގޭތެރެއިން ނޫންތޯ އެކަން ރަނގަޅުކުރަންވީ. އަމިއްލަ ދަރިން ވާހަކަ ދައްކަނީ މާލޭބަހުން ނޫނީ އިނގިރޭސި ބަހުން. އެކުދިންގެ މަންމަވެސް އައްޑޫ ބަސް ހަނދާންނެތިއްޖެ. މަޖާކަމަކީ އަހަރުމެން ތިރީސް އަހަރު މާލޭގަ އުޅުނުއިރުވެސް އައްޑޫބަސް ހަނދާން ނުނެތޭއިރު މިމީހުންނަށް މިވާގޮތެއް
ރަދީފް
09 February 2020
ވަރަށް ބޮނޑަ ތެދަށް ތެބެނީ.
އޮނަރަބްލް އަފީފު ދީދީ
09 February 2020
ސަޤާފީ ޓްއަރިޒަނާއި މެޑިކަލް ޓްއަރިޒެމް އަދި ވޯޓާރ ސްޕޯރޓްސް ސާފިންގ ފިޝިންގ އާއި ބޯޓް ރޭސްފަދަ ޓްއަރިޒަމްގެ ގޮތުގައިބަލާ އެތައްކަމެއް މިތަނުގައި ކުރެވިދާނެ. # އެކަމަކު މިއިން އެއްވެސް ކަމަކަށް ބޭނުންވާ އަސާސީ މިންވަރުވެސް ސިޓީ ގައި ޤާއިމް ކުރުމެއްނެތި މާލޭސަރުކާރުގެ އިސްވެރިން މިވާހަކަ އެކިގޮތްގޮތަށް ދެއްކުމަކީ "ޖުހާގެ ވާހަކަ" ފަދަ ޖޯކް ވާހަކަ ތަކެއް.
ނަޖްވާ
09 February 2020
ވަރަށް ރަގަޅު ވާހަކަ އެއް ކަމަށް ޤަބޫލު ކުރެވޭ! ތިކަން ހަމަ ކުރަންވެއްޖެތާ ކިތަންމެ ދުވަހެއް ކަމަށް ބުނެވޭނީ!
ފީނާ
09 February 2020
ސަގާފީ ޔުމްނާ ކޮންކަމެއްކުރާ މީހެއްތަ ދަމަކުން ބަޑިއެއް ޖަހާހެން ހުރެފަ
އަރުވާލި އާދަނުގެ ސިޔާސީހާސަރު
09 February 2020
ތިޔަހެން ނުކިއުއްވަ އައްޑޫ ރައްޔިތުނަށް ތިޔަ ކަން ކޮށްފަ ދައްކަވަ ބައްލަވަ.
ާއުނިމާ
09 February 2020
އަޅުގަނޑު ހިތައްއަރާ ކީއްކުރަން އަޅޭ ހަދައިގެން އުޅޭ މިނިސްޓްރީއެއްބާވައޭ! ތިޔައީ ޑިޕާރޓްމަންޓަކުން ކުރެވޭ މަސައްކަތް
ސްލޯލީ
09 February 2020
މަގާމާ ހަވާލުވިތާ 1 އަހަރަށްވުރެ ގިނަ ދުވަސްވީފަހުން އައްޑޫއަށް ދަތުރެއް ކުރެވުނުކަން ވަރަށްރަގަޅު. ތިތަންތަން ބަލާފަ ކަމެއްކުރެވެން އަދި ކިތައް އަހަރުކަމެއް ނަގާނީ ނޭނގޭ. އައްޑޫމީހުން އަމިއްލަ ބަހުރުވައާ ސަގާފަތްދެކެ ލޯބިނުވާތީ ސަގާފީތަރިކަ ގެއްލެމުން ދަނީ. ތަރައްގީގެ ހުރިހާ ކަމެއް މާލޭން ކޮށްދޭން އަޑުހަރުކޮށް އެދެމުންދާއިރު އައްޑޫގެ މައުނަވީ ތަރިކަ ރައްކާތެރިކުރެވެން އޮތީ އައްޑޫމީހުންނަށް ކަމަށްވާއިރު އެކަމަށް އަމިއްލައަށް މަސައްކަތެއް ނުކުރޭ.
މަނިކާބެއްޔާ
09 February 2020
ނުކުރެވޭނެ، ނުކުރާނެ! އެންމެ ކުޑަމިނުން ވަކިން އޮންނަ ހުޅުދޫ ކޯގަންނު ގަބުރުސްތާނުގެ ނެތް ނަން ބޯޑެއްވެސް، އެތާހުރި ތަންތން އެނގޭނެ ތާރަފެއް ލިޔެފަ ހުރިނަމަ ޒިޔާރަތްކުރާމިހުންނަށް ވެސް އެނގޭނެތާ. އެތާހުރި ބޮޑު މަހާނަ ގަލާއި.