ފޮރިން މިނިސްޓަރު އަބްދުﷲ ޝާހިދު: ދެކުނު ކޮރެއާގެ އެހީއަށް ރާއްޖެއިން ވަނީ އެދިފައި -- ފޮޓޯ/މިހާރު
23 އެޕްރީލް 2020 - 17:05
25 comments
ކޮވިޑް-19 އިން ރައްކާތެރިވެ، އެ ބަލި ފެތުރުނަ ނުދިނުމަށް ސަރުކާރުން ކުރާ މަސައްކަތަށް އެހީތެރިވުމަށް ރާއްޖެ އިން ދެކުނު ކޮރެއާގެ ކިބައިން އެެދިއްޖެ އެވެ.
މާލެ އިން އެކަނިވެސް ކޮވިޑް-19 އަށް ޕޮޒިޓިވް ވެފައިވާ މީހުންގެ އަދަދު މިހާތަނަށް ވަނީ 70 އަށް އަރައިފަ އެވެ. މާލެ އަށް އެ ބަލި ފެތުރި އިތުރު ނުރައްކަލެއްގެ ތެރޭގައި ރާއްޖެ އޮތްއިރު، ބަލި ފެތުރުނަ ނުދިނުމަށްޓަކައި މި މަހުގެ 15 ން ފެށިގެން އަންނަ މަހުގެ 1 އާ ހަމައަށް މާލެ ސަރަހައްދު ލޮކްޑައުންކޮށް ގިނަ ފިޔަވަޅުތަކެއް ސަރުކާރުން ވަނީ އަޅައިފަ އެވެ. ރާއްޖެ އިން މިހާތަނަށް ކޮވިޑް-19 އަށް ޕޮޒިޓިވްވި މީހުންގެ އަދަދު މިއަދު ވަނީ 94 އަށް އަރައިފަ އެވެ.
ފޮރިން މިިނިސްޓްރީން ނެރުނު ބަޔާނެއްގައި ބުނީ، ފޮރިން މިނިސްޓަރު އަބްދުﷲ ޝާހިދު ދެކުނު ކޮރެއާގެ ފޮރިން މިނިސްޓަރު ކަން ކިއޮންވާ އަށް ގުޅުއްވައި، އިއްޔެ ކުރެއްވި މަޝްވަރާތަކުގައި ކޮވިޑް-19 އާ ގުޅިގެން ރާއްޖެ އަށް އިގްތިސާދީ ގޮތުން ކުރިމަތިވަމުންދާ ގެއްލުންތަކުގެ މައުލޫމާތު ދެއްވި ކަމަށެވެ. އަދި ސިއްހީ ދާއިރާއިން މިހާތަނަށް އަޅަމުންދާ ފިޔަވަޅުތަކުގެ މައުލޫމާތު ދެއްވައި، މިހާރުން މިހާރަށް ބޭނުންވާ ބައެއް އެހީތަކަށް ދެކުނު ކޮރެއާގެ ކިބައިން ޝާހިދު އެދިވަޑައިގަތް ކަމަށް ވެސް އެ ބަޔާނުގައިވެ އެވެ.
ރާއްޖެ އަށް ދެކުނު ކޮރެއާ އިން މިހާތަނަށް ފޯރުކޮށްދިން އެހީތަކަށް ވެސް ޝާހިދު ޝުކުރު އަދާ ކުރެއްވި ކަމަށް ފޮރިން މިނިސްޓްރީން ބުނެ އެވެ.
ކޮވިޑް-19 އާ ގުޅިގެން އިންޑިއާ އާއި ޗައިނާގެ އިތުރުން ބަންގްލަދޭޝް އިން ރާއްޖެ އަށް ވަނީ އެހީ ފޯރުކޮށްދީފަ އެވެ. އޭގެ ތެރޭގައި ބޭހާއި މެޑިކަލް ސާމާނުގެ އިތުރުން ކާބޯތަކެތި ވެސް ހިމެނެ އެވެ. އަދި ބޭރުގެ ބައެއް މާލީ އިދާރާތަކުން ވެސް ވަނީ ރާއްޖެ އަށް ހިލޭ އެހީ އާއި ލޯނު އެހީ ވެސް ދޭން ނިންމައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރީތި މޫސަ
25 April 2020
ޢިންޑިޔާކަހަލަގޮތްހުސްވެފަތިބި ބަޔަކަށްވުރެ ރަނގަޅީ ޗައިނާކަހަލަ މިކަ މުގައި ކުރިއެރުން ހޯދަ މުން އަންނަޤައު މުތަކުގެ އެހީހޯދުން އިންޑިޔާ ރުޅިއައިސްދާނެތީ ރާއްޖެހަލާކުވަންދެން ނުތިބެ އެހީހޯދު މަށް ޝާހިދުއަށް ގޮވާލަން
ކޮމިއުނިސްޓް ޕާޓީ (މާކްސިސްޓް)
24 April 2020
ކޮމިއުނިސްޓް ގައުމެއްކަމަށްވާ ކިއުބާއިން އިޓަލީވިލާތަށް ޑޮކްޓަރުންގެ ޓީމަކާއި ބޭސް ފޮނުވި. މިވަގުތު ރާއްޖެއިންވެސް ކިއުބާގެ އެހީ ހޯދުން ވަރަށް މުހިއްމު. ރާއްޖޭގައި މިވަގުތު އޮތީ ސެންޓަރ ރައިޓް ސަރުކާރެއް ކަމަށް ވިޔަސް މިކަހަލަ ވަގުތުތަކުގައި ކިއުބާއިން އެހީތެރިކަން ފޯރުކޮށްދޭނެ. އަދި ޗައިނާގެ އެހީ ހޯދުންވެސް މުހިއްމު، އިންޑިޔާއިންވެސް އެހީ ހޯދަންވާނެ. ގަތަރާއި އީރާނާއި ގުޅުން ރަގަޅުކުރުމަކީ އިބޫގެ ރިޔާސީވައުދެއްކަމަށްވާތީ އެވައުދުވެސް ފުއްދަވާ
ގުޑުގުޑާ
23 April 2020
ސާހިދު މިހާރުދެއްފުދިއްޖެ ދެއް ހަނުހުރުމުގެބޭނުއްހިއްޕަވާ
ދަތްނެތްކުއްޖާ
23 April 2020
ހާސްވާކަށްނުޖެހޭ. ރާއްޖޭގެ ފަލެއް ނުވަތަ އަތޮލެއް ޗައިނާ އަށް ނުވަތަ ސަޢުދީ އަށް ވިއްކާލައިފިނަމަ މި އަޑިގަޑުން އަރާވަރަށް ފައިސާ އާއި އެހެނިހެން އެހީތައް އެވެރިން ވާނެކަން ޔަޤީން. މިވަގުތު ކޮންމެހެން މުޙިންމީ ފަލެއް އަތޮލެއް ރަށެއްނޫން. މުޙިންމީ ރައްޔިތުންގެ ފުރާނަ ސަލާމަތް ކުރުން.
ބޮޑުމީހާ
23 April 2020
އެހީވާން ޗައިނާ އޮތީ ތައްޔާރަށް. ތި އިންޑިއާ ކިބައިން ސަލާމަތްވެގެން ކަލޭމެންނަށް އެކަންވާނީ. ޗައިނާ އިގްތިސާދީގޮތުން އަދި އަސްކަރީގޮތުން ދުނިޔޭގެ 1 ވަނަ ހޯދާނެ. އެމެރިކާ އީޔޫ ޖެހޭނީ ހަތިޔާރު ބަހައްޓަން. މިގައުމުގަ ސިޔާސީ ވިސްނުމެއް ހުރި ބަޔަކު ތިބިނަމަ ޗައިނާއާއި ގުޅުން ބަދަހި ކުރާނީ
ފަރީޝާ
23 April 2020
ކޮބާ ކަލޭގެ އެންމެ އެކުވެރި އެމަރިކާގެ އެހީ؟.. ދެން އެންމެ އެކުވެރި ޔޫކޭ ދިނީ ކޮން އެހީޔެއް ލިބޭ އެއްވެސް އެއްޗެއް ނެތް ނުވިތާކަް ބަޖެޓުން އެތައް ފައިސާ އެއް ޚަރު އެބަކުރޭ އެންބަސީ ހަދައިގެން އެތާގަ ތިބެނީ ކޮންފައިދާ އެއް ދިވެހިރާއްޖެ އަށް ވާތީ..ފަސާދަކުރުން އެކަނި އެބައި މީހުންނަށް އެގެނީ. މިހާރު އެއްވެސް ގައުމަކަށް އަނެއް ބަޔަކާއި އަޅާލެވޭވަރަށް ވުރެން ދުނީޔޭގެ ހާލަތު ދައްވެއްޖެ ކަން މިސޮރަށް ނުވިސްނޭ.
އެސްކޮބާރ
23 April 2020
ތަންކޮޅެއް އަވަސް އަދި ދެކުނު ކޮރެއާގެ އެހީ ހޯދަން އުޅެން. އަދި ދެތިންމަސް ވަންދެން މަޑުކުރިނަމަ. ލޮކްޑައުންއަކަށް ތައްޔާރުވެ، ޑެލިވަރކުރެވޭނެ އިންތިޒާމް ހަމަޖައްސައި، ޓެސްޓް ކިޓްތައް ގެނެސް، ވެންޓިލޭޓަރުތައް ގެނެސްފައި އޮތް ގައުމަކުން ބޭރުގެ އެހީ ހޯދާކަށް ނުޖެހޭނެތާ.
ދެރަ
23 April 2020
ބަލަ ކީއްވެތަ ތިޔަ ނާށިގަނޑު ޗައިނާއަށް ދިއްކޮށްލަން ބިރުން ތިޔައުޅެނީ. ޢެއްޗެއް ހުރިބަޔަކަށްދޯ އެއްޗެއްދެވޭނީ.
އޮނަރަބްލް އަފީފު ދީދީ
23 April 2020
ކުރިއަށް އޮތްތަނުގައިވެސް މިޤައުމުގެ އާންމު ރައްޔަތުމީހާއަށް ފުރުސަތުލިބޭގޮތަށް ކަންކަން ކުރެވޭތޯ ބައްލަވާ. # އިގޭ ތިބޭފުޅުންފަދަ "ރިސޯޓް ޙިއްސާދާރުން" މިދެންނެވިފަދަ ސިޔާސަތާއި ރުހިވަޑައި ނުގަންނަވާނެކަން. އެހެން ނަމަވެސް ތިބޭފުޅާވެސް ހިމެނުވަޑައިގަންނަވާ ސަރުކާރަށް "މަހުޖަނުން އެއޮތީ ރަނގަޅު ފިލާވަޅެއްދެއްވާފަ" ނޫންތޯ؟ # ހުރިހާ ރިސޯޓް އޯނަރުން ހޮރުހޮރަށްވަދެ ފިލައިފި. ތިބިތަނެއްގަ ތިބެފަ ބޯ ދިއްކޮށްލާފަ "އޭއި މުސާރަ ނުދެވޭނެ" އޭބުނެފައި އަނެއްކާވެސްހޮރަށްދެމިގަނޭ.
ދޫޫވެހި
23 April 2020
އެހީއަށްއެދެންވީޔާމީނުކިބައިންރައީސްކަން 5އަހަރުކޮއްފަބައިމުސާރަނަގާފަ15ބުރިއަށްގެހެދީރާޢްޖޭގެބައިތުލްމާލުދަވާޅައިގެންއެހެންވީމާރުފިޔާހޯދަންދޫވެހިސަރުކާރަަަަަަަށްނަގާ'
ގަސްކަރަ
23 April 2020
ކަންތައް ކުރަންނޭގި ރައްޔެތުން ބަންޑަޖެހުމަކީ ޔާމިނުގެ ކުށެއްނޫން މިފެނިގެންދަނީ ކަންކަން ކުރަން ނޭންގުމާ ގައިގަ އެވަރުގެ ހިތްވަރާ ކެރުން ނެތްކަން