މިއަދު މެންދުރު ބޭއްވި މީޑިއާ ބްރީފިންގައި ފިނޭންސް މިނިސްޓްރީގެ ޗީފް ފައިނޭންޝަލް ބަޖެޓް އެގްޒެކެޓިވް، ސަރުވަޝް އޮންލައިންކޮށް ނޫސްވެރިންނާ ވާހަކަ ދައްކަވަނީ.
16 މެއި 2020 - 16:23
40 comments
ދައުލަތުގެ ކަންކަން މި ވަގުތަށް ރޭވިފައި ހުރީ ރަނގަޅަށް ކަމަށާއި، އަދި ހާސްވާ ހިސާބަށް ދާން ނުޖެހޭ ކަމަށް ފިނޭންސް މިނިސްޓްރީގެ ޗީފް ފައިނޭންޝަލް ބަޖެޓް އެގްޒެކެޓިވް، އަހުމަދު ސަރުވަޝް އާދަމް މިއަދު ވިދާޅުވެއްޖެ އެވެ.
ނޭޝަނަލް އިމަޖެންސީ އޮަޕަރޭޝަން ސެންޓަރު (އެންއީއޯސީ) ން ބޭއްވި ނޫސްވެރިންގެ ބައްދަލުވުމުގައި ސަރުވަޝް ވިދާޅުވީ، ބޭރުގެ މާލީ އިދާރާތަކުން ލޯނާއި ހިލޭ އެހީ ހޯދުމުގެ މަސައްކަތް ކުރާ އިރު މިކަން ދިގުދެމިގެން ދާ ނަމަ އިތުރު ގޮތްގޮތުން ވެސް ފައިސާ ހޯދާނެ ކަމަށެވެ.
"ފައިނޭންސިން ހޯދުމުގެ މަސައްކަތް ފިނޭންސް މިނިސްޓްރީން އަންނަނީ ކުރަމުން. އެހެން ގޮތްގޮތް ވެސް އެބަހުރި ފައިނޭންސިން ހޯދަން. ފައިނޭންސިން އަކީ ކޮންމެހެން މިއަދަކު އެއްފަހަރާ ބޭނުންވާނެ އެއްޗެއް ނޫން،" އޭނާ ވިދާޅުވި އެވެ.
ސަރުވަޝް ވިދާޅުވީ، މިހާރުން މިހާރަށް ކޮންމެހެން ދައްކަންޖެހޭ ބިލްތަކަށް ބޭނުންވާ ވަރަށް ދައުލަތުގައި ފައިސާ ހުރި ކަމަށެވެ. ސަރުކާރުން ވަނީ ހަރަދުތައް މެނޭޖް ކުރުމަށްޓަކައި އެމްއެމްއޭ މެދުވެރިކޮށް 4.4 ބިލިއަން ރުފިޔާ ވެސް ނެގުމަށް ނިންމައިފަ އެވެ. އެހެންކަމުން ކޭޝް ފްލޯ ހަމަޖެއްސުމުގައި މިވަގުތަށް ދައްޗެއް ނެތް ކަަމަށް އޭނާ ވިދާޅުވި އެވެ.
"ދައުލަތުން ހަރަދުތައް ކުރަމުންދާނެ. މުސާރަ ވެސް ދޭނެ. އާސަންދަ އާއި އެހެނިހެން ހިދުމަތްތައް ވެސް ދޭނެ. ވަރަށް ގިނަ އެހެން ހިދުމަތްތައް ވެސް ދައުލަތުން ދޭނެ،" އޭނާ ވިދާޅުވި އެވެ.
"ފައިނޭންސިން ހޯދުމުގެ މަސައްކަތް ފިނޭންސް މިނިސްޓްރީން އަންނަނީ ކުރަމުން. އެހެން ގޮތްގޮތް ވެސް އެބަހުރި ފައިނޭންސިން ހޯދަން. ފައިނޭންސިން އަކީ ކޮންމެހެން މިއަދަކު އެއްފަހަރާ ބޭނުންވާނެ އެއްޗެއް ނޫން،" ސަރުވަޝް
އޭނާ ވިދާޅުވީ، ބޭރުގެ މާލީ އިދާރާތަކުން ހޯދާ ލޯނާއި އެހީއާ އެކު ކުރާ ހޭދަތައް ވެސް އިތުރުވާނެ ކަމަށާއި އިތުރު ހަރަދުތައް ކުޑަކުރަން ވެސް ޖެހޭނެ ކަމަށެވެ.
ބުރާސްފަތި ދުވަހުގެ ރޭ އޮޑިޓް އޮފީހުން ބޭއްވި ހާއްސަ ވީޑިއޯ ކޮންފަރެންސެއްގައި ސަރުވަޝް ވަނީ މިވަގުތު ބޭރުގެ މާލީ އިދާރާތަކުން ހޯދަން މަސައްކަތް ކުރާ 200 މިލިއަނެއްހާ ޑޮލަރަކީ ހަރަދުތައް ފޫބެއްދޭނެ އަދަދެއް ނޫން ކަމަށް ވެސް ވިދާޅުވެފަ އެވެ.
ފިނޭންސް މިނިސްޓްރީން އަންދާޒާކޮށްފައިވާ ސިނާރިއޯތަކުގެ ތެރެއިން މިހާރު އެންމެ ބޮޑަށް އަންނާނެ ހާލަތުގެ ގޮތުގައި ފާހަގަކުރާ "ސިނޭރިއޯ 3" ގައި ވާ ގޮތުން ސަރުކާރުގެ ހަރަދުތައް މެނޭޖް ކުރުމަށް 15 ބިލިއަން ރުފިޔާ ބޭނުންވެ އެވެ. މީގެ އިތުރުން ދެވަނަ އަށް އަންނާނެ ކަމަށް ލަފާކުރާ "ސިނޭރިއޯ 4" ގައި ހަރަދުތައް މެނޭޖްކުރަން 17 ބިލިއަން ރުފިޔާ ބޭނުންވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ައަހުމަދު
17 May 2020
ހާސްވާހިސާބަކަށް ނުދޭ ، އެކަމަކު ނޭވާ ދޯނުލެވެނީ...
ކަނބިލި
17 May 2020
ކުރީ ދުވަހު ބުނީ ވަރަށް ސަކަރާތޭ ބޭރުން ލޯނު ހޯދަންވެސް ވަރަށް ދައްޗޭ. މިއަދު ތިޔަ ބުނަނީ ހުރިހާ ކަ މެއް އޯކޭ ކަ މަށް. ވާނުވާއެއް ނޭނގޭ
ގަރުދިޔަ ރަޝީދު
17 May 2020
ތަޖުރިބާއެއްނެތް ޒުވާނުންތަކެއް ޓީވީއަށް އަރުވާފަ ބޮޑެތިމީހުން ފިލާފަ. މިކުދިން މިކުދިންގެ ބޮސް ބުނާއެއްޗެއް ވިސްނާވެސް ނުލާ ޓިވީ ގަ އަމުނާލަނި. އެއްދުވަހު ކިޔާ އެއްޗެއް އަނެއްދުވަހު ކިޔާ އެއްޗަކާ ދިމާނުވޭ. އެއްދުވަހު ފައިނޭންސް ހޯދުމަކީ "ޕެއިންފުލް" ކަމެކޭ ވަރަށް އުދގުލޭބުނާކުއްޖާ އަނެއްދުވަހު އަރާ އެބުނީ "ހާސްވާކަށް ނުޖެހޭ" ކަމަށް. ފައިނޭންސް ހޯދާނެ ބައިވަރު ގޮތްތައް އެބަހުރިކަމަށް
މަތިމަތީލޯނު
17 May 2020
މަތި މައްޗަށް ލޯނުނަގާއިރުވެސް ހާސްވާނެކަމެއް ނެތޯ. ކުރީ ސަރުކާރު އޮތްއިރުވެސް ތިހެން ބުނެލިނަމަ. މިސަރުކާރުން ނަގާ ލޯނުން ދަރިދަރިކޮޅަށް ނުދަރާފަ އެހެން ސަރުކާރަކުން ނަގާ ލޯނުން އެގޮތަށް ދެރުން މިއީ ކިހާ ހަމަޖެހޭ ވާހަކައެއް؟
ދޮގު ތެދު
17 May 2020
މިއީ ކީކޭ...؟؟.... ކާކުބުނީ ބަދަލުކުރަން ކުރި ބުނި ގޮތް؟؟؟... ހާސް ވަނީ.... "ފައިނޭންސިން ހޯދުމުގައި އެބަހުރި ވަރަށް ބޮޑެތި ދަތިތައް. އެ ކަމުގެ މަޝްވަރާ އަކީ ވަރަށް ޕެއިންފުލް ވަގުތު ދާ މަސައްކަތްތަކެއް. ބޭރުގެ މާކެޓް އެކްޓިވިޓީ ވަރަށް ދަށް. ހަމަ އެއާ އެއްކޮށް ކެޕިޓަލް ކޮންޓްރޯލް ވެސް އަޅާފައި ހުންނަނީ. އެގޮތުން ގައުމުތަކުން ޑޮލަރު ބޭރު ކުރުމުގައި ވެސް ހުންނަނީ ވަރަށް ބޮޑަށް ދަތިކޮށްފައި،" ސަރުވަޝް
އަވަށްޓެހި
17 May 2020
ދެއިރު އެކައްޗެއް ކިޔައްޗޭ
ދަރަނި ދަންތުރަ
17 May 2020
ހާސްނުވޭ ރަނގަޅު ، ތިބޭފުޅާ ތިއިނީ ބަނޑުފުރާ ކައިގެން އެކަމަކު ރާއްޖޭގެ ކިތަށް މީހުންބާ މިހާރު އަނގަޔާ އަތާދިމާނުވެ ތިބީ ކަރަންޓު ބިލް ފެން ބިލް ގޭކުލި ނުދެއްކި ތިބީ ހާސްނުވޭ ހާސްނުވޭ
މަމަ މައިވީ
16 May 2020
މި ސަރުކާރުގެ ބޮލުގެ ނާށިގަނޑު އެތެރޭގަ ސިކުނޑީގެ ބަދަލުގަ އޮތީ ރީނދޫ ކޮތަޅެއްހެން ހީވަނީ..
ނަން
16 May 2020
ހާސްވާން ނުޖެހޭތީ މުވައްޒަފުންގެ މުސާރަޔާ އިރުއިރުކޮޅުން ތިކުޅެނީ. ބޯގޯސް ވާހަކަ
ހަސަނު
16 May 2020
މީނަ އިއްޔެ ކީ އެއްޗަކާއި މިއަދު ކިޔާ އެއްޗެއް ދިމައެއްނުވޭ. އިއްޔެކީ 200 މިލިއަން ޑޮލަރު ލިބުނަސް މިކަމެއްނުވާނޭ ފޫނުބެއްދޭނޭ. މިއަދު މިކިޔަނީ ހާސްނުވާށޭ.
ހުސޭނ
17 May 2020
200 މިލިއަނުން ނުވަންޏާ ދެން ހަދަންޖެހޭ ގޮތާ، މަދުވާބައި އަތުޖައްސަން ދެން ކުރެވެން ހުރި އިތުރު ކަންކަންވެސް އެނގޭތީއޭ އެބުނަނީ އަދި އެހާ ހާސް ނުވާށޭ.
ގައުމުގެ ދޫ
17 May 2020
ހާސްވުމަކީ ހައްލެއްނޫން. ހާސްވީމާ ކަންކަން ކުރާން ފަސޭހަނުވާނެ، ހައްލުހޯދަން ވިސްނާން އުނދަގޫވާނެ. އެހެންވީމާ ހާސްވެގެން ވާނެ މޮޅެއް ނުފެނޭ. ބޭނުން ކޮންމެ ކޮމެންޓެއް ލިޔެވިދާނެ މާނައެއް ނެތަސް.