ކުޑަފުށީގެ ބީޗް ޕޫލް ވިލާގެ ކުރެހުމެއް: މިއީ އެންމެ މަތީ ފެންވަރުގެ ރިސޯޓެއްގެ ގޮތުގައި ތަރައްގީކުރާ ރަށެއް. ފޮޓޯ: ކުޑަފުށި
14 އޮކްޓޯބަރ 2016 - 23:14
6 comments
ރ. ކުޑަފުށީގައި ތަރައްގީކުރާ ރިސޯޓް 107 ވިލާއާ އެކު އަންނަ ޑިސެމްބަރު މަހު ފަހުކޮޅު ހުޅުވަން ތައްޔާރުވެއްޖެ އެވެ.
މިއީ މި އަހަރުގެ ތެރޭގައި ރ. އަތޮޅުގައި ހުޅުވާ ފުރަތަމަ ރިސޯޓެވެ.
ސީ ޕްލޭންގައި މާލެއިން ފުރައިގެން 45 މިނެޓުން ދެވޭ ރަށް ހުޅުވާއިރު 40 ބީޗް ވިލާ އާއި 32 ބީޗް ޕޫލް ވިލާ އާއި 24 ވޯޓާ ވިލާ އާއި ދިހަ ވޯޓާ ޕޫލް ވިލާ އަދި ޕްރެސިޑެންޝަލް ސުއިޓެއް ވެސް ހިމެނެ އެވެ.
އެ ރިސޯޓާ ބެހޭ ގޮތުން ޓޫރިޒަމް ހަބަރުތައް ގެނެސްދޭ ވެބްސައިޓެއްގައި ބުނެފައި ވަނީ އެރަށުގެ ވިލާތައް ހަދާފައި ވަނީ ދިވެހި ވަންތަކަން ދައްކައިދޭ ގޮތަށް އެންމެ މަތީ ފެންވަރުގައި ކަމަށެވެ. އަދި ކުޑަފުށީގައި ވޯޓާ ސްޕޯޓްސް އާއި ޑައިވިން އަދި ސްޕާގެ އިތުރުން އެންމެ މަތީފެންވަރުގައި ކެއިންބުއިމުގެ ހިދުމަތް ލިބޭ ރެސްޓޯރަންޓް ފަދަ ތަންތަން ހުންނާނެ ކަމަށް ވެސް އެ ވެބްސައިޓްގައި ބުނެފައިވެ އެވެ.
ރ. މީދޫ ކައިރީގައި އޮންނަ ކުޑަފުށި ހުޅުވުމަށް އެކި މަގާމްތަކަށް މުވައްޒަފުން ހޯދުމުގެ މަސައްކަތް އަންނަނީ ކުރަމުންނެވެ.
ސިލްވާ ޑްރިފްޓް މޯލްޑިވްސް އިން ހިންގާ އެ ރަށް ހިންގާ ކުންފުނިން ނެރުނު އިއުލާނެއްގައި ވަނީ އެ ރިސޯޓުގެ އެކި މަގާމުތަކަށް ކުރިމަތިލުމަށް ޝައުގުވެރިވާ ފަރާތްތަކުން މާދަމާގެ ކުރިން ހުށަހަޅަން ޖެހޭ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ައާމިނަތު
16 October 2016
ހުރިހާ މޮޅެއް މީދޫ މީހުންނަށް....މިހާރުވެސް މުޅި މީދުއްޕަރު ރިސޯޓް އެއްކޮށް ހިސޯރުކޮށްގެން އުޅެނީ އެރަށު މީހުން... ވަރަށް ފޫހިވޭ
އިސްމާއީލް
15 October 2016
މިރިސޯޓް ހަދާ ކުންފުންޏަކީ ފައިސާގެ އިތުބާރު އެންމެ ރަނގަޅު ކުންފުނި. އެހެން މީހުނަށް މިބާވަތުގެ ކަންކަމުގައިވެސް ނަމޫނާ އެއް.
ހަސަން
15 October 2016
ރިޒޯޓް ހުޅުވައިގެން ދިވެހި ޒުވާނުންނަށް ލިބޭނޭ ވަޒީފާއެއް ނޯންނާނެ. ހުރިހާ މޮޅެއް އިންޑިއާ ލަންކާ ނޭޕާލް ބަންގާޅު ފިލިޕީންސް މީހުންނަށް. ބ. އަތޮޅު ލަނޑާގިރާވަރުގަ ރޫމްބޯއީންނާ ވެއިޓަރުންނަށްވެސް ހުސް އިންޑިއާ ނޭފާލް މީހުން. =ވަޑަކަމް=
ނަތަން
15 October 2016
އެގޮތަށް ބަންގާޅު އިންޑިޔާމީހުންނަށް ވަޒީފާ ދޭންޖެހެނީ ކީއްވެގެންތޯ ބަލާބަލަ.! ތިމާމެން ދިވެހިންގެ ތެރެއިން ގިނަމީހުން ވަޒީފާގައި ހަރުނުލުމާއި، ވަޒީފާޔަށް ކަމޭނުހިތުމާއި، ވަޒީފާދޭމީހާފަރާތަށް ރެސްޕެކްޓް ނުކުރުމާއި، އެއްމެ ބޮޑުމުސާރަ ހޯދަން ފޫގަޅާއިރު، ތިމާމެން ވަޒީފާޔާދޭތެރޭ ތަންކޮޅަށް ރަނގަޅަށް ސީރިޔަސްވާންޖެހޭކަން ދަންނަންޖެހޭ.
މިސްޓަ ލަންޑަން
15 October 2016
މިއީ އަސްލު ބޮޑު މައްސަލައެއް. އަސްލު ހަބަރު ޖަހާ ވެބްސައިޓަށް ރިފާ ނުކޮށް ލިޔުން. މިއީ ރައިޓްސްގެ މައްސަލައެއް.
އައްމަޓީ
15 October 2016
ކޮންމެ ކަމެއްގެވެސް ކާމިޔާބީއަކީ ހިއްވަރާއެކު ގަދައަޅާ މަސްއްކަތް ކުރުމެވެ. ރ. ކުޑަފުށީގެ ވެރިޔާ އަލީ ޒާހިރު އަކީ އެފަދަ ނަމޫނާ ބޭފުޅެކެވެ. މާތްރަސްކަލާނގެ އިރާދަފުޅާ މިންވަރުފުޅުން އޭނާގެ ޒަމާންވީ ހުވަފެން ޙަޤީޤަތަކަށް ބަދަލުވުމުގެ ކާމިޔާބީ ފާހަގަކުރުން މިވަނީ ވަރަށް ކައިރީގައެވެ. މާތްރަސްކަލާނގެ އޭނާ އާއި އޭނާގެ ޢާއިލާއަށް ކުރިމަގުގައި އުފާފާގަތި ދުވަސްތަކާއި އަހަރުތައް މިންވަރުކުރައްވާށި. އާމީން