19 ޖުލައި 2020 - 16:06
10 comments
މިނިވަންކަމާއެކު މަގާމުގެ މަސްއޫލިއްޔަތުތައް އަދާކުރެވޭނެ މާހައުލެއް ނެތް ކަމަށް ވިދާޅުވެ، ހިިއުމަން ރައިޓްސް ކޮމިޝަން (އެޗްއާރުސީއެމް)ގެ މެމްބަރުކަމުން މޫސާ އަލީ ކަލޭފާނު ރޭ އިސްތިއުފާ ދެއްވައިފި އެވެ.
ރައީސް އިބްރާހިމް މުހައްމަދު ސޯލިހަށް ފޮނުއްވި އިސްތިއުފާގެ ސިޓީގައި ވިދާޅުވީ އެޗްއާރުސީއެމްގެ މެމްބަރުކަމުގެ މަސްއޫލިއްޔަތުތައް މިނިވަންކަމާއި މުސްތަގިއްލުކަމާއެކު އަދާކުރެވޭނެ މާހައުލެއް މިވަގުތު އޮތް ކަމަށް ގަބޫލުނުކުރައްވާ ކަމަށެވެ. އެހެންވެ ކޮމިޝަނުން އިސްތިއުފާދެއްވާފައިވާ ކަމަށް ވިދާޅުވި އެވެ.
ކޮމްޕެރެޓިވް ރިލިޖަންސް އިން މާސްޓާސް ހާސިލްކުރައްވާފައިވާ މޫސަ، އެޗްއާރުސީއެމަށް އައްޔަންކުރެއްވީ އޮގަސްޓް 27، 2015 ގަ އެވެ. އޭނާ އިސްތިއުފާ ދެއްވީ ވެސް، މަގާމުގެ މަސްއޫލިއްޔަތު އަދާނުކުރާ ކަމަށް ބުނެ އެޗްއާރުސީއެމްގެ މެމްބަރުން ވަކިކުރުމުގެ މަސައްކަތް މަޖިލީހުން ފަށާފައިވަނިކޮށެވެ. އަދި ކޮމިޝަންގެ ހަތަރު މެމްބަރެއްގެ ދައުރު ހަމަވާތީ، އެ ކޮމިޝަނަށް ކުރިމަތިލާން ވެސް ރައީސް އޮފީހުން ވަނީ ހުޅުވާލައިފަ އެވެ.
އެޗްއާރުސީއެމްގެ މެމްބަރުކަމުން މޫސަ އިސްތިއުފާ ދެއްވިއިރު، އެ ކޮމިޝަންގެ ރައީސް އާމިނަތު އީނާސް އަދި ކޮމިޝަންގެ މެމްބަރު އައިޝަތު އަފްރީން ވަނީ މިދިޔަ އާދިއްތަ ދުވަހު އިސްތިއުފާ ދެއްވައިފަ އެވެ.
އެ ކޮމިޝަންގައި މިވަގުތު ތިއްބެވީ ނައިބު ރައީސް މުހައްމަދު މުހައްމަދު ޒާހިދު އަދި މެމްބަރު ނައިވީން އަބްދުﷲ އެވެ. އޭގެ ތެރެއިން ނައިވީންގެ ދައުރު ވެސް އަންނަ ސެޕްޓެމްބަރު މަހު ހަމަވާނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޠާމީން އަހުމަދު
20 July 2020
ތީ ޓުރޭޑް މިނިސްޓުރީ އަޑީގަ އޮވެގެން އެތާތެރެއިން ހިންގާފަހުރި ހިއުމަން ޓެރެފިކިންގެ މައަސަލަތައްބަލާނެތީ ކުރާ ކަމެއް. އެ ހުރިހާ ބިދޭސީން ފޮނުވާލާފަ ނޫނޫ ތި ކޮމިސަނަށް މީހުން ނުހޯދާނެ. ފައްޔާޒު މަގާމުން ވަކިކުރަންޖެހޭ.
ޚަންދު
19 July 2020
މޭބިސްކަދުރު ހުތް ވީތާއެވެ.
އއ
19 July 2020
ހަތަރު އަހަރު ފަހުންދޯ ތިހެން ބުނެލަންވެސް އެގުނީ.
ތުނިޔަ
19 July 2020
އެވެސް މަޖިލީހުން ވަކިކުރަން އެޖެންޑާކޮށް، ވަކިކުރާނެކަން ޔަގީންވީމަ!
އިބްރާހިމް
19 July 2020
މމޫސާ އަލީ ކަލޭފާނަކީ މަޑު މަޑުން އިދެ، އެންމެ ހަރުކަށިކޮށް ކަންކަން ނިންމަން ގަދައަޅާ މީހެއް. މިނިވަން މުއައްސަސާއެއްގެ މަޤާމެއްގައި ހުންނަ މެންބަރެއްގެ ކިބައިގައި ހުންނަންޖެހޭފަދަ ހިތްވަރެއް، މިނިވަންކަމެއް ކަލޭފާނުގެ ކިބައިގައި ނެތް. ކޮރަޕްޝަނުގެ ބޮޑު ތުހުމަތެއް ކުރެވި ދައުވާވެސް ކޮށްފައިވާ މީހެއް.
އަންތަރު ބިން ޝައްދާދު
19 July 2020
މޫސާޢަލީ ކަލޭފާނަކީ އަހަރެން ވަރަށް ކުރީއްސުރެ ދަންނަ ބޭފުޅެކެވެ.މަޑުމައިތިރި، އަޅުވެރި ،ބަސްމަދު ، ހިތްތިރި ބޭފުޅެއްގެ ގޮތުގައި ގިނަބަޔަކު ގަބޫލުކުރާ ބޭފުޅެކެވެ.ފާއިތުވެގެންދިޔަ 4 ސަރުކާރުގައިވެސް މޫސާ ޢަލީ ކަލޭފާނުގެ އަގުހުރި ޚިދުމަތްތައް އޭނާ ވަނީ ރައްޔިތުންނަށް ފޯރުކޮށްދެއްވާފައެވެ.މިފަދަ ބޭފުޅަކު މަގާމުގެ މަސްއުލިއްޔަތު އަދާކުރެއްވޭނެ މާހައުލެއް ނެތޭ ވިދާޅުވެ އިސްތިއުފާ ދެއްވުމަކީ ވަރަށްފުންކޮށް ވިސްނަންޖެހޭ ކަމެކެވެ.
ޢަޒީޒާ
19 July 2020
ސުނާ މީ ފަންޑުން 1.6 މިލިއަން ޑޮލަރުގެ ކޮރަޕްޝަންގެ ތުހު މަތުގައި ތަހުގީގުކޮށް ދައުވާކުރާ ހިސާބަަށް ގޮސްފައިވާ މީހެއް މީނައަކީ.. މި މަގާ މަށް އަށްޔަންވެސް ކުރަންނުވާވަރު މީހެއް... މީވަރު މީހަކު މަގާ މަށްހޮވާ މިހާދުވަހު ބެހެއްޓު މަކީވެސް މިގައު މުގެ މަޖިލީހުގެ ކަނޑަކަން
ދޯބެ
19 July 2020
ހިޔަޅަށްވެސް ވީ ތިކަހަލަ ގޮތެއް..
ބޮސްގެ ބޮސް
19 July 2020
ގައު މު ފުނޑާލައިފި....އެޖެންޑާ 19 އޭ ...ޖަޒީރާ ރާއްޖެއޭ ކިޔައިގެން!
ދޮންކެޔޮ
19 July 2020
ގައުމު ފުނޑާލަންވީ ކީއްވެހޭ..؟ ގައުމުފުނޑާލައިގެން ފައިދާއެއްވާތީތަ..؟