މާވެޔޮ މިސްކިތް ޖަނާގެ ބައްޕާފުޅުގެ ހަނދާނުގައި، 50 މިިލިއަން ޚަރަދުވި

މާވެޔޮ މިސްކިތް: 50 މިލިއަން ހަރަދު ކޮށްގެން ހަދައިފައިވާ އެ މިސްކިތް ހާއްސަކޮށް ފައިވަނީ ޖަނާގެ ބައްޕާފުޅަށް-- ފޮޓޯ: ޖަނާ

އަހުމަދު ސާއިލް އަލީ، މިހާރު

22 ޖޫން 2020 - 15:29

34 comments

އަމިއްލަ ޚަރަދުގައި މާވެޔޮ މިސްކިތް ބިނާކުރެއްވީ ބައްޕާފުޅުގެ ހަނދާނުގައި ކަމަށް، އެތަނަށް ހޭދަކުރެއްވި ވިޔަފާރިވެރިޔާ އަދި އިމާރާތް ކުރުމުގެ ދާއިރާގެ ޖަމިއްޔާ، މަސީގެ ރައީސް މުހައްމަދު އަލީ ޖަނާހު މިއަދު ވިދާޅުވެއްޖެ އެވެ.

މި މިސްކިތަށް 50 މިލިއަން ރުފިޔާ ހޭދަވެފައިވާ ކަމަށް ވަނީ އެނގިފަ އެވެ.

މާވެޔޮ މިސްކިތުގެ ހުރިހާ މަސައްކަތެއް ނިންމައި، މިދިޔަ ހޮނިހިރު ދުވަހު ވަނީ ސަރުކާރާ ހަވާލުކޮށްފަ އެވެ. ޑިސެމްބަރުު 2017 ގައި މަސައްކަތް ފެށި އެ މިސްކިތް ހުޅުވުމުގެ ތައްޔާރީތައް މިހާރު އަންނަނީ ވަމުންނެވެ.

Maaveyo miskithuge masakkaiy nimmai, Ministry aa havaalu koffi

The most trusted news source in the Maldives

Mihaaru

މާވެޔޮ މިސްކިތް ސަރުކާރާ ހަވާލު ކުރުން

ޖަނާ، "މިހާރު" އަށް ވިދާޅުވީ 2014 ވަނަ އަހަރު އަވަހާރަވި ބައްޕާފުޅުގެ ނަމަށް ނިސްބަތްކޮށް މިސްކިތަށް ކިޔާނީ "މަސްޖިދު އަލީ ހުސައިން" ކަމަށެވެ.

ޖަނާ އޭނާގެ ބައްޕާފުޅާއެކު: މާވެޔޮ މިސްކިތް ހަދާފައިވަނީ ބައްޕާފުޅުގެ ހަނދާނުގައި-- ފޮޓޯ: ޖަނާ

މާވެޔޮ މިސްކިތް އަލުން ހަދާފައިވަނީ ހަތް ބުރިއަށް، ރާއްޖޭގައި އާންމުކޮށް ނުހުންނަ ޑިޒައިނަކަށެވެ.

ޖަނާ ވިދާޅުވީ އޭނާގެ ބައްޕާފުޅުގެ ހަނދާނުގައި މާވެޔޮ މިސްކިތް ހަދަން ނިންމެވީ އެއީ އޭނާގެ އާއިލާ ގިނަ ބަޔަކު ދިރިއުޅޭ ސަރަހައްދަށް ވުމުން ކަމަށެވެ. އޭނާ އެންމެ ކުޑައިރު ގޮސް އުޅުނު މިސްކިތަކީ އެއީ ކަމަށް ވެސް ޖަނާ ވިދާޅުވި އެވެ. އޭނާގެ ގެ މ. އިތާމުތް ހުންނަނީ މާވެޔޮ މިސްކިތް ކައިރި އެވެ.

"ޑިޒައިން ކުރީ އަމިއްލައަށް. އަޅުގަނޑާ އަޅުގަނޑުގެ ކޮއްކޮއާ. މިސްކިތުގައި ހަތަރު ގުއްބު ހުންނާނެ. އަޅުގަނޑުމެން ބެލީ ރާއްޖޭގައި ނެތް ކަހަލަ މިސްކިތެއް ހަދަން. އެ މިސްކިތް އެންމެ ކުރީގައި ހުރިއިރު އެ ހުރި ގޮތުގެ ފީޗާސްތައް ގެނެވޭތޯ ވަރަށް ބެލިން. އެ އިހުސާސް ގެނެވޭތޯ. ޖަރުމަނުން މާބުލް ގެނެސްގެން އެ ކުލަތައް ގެންނަން މަސައްކަތް ކުރިން،" ޖަނާ ވިދާޅުވި އެވެ.

މިސްކިތުގެ މުހިންމު ކަންކަން

- އެއް ފަހަރާ 1،800 މީހުންނަށް ނަމާދު ކުރެވޭނެ

- މުޅި މިސްކިތް އޭސީކޮށްފައި

- ދިހަ މީހުންގެ ޖާގައިގެ ލިފްޓެއް ހުރޭ

- 29 މީހުންނަށް އެއްފަހަރާ ވުޟޫ ކުރެވޭނެ

- އަންހެނުންނާއި ފިރިހެނުންނަށް ވަކިން ނަމާދު ކުރެވޭނެ

- ނަމާދުކުރެވޭ ގޮތަށް ޓެރެހެއް ހުރޭ

- މުޅި މިސްކިތުގައި ސީސީޓީވީ ހުރޭ

މާވެޔޮ މިސްކިތުގެ މަސައްކަތް ލަސް ވެގެން އެކަން މަޖިލީހަށް ވެސް ހުށަހެޅި އެވެ. އެކަމާ ގުޅޭގޮތުން ޖަނާ ވިދާޅުވީ މިސްކިތް ތަޅާލައި އަލުން އިމާރާތްކުރަން ލިބުނީ ދެ އަހަރު ކަމަށާއި އެ ގޯތިތެރޭގައި ހުރި ޓްރާންސް ފޯމަރެއް ނުނެގުމުން މަސައްކަތަށް ހުރަސް އެޅުނު ކަމަށެވެ. އަދިވެސް އެ ޓްރާންސް ފޯމަރު ނަގާފައި ނުވާ ކަމަށް ޖަނާ ވިދާޅުވި އެވެ.

"މަސައްކަތް ކޮބާތޯ ލަސްވެފައި؟ އަޅުގަނޑުމެންނަށް މަސައްކަތްކުރަން ލިބުނީ ދެ އަހަރު. އެހެންވީމާ މަސައްކަތް ލަހެއް ނޫން. މިއީ އަޅުގަނޑު ﷲއަށް ޓަކައި ކުރި ކަމެއް. މިކަން މި ހާއްސަ ކުރަނީ ބައްޕައަށް،" ޖަނާ ވިދާޅުވި އެވެ.

އޭނާ ވިދާޅުވީ އެ މިސްކިތުގެ ހުރިހާ މަސައްކަތަކާއި މިސްކިތް ވަށައިގެން ޕޭވްމަންޓް ވެސް ހެދީ އަމިއްލަ ހަރަދުގައި ކަމަށެވެ. މިސްކިތުގެ ތަޅުމާއި ސިޑިތަކުގައި މާބުލް ޖަހާފައިވާއިރު އެއީ މިޒަމާނުގެ ފުރިހަމަ މިސްކިތެއް ކަމަށް ވެސް ޖަނާ ވިދާޅުވި އެވެ.

ޖަނާގެ ހަރަދުގައި މީގެ ކުރިން ވެސް ވަނީ ރާއްޖޭގެ އެކި ސަރަހައްދުތަކުގައި މިސްކިތްތައް ބިނާކުރައްވައިފައިވެ އެވެ.

އިސްލާމް މިސްކިތްތައް އިސްލާމިކް މިނިސްޓްރީ މުހައްމަދު އަލީ ޖަނާހު

34 ކޮމެންޓް, 284 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އިބިރިހިންބެއްޔާ

24 June 2020

ޝުކުރިއްޔާ ޖަނާ. ހެޔޮ ރަޙްމަތް ލައްވާށި. ޖަނާގެ ބައްޕާފުޅާއި ކާފާފުޅު ހިންގެވި މަގުން ޤައުމާއި ރައްޔިރުންގެ ޚިދުމަތުގައި ދެމިހުންނެވީތީ ޝުކުރިއްޔާ. ބައްޕައާއި ކާފަޔަށް ސުވަރުގޭގެ ނިޢުމަތް މިންވަރު ކުރައްވާށި. އާމީން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަހީމާއިބުރޭ

24 June 2020

50 މިލިއަން ހޭދަވުން އިޝޫއެއްނޫން އެކަމަކު ހޭދައިގެ އިޝޫއެއް ނެތިއްޔާ ލަސްވުން މީ ސުވާލުއުފެދޭކަމެއް. ކޮންޓްރެކްޓަރު ގެ ގޯހެއްތޯ . އެއާޕޯޓެއް ނިމި ރެސޯޓެއް ނިމޭއިރު މިމުއްދަތުގައި މިސްކިތެއް ނިންމާލެވެން ވާނެހެންހީވަނީ . ﷲގެ މަގުގައި ތިޔަ ކުރި މަތިވެރި ހޭދައަށް ހެޔޮ ޖަޒާ ދެއްވާށީ .

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަޙްމަދު އަލި ދީދީ

24 June 2020

"ޖަނާގެ ބައްޕާފުޅުގެ ހަނދާނުގައި،" މިހެން ބައްޕަ މަޓްކުރަން ފުޅެއް ނުލެވޭނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮލަމާފުށި

23 June 2020

50މިލިއަން ރުފިޔާ؟ ހާދަ ބައިވަރެއް؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަނބިލި

23 June 2020

ޖަނާހުއަށް ތިޔަ ކަ މުން ހެޔޮ ޖަޒާ ދެއްވާށިއެވެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝުކުރަން2

23 June 2020

ޝުކުރިއްޔާ ޖަނާ. ހެޔޮ ރަޙްމަތް ލައްވާށި. މިޒަމާނުގެ ޢިމާރާތްކުރުމުގެ ޓެކްނޮލޮޖީއާއި މެޝިނަރީތަކާއި ފަސޭހަތަކާއި ހިތްގައިމު ލުއިފަސޭހަކަން ގެނެސްދޭ އެންމެހައި އުފެއްދުންތަކުގެ ބާނީންނަށްވެސް ޝުކުރިއްޔާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަޑޫމިހާ22

23 June 2020

މިސްކިތް ބިނާކުރުމަކުން އަދި ތިމާ މީހުންނަށް ދޭންޖެހެ ފައިސާއަދާކުރެވުނީ ކީ ނޫން. ޝަންގްރިއްލާ ގަ މަސައްކަތް ކުރި ކޮންޓްރެކްޓަރުންނަށް ދޭންޖެހޭ ފައިސާކޮބާތޯ. ކޮބާތޯ އެތަށް ބޭރުމުވަޒަފުން ލައްވާ މަސައްކަތް ކުރުވާފަ ދޭންޖެހޭ މުސާރަ. ނޫސްތަކުގެ ފަލަ ސުރުޚީއަށް އެރިދާނެ ޤިޔާމަތް ދުވަހުން ޖަވާބުދާރީ ވާންޖެހޭކަން ދަންނާތި. މީސްތަކުންގެ ހައްޤުތަކަށް އަރައިގަނެފަ....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޚިޔާލު

23 June 2020

މިސްކިތުގެ ނަން ވިޔަފާރިވެރިއަކު ބޭނުންހާ ވަގުތަކު ބަދަލެއް ނުކުރެވޭނެ. ބަހާއުއްދީން މިސްކިތަކީ ރާއްޖޭގައި އުއްތަމަ ފަނޑިޔާރުކަން ކުރެެއްވި އައްޑު އަތޮޅު ހުޅުދޫ އިސްމާއީލް ބަހާއުއްދީނަށް ނިސްބަތްކޮށް ނަންދީފައިވާ މިސްކިތެއް. ބަހާއުއްދީނަކީ މަޝްހޫރު އެޅެހިށިގޭ ދޮންމަނިކުގެ ބައްޕަ.