ފުވައްމުލަކު އެކްސިޑެންޓުގައި އަނިޔާވި މީހާ އަދިވެސް ހެއެއްނާރާ: އާއިލާ

ފުވައްމުލަކު ތުނޑީގައި މީހުން ޗުއްޓީ ދުވަސް ހޭދަކުރަނީ: އެ ރަށުގައި ހިނގި އެކްސިޑެންޓެއްގައި އަނިިޔާވި ދެ މީހުންނަށް އިތުރު ފަރުވާ ދޭން މިދިޔަ ހޯމަ ދުވަހުގެ ރޭ މާލެ ގެނައި -- ފޮޓޯ: އަބްދުﷲ އާސިފް، ސޯޝަލް މީޑިއާ

ލަމްޔާ އަބްދުﷲ، މިހާރު

28 މެއި 2020 - 23:17

1 comments

ފުވައްމުލަކުގައި މިދިޔަ ހޯމަ ދުވަހު ހިނގި އެކްސިޑެންޓުގައި ބޮޑެތި އަނިޔާތަކެއް ލިބުނު ފިރިހެން މީހާ އަދިވެސް ހޭ ނާރާކަމަށް އޭނާގެ އާއިލާ އިން މިރޭ ބުނެފި އެވެ.

އެ ރަށު ނައިބުތުއްތު މަގުގައި ދެ ސައިކަލެއް ޖެހިގެން ހިނގި މި އެކްސިޑެންޓުގައި ބޮލަށް ސީރިއަސް އަނިޔާތަކެއް ލިބުނު އިސްމާއިލް ސައީދު، 32، ގެ ބޭބެ އަހްމަދު ސައީދު "މިހާރު" އަށް ބުނީ އައިޖީއެމްއެޗްގައި ނިއުރޯ ސާޖަންއެއް ނެތުމުން އިސްމާއިލް އޭޑީކޭ އަށް ގެންގޮސް ސިކުނޑީގެ ސާޖަރީއެއް ހަދާފައިވާ ކަމަށެވެ.

"އޭޑީކޭ އިން ހަދަންވާ ޓެސްޓުތައް ހެދުމަށް ފަހު ހަމަ އެރޭ ބްރެއިން ސާޖަރީއެއް ހެދި،" އަހުމަދު ބުންޏެވެ.

އިސްމާއިލްގެ ހާލު ރަނގަޅުވަމުން އަންނަ ކަމަށް ޑޮކްޓަރުން ބުނާ ކަމަށާއި އެކަމަކު އަދިވެސް ހޭނާރާ ކަމަށް އަހުމަދު ބުންޏެވެ.

Fuvahmulaku gai hingi accident eh gai, 2 meehakah serious aniyaathakeh

The most trusted news source in the Maldives

Mihaaru

އެކްސިޑެންޓުގައި ބޮލަށް އަނިޔާއެއް ލިބުނު 21 އަހަރުގެ އަންހެނެއްގެ ސީޓީ ސްކޭނެއް ހަދަން އޭނާ ވެސް ވަނީ މާލެ ގެނެސްފަ އެވެ. ސްކޭން ހެދުމަށް ފަހު އޭނާ ވަނީ ހޮސްޕިޓަލުން ދޫކޮށްލައިފަ އެވެ.

މި އެކްސިޑެންޓުގައި، އިސްމާއިލްގެ ސައިކަލު ފަހަތުގައި މީހަކު އިން ނަމަވެސް އޭނާ އަށް މާ ބޮޑު އަނިޔާއެއް ނުވެ ވަނީ ސަލާމަތްވެފަ އެވެ.