ޓްރަމްޕް ހައްޔަރު ކުރުމުގެ އަމުރު ނެރެ، އިންޓަޕޯލުގެ އެހީ އަށް އީރާނުން އެދިއްޖެ

އެމެރިކާގެ ރައީސް ޑޮނަލްޑް ޓްރަމްޕް: އޭނާ ހައްޔަރު ކުރުމުގެ އަމުރެއް އީރާނުން ވަނީ ނެރެފައި. --ފޮޓޯ:އޭއެފްޕީ

ހަސަން އާމިރު، މިހާރު

30 ޖޫން 2020 - 13:06

ތެހެރާން (ޖޫން 30) - އެމެރިކާގެ ރައީސް ޑޮނަލްޑް ޓްރަމްޕް ހައްޔަރު ކުރުމުގެ އަމުރެއް އީރާނުން ނެރެ، ޓްރަމްޕް ހައްޔަރު ކުރުމުގައި އިންޓަޕޯލްގެ އެހީއަށް އެދިއްޖެ އެވެ.

އީރާނުން ނެރުނު އަމުރުގައި ވަނީ ޖެނުއަރީ 3 ގައި ބަޣުދާދު އެއާޕޯޓުގައި ދިން ޑްރޯން ހަމަލާގައި އެ ގައުމުގެ ގުދުސް ފޯސްގެ ޖެނެރަލް ގާސިމް ސުލައިމާނީ އަވަހާރަކޮށްލުމުގައި ބައިވެރި އެންމެން ހައްޔަރު ކުރުމަށް ގޮވާލައިފަ އެވެ.

އީރާނުގެ ޕްރޮސެކިއުޓާ އަލީ އަލްގަސިމާރް ވިދާޅުވީ ޓްރަމްޕުގެ އިތުރުން 30 މީހަކު ވަނީ ސުލައިމާނީ އަވަހާރަކޮށްލުމުގެ އޮޕަރޭޝަނުގައި ބައިވެރިވެފައި ކަމަށެވެ. ޓްރަމްޕް ފިޔަވައި އިތުރު މީހެއްގެ ނަމެއް ހާމަކޮށްފައެއް ނުވެ އެވެ. ނަމަވެސް އަލްގަސިމާރް ވިދާޅުވީ ޓްރަމްޕުގެ ވެރިކަން ނިމުނު ނަމަވެސް އޭނާގެ މައްޗަށް ދައުވާ ކުރާނެ ކަމަށެވެ.

އިންޓަޕޯލް އިން ބުނެފައި ވަނީ ސިޔާސީ، އަސްކަރީ، ދީނީ ނުވަތަ ނަސްލީ ކަންކަމުގެ ތެރެއަށް ވަނުމުގެ އިހްތިސާސް ލިބިފައި ނެތް ކަމަށެވެ.

އީރާނަށް ކަނޑައަޅާފައި ހުންނަ އެމެރިކާގެ މަންދޫބު ބްރިއަން ހޫކް ވިދާޅުވީ އެއީ އީރާނުން ޖެއްސި "ޕްރޮޕަގެންޑާ ސްޓަންޓެއް" ކަމަށެވެ. އަދި ސިޔާސީ ބޭނުމަށް އިންޓަޕޯލުން ރެޑް ނޯޓިސް ނުނެރޭނެ ކަމަށް އޭނާ ވިދާޅުވި އެވެ.

އީރާނުން ވަނީ ޓްރަމްޕާއި އިތުރު 30 މީހަކު ހައްޔަރު ކުރުމަށް އިންޓަޕޯލުން ރެޑް ނޯޓިސް ނެރުމަށް އެދިފަ އެވެ.

އީރާން ޑޮނަލްޑް ޓްރަމްޕް އެމެރިކާ

7 ކޮމެންޓް, 16 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ްއަދުރޭ

30 June 2020

ޓްރަމްޕަކާ ނުކުޅެވޭނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙުސަންބޭ

30 June 2020

އެމެރިކާގެ ރައްޔިތުންނޭ ކުރިއަށް އޮތް 4 އަހަރަށް ޓްރަމްޕް އެމެރިކާގެ ވެރިކަމަށް ނުގެންނާށެވެ. ގެނަސްފިނަމަ ޤައުމުގެ ދުވަސް ދުއްވާލާނެއެވެ. މީނައަށް ވެރިކަން ދިނުމަކީ މޮޔައެއްގެ އަތަށް ކަނޑިއެއް ދިނުންކަހަލަ ކަމެކެވެ. ކޮންމެވެސް ކުއްޖަކު އެމެރިކާގެ ރައްޔިތުންނަށް މިކޮމެންޓް ހާމަކޮށްދޭށެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެމެރިކާ ރައްޔިތުން

01 July 2020

ޝުކުރިއްޔާ ޙުސަންބޭ. އަޅުގަނޑުމެންނަށް މި ކޮމެންޓް ފެނި، ކިޔާ ފަހުމުވެސް ވެއްޖެ. އަޅުގަނޑުމެން މިހާރު ބޭނުންވަނީ ޙުސަންބޭ އަޅުގަނޑުމެންގެ ރައީސް ކަމަށް ގެންނަން. ޙުސަންބޭ ގެ ޙިކުމަތްތެރިކަމާއެކު އެމެރިކާ އާ އުސްމިންތަކަކަށް ގެންދެވިދާނެކަަމަށް އަޅުގަނޑުމެން ގަބޫލުކުރަން. ކޮންމެވެސް ކުއްޖަކު ޙުސަންބޭއަށް މި ފޯރުކޮށްދޭތި. "ޙުސަންބޭ ވިލް މޭކް އެމެރިކާ ގްރޭޓް އަގެއިން"