މޯލްޑިވިއަންގެ ބޯޓެއް.---ފޮޓޯ: ހުސައިން ވަހީދު/މިހާރު
08 އެޕްރީލް 2020 - 12:43
26 comments
މެލޭޝިއާގައި ނާދެވި ތިބި 200 ދިވެއްސަކު މިއަދު ހެނދުނު ރާއްޖެ ގެނެސްފި އެވެ.
މޯލްޑިވިއަންގެ ރެސްކިއު ފްލައިޓެއްގައި އެ މީހުން ރާއްޖެ ގެނެސް، ހަމަޖައްސާފައިވާ އުސޫލުން ގެންދާނީ ކަރަންޓީން ފެސިލިޓީއަށެވެ. ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ނިންމާފައިވަނީ ޓޫރިސްޓު ވިސާގައި އަންނަ މީހުން ފިޔަވައި އެހެން އެންމެން ކަރަންޓީން ކުރާށެވެ.
ކޮވިޑް-19 އިން ރައްކާތެރިވުމަށް އަޅާ ފިޔަވަޅެއްގެ ގޮތުން ސަރުކާރުން ވަނީ މިިދިޔަ މަހުގެ 17 ވަނަ ދުވަހުން ފެށިގެން މެލޭޝިއާ އިން ރާއްޖެއަށް މީހުން އައުން މަނާކޮށްފަ އެވެ. އަދި މެލޭޝިއާގައި ވެސް، ކޮވިޑް-19 ޖައްސާ ކޮރޯނާވައިރަސް ހަލުވިކަމާ އެކު ފެތުރެމުން ދާތީ މީހުން ބޭރުގައި އުޅުން ކޮންޓްރޯލްކޮށް ވައިގެ ދަތުރުތައް ވަނީ ހުއްޓުމަކަށް ގެނެސްފަ އެވެ.
ދިވެހިން ބަލައި ދިޔަ މޯލްޑިވިއަންގެ ދަތުރުގައި، އެ އެއާލައިނުން ވަނީ ރާއްޖޭގައި ތިބި މެލޭޝިއާގެ 30 މީހަކު ވެސް ގެންގޮސްދީފަ އެވެ. އަދި އެ ގައުމުގައި ތިބި ދިވެހިންނަށް ބޭނުންވާ ބައެއް ތަކެތި ފޮނުވޭނެ އިންތިޒާމު ވެސް ހަމަޖައްސާފައިވެ އެވެ.
މެލޭޝިއާގެ އިތުރުން އިންޑިއާގެ ކޮޗިން އިން 188 މީހުން އަދި ސްރީ ލަންކާ އިން 100 ދިވެހިން ވެސް ރާއްޖެ ގެނެސްފައި ވެ އެވެ.
ކޮވިޑް-19 ގެ މައުލޫމާތު ދިނުމަށް ސަރުކާރުން ކަނޑައަޅާފައިވާ ތަރުޖަމާނު، މަބްރޫކް އަޒީޒް ވިދާޅުވީ ހުއްދަ ލިބޭ ވަރަކުން އެހެން ގައުމުތަކުން ވެސް ދިވެހިން ގެންނާނެ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކޮރަލް
08 April 2020
މެލޭޝިޔާގަ ކޮވިޑް ވ ފެތުރެ އެވެ. ރައްޔިތުން 12 ގަޑިއިރުގެ ކާފިއު އަކަށް ތައްޔާރުވެ ހުންނާށެވެ. ރިސޯޓް ތަކަށް އެއަރޕޯޓުން ގެސްޓުން ބައިވަރު އެބަ އާދެ އެވެ.
ޔަހްޔާ
08 April 2020
ތިޔަބުނި ހުސްގޮޑިއަކީ ނާދެވުނު ރައްޓެހިން.....ދެންވެސް ޖާގަލިބޭނީހަމަ އެމީހުންނަ...
އިންލި
08 April 2020
ތިޔަބޯޓުން ފޭބިމީހުންން ބެލީމަ އެބައިގޭ އެއީކޮންބައެއްކަން....މިައުމުގަ އެކަކުއަނެކާ އަށްނޭގޭމީހަކު ނުހުންނާނެ
ައޮހެއި
08 April 2020
އޯގާތެރި ވެރިކަމުގަތިބި މީހުންގެ އާޢިލާއާއި އެމިހުންގެ ރައްތެހިން ގެނެސްނިމުނީމަ އާދާގެބަޔަކަ ތިއިންޖާގައެއް ލިބޭނީ.....
ޔާގޫތު ފފ
08 April 2020
ހަމަ އެކަނި ސަރުކާރުން ބޭނުންވާ... ޕަވަރ އޮތް މީހުން ގެންނަން ކުރި ކަމެއް
ޥިސްނ8
08 April 2020
ހާލުގައި ޖެހުނު މީހުންނަށް ވުރެ ގިނައީ އިންސްޓަގްރާމް އަށް ދުވާލު ދެދަޅަޔައް ފޮޓޯއަޅާ ޒުވާނުން. ކަނެކްޝަން އޮތީމަ ގެނެވޭނެތާ...
ޙަްްމނަބަބެހަހ
09 April 2020
ވ ރަނގަޅު ވާހަކައެއް. އެއީ އެމީހުން ހާލުގަޖެހޭ ގޮތަކީ. ކަމެއް ވާއިރަށް ދިވެހިން ތިބެނީ ހާލުގަ ޖެހިފައި. އަދިވެސް ގެނޭ އެހެން ޤައުމުތަކުގައި ތިބި ދިވެހިންވެސް، އެމީހުން އަންނަން ބޭނުން ނުވިޔަސް. މިފަހަރު ހުރިހާ ދިވެހިން ގެނެސް މިކަން ހުއްޓާލާނީ. ކޮންމެ ތަނެއްގަ ތިއްބަސް ބުނާ ގޮތަށް ނަހަދަންޏާ މިބަލި ޖެހޭނެ. ގެންނަ މީހެއްގެ ފަރާތުން ބަލި ފެތުރިއްޖެއްޔާ އެމީހަކާ ސަރުކާރު މިކަމުގައި ޒިންމާ ނަގަންޖެހޭނެ.
ބޮޑުމީހާ
08 April 2020
200 މީހުންނަށް އެ ލިބުނީ ދައުލަތުގެ ހަރަދުގައި 14 ދުވަހުގެ ހުރުމާއިކެއުން ރިސޯޓް ފެންވަރުގަ. ބަލި މަޑުކަމެއް ފެތުރިގެން އުޅޭއިރު މެލޭސިޔާގައި އެމީހުން ހާލުގައި ޖެހުނީ ބޯހިޔާވެހިކަން، ކާނެ އެއްޗެއް، ބޭސްފަރުވާ ނުލިބިގެންތޯ ބަލަންޖެހޭ. މެލޭޝިޔާގައި ބޮޑު ޚަރަދުކޮށްފަ އެމްބަސީ ހިންގަނީ މިކަހަލަ ވަގުތުތަކުގައި އެހީވާން.
އޯކޭ
08 April 2020
މީ ވަރައްރަނގަޅު ކޮމެންޓެއް. މެލޭސިޔާ ސިންގަޕޫރުން ބޮޑުހަރަދުކޮށްފަ ގެންނަނޖެހޭ މާގިނަ ބަޔަކުތިބޭނެހެނެއް ހިޔެއްނުވޭ
ޅސޖސހ
09 April 2020
ހާލުގަ ޖެހިގެންނެއް ނޫން. އެހެން މީހުން ހާލުގައި ޖައްސަން އެއަންނަނީ. އެ ޤައުމުންވެސް ބުނާގޮތަށް ހަދަން ބޭނުމެއް ނުވާ ދިވެހިން ނާދެވިގެން މިއުޅެނީ. އޭރަށްތާ ކޮންމެ ދުވަހަކު ހެނދުނު ހެލްމެޓް އަޅައިގެން ހުޅުމާލެއްދާ މަގުމަތީ ބާރުބާރަށް ލަވަ ކިޔަމުން ދެވޭނީ. ގިނައިން ޕާޓީ ކުރެވޭނީ. ވިސްނޭ މީހުން އެބަމަޑުކުރޭ. ބަލި ޖެހިއްޖެއްޔާ މެލޭ މާ ސޭފްވާނެ.
ހަކީމް
08 April 2020
މެލޭޝިއާ އިން 200 " ބޭފުޅުން " ގެނެސްފި. ވަރަށް ބޭއިންސާފުން ކުރި ކަމެއް.
ތސ ގެ ދަށްފުށް
08 April 2020
"އަޅުނގަނޑުމެން ބެލީ ބޮޑަށް މާލެގެކިޔަވާ ކުދީންނާއި އާއިލާތައް ގެނެވޭތޯ.. އަދި މުވައްސަސާތަކުގެ ވެރިންގެ ރިކްއެސްޓްވެސް މީގައި ހިމެނޭ.. ދެން ބާކީ ހުރި ޖާގަ މުސްކުޅިންނާއި އެމްބަސީގެ މުވައްޒަފުންނަށް ދެވޭތޯ ބެލީ.." މިވާހަކަ އެންމެންކާރީގަ ނުދެއްކޭނެ ދޮއްތޯ؟ މީ ވިދާޅުވި ފަރާތުގެ ބަސްފުޅަކީ..
އޯކޭ
08 April 2020
3000 ކުދިންނާ މީހުން ގެންނާނެގޮތެއް ބުނެދީބަލަ، ނުވާނެ އެކަމެއް، އެކަމު އމަބަސީމެދުވެރޮކޮށޤ ހަމަ ރަނގަޅަސް އެހީވެވިދާނެ، އެވަރަށް އެމްބަސީގަ މުވައްޒަފުންވެސްއެބަތިބި
އޯވާބުްކް
08 April 2020
200 މީހުންގެ ބޯޓެއް އެޅިޔަަސް ގެނައީ މަދުން.... ކޮޗިން އިން ގެނެވުނީ 189 މީހުން.. ކީއްވެތަ ފުލް ނުވަނީ.. ބާކީ ސީޓު ފެނިފަ ފުލައިޓަށް އެރިމީހުންވެސް ދެރަވި... އަންންބޭނުން އެހާގިނަބަޔަކު ތިބީމަ... ދެން ފެލަައިޓެއް އޯވާބުކް ކުރަންފެނޭ...