12،000 ލޯނު ފަސްކޮށްދޭން ބީއެމްއެލް އަށް ހުށަހަޅައިފި

ބީއެމްއެލްގެ ހެޑް އޮފީސް: ލޯނު ފަސްކޮށްދޭން އެދި ގިނަ ބަޔަކު ވަނީ ހުށަހަޅައިފައި.---ފޮޓޯ: ބީއެމްއެލް

އިދުހާމް ނައީމް، މިހާރު

12 އެޕްރީލް 2020 - 10:39

ކޮވިޑް-19 އާ ގުޅިގެން ބޭންކު ލޯނުތައް ދެއްކުން ހަ މަސްދުވަހަށް ފަސްކޮށްދޭން ހުޅުވާލި ފުރުސަތުގައި މިހާތަނަށް 12،000 ލޯނު ފަސްކޮށްދޭން އެދި ހުށަހަޅައިފައިވާ ކަމަށް ބީއެމްއެލުން ބުނެފި އެވެ.

ބީއެމްއެލުން މި ފުރުސަތު ހުޅުވާލައިފައި ވަނީ މި މަހުގެ ދެ ވަނަ ދުވަހު އެވެ. އެގޮތުން އެ ބޭންކުން ވަނީ ލޯނާ ގުޅޭ މައުލޫމާތާއި ލޯނު އަނބުރާ ދައްކަން ޖެހޭ ގޮތުގެ މައުލޫމާތު ހިމެނޭހެން ހާއްސަ ޕޯޓަލެއް ހަދައިފަ އެވެ. ލޯނު ދެއްކުން ފަސްކޮށްދިނުމަށް އެދި ހުށަހަޅަން ޖެހޭނީ މި ޕޯޓަލް މެދުވެރިކޮށްގެންނެވެ.

ބީއެމްއެލުން ބުނީ ލޯނު ފަސްކޮށްދިނުމަށް ބޭނުންވާ ކަސްޓަމަރުންނަށް ލޯނު ފަސްކުރުމަށް އެދި ހުށަހެޅުމުގެ ފުރުސަތު އަންނަ ސެޕްޓެމްބަރުގެ ނިޔަލަށް ލިބޭނެ ކަމަށެވެ. ލޯނު އަނބުރާދެއްކުން ފަސްކޮށްދިނުމުގެ މުއްދަތު ގުނަން ފަށާނީ އެކަމަށް އެދި ހުށަހަޅާ މަހުން ފެށިގެން ކަމަށް ވެސް ބޭންކުން ބުންޏެވެ. މި ފުރުސަތަށް އެދި ހުށަހަޅާ މީހުން ލޯނަށް ދައްކަންޖެހޭ ފައިސާ ނުދައްކާ ހުންނަތާ 30 ދުވަހަށްވުރެ އިތުރުވެގެން ނުވާނެ އެވެ.

ލޯނު ފަސްކޮށްދޭން އެދޭ މީހުން ކުރިއަށް އޮތް ހަ މަސް ދުވަހު އެއްވެސް ފައިސާއެއް ބޭންކަށް ދައްކާކަށް ނުޖެހޭނެ އެވެ. މި މުއްދަތުގައި އިންޓަރެސްޓުގެ މައްޗަށް އިންޓަރެސްޓެއް ވެސް ނާރާނެ އެވެ. އަދި ފުރަތަމަ ހަ މަހަށް ފަހު އިތުރު ހަ މަސް ދުވަސް ވަންދެން ދައްކަން ޖެހޭނީ އާއްމުކޮށް ދައްކަން ޖެހޭ އަދަދަށްވުރެ 20 ޕަސެންޓު ކުޑަ އަދަދެކެވެ.

ލޯނު ދައްކަން އޮންނަ ބާކީ މުއްދަތުގެ ތެރޭގައި ފަސްކުރި ފުރަތަމަ ހަ މަސްދުވަހުގެ އިންޓަރެސްޓް ލޯނަށް ދައްކަންޖެހޭ ފައިސާގެ ތެރޭގައި ހިމެނުމަށް ފަހު ލޯނަށް ދައްކަންޖެހޭ ޖުމްލަ ފައިސާ ބާކީ މުއްދަތަށް ބަހާލާނެ އެވެ. ބީއެމްއެލުން ވަނީ މި ލޯނު އަނބުރާ ދެއްކުމަށް ކަނޑައަޅާފައިވާ މުއްދަތަށް ހަ މަސްދުވަސް އިތުރު ކޮށްފަ އެވެ.

ބީއެމްއެލުން ވަނީ އެ ބޭންކުގެ ބީއެމްއެލް އިސްލާމިކްގެ ދަށުން ނަގާފައިވާ ޕާސަނަލް އާއި ހައުސިން، އަދި ބިޒްނަސް ފައިނޭންސިންގެ ތެރެއިން މުރާބަހާ ފައިނޭންސިން ފިޔަވައި ހުރިހާ ފައިނޭންސިން އަކަށް ވެސް ފައިސާ ދެއްކުން ފަސްކުރުމުގެ ފުރުސަތު ހުޅުވާލައިފަ އެވެ.

ބީއެމްއެލް ބޭންކް ލޯން

6 ކޮމެންޓް, 1 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހަދާ މަކަރު އެގޭ

12 April 2020

ތި ޕޯޓަލް ނުވަދެޗވިގެން އަދި ވަނީ ލޯނު ފަސްކޮށް ދޭން ނޭދެވި ފައެވެ. ދެން ބުނާނީ އެދުނީ 1 މަސް ފަހުން ކަމަށް ވާތީ 1މަސް މަސް ދުވަހުގެ ލާރި ދައްކަން ޖެހޭ ކަމަށެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

200 ވެންޓިލޭޓަރުގައުގަ ހުރީ

12 April 2020

ތިކަހަލަ ފަސްކުރުން ނުކުރުން ރައްޔިތުންނަށް މޮޅު އިތުރުވެގެން ވަނީ ފަސްކުރި ދުވަހުގެ އިންޓަރެސްޓް އަދި އަދި ދައްކަން އޮތް ބާކީ އިންޓަރެސްޓާއއކު ރިހޭ ފައިމައްޗަށް ފޮއި ވެއްޓުންނޫން ކަމެއް ނެތް ގ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފްއޮފިޝިއަލް

12 April 2020

''މި މުއްދަތުގައި އިންޓަރެސްޓުގެ މައްޗަށް އިންޓަރެސްޓެއް ވެސް ނާރާނެ އެވެ.'' 100% މ ސ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖަމްބޯ

12 April 2020

ބޭންކުން މި ހަދާ ގޮތަކީ މިހާރު ދައްކަންޖެހޭ 100 ރުފިޔާ ނުދައްކާ ފަސްކުރުވާފަ ފަހުން 1000 ހޯދަނީ. މިއީ އެއްކަލަ 50 ހާހުގެ ލުއިލުއި ލޯނު ދީފަ 70 ހާސް ނަގާ މީހުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

@ޖަންބޯނ

12 April 2020

ތިބުނީ ރަނގަޅަށް ތިހަމަ އެބަގަ ބ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޛިމް

12 April 2020

6 މަސް ދުވަހުގެ ލޯން އެމައުންޓް އަނެއްކާ ލޯން ތެރެއަށް ވެއްދީމަ ކަސްޓަމަރ އަތުން ފަހުން ދާ އެތި ބޮޑު ވާނެ. ދިވެހިންގެ ބޭންކުން އެންމެ ތަންފުކެއް ވެސް ދޫ ނުކުރާނެ! ޝުކުރިއްޔާ