ރާއްޖޭގެ ރީތި ރިސޯޓެއް: މި ރީތިކަމަށް މުޅި ދުނިޔޭގެ ލޯބި ވަނީ ލިބިފައި
08 ޖޫން 2020 - 14:20
26 comments
ރާއްޖޭގެ ހުއްޓިފައި އޮތް ޓޫރިޒަމް އަލުން ނަގާ ކޮޅަށް ޖަހަން، ދުނިޔޭގެ މަޝްހޫރު ބައެއް މީހުންގެ އެހީތެރިކަމާ އެކު، "މޯލްޑިވްސް: ދަ ސަން ވިލް ޝައިން އެގައިން" އަންގައިދޭ ހާއްސަ ޕްރޮމޯޝަނެއް، ފޭސްބުކް މެދުވެރިކޮށް މިރޭ އޮންނާނެ އެވެ.
އެމްއެމްޕީއާރުސީން އިސްނަގައިގެން މިރޭ 8-12 އަށް ކުރިއަށް ގެންދާ މި ހަރަކާތުގައި ރާއްޖޭގެ ހިތްގައިމު މަންޒަރުތައް، ވާޗުއަލްކޮށް، މުޅި ދުނިޔެއަށް ދައްކާލާނެ އެވެ.
މިރޭ ފޭސްބުކުން ރާއްޖޭގެ މިކަހަލަ ރީތި އެތައް މަންޒަރެއް ދުނިޔެއަށް ދައްކާލާނެ
އެމްއެމްޕީއާރުސީގެ މެނޭޖިން ޑިރެކްޓަރު ތޮއްޔިބު މުހައްމަދު ވިދާޅުވީ ރާއްޖޭގެ އެ މަންޒަރުތައް ހިމެނޭ އެއް މިނިޓްގެ ގިނަ ކްލިޕްތަކެއް ލައިވްގައި ގެނެސްދޭނެ އެވެ. އަދި ރާއްޖެ އައިސްފައިވާ އެކި ފަންތިތަކުގެ ނުފޫޒު ގަދަ މީހުން ރާއްޖެއާ މެދު ދެކޭ ގޮތާއި އެ މީހުންގެ ތަޖުރިބާ ވެސް މި ކްލިޕްތަކުގައި ހިމެނޭނެ ކަމަށް އޭނާ ވިދާޅުވި އެވެ.
ޓޫރިސްޓުންގެ މެދުގައި ރާއްޖެ މަޝްހޫރުވެފައި އޮންނަނީ "ސަނީ ސައިޑް އޮފް ލައިފް"ގެ ގޮތުގައި އެވެ. ކޮނޯރާވައިރަސްއާ އެކު ރާއްޖޭގެ ޓޫރިޒަމް ވެސް ގާތްގަނޑަކަށް މުޅިން ހުއްޓިފައި މި އޮތް ހާލަތުން ނުކުމެ، އަލުން ހުޅުވާލުމުގެ ކުރިން ބާއްވާ މި ހަރަކާތް ކުރިއަށް ގެންދަނީ "ދަ ސަން ވިލް ޝައިން އެގެއިން" ނުވަތަ "އަވިން އަދިވެސް ވިދާލާނެ"، ޝިއާރުގެ ދަށުންނެވެ.
ޓޫރިސްޓުން ގަބޫލުކުރާ ގޮތުގައި ރާއްޖެ އަކީ ދުނިޔެއިން ފެންނާނެ އެންމެ ރީތި އެއް ތަން
"މިއީ އާ އުއްމީދެއް. އިރާދަކުރެއްވިއްޔާ ރާއްޖޭގެ ޓޫރިޒަމް ހަމަ ކުރިން އޮތް ގޮތަށް އިއާދަވާނެ،" އުއްމީދާ އެކު ތޮއްޔިބް ވިދާޅުވި އެވެ.
އޭނާ ވިދާޅުވީ ކޮވިޑް-19ގެ ބަލިމަޑުކަމާ ހެދި ރާއްޖޭގެ ޓޫރިޒަމް ދާއިރާ މި ވަގުތު ހުއްޓުމަކަށް އައިސްފައި އޮތަސް، ރާއްޖޭގެ މަގުބޫލުކަން ގެއްލިފައިވާ ކަމަށް ގަބޫލުނުކުރައްވާ ކަމަށެވެ. އެކަމަކު މީހުން ދެން ދަތުރުކުރާނީ ބަލިމަޑުކަމަށް ފަރުވާތެރިވެ، ރައްކާތެރިކަމުގެ ފިޔަވަޅުތަކަށް ހާއްސަ ސަމާލުކަމެއް ދީގެން ކަމަށް ވިދާޅުވި އެވެ.
ކޮވިޑް-19 ފެތުރޭތީ ރާއްޖޭގެ ބޯޑަރު ބަންދުކޮށް ޓޫރިސްޓުން އައުން ހުއްޓުމަކަށް ގެނައުމަށް ފަހު އަންނަ މަހު އަލުން ބޯޑަރު ހުޅުވާލަން ވަނީ ހަމަޖައްސައިފަ އެވެ.
ޖުލައި މަހު ރާއްޖެ އަށް ޓޫރިސްޓުން އަންނަން ފަށާއިރު ރައްކާތެރިކަމުގެ ގޮތުން އަމަލުކުރާނެ އުސޫލުތަކެއް ވެސް މިހާރު އޮތީ ކަނޑައަޅައިފަ އެވެ. އެގޮތުން ރާއްޖެ އަންނަ ޓޫރިސްޓުން އެތެރެވާ ހިސާބުން ކޮވިޑަށް ޓެސްޓްްކުރަން ސާމްޕަލް ނަގައި، ނަތީޖާ ލިބެންދެން ކޮޓަރިތަކުގައި އައިސޮލޭޓްކޮށްފައި ބައިތިއްބުން ހިމެނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކައްކާ
08 June 2020
އަހަރެމެނަށް ހެޔޮ އެންމެ ފަތުރުވެރިއަކު ނަޔަސް، ތިބަޔަކު ގެނެސްގެން ލިބޭހާ ފައިސާއަކާއި އަތޮޅުގަ ހުރިއްޔާ ހުރި ރަށެއް ވިއްކާފަ ފައިސާގަނޑު ގެންގޮސް މާލޭގަ ދުވާލަކު ބިލިއަނެއްގެ މަޝްރޫއު ހިންގަނީ އަހަރެމެނަކަށްނެތް ބައިރުފިޔާވެސް.
ހަސަން
08 June 2020
މި މެގަ އިވެންޓަށް ފޭސްބުކް ލައިވްގަ ޕީކް ގަޑީގައި ވަދެތިބީ އެންމެ 2,000 މީހުން. މިހާރު 1,000 މީހުންނަށް ވެއްޓިއްޖެ. މައުލޫމާތަށްޓަކައި ހަމަ ދަންނަވާލީ.
ޢަނީ
08 June 2020
ރައްޔިތުމީހާއަށް ހޮސްޕިޓަލްތަކަކަށް ނުދެވޭ. އޭނާގެ ދަރިންނަށް ސްކޫލަކަށް ނުދެވޭ.އެއްޗެއް ގަންނަން ފިހާރައަކަށް ނުދެވޭ. ބޮޑުބައްޔެއް ޖެހިއްޖެއްޔާ ގައުމުން ބޭރަކަށް ދަތުރެއް ނުކުރެވޭ. ނުވީތާކު އެއްރަށުން އަނެއްރަށަށްވެސް ނުދެވޭ. އެކަމަކު ގެސްޓުންނަށް ރެސޯޓަށް އާދެވޭނެ ތޮގެއް އެންމެއަވަހަށް މި ހަމަޖައްސަނީ. ކޮންކަހަލަ ވިސްނުމެއްތަމީ؟
ނެކްސްޓް
08 June 2020
ހެޔޮކޮށް ތިޔަބުނީ. ޕާޓީކުދިން ތިބޭނެ އަތްޖަހަން. ރައްޔިތުންނަށް ލުޔެއް ނުލިބޭނެ ތިޓޫރިސްޓުން ގެންނަން ހަދައިގެން
ޢަހަން މާ
08 June 2020
ކޮބާ ގައިދުރުކަން ، މިރޭހަފްލާ ބާއްވާއިރުގަ
ރިމީ
08 June 2020
ވާޗުއަލްކޮށޭ ޖަހާފަ އޮތް ތަން ނުފެނުނީބާ؟
ނަޒިންދާ..
08 June 2020
ޖިންނި ޓޫރިސްޓުން ގެނެވޭނީ.. ކެކެކެ .
ވިޝަން
08 June 2020
ޓޫރިސްޓުން ކޮވިޑަށް ޓެސްޓްކޮށް ނަތީޖާ ލިބެންދެން ކޮޓަރީގައި ނުނިކުމެވޭގޮތް ހަދާނަމަ ކުރިން ރަައްޖެއަށް މީހުން ދަތުރުކުރިވަރާއި ގާތަށްވެސް ނާންނާނެ ކަމަށް ވަރަށްހީވޭ! މާބޮޑަށް ބިރުގަނެ ރިސްކް ނުނަގަންޏާ ދެކޭ ހުވަފެން ކާމިޔާބު ނުވެދާނެ
އިބިރިހިންބެއްޔާ
08 June 2020
ހުރިހާ ގަޑެއްގަންނައިރު އެއްފަރާތެއް ހަނދާންނެތިފައި މާތްﷲގެ އިރާދަފުޅާއެކު ދިވެހިރާއްޖޭގެ ޓޫރިޒަމް އަލުން އަބުރާ އުޖާލާވެގެންދާނެ.
ހަކަތަހަކަތަ
08 June 2020
ސަން އަކީ އިރުކަމަށް ހީކުރީ, އަވި ކަމަށް ވަނީ ދެއްތޮ
ޙަސަނުގެ ދަރި
08 June 2020
ސަން ޝައިން ނޫންތޯ
ރިވިއު
08 June 2020
ރަނގަޅު... ސަންއަކީ އިރު.. ސަންޝައިން އަކީ އަވި! އިނގިރޭސިި ބަހުން "ސަން ވިލް ޝައިން އެގޭން" މާނަކުރެވިދާނެ "އަވި އަދިވެސް ދިއްލައިލާނެ" ނުވަތަ މި އާރޓިކަލްގައި އިން ގޮތަށް "އަވިން އަދިވެސް ވިދާލާނެ"!! ކޮބައިތޯ މައްސަލައަކީ!
ނަންއިތުރު
08 June 2020
އަހަރަމެން މިހާރު ތި ޢެމް އެމްޕީ އާރުސީއަކަށްވެސް އަދި ދިވެހި ސަރުކާރު ހިންގަވަންތިއްބެވި ވެރީންނަކަށްވެސް އިތުބާރެއް ނުކުރަން ... ކޮންމެވެސް އެއްޗެކޭ ކިޔާފަ، ދައުލަތަށް ލިބޭހާ ފައިސާއެއް ވާނުވާއެއް ނޭނގޭ ... ރައްޔަތުން 40، 50 އަހަރުވީ އިރު އަދިވެސް އަޅުންގެ ގޮތުގައި ބޮޑު ކުލިދައްކައިގެން .. އަހަރަމެންނަށް ހެޔޮ އަވީން ކީއްކުރަން ހަނދުން ދިއްލުނަސް .. ބޯހަލާކު ސިޔާސީ ވެރީންތަކެއް ތިބި ޤައުމެއްމީ.
ގަބޫލެއްނުކުރެވޭ
08 June 2020
ޔާ މީން ޖަލަށް. ދެންތިބި މީހުން ގޭގައި އަނބި މީހާ އާއިއެކު
ނެކްސްޓް
08 June 2020
ފައިސާ ފޮއްޗަކަށް މިއޮތީ ވިކިފައި. ޓޫރިޒަމް ހުޅުވާފައި ރައްޔިތުން ގޭބަންދުގައި ތިބީމައި އިގުތިސާދު ކުރި އަރާނެ އުތަ