ރައްޔިތުންގެ މަޖިލީހުގެ ޖަލްސާއެއްގައި މަކުނުދޫ ދާއިރާގެ މެމްބަަރު މުހައްމަދު ރާއީ ވާހަކަދައްކަވަނީ. އޭނާ ވިދާޅުވީ އަދާލަތަށް ހައްގު މިންވަރަކީ އެންމެ ވަޒީރެއް ކަމަށް.
03 މާޗް 2020 - 13:41
24 comments
މި ސަރުކާރު ހިންގާ ކޯލިޝަނުން އަދާލަތު ޕާޓީ އަށް ހައްގުވާ މިންވަރަކީ އެންމެ ވަޒީރެއް ކަމަށް ވިދާޅުވެ، ރައްޔިތުންގެ މަޖިލީހުގެ މަކުނުދޫ ދާއިރާގެ އެމްޑީޕީ މެމްބަރު މުހައްމަދު ރާއީ ހޯމް މިނިސްޓަރު އިމްރާން އަބްދުﷲ އަށް މިއަދު ރައްދު ދެއްވައިފި އެވެ.
ރައްޔިތުންގެ މަޖިލީހުގެ މިއަދުގެ ޖަލްސާގައި އޭނާ މިހެން ވިދާޅުވީ، އަދާލަތު ޕާޓީ އަށް ހައްގުވާ މިންވަރު ލިބެންޖެހޭ ކަމަށް، އެ ޕާޓީގެ ރައީސް އިމްރާން ރާއްޖެ ޓީވީގައި ރޭ ވިދާޅުވެފައި ވަނިކޮށެވެ.
އަދާލަތު ޕާޓީގެ ސްލޮޓެއްގައި ޖެންޑާ މިނިސްޓަރު ކަމަށް އައްޔަންކުރެއްވި ޝިދާތާ ޝަރީފް މިދިޔަ މަހު އިސްތިއުފާ ދެއްވުމާ ގުޅިގެން، މިހާރު އެ ޕާޓީ ތަމްސީލު ކުރާ މިނިސްޓަރަކަށް ސަރުކާރުގައި ހުންނެވީ އިމްރާނާއި އިސްލާމިކް މިނިސްޓަރު ޑރ. އަހުމަދު ޒާހިރު އެކަންޏެވެ.
މަޖިލީހުގެ މިއަދުގެ ޖަލްސާ އަށް ސަރުކާރުގެ ފަރާތުން ވެލިދޫ ދާއިރާގެ އެމްޑީޕީގެ މެމްބަރު މުހައްމަދު އަބްދުﷲ ޝަފީގު ހުށަހެޅުއްވި، މަތީ ތައުލީމުގެ ބިލްގެ ބަހުސްގައި ރާއީ ވިދާޅުވީ، ސަރުކާރު ގެނައީ އެމްޑީޕީން ކަމަށާއި އެ ޕާޓީގެ މެމްބަރުންނަށް ހައްގުވާ މިންވަރު އަދިވެސް ނުލިބޭ ކަމަށެވެ. އަދާލަތު ޕާޓީގެ ނަން ވިދާޅުނުވެ، އެ ޕާޓީ އަށާއި އިމްރާނަށް ރައްދު ދެއްވަމުން ރާއީ ވިދާޅުވީ "ބައި ހަމަނުވާ ޕާޓީއެއްގެ ވަޒީރަކު" ހައްގު މިންވަރުނުލިބެއޭ ވިދާޅުވުމުން އެއީ ޖޯކެއް ކަމަށެވެ.
"ހައްގު މިންވަރަކީ އެންމެ ވަޒީރެއް. އެ ވަޒީރުކަން އަޅުގަނޑުމެން އޮންނާނީ ދީފައި،" އިމްރާނާއި އަދާލަތު ޕާޓީ އަށް އިޝާރާތް ކުރައްވައި ރާއީ ވިދާޅުވި އެވެ.
ރާއީ، މިދިޔަ އަހަރުގެ ރައްޔިތުންގެ މަޖިލީހުގެ އިންތިޚާބު ކާމިޔާބު ކުރެއްވީ، އަދާލަތު ޕާޓީގެ ޓިކެޓްގައި މަކުނުދޫ ދާއިރާ އަށް ނުކުންނެވި އެ ދާއިރާގެ އޭރުގެ ވެސް މެމްބަރު އަނާރާ ނައީމް ބަލިކުރެއްވުމަށް ފަހު އެވެ.
ރާއީ ވިދާޅުވި ގޮތުގައި، މި ސަރުކާރު ހިންގާ ކޯލިޝަންގެ އެންމެ ބޮޑު ޕާޓީ، އެމްޑީޕީ އަށް ވެސް ހައްގުވާ މިންވަރު ލިބުނު ކަމަށް އެ ޕާޓީގެ ލީޑަޝިޕާއި މެމްބަރުން ގަބޫލެއް ނުކުރެ އެވެ. އެހެންވީމާ އެމްޑީޕީ ގާތުގައި ހައްގު މިންވަރޭ ކިޔައިގެން ވާހަކަ ނުދެއްކޭނެ ކަމަށް އޭނާ ވިދާޅުވި އެވެ.
"ހައްގު މިންވަރަކީ އެންމެ ވަޒީރެއް. އެ ވަޒީރުކަން އަޅުގަނޑުމެން އޮންނާނީ ދީފައި،" ރާއީ
"މި ސަރުކާރުގެ ވަޒީރަކު އަރާ މިކަހަލަ ވާހަަކަ ދެއްކުމަކީ ނުހަނު ހުތުރު ވެރިކަމެއް،" މި ސަރުކާރު ވެރިކަމަށް ގެނައުމަށް އެންމެ ބުރަކޮށް މަސައްކަތް ކުރެއްވި އެއް ލީޑަރު އިމްރާނަށް އަމާޒު ކުރައްވައި ރާއީ ވިދާޅުވި އެވެ.
ސަރުކާރުގައި މިހާރު ތިއްބެވީ އަދާލަތު ޕާޓީގެ އެންމެ ދެ ވަޒީރުންކަން ފާހަގަ ކުރައްވަމުން، ރާއްޖެ ޓީވީގެ ފަލަ ސުރުހީ ޕްރޮގްރާމްގައި އިމްރާން ރޭ ވިދާޅުވީ އުފެދުނު ބޮޑު ނުތަނަވަސްކަމެއްގެ ތެރެއިން ޝިދާތާ އިސްތިއުފާ ދެއްވި ނަމަވެސް، އޭގެ ހުރިހާ ޒިންމާ އޭނާގެ ބޮލުގައި ނޭޅުއްވޭނެ ކަމަށެވެ. އެގޮތުން ޝިދާތާގެ އިހުމާލު ނުހިމެނޭ ދެކަމެއް އޭނާގެ ބޮލުގައި އެޅުއްވުނު ކަމަށް ވިދާޅުވި އެވެ.
އިމްރާން ވިދާޅުވި ގޮތުގައި މަގާމަށް މީހަކު އައްޔަން ކުރެއްވުމުގެ ކުރިން އެކަމާ ގުޅޭގޮތުން ރައީސް އޭނާއާ މަޝްވަރާ ކުރެއްވި އެވެ. އަދި އަދާލަތަށް ކޯލިޝަންގެ ތެރެއިން ހައްގުވާ މިންވަރު ހޯދައިދިނުމަށް ގޮތްތަކެއް ރާއްވަވާނެ ކަމަށް އެ މަނިކުފާނު ވިދާޅުވި ކަމަށް އިމްރާން ވިދާޅުވި އެވެ.
"އަޅުގަނޑު ގަބޫލުކުރާ ގޮތުގައި ރައީސް އެގޮތަށް ކަންތައް ކުރައްވާނެ. އަދި އެކަމަށް ވަގުތުކޮޅެއް ނަގާނެ ކަމަށް ވެސް ބެލެވޭ،" އޭނާ ވިދާޅުވި އެވެ.
އިމްރާން، ރޭ ދެއްކެވި ވާހަކަތަކާ ގުޅިގެން، އެއް އިރެއްގައި އޭނާގެ އެންމެ ގާތް ބޭފުޅެއްގެ ގޮތުގައި ހުންނެވި ކުރީގެ އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ވިދާޅުވީ، އަދާލަތު ޕާޓީ އަށް ވުރެ އެމްޑީޕީ އިސްކުރައްވައި އިމްރާން ގޯސް ފިޔަވަޅުތަކެއް އަޅުއްވާފައިވާ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވަހިދު
04 March 2020
ބަޔަކަށް ވެރިކަން ލިބުނުގޮތް، އެބައި މީހުންނަށް އޮޅިފައި އެއޮތީ. ކުރިއަށް އޮތްތަނުގައި ވާ އެއްޗެއް ބަލަން ތިބެމާ
ޕޮކަޑިމޭން
03 March 2020
ސަރުކާރު ގެނައީ އެމްޑީޕީން ކަމަށާއި އެ ޕާޓީގެ މެމްބަރުންނަށް ހައްގުވާ މިންވަރު އަދިވެސް ނުލިބޭ ކަމަށް ބުނެ ރިޔާސީ އިންތިހާބު ކާމިޔާބު ކުރުމަށް ވާގިވެރިވި އެއް ބައިވެރިޔާ ކަމުގަވާ އަދާލަތު ޕާޓީގެ ނަން ވިދާޅުނުވެ، އެ ޕާޓީ އަށާއި އިމްރާނަށް ރައްދު ދެއްވަމުން "ބައި ހަމަނުވާ ޕާޓީއެއްގެ ވަޒީރަކު" ހައްގު މިންވަރުނުލިބެއޭ ވިދާޅުވުމުން އެކަން މާ ޖޯކު. ރާއީ ކިތަމެ ފުއްޕިޔަސް އެމްޑީޕީ އިން އެކަނި ނުކުމެ ރިޔާސީ އިންތިހާބެއް ކާމިޔާބެއް ނުކުރެވޭނެ.
ހާލު
03 March 2020
މީ ދެން ކާކު ، ވ މަތީގައި އުޅޭ މީހެއް. މީނާގެ ސައިޒު އޮޅިގެން އުޅޭ ސިޔާސީ ގޮތުން އުރަތްޕެއް ނެތް މޮޔައެއް.
ފޫލްސް
03 March 2020
ކީއްކުރާނީ... ރީނދޫ ޓައީ އަޅުވާފަ ހިމާރެއް ނެރުނަސް މިވެރިން ވޯޓު ދޭނެވިއްޔަ.....
ރޮޒާ
03 March 2020
ކިބުރުވެރި މީހެއް
ާއާދަމްބެ
03 March 2020
ރާއީ އަކަސް ޖޯއީ އަކަސް މި މަކުނުދޫ މެމްބަރަށް ހީވެގެން މިއުޅެނީ ސުވަރުގޭގެ މެމްބަރުކަން ލިބިގެން އުޅޭހެން. މީދެން މާގަދަމީހެކޯ.
ހެހެހެހެހެ
03 March 2020
މި އެ މްޑީޕީގައި އުޅެނީ އަ މިއްލަ ވިސްނު މުން ނުވިސްނޭބަޔެއް
ދިއްދޫމީހާ
03 March 2020
މި ބައިގަނޑަ ހައްގު މިންވަރު ޔަގީން ކޮފަތާ ނިކަމެތި ރައްޔިޔުންގެ ހައްގުތަ ލިބޭނީ
ާއުނިމާ
03 March 2020
ބަލަ ތިޔަ ޙައްގުވާމިންވަރުތައް އިންތިޙާބުގެ ކުރިން ކަނޑައެޅި ނިމިފައިހުރިންތައްތައް ބަދަލެއްނުކުރެވޭނެ! އެމްޑީޕީގެ މައްސަލައަކީ ބަދަލުކުރާތީ! ރައްޔިތުންނަށްވެސް ޙައްގުވާމިންވަރުތަކެއް ކަނޑައެޅުނު މިއަދު އެކަންކަން ބަދަލުވާތަަން މިފެންނަނީ،،،މިސާލު..ޓީޗަރުންގެ އިތުރުގަޑި، މުސާރަބޮޑުކޮށްދިނުން! އިންތިހާބުގައި ވީ ވަޢުދުތައް ވަކިވަކި ރައްރަށަށް! ކިނބިދޫ-ވޭމަންޑޫ ކޯޒުވޭ މިހާރު ނެހެދޭނެޔޯ މިނިސްޓަރު އަސްލަމް ވިދާޅުވުން!
ހަސަންބެ.
03 March 2020
މިހާރު ތިޔަ ބުނާ ރައިމެންނަކަށް ރައްދެއްނުދެވޭނެ އަހަރެމެންނަކަސް . އަންނަ މަޖިލިސް އިންތިހާބުފަހުން މާރުކޭޓަށް ދަބަރު ސައިކަލެއްގައި ގޮސްހުއްޓާފެނުނީމާ މާރުކޭޓު ބަހުރުވައިން ތިޔަމީހުން ނަށް ޖަވާބުދެވޭނީ. ކުރީގައި ފުއްޕާފައި އުޅުނުމެމްބަރުންވެސް މިހާރު ޓެކްސީދުއްވަން އެބައުޅޭ.
ފޫހި
03 March 2020
މި މީހުންނަކީ މަޖިލީހަށް އައުމުގެ ކުރިން ރާއްޖޭގެ ރައްޔިތުންނަށް އެނގޭބައެއްވެސްނޫން. އަދި މާ މަގުބޫލުބައެއްވެސްނޫން. އަދި ވެރިކަން ގެންނަން މާބޮޑުކަމެއް ކުރިބައެއްވެސްނޫން. ދެން ހީވާހަކަލަ މަޖިލީހުގެ މެމްބަރަކަށްވުމުން އެއީ މާމާތްބައެކޭ. މީހުން މާގަދަރުކުރާބައެކޭ. ތިޔަމީހުންނަށް އަހަރެމެން ގަދަރެއްނުކުރަން. ތިޔަ މެމްބަރުކަމަށް ހޮވިބަޔަކު ހޮވީ ގާނޫނުހަދާމަޖިލީހަށް. ދައުލަތް ހިންގާކަށްނޫން. ފުރަތަމަ ތިމާމެންގެ މެންޑޭޓް ހަނދާންކޮށްބަލަ.