02 އޯގަސްޓް 2020 - 20:23
22 comments
ހައި ރިސްކް މީހަކު ދިރިއުޅޭ ގެއިން ބަޔަކު ކޮވިޑް-19އަށް ޕޮޒިޓިވްވުމުން ވެސް އެމީހުން ނުގެންގޮސް ގޭގައި ދުވަސްތަކެއް ވަންދެން ބައިތިއްބަން ޖެހުމުގެ ޝަކުވާ، އެ އާއިލާއިން މިއަދު ކޮށްފި އެވެ.
ޖުމްލަ 12 މީހުންގެ ބޮޑު އާއިލާއެއް އުޅެމުން އަންނަ ގެއިން މިހާތަނަށް ފަސް އަހަރާއި ނުވަ އަހަރުގެ ފިރިހެން ދެ ކުއްޖެއްގެ އިތުރުން ހަތަރު މީހަކު ވަނީ ބައްޔަށް ޕޮޒިޓިވްވެފަ އެވެ. ކެންސަރު ބައްޔަށް ފަރުވާ ހޯދަމުން އަންނަ އެގޭ އަންހެނަކު، ނަން ނުޖަހަން ޝަތުރުކޮށް، ބުނީ ބަލިމީހުން ގެންދިއުމުގައި ލަސްވުމަކީ އޭނާއަށާއި ގޭ އެހެން މީހުންނަށް ވެސް އޮތް ނުރައްކަލެއް ކަމަށެވެ.
އޭނާ ކިޔައިދިން ގޮތުގައި ގެއިން އެންމެ ފުރަތަމަ ޕޮޒިޓިވްވީ އޭނާގެ ބޭބެ އެވެ. އޭގެ ފަހުން އުމުރުން 73 އަހަރުގެ މަންމަ އާއި އެއްބަނޑު އެއްބަފާ އަންހެން ކޮއްކޮއެކެވެ.
"ބޭބެ މަސައްކަތްކުރަނީ އެއާޕޯޓުގައި. ޑިއުޓީ ނިންމާފައި ހުން ފާޑު ވީމާ ގެއަށް ނައިސް އަވަހަށް ފްލޫ ކްލިނިކަށް ގޮސް ޓެސްޓު ހަދާފައި ދެން އެހެން ގެއެއްގައި ވަކިން ކޮޓަރިއެއްގައި އޭނާ ހުރީ ގެންދަން ދެން ވެސް،" އަންހެންމީހާ ބުންޏެވެ.
އޭނާ ބުނީ މިދިއަ މަހު 24 ގައި ބޭބެ ގެންދިއުމާ ހަމައަށް ކަމާ ބެހޭ ފަރާތްތަކުން ރަނގަޅަށް ކަންކަން ކުރި ކަމަށެވެ. އޭގެ ފަހުން މިދިއަ މަހު 26 ގައި ދެން ތިބި އެންމެންގެ ސާމްޕަލް ނެގި އެވެ. އަނެއް ދުވަހު ނަތީޖާ ލިބުނު އިރު މަންމަ އާއި އަންހެން ކޮއްކޮ ޕޮޒިޓިވް އެވެ.
އެހާ ހިސާބުން ދެން ރަސްމީ ފަރާތްތަކުން ކަން ކުރަމުން އައީ ރަނގަޅަށް ނޫން ކަމަށް، އޭނާ ބުންޏެވެ. ބަލާ އަންނަންދެން މަންމަ އާއި ކޮއްކޮ އެކަހެރިކޮށްގެން ކޮޓަރިއެއްގައި ދެ ދުވަހު ގެންގުޅުނެވެ.
"ކޮޓަރިން ނުނިކުމެ ދެ ދުވަސް ވަންދެން އެ މީހުން ގެންގުޅުނީ. ކާ އެއްޗެހި ދިނީ ކޮޓަރީގެ ބޭރުގައި ބަހައްޓައިގެން،" އޭނާ ކިޔައިދިނެވެ.
ދެ ދުވަސް ފަހުން މަންމަ އާއި ކޮއްކޮ ބަލާ އައީ، އޭނާ ބުނި ގޮތުގައި، "އަޅުގަނޑުމެން އެތައް ފަހަރަކު ގުޅި ފަހުން"ނެވެ.
އެ ހިސާބުން ވެސް ބިރު ފިލައިގެން ނުދެ އެވެ. ބޭބެ ޕޮޒިޓިވްވުމުން ގޭގެ ބޮޑެތި މީހުންގެ ސާމްޕަލްތައް ނެގި އިރު، މަންމައާ އެކު ޕޮޒިޓިވް ވި އަންހެން ކޮއްކޮގެ ފިރިމީހާގެ ސާމްޕަލް ވެސް ނެގި އެވެ. އެކަމަކު އެ މީހުންގެ ފަސް އަހަރުގެ ފިރިހެން ދަރިފުޅުގެ ސާމްޕަލެއް ނުނަގަ އެވެ.
އޭނާ ބުނި ގޮތުގައި ޅިޔަނުގެ ސާމްޕަލަށް ވީ ގޮތެއް ނޭނގުނެވެ. އެހެންކަމުން ދަރިފުޅު ގޮވައިގެން ބޭރަށް ނުކުމެ މަގުމަތިން ސާމްޕަލް ނަގާ ބަޔަކާ ބައްދަލުކޮށް އަނެއްކާ ދެބަފައިން އެކުގައި ސާމްޕަލް ދިނެވެ. ނަތީޖާ ލިބުނު އިރު، ދެބަފައިން ވެސް ޕޮޒިިޓިވް އެވެ.
"ކޮއްކޮގެ ފިރިމީހާ ފުރަތަމަ ދިން ސާމްޕަލަށް ވީ ގޮތް ނޭނގުމަކީ ވެސް މައްސަލައެއް،" އަންހެންމީހާ ބުންޏެވެ.
އަނެއްކާ ދެބަފައިން ވަކި ކޮޓަރިއެއްގައި ގެންގުޅެނިކޮށް އެ މީހުން ގެންދިޔައީ މިދިއަ ބުރާސްފަތިދުވަހު އެވެ.
އެ އާއިލާ އިން ހަ ވަނައަށް ޕޮޒިޓިވްވީ، ނުވަ އަހަރުގެ ފިރިހެން ކުއްޖެކެވެ. އެ ކުއްޖާ ހުންއައުމުން އައިޖީއެމްއެޗަށް އެމަޖެންސީގައި ގެންގޮސް ޓެސްޓް ހެއްދުވީ އެވެ. މިހާރު ކޮޓަރިއެއްގައި ވަކިން ބަލަހައްޓަނީ އެ ކުއްޖާ އާއި އޭނާގެ މަންމަ އެވެ. މަންމަ ކުރިން ހެދި ޓެސްޓުން ދައްކަނީ ނެގެޓިވް ކަމަށެވެ.
"ބަލިމީހުން ނުގެންދާތީ ގުޅީމާ ކޮންމެ ފަހަރަކު ވެސް ފުރަތަމަ އަހަނީ ތިގޭގައި ހުރީ ކިތައް އަކަފޫޓުތޯ،" ހިތްހަމަނުޖެހުންތަކާ އެކު އަންހެންމީހާ ބުންޏެވެ.
"އެހެން އަހާތީ ރުޅިވެސް އާދޭ، ހިނި ވެސް އާދޭ. އަކަފޫޓެއް ނޫން ދޯ މައްސަލައަކީ. މާލޭގައި އެންމެން ވެސް މި އުޅެނީ ތޮއްޖެހިގެން."
އޭނާ ބުނީ ކެންސަރުގެ ބައްޔަށް ފަރުވާ ހޯދާތީ އޭނާއަކީ ހައި ރިސްކް މީހެއް ކަމުން، އުޅެނީ ވަރަށް ބޮޑަށް ބަލައިގެން ކަމަށެވެ. މަންމަ އާއި ކޮއްކޮ ގެންދިއުމުން ބޭރުން ބަޔަކު ގެނެސް ކޮޓަރި ޑިސްއިންފެކްޓްކުރި ކަމަށާއި "މިހާރު ވެސް މި އުޅެނީ އަބަދު ތަންތަން ޑިސްއިންފެކްޓްކުރަމުން" ކަމަށް އޭނާ ބުންޏެވެ.
"ވަރަށް އުނދަގުލުން، ވަރަށް ހާސްކަމުގައި މި އުޅެނީ ޕޮޒިޓިވް ބަޔަކު ގޮވައިގެން،" އަންހެންމީހާ ބުންޏެވެ.
"އަޅުގަނޑުމެން އެދެފިން އަލުން ގޭ އެންމެން ޓެސްޓު ކުރަން ވެސް. ހާއްސަކޮށް އަޅުގަނޑު. ގުޅާ ކޮންމެ ފަހަރަކު ބުނާނެ އާނ އެނގެޔޭ، ހައި ރިސްކް ވީމަ ހާއްސަ ސަމާލުކަން ދެމޭ. އެކަމަކު އެބުނާ ސަމާލުކަމެއް ދެވޭ ނަމަ ޕޮޒިޓިވް މީހުން ދެ ދުވަސް ވަންދެން ގޭގައި ނުބައިތިއްބާނެ ނޫންތޯ؟"
ކޮވިޑް-19 އަށް ޓެސްޓްކުރަން ނެގި ސާމްޕަލެއް އާރްއާރްޓީމްގެ މެމްބަރަކު ބަންދުކުރަނީ: ބަލި ޖެހޭ މީހުންގެ އަދަދު ދަނީ މައްޗަށް
ސާމްޕަލްތަކަށް ވީ ގޮތް ނޭނގޭ އެހެން ހާދިސާއެއް
ނަގާ ބައެއް ސާމްޕަލްތަކަށް ވާނުވާ ނޭނގުމުގެ މައްސަލަ ދިމާވީ، އެ އަންހެންމީހާގެ އާއިލާއަށް އެކަންޏެއް ނޫނެވެ. "މިހާރު"އާ ވާހަކަ ދެއްކި އެހެން އާއިލާއެއްގެ މީހަކު ވެސް ބުނީ އެމީހުންގެ ސާމްޕަލްތަކަށް ވީ ގޮތް އެޗްޕީއޭއަށް ވެސް އަދި ނޭނގޭ ކަމަށެވެ.
އެ އާއިިލާ ނިސްބަތްވާ ދައްތައެއްގެ ގެއިން އެންމެން ޕޮޒިޓިވްވި އެވެ. ދައްތަ ޕޮޒިޓިވްވުމުގެ ކުރިން އޭނާގެ އާއިލާއާ ބައްދަލުވެފައި އޮތުމުން، މުޅި އާއިލާ އައިސޮލޭޓްކޮށް ފުރަތަމަ ހެދި ޓެސްޓް ނެގެޓިވް އެވެ. އަދި 14 ދުވަހުގެ ކަރަންޓީނަށް ފަހު ދެވަނަ ސާމްޕަލް ނެގީ މިދިޔަ ބުދަދުވަހު އެވެ.
"އެ ދުވަހު ހެނދުނު އަށެއް ޖެހި އިރު ގުޅައިފި ސާމްޕަލް ނަގަން. ދެން 11 ޖެހި ފަހުން އައިސް ސާމްޕަލް ނަގައިގެން ދިޔަ އިރު ހިސާބުގަނޑު މީހުން ވެސް ތިބި ބަލަން،" އޭނާ ބުންޏެވެ.
"އަނެއްކާ އެރޭ ގުޅައިފި ސާމްޕަލް ނަގާށޭ ކިޔާފައި."
އެ ދުވަހު ހެނދުނު ސާމްޕަލް ނެގި ވާހަކަ ބުނުމުން ލިބުނު ޖަވާބަކީ، އޭނާ ބުނި ގޮތުގައި، "އެހެން ހެއްޔޭ" އެވެ.
"އަދިވެސް އެމީހުންނަކަށް އެ ސާމްޕަލްތަކަށް ވީ ގޮތެއް ނޭނގޭ. ތިން ދުވަސް ވެއްޖެ މިހާރު. ގުޅާ ކޮންމެ ފަހަރަކު މި ބުނަނީ ތިކަން އެބަ ބަލަމޭ."
މި ހާދިސާތަކުން އެނގެނީ، ކަމާ ބެހޭ ފަރާތްތަކަށް އޮތް ގޮންޖެހުން ބޮޑުވަމުން ދާ ކަމެވެ. ސިއްހީ އެހީތެރިން ހޭބޯނާރާ މަސައްކަތް ކުރަމުން އަންނަ ނަމަވެސް، ޕޮޒިޓިވްވާ މީހުން އާދަޔާ ހިލާފަށް ގިނަވުމަކީ، ބަލިމީހުން ބައިތިއްބާ ތަންތަން ފުރުމާއި، ސާމްޕަލް ނަގަން ވެސް ކުރިމަތިވާ ހުރަހެއް ކަމަށް ބެލެވެ އެވެ. އެހެންކަމުން އެ މަސައްކަތުގައި ގޯސްތައް ހެދޭކަމުގެ ކަންބޮޑުވުން، އެކި މީހުން ގެންދަނީ ފާޅުކުރަމުންނެވެ.
ތަޖުރިބާކާރުން ލަފާކުރާ ގޮތުގައި ކޮވިޑް-19ގެ ނުރައްކާ ކުރިއަށް އަދި އޮތީ އެވެ. އިއްޔެ އަކީ އެންމެ ގިނަ ދިވެހިން ޕޮޒިޓިވް ވި ދުވަހެވެ. އެގޮތުން އިއްޔެ އެކަނި 134 ދިވެއްސަކަށް ކޮވިޑް-19 ޖެހުނެވެ. އެ ބަލީގައި ރާއްޖެއިން މިހާތަނަށް 17 މީހަކު މަރުވެއްޖެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކޮވިޑް މެކުހަށް
03 August 2020
މިހާރު މާލޭގަ ކޮވިޑް މިއޮތީ، މެކުހަށް ޖަހާފަ އެވެ. ފަރުވާދޭ ފަރާތްތަކަށް ވެސް ސަކޭގާ ނުވާވަރަށެވެ. މިފެންނަނީ އެމީހަކާ އެމީހެއް ކިޔާފައި އުޅުމުގެ ނަތީޖާ އެވެ. ދުލެއް ދިނީމައި، މީހުންގަނޑު ނިކުތީ ކޮށްޓަކުން ބަކަރި އައިނެއް ނިކުންނަ ގޮތަށެވެ. ކޮވިޑް ބޮއްސުންލީމައި، އިންތިޒާރު ކުރަންޖެހޭ ވަޤުތު ވެސް ގިނަވާނެ އެވެ. ދެންވެސް ކެތްތެރިވާށެވެ! ﷲއަށް ދުޢާކޮށް ހެނދުނާއި، ހަވީރުގެ ޛިކުރުތައް ކިޔުންމަތީ ދެމިތިބޭށެވެ! އެއަށްފަހު ﷲއަށް ވަކީލް ކުރާށެވެ!
ހަސަނު
03 August 2020
މިހާރި ވެއްޖެ ޕޮސިޓިވް މީހުން ބަހައްޓާފާ ހައިރިސްކު އެންމެން ކޮންމެސް އެހެން ރަށަކަށް ބަދަުކުރަން.....
ދޮން ހުސޭނު
03 August 2020
މީ އަރަތެއްކަހަލަ ގައުމެއް. ބަލަ މިޔޮއް ހުރިހާ ދުވަހު ގޭބަންދުކޮށްގެންނާ އެގޮތް މިގޮތުން ތަޅައިމަރައިގެން ވެސް މި އުޅުނީ ބަލިނުޖިހި ތިބެވޭތޯ. އެގޮތެއް ވެސް ކަމަކު ނުދިޔަ. ދެން ބަލިޖެހެން ފެށިމާ ގެންދާލެއް ލަސްވެގެން އުޅޭއިރު، މިދުވަސް އައިސްދާނެވާހަކަ ކިހާވަރަކަށް މާހިރުން ދެއްކިބާ. އެވާހަކަ އަޑުއަހާކަށް ބޭނުމެއްނުވި. މިހާރު އަޑުއަހަން މިޖެހެނީ މަށައް ލަސްވެގެން އުޅޭ ވާހަކަ.
ބުރޭ
03 August 2020
ޕްރެސް ކޮންފަރެންސްގެ މޮޅުވާހަކަ އާ އެްވަރަށޤ ނުވަތަ ގާތަށޤވެސް ކަންކަން ނުވާކން މި އިނގެނީ މި މިހާރަކަށް އައިސް ވަރަށޤ އާއްމުވެއްޖެ ކަމެއް.
ޖާހިލު
03 August 2020
ޕްރެސް ކޮންފަރެންސްގައި ވާހަކަ ދެއްކިޔަސް ނުދެއްކިޔަސް ފަރުދީ ޒިންމާ ބޮޑު ކަމެއްގައި އެމީހުން ކުރާނެ ކަމެއް ނޯންނާނެ. ސިސްޓަމަށް ނުކަތައިގެން އޮބި ނޯވެގެން ދިޔައިމަ ދެން ނުދައްކާތި ސިއްހީ މާހިރުންގެ ވާހަކަ. ފުރަތަމަ ފަރުދީ ޒިންމާ އަދަކޮށްބަލަ.
ކަކުނިބޯ
02 August 2020
ހާދަ އިގަނައިޒޭ މިހާވަރަށް ކަންކަން ތަރުތީބުކުރެވޭނީ ބަޔަކަށް ދައުލަތް ހުއްޓުވާ ރައްޔިތުން ބަންދުކޮށްގެން
ތަޅުދަނޑި
02 August 2020
ބަލި ބޮޑުވާ ވަަރަކަށް ހަމަ ތިފަދަ ޝަކުވާތައް ގިނަވާނެ. ތި ޝަކުވާތައް ބަދަލުކޮށް ލުމުގެ ތަޅުދަނޑި ވެސް އޮތީ ރައްޔިތުން އަތުގައި. އެޗްޕީއޭ އިން އަންގާ ގޮތަށް ރައްކާތެރި ކަމުގެ ފިޔަވަޅު އަޅައިގެން ފަރުދީ ޒިންމާ އަދާ ކުރުމުގައި ތަންކޮޅެއް ޒިންމާދާރު ވެލާ. އޭރުން އެންމެން އެކީ މިކަމުން އަރައިގަނެވޭނެ.
ދިރާސާާ
02 August 2020
މި ގައުމުގެ މީހުން ބޭރު ދުނިޔޭގެ ހަބަރުތައް ބަލާ ހަދާނަމަ ތަންކޮޅެއް ސިކުނޑި ހުޅުވުނީސް. އެމެރިކާގައި ވެންޓިލޭޓަރު ހުސްވެގެން މީހުން މަރުވާން ދޫކޮށްފައި އެބަހުރި. އިޓަލީގައި ޓެސްޓު ނުކުރެވިގެން އެތައް ބަޔަކު މަރުވެގން ގޮއްސި. އަދި އިނގިރޭސިވިލާތުގައި އެބަހުރި ސިއްހީ ނިޒާމަށް ނޯޓިފައި ނުވަނީސް އެތައް ބަޔަކު މަރުވެގެން ގޮސްފައި. މި ހުރިހާ ގައުމެއްގައިވެސް މުގުލުގައި އޮތީ އެއް މައްސަލައެއް. ސިސްޓަމަށް ކެތްނުކުރެވުން. މީގެ ހައްލަކީ ފަރުދީ ޒިންމާ.
ކަސަބު
02 August 2020
ބަލިވާ މީހުން ގިނަވީމަ ޝަކުވާތައް ގިނަވާނެ. ވަގުތުން ވަގުތައް ފިޔަވަޅު ނޭޅިވެސްދާނެ. ވަސީލަތްތައް އެންމެ ފުރިހަމަ ގައުމުތަކުގައިވެސް ތިމައްސަލަ ކުރިމަތިވޭ. ހުރިހާ މީހުންވެސް ބަލައިގެން އުޅޭނަމަ ބަލި ފެތުރުން މަދުވާނެ.
ކަކުނިބޯ
02 August 2020
ބަލިނެތްނަމަ ޔަޤީން ބަލިނިޖިހޭނެކަން ޗައިނާ މީހުންނަށް ބަލިޖެހުނުއިރު ފިލްމު ޑިސްއިންފެކްޝަން މާލެ ސިޓީކައުންސިލުމް ކުޅުނު
އަސްތާ
03 August 2020
އެކަމު ނޯޓިސްގަނޑެއް ހަރުކޮށޤލެވޭނެ. ފުޑޤ ޑެލިވަރީ ކުރާތަންތަނުންވެސް ދުވާލަކަށް ތަނަކުން 200،300 ކަޑޭލިވަރީ ހަދާ، އެހެންވީރު މިފަދަ ބޮޑު އޮޕަރޭސަނެއްގަ ނޯޓިސްގަނޑެއް ހަރުކޮށޤނުލެވެންޏާ ދެރަ.
ބޯގަޅި
02 August 2020
އެންމެ ނުބައި ހާލަތައްވެސް ތައްޔާރޭކިޔާފަ 3 މަސްތެރޭ ބަޖެޓުހުލިކޮއްލައިފި ޕާޓީބޮޑުންގެ ކޭކެއްފަޅާފަ ބަހާލިހެން . ކޮބާ އަދިވެސް އެޑްވާންސް ފައިސާދިން ވެންޓިލޭޓަރ ތަކުގެ ހަބަރެއްނުވޭ.
ބާޑީފަށުން
02 August 2020
އޯޑަރު ކުރި ވެންޓިލޭޓަރު ތަކުގެ 80% ލިބިއްޖެ. ތިބޭފުޅާ ހަބަރުތައް ކިޔާ ވާނުވާ ބަލާނަމަ އެނގޭނެ. މިހާރު ނޫހުގައިވެސް ވަރަށް ތަފްސީލުކޮށް ލިބުނު ވެންޓިލޭޓަރުގެ ވާހަކަތައް ގެނެސްފައިވޭ. މިކަމުގައިވެސް ފަރުދީ ޒިންމާ އަދާކުރީމަ ވާނުވާ އެނގޭނީ. ދެން އަނެއްކާ ނުބުނައްޗޭ ހަބަރުވެސް ލަވައިދޭންށޭ ޖެހޭނީ.. ހެހެ
ހީނާ
02 August 2020
ޑރ. ޝީނާ ޕްރޮޖެކްޝަންތައް ހެދީމަ މި ގައުމުގައި އުޅޭ ރޯނުއެދުރުން އެ ބޭފުޅާއަށް ޖޯކު ޖަހާނީ. އެކަމަކު ހިސާބުތައް ޖަހައިދީފައި ފާއިތު 5 މަސް ދުވަސް ވަންދެން ސިއްހީ މާހިރުން ތަކުރާރުކޮށް ބުނަމުން ދިޔައީ ފަރުދީ ޒިންމާ އަދާނުކޮށް ބަލި ބޮޑުވެއްޖެ ނަމަ ސިސްޓަމަށް ކެތް ނުކުރެވޭނެ ވާހަކަ. އަދިވެސް އެ މީހުން އެ ބުނަނީ މިއަށްވުރެ ހާލަތު ގޯސްވެދާނެއޭ، ގައިޑްލައިންތައް ފޮލޯ ކުރާށޭ. އެކަމަކު މާސްކު އަޅާ މީހެއް ކޮބާ؟ ގައިދުރު ކުރާ މީހެއްކޮބާ؟ ހުސް ޝަކުވާ އެކަމަކު!