ނައިފަރު ސްކޫލުގައި 10 ކްލާސްރޫމް އަޅަން މެމްބަރު ސައުދުﷲގެ ކުންފުންޏަށް 13 މިލިއަނަށް ދީފި

މަދަރުސަތުލް އިފްތިތާހުގައި 10 ކްލާސްރޫމް އެޅުމުގެ އެއްބަސްވުމުގައި އެޑިއުކޭޝަން މިނިސްޓްރީގެ ސީނިއާ ޕޮލިސީ އެގްޒެކެޓިވް އިބްރާހިމް އިސްމާއިލް (މ) އަދި ސްވިފްޓް ކުންފުނީގެ އެމްޑީ ސައުދުﷲ (ވ-2) މިއަދު ސޮއިކުރައްވަނީ.-- މިހާރު ފޮޓޯ

އާސިމާ ނިޒާރު، މިހާރު

09 އޮކްޓޯބަރ 2016 - 17:07

3 comments

ޅ. ނައިފަރު މަދަރުސަތުލް އިފްތިތާހުގައި 10 ކްލާސްރޫމް އެޅުމަށް، ރައްޔިތުންގެ މަޖިލީހުގެ ތިނަދޫ އުތުރު ދާއިރާގެ މެމްބަރު ސައުދުﷲ ހިލްމީގެ ކުންފުންޏަށް 13 މިލިއަން ރުފިޔާ އަށް މިއަދު ހަވާލުކޮށްފި އެވެ.

ސައުދުﷲގެ ސްވިފްޓް އިންޖީނިއަރިން ކުންފުންޏާ އެ މަސައްކަތް ހަވާލުކުރީ ބީލަމުގެ އުސޫލުން ހުށަހެޅި ޕްރޮޕޯޒަލްތައް ބެލުމަށް ފަހު އެވެ.

ރާއްޖޭގެ ދެވަނަ އަށް އެންމެ ދުވަސްވީ ތައުލީމީ ބިނާ ކަމަށްވާ މަދަރުސަތުލް އިފްތިތާހުގައި ކްލާސްރޫމުތައް އެޅުމުގެ އެއްބަސްވުމުގައި ސޮއިކުރެއްވީ އެޑިއުކޭޝަން މިނިސްޓްރީގެ ސީނިއާ ޕޮލިސީ އެގްޒެކެޓިވް އިބްރާހިމް އިސްމާއިލް އަދި ސްވިފްޓް އިންޖީނިއަރިންގެ މެނޭޖިން ޑިރެކްޓަރުކަން ވެސް ކުރައްވާ ސައުދުﷲ އެވެ.

އެއް އަހަރުދުވަހުގެ ތެރޭގައި މަސައްކަތް ނިންމާ ގޮތަށް ކުރި އެއްބަސްވުމުގައި ސޮއިކުރެއްވުމަށް ފަހު އިބްރާހިމް އިސްމާއިލް ވިދާޅުވީ މިއީ ސްކޫލުތަކުގައި ވަސީލަތްތައް ހަމަކުރުމަށް ހިންގާ މަޝްރޫއުގެ ބައެއް ކަމަށެވެ. އެ ގޮތުން، މި މަޝްރޫއު ނިމުމުން، މަދަރުސަތުލް އިފްތިތާހަށް ދިމާވެފައިވާ ޖާގައިގެ ދަތިކަން ހައްލުވެގެންދާނެ ކަމަށް އޭނާ ވިދާޅުވި އެވެ.

ގްރޭޑް 1 އިން 12 އާ ހަމައަށް ކިޔަވައިދޭ މަދަރުސަތުލް އިފްތިތާހުގައި 980 ދަރިވަރުން ތައުލީމް ހާސިލްކުރެ އެވެ.

ސްކޫލް ތައުލީމް އެޑިއުކޭޝަން މިނިސްޓްރީ ޅ. ނައިފަރު އިބްރާހިމް އިސްމާއިލް ޅ. އަތޮޅު

3 ކޮމެންޓް, 17 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހާލިސާ

10 October 2016

ދުނިޔޭގެ އެއްވެސް ޤައުމެއްގައި ދެކުނިންތަ ޕާލަމެންޓް މެންބަރަކު ސަރުކާރުގެ ކޮންޓްރެކްޓެއްގައި ސޮއިކުރާތަން؟ މިޤައުމުގައި ހަމަ އޯކޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގުލާނުބޭ

10 October 2016

ގުޅިގެން އަނބުރާ ގޭސް. މީގެ ދެދުވަސް ކުރިން ޖެހިގެން ހިންނަވަރުގައި ހެލްތު ސެންޓަރު ހަދަންވެސް ހަމަ މީނަޔާ ހަވާލުކުރީ އެތައް މިލިޔަނަކަށް. އަޅެފަހެ މި މީހުން ހަދަނީ ރަނުންތަ މިހާ އަގުބޮޑީ. އަނެއްކާ އަމިން އާ ސްވިފްޓާ ނޫން ބަޔަކު މިހާރު ނެތީތަ.