14 ސެޕްޓެމްބަރ 2020 - 19:40
12 comments
ސިވިލް ސާޥިސް ކޮމިޝަންގެ މަސައްކަތްތައް ހަލުވިކޮށް، މިހާރަށް ވުރެން ހަރުދަނާކޮށް މަސައްކަތްތައް ކުރިއަށް ގެންދަން އާ މެމްބަރުންގެ ކިބައިން ނައިބު ރައީސް ފައިސަލް ނަސީމް މިއަދު އެދިވަޑައިގެންފި އެވެ.
އެ ކޮމިޝަނަށް ދާދި ފަހުން އައްޔަންކުރެއްވި މެމްބަރުންނަކީ ފާތިމަތު ޝަރީފާއި މުހައްމަދު ނާސިހާއި މުހައްމަދު ފަރުސަތުގެ އިތުރުން އިބްރާހިމް ރަޝީދެވެ.
ރައީސް އޮފީހުން ބުނިގޮތުގައި ސިވިލް ސާވިސް ކޮމިޝަނުގެ މެމްބަރުންނާ ބައްދަލުކުރައްވައި ސިވިލް ސާވިސް ކޮމިޝަނުގައި ހުރި މައްސަލަތައް ވީ އެންމެ އަވަހަކަށް ހައްލުކޮށް ކޮމިޝަންގެ ފެންވަރު ރަނގަޅު ކުރުމަށް މަސައްކަތްކުރުމަށް މެމްބަރުންގެ ކިބައިން އެދިވަޑައިގަތެވެ. އަދި ކަންކަން އިންތިޒާމުކުރާ އިރު ނުކުޅެދުންތެރިކަން ހުންނަ މީހުން ތަފާތު ނުވާނެ ގޮތަށް ކުރުމަށް ނައިބު ރައީސް އެދިވަޑައިގެންނެވި ކަމަށް ވެސް ރައީސް އޮފީހުން ބުންޏެވެ.
ނައިބު ރައީސް ފާހަގަކުރެއްވި ގޮތުގައި، ސަރުކާރުގެ ސިޔާސަތުތައް ތަންފީޒުކުރުމުގައި އެންމެ މުހިންމު އެއްބަޔަކީ ސިވިލް ސާވިސްގެ މުވައްޒަފުންނެވެ. ސިވިލް ސާވިސްގެ ހިދުމަތުގެ ފެންވަރު މަތިކުރުމާއި ހުރިހާ ފަރާތްތަކެއް ގުޅިގެން އެއް އަމާޒަކަށް މަސައްކަތްކުރުމުގެ މުހިންމު ކަމުގެ މައްޗަށް ވެސް އެމަނިކުފާނު ވާހަކަފުޅު ދެއްކެވި ކަމަށް ރައީސް އޮފީހުން ބުންޏެވެ.
މި ބައްދަލުވުމުގައި ސީއެސްސީގެ މެންބަރުން ވަނީ، އެ ކޮމިޝަންގެ ކުރިމަގު ބައްޓަންކުރުމުގައި ވިސްނުން ގެންގުޅުއްވާ ގޮތް ނައިބު ރައީސާ ހިއްސާކުރައްވައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހޮޅި-3
16 September 2020
ފުރަތަމަ 10 ދުވަސް ވީ އިރަށް މިމީހުންގެ ކޮރަޕްޓް ކަން ފެންނަން މިފެށީ. ކީއްވެހޭ ކޮމިޝަން ގަ ސްޓާފުންނާއި ސަރުކާރު އޮފީސް ތަކުގެ އެއްމަޤާމެއގައި މުސާރައިގެ އެހާބޮޑު ތަފާތު ކުރުން ތަކެއް ހުންނަނީ.
ފަރުމާ
16 September 2020
ނުބައި ނުލަފާ ކޮރަޕްޓް ކޮމިޝަން އެއް ތިޔައީ ހުސް، ވިކިފައި
ލައިލާ
15 September 2020
ކޮން ހަރުދަނާއެއްވާނީ.ސިވިލްސާވިސްގެ އެކި އޮފީސް އޮފީސް ތަކުން އެކި ގޮތްގޮތަށް އިތުރުގަޑިއާއި ބަންދު ދުވަސް ދޭއިރު އެމީހުން އެތިބެނީ.ސިޓީ ލީމަވެސް އަޅާވެސްނުލާ.ރަސްމީ ބަންދު ދުވަހުގެ 10 ދުވަހު މަސައްކަތް ކުރިޔަސް އެކައްޗެއްވެސް ނުލިބޭ.އެއިތޯ އެކަންއޮންނަ ގޮތަކީ...އިތުރު ދުވަހުގެ ފައިސާ ނުލިބޭ.ބަންދު ދުވަހުގެ ފައިސާ ނުލިބޭ.އެކަމަކު ގާނޫނުގަ އެބައޮވޭ ދޭންޖެހޭނެކަމަށް.
ސިމްޕަލް
15 September 2020
ހިތާމައާއެކު ބުނަންޖެހެނީ އެއްދުވަހު އިރުއަރައިގެން އައިއިރު ރާއްޖެއަށް އައި ޑިމޮކްރަސީއާއެކު މިހާތަނަށް އެންމެ ތަރައްގީނުވެ އޮތް މުއައްސަސާއަކީ ސިވިލް ސާވިސް ކޮމިޝަން ކަމަށް. ސަރުކާރުގެ އޮފީސްތަކުގެ ހިންގުމުގެ ދާއިރާގައި 20-30އަހަރު މަސައްކަތްކޮށްފައިތިބި ތައުލީމީ މީހުން ކުރިމަތިލީމަވެސް މަޖިލިހުން ނުހޮވުނު. ކޮންމެ ސަރުކާރަކުންވެސް ބަލަނީ އާބަޔަކު ކަމިޝަނަށް ލައިގެން ކުރިއަށްދާން.
3210
15 September 2020
ދުވާލު ގަޑީގައި ނެރޭނ ސަރކިޔުލަރއެއް. އެރޭ ނެރޭނެ އޭގެ އިސްލާހް. މިހާވަރަށް ހަރުދަނާވާނީ
ކެޔޮނިރު
15 September 2020
ކޮންމެ މީހަކުވެސް އިގިލި ދިއްކުރަނީ ސީ.އެސް.ސީ މުވައްޒަފުންނަށް ބަލަގަ މިހާރު ގައުމު މިހިގަނީ ޕާޓީ ނިޒާމަށް. ޕާޓީނިޒާމުގެ ތެރެއިން ހިންގާ ވެރިކަމެއްގައި ވާގޮތަކީ ޕާޓީން ހޮވާ މާވަޑި މީހާ ތަންތަނުގެ އިސްމަގާމުތަކަށް އައިމާ އެމީހާ ކިއްސަރު ވަޑާމަށް ކަމަކު ނުދޭ ތެދުއި ވަޑާމަކަށް ކަމަކު ނުދޭ. އެމީހާއަށް އުއި ޖަހައިދެވޭ ގޮތަކަށް އަތްދަށު ވަޑިންނަށް ލަކުޑިގަޑު ކޮށޭނީ. ކޮށަން މިތިބެނީ ސީ.އެސް.ސީ މުވައްޒަފުން. ދެން ބުނަންވީ އެމީހުން ކަމަކުނުދޭ މީ ވަގޮތަކީ.
ސަޢީދު
14 September 2020
އެމީހުން ކަމަކީ ދެފުށު އެޅޭ ގޮތަށް ފުލު ފުލުގަ ސަރކިއުލަރ ނެރުން ޢަމަލުކޮށް ހިންގާނެ ވަގުތެއް ނުލިބޭ
ހަންޏާމީދޫ ޙަސަނު
14 September 2020
ސިވިލް ސަރވިސް ހިންގަންވީގޮތް ސިވިލް ސަރވިސް ގާނޫނުގައި ބަޔާންކުރޭ. އެ ގާނޫނާ އެއްގޮތަށް ސިވިލް ސަރވިސް ހިންގީމާ، އެތަން ހަރުދަނާވާނެ.
ޖަމަލު
14 September 2020
ސީއެސްސީ ހަރުދަނާ ނުވާނެ ދައުލަތުގެ އެންމެ ދަށް މުސާރަ ލިބޭ ބަޔަކީ ސިވިލް ސްޓާފުންނަށް ވެފައޮންނަހާ ހިނދަކު
ނޫހު
14 September 2020
ތިތަން މިހާރު ހިގާގޮތަށް ރައްޔިތުންނަށް ޚިދުމަތެއް ނުދެވޭނެ. ތިތަނުން ރައްޔިތުންނަށް ޚިދުމަތެއް ދެވޭނީ ސިޔާސީ މީހުންނަށް ސިވިލްސާވިސް އެއް އޮތުމުގެ ބޭނުން އެނގިގެން.