އިންޑިއާއިން ރާއްޖެއަށް ދިން 250 މިލިޔަން ޑޮލަރުގެ ލޯނުގެ ލިއުމާއި ފޮރިން މިނިސްޓަރު އަބްދުﷲ ޝާހިދު އަދި ފިނޭންސް މިނިސްޓަރު އިބްރާހީމް އަމީރު ހަވާލުވެވަޑައިގަންނަވަނީ.
20 ސެޕްޓެމްބަރ 2020 - 13:10
98 comments
ބަޖެޓް ސަޕޯޓަށް ދޭން އިންޑިއާ އިން ބުނި 250 މިލިޔަން ޑޮލަރުގެ ލޯނު ޗެކް މިއަދު ރާއްޖެ އަށް ދީފި އެވެެ.
އިންޑިއާއިން ރާއްޖެ އަށް ދިން 250 މިލިޔަން ޑޮލަރު (3.85 ބިލިޔަން ރުފިޔާ)ގެ ލޯނުގެ ލިއުން ރާއްޖެއާ ރަސްމީކޮށް ހަވާލުކޮށްދެއްވީ އެކަަމަށް ޓަކައި ފޮރިން މިނިސްޓްރީގައި މިއަދު ބޭއްވި ހާއްްސަ ރަސްމިއްޔާތެއްގަ އެވެ.
ސޮފްޓް ލޯނެއްގެ ގޮތުގައި އިންޑިއާއިން ރާއްޖެ އަށް ދޫކުރި އެ ފައިސާގެ ޗެކް ފޮރިން މިނިސްޓަރު އަބްދުﷲ ޝާހިދާ މިއަދު ހަވާލުކުރެއްވީ ރާއްޖޭގައި ހުންނަވާ އިންޑިއާގެ ސަފީރު ސަންޖޭ ސުދިރު އެވެ. އެ ރަސްމިއްޔާތުގައި ފިނޭންސް މިނިސްޓަރު އިބްރާހީމް އަމީރާއި ސްޓޭޓް ބޭންްކް އޮފް އިންޑިއާގެ ސީއީއޯ ވެސް ބައިވެރިވަޑައިގަތެވެ. ސްޓޭޓް ބޭންކް އޮފް އިންޑިއާ މެދުވެރިކޮށް އިންޑިއާއިން ރާއްޖެ އަށް ދިން 250 މިލިޔަން ޑޮލަރުގެ ލޯނަކީ އިންޑިއާއިން ބުނިގޮތުގައި އަނބުރާ ދެއްކުމުގައި ލުއި ގޮތްތަކަކަށް އެއްބަސްވެގެން ދިން ލޯނެކެވެ. ސްޓޭޓް ބޭންކް އޮފް އިންޑިއާ މެދުވެރިކޮށް އެ ލޯނު ދިނީ ބޮންޑް ގަތުމުގެ އުސޫލުން، 10 އަހަރުގެ ތެރޭގައި އަނބުރާ ދައްކާ ގޮތަށެވެ.
އިންޑިއާއިން ދިން ލޯނުގެ ޗެކް ހަވާލުކުރަން ފޮރިން މިނިސްޓްރީގައި މިއަދު ބޭއްވި ރަސްމިއްޔާތުގައި ފޮރިން މިނިސްޓަރު އަބްދުﷲ ޝާހިދު ވިދާޅުވީ ރާއްޖެ އަށް މިހާރު ކުރިމަތިވެފައިވާ ފައިސާގެ ދަތިކަމަށް އިންޑިއާގެ ލޯނުގެ ސަބަބުން ބޮޑު ލުޔެއް ލިބޭނެ ކަމަށެވެ. އިންޑިއާއިން ރާއްޖެ އަށް ވެދިން ހަމަ އެކަނި އެހީއަކީ މިއީ ނޫން ކަމަށާއި އިންޑިއާއިން އަންނަނީ ދިވެހިންނަށް ބޮޑު އެހީތެރިކަމެއް ދެމުން ކަމަށް ވެސްް އޭނާ ވިދާާޅުވި އެވެ.
"އިންޑިއާގެ ރައްޔިތުންގެ ދީލަތިކަމަށް ތައުރީފު ހައްގު،" އޭނާ ވިދާޅުވި އެވެ.
އެ ރަސްމިއްޔާތުގައި ފިނޭންސް މިނިސްޓަރު އިބްރާހީމް އަމީރު ވިދާޅުވީ ކޮވިޑް-19 އާ ހެދި ރާއްްޖޭގެ އިގުތިސާދަށް ބޮޑު ގެއްލުމެއް ލިބިފައިވާ މި ވަގުތު އިންޑިއާއިން ދިން ފައިސާއިން ރާއްޖެ އަށް ބޮޑު ލުޔެއް ލިބިގެންދާނެ ކަަމަށެވެ. އެ ފައިސާ ބޭނުންކުރާނީ ރައްޔިތުންނަށް ދޭ ހިދުމަތްތައް މެދުނުކެނޑި ދިނުމަށާއި ކޮވިޑްގެ ސަބަބުން ދަތިކަަން ކުރިމަތިވެފައިވާ ފަރާތްތަަކަށް ސަރުކާރުން ދޭ ޕެކޭޖްތަކަށް ކަމަށް ވެސް އޭނާ ވިދާޅުވި އެވެ.
އަމީރު ވިދާޅުވީ ރާއްޖޭގެ ޓޫރިޒަަމް އިންޑަސްޓްރީން ލިބެމުން އައި އާމްދަނީ މުޅިންހެން ހުއްޓުނު ނަމަވެސް ސަރުކާރުން ރައްޔިތުންނަށް ދޭން ޖެހޭ ހިދުމަތްތަކަށާއި ސިވިލް ސާވަންޓުންގެ މުސާރަ އަށް ދޭންޖެހޭ ފައިސާ ދެމުން އަންނަ ކަމަށެވެ. މި ހާލަތުގައި ވެސް އެންމެ އިސްކަން ދީފައި ވާނީ ރާއްޖެ އިން އަދާކުރަން ޖެހޭ ދަރަނި ގަވައިދުން އަދާކުރަމުން ދިއުމަށް ކަމަށް ވެސް އޭނާ ވިދާޅުވި އެވެ.
"މި ހުރިހާ ކަމެއް ހާސިލުވީ އިންޑިއާގެ ބޮޑު އެހީތެރިކަމަކާ އެކީ ކަން އަޅުގަނޑު ފާހަގަކުރަން،" އަމީރު ވިދާޅުވި އެެވެ.
އިންޑިއާއިންް ރާއްޖެ އަށްް ދެމުން އަންނަ އެހީތެެރިކަމަށް ޓަކައި އެ ގައުމުގެ ސަރުކާރާއި ރައްޔިތުންނަށް އަމީރު ޝުކުރު އަދާކުރެއްވި އެވެ.
ރާއްޖެ އަށް 250 މިލިޔަން ޑޮލަރުގެ ލޯނެއް ދޭނެކަން އިންޑިއާއިން ކުރިން ވަނީ އިއުލާނުކޮށްފަ އެވެ އެކަން އިއުލާނުކުރެއްވީ އެ ގައުމުގެ އެކްްސްޓާނަލް އެފެއާޒް މިނިސްޓަރު ޖައިޝަންކަރާއި ރާއްޖޭގެ ފޮރިން މިނިސްޓަރު އަބްދުﷲ ޝާހިދު ބޭއްވެވި ވާޗުއަލް ބައްދަލުވުމެެއްގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދިއްދޫމީހާ
20 September 2020
ހޫމް ހޫމް އަހުން ވަރަށް އުފަލުން މިހަބަރު ކިޔާލީ، ހީކުރީ ހިބަރު ވަދު ހިފާގެންގޮސް ހިލޭ ބާނާލާގެން އައީކަމަ އެކަމު މިއޮތީ އެކަލަ ހިލޭ ލޯނު އެހީގޮތުގާ އިންޓްރެސްޓާ އެކު ދައްކާ ގޮތައް ދީފަ އޮތް އެއްޗެއް، ހަމަ ޔާމީން ވެސް ނެގީ ލޯނު އިބްރާހިމް ވެސް ލޯނު...
pharmacokinetic
21 September 2020
ލޯނު ނަގަން ޖެހެނީ ދިވެހިންގެ ގަމާރު ކަމުން. މުޅި ރާއްޖޭގައި ދައްކަބަލަ މެރިން އަކުއަރ ސައިންސް ކިޔަވައިގެން ފީލްޑުގައި މަސައްކަތް ކުރާ އެކަކުވެސް. ކޮންމެ މީހަކު ބޭނުންވަނީ ބޮޑު ޓައި އަޅާފަ އެއަރކޯން ކޮއްފަ ހުންނަ ކޮޓަރިއެއްގައި މަސައްކަތް ކުރަން. މުޅި ގައުމުގެ ހުރިހާ މުހިއްމު މަސައްކަތްތަށް ކުރަން ތިބީ ބޭރު މީހުން. ދިވެހިން ތިބެނީ ކޮފީ މޭޒުގައި އަަޗާ ތަޅަން.
ކުމާރުސިންގު ބާބޫ
20 September 2020
މާލްދިވެސް ޕީޕަލްއަށް 250މިލިޔަން ޑޮލަރު ލޯނު ދޭއިރު އަހަރެމެން އަމިއްލަ ގައުމު އިންޑިއާގައި އުޅެންޖެހެނީ ސްލަމްތަކުަގއި، މަގުމައްޗަށް ފާހާނާކޮށްގެން. ސެންޓްރަލް ގަވަރުމެންޓު ކޮންވައްތަރު ހުންނަނީ
ބޯގސ22
20 September 2020
ތީގެ ބަދަލުގާ އެމިހުންޑިމާންޑުކުރާނެ ވަރަށް ގިނަ ކަންކަމަށްމ..ބަލަންތިބޭތި ދެން ރިސޯޓުތަކުން ދިވެހިންނަށް ލާހިކެއްނޫން ވަޒީފާހޯދާކަށް އަދި މާލެ ސިޓީ ބަދަލުވާނެ އިންޑިއާގެ ސިޓީއަކަށް.. މީގެއިތުރުން ބޮޑު އިންޓެރެސްޓްރޭޓުގައި ލޯނުދެއްކުންވެސް އޮންނާނެ..އަދިވެސް ..
އަޝްރަފު
20 September 2020
ބޮޑު އެއްޗެއް ދަރަންޏަށް ދީފަ ދެން ހަފްލާ ބާއްވާފަ "ޔޭ ދޯސްތީ" ލަވަ ކިޔާ އިރު ހީވަނީ ހިލޭ ބައިވަރުތަކެއް ދިނީ ހެން. ހިލޭ މިދެނީ މަގު ބައްތި އެއް.
ޑާޑާޑާޑާޑާ
20 September 2020
އިންޑިއާ އިން މިހާތަނަށް ރާއްޖެ އަށް ދީފައި ހުރި ލޯން ތަކަކީ އެއީ ވަރަށް ނުރައްކާތެރި ލޯން ތަކެކޭ ސަބަބަކީ އިންޑިއާ އިން 50 މިލިއަން ޑޮލަރު ދިނޭ ދައުލަތުގެ ބަޖެޓް ސަޕޯރޓް ނަމުގައި އެކަމަކު ރައީސް ވަހީދުގެ ވެރިކަމުގައި ކޮރަޕްޓް ޖީއެމްއާރު ބޭރުއަރުވާލާނެ ކަން އިންޑިއާ އަށް އެނގުމުން އެސްބީއައި އިން އެންގީ 3 މަސް ދުވަސް ތެރޭގައި 50 މިލިއަން ޑޮލަރު އެއް ފަހަރާ ދައްކަން އެފައިސާ ދެއްކީ އުއްޗު އަތުންނޭ އުއްޗު އިންޑިއާ އަށް ބޯންދީ އެފައިސާ ދެއްކީއޭ
އިނގޭނެއޭ
20 September 2020
އެންމެ ދިހަ އަހަރު ތެރޭގައި 250 މިލިއަން ޑޮލަރުގެ ލޯން އަނބުރާ ދައްކާނަމަ ދައުލަތުގެ ކޭޝް ފްލޯ އަށް ބޮޑު އެނގުމެއް ވެގެންދާނެއޭ މީ ޗައިނާގެ އޭއައިއައިބީން ނެގި ލޯން ނަމަ މަދުވެގެން 20 އަހަރު ދުވަސް ލިބޭނެއޭ ލޯން ދައްކަން ދެން އިންޑިއާ އިން މިލޯން ދެނީ އެއީ ލޯން އަށް %3 އިންޓަރެސްޓް ކަރަންސީ ޑިސްބާރސްމެންޓް ކޮސްޓަށް %3 އަދި އިދާރީ ފީއަށް %3 ޖުމްލަ %9 އިންޓަރެސްޓް ރޭޓް ގައޭ އެސްބީއައި އިން ލޯން ނަގާ މީހުންނަށް އިނގޭނެއޭ މިކަން ކަން ހުންނަނީ މިހެން
ބަހާރުހަސަން23
20 September 2020
ދުރާލާވިސްނައިގެން ދަންތުރައިގައިޖެހި އެއިންސަލާމަތް ނުވެވޭވަރުކޮށް އަޅުވެތިވާން ނެގިލޯނެއްކަން ނޭނގިތިބީ ހަމައެކަނި ވަކިކަހަލަ ރޯގާއެއްޖެހިފަ ތިބި ބަޔަކަށްކަން ކަލޯއަށްވެސް އިނގޭނެ .
ކިއެއްވެތޭ
20 September 2020
އިންޑިއާ އިން ނަގާ 250 މިލިއަން ޑޮލަރުގެ ލޯންގެ ކަންކަން މާބޮޑަށް ނުބައިވާނެއޭ ޗައިނާގެ އޭއައިއައިބީން ނަގާ ލޯނަށް ވުރެން މިރާއްޖެ އަށް ކޮވިޑް އައީ އެއީ އޯވަރ ނައިޓަކުން ނޫނޭ އެއީ މިދިޔަ އަހަރުގެ ނޮވެމްބަރު މަހު ދުނިޔެ އަށް ކުރިމަތިވި ރޯގާ އެކޭ އެދުވަހުން ފެށިގެން ރާއްޖޭގެ އިކޮނޮމީ އަށް އަންނާނެ ލޮޅުން ތައްބަލާ އެޕްރެއިސަލް ރިޕޯރޓެއް ޗައިނާގެ އޭއައިއައިބީ އަށް ހުށައެޅިނަމަ 1 ބިލިއަން ޑޮލަރުގެ ލޯން ލިބުނީސްއޭ 1 ޕަރސެންޓް އިންޓަރެސްޓްގައި
ކުރުކުރު
20 September 2020
ފުޓުބޯޅަ މެޗުތަކުގަ މޭންއޮފްދަމެޗު ދޭގޮތަށްތަ މިމީހުން ބޮޑެތި ދަރަނިވެސް ދެނީ މިހާރު. ޔޭ ކަރުޖް ކާ ޖާލްހޭ، ޔައުނީ ޑެޓް ޓްރެޕޭ ތިޔާ.
ރަބަރު
20 September 2020
ރޯނު އެދުރުބެ. އިޒްރޭލަކީ ބައެއްގެ ބިން ގަދަބާރުން ފޭރިގެންފައިވާ ބައެއް. އެތާ މިހާރު ގިނައީ އެކިތަންތަނުން އައި މީހުން. އެމީހުން އައިތަންތަނަށްގޮސް އެތާ ކުރީއްސުރެ އުޅެމުންއައި ޔަހޫދީންނާއި އެތަނުން ގަދަކަމުން ބޭރުކުރި ފަލަސްތީނި މީހުން އެނބުރި ދިއުމުން އިޒްރޭލުކިޔަސް ފަލަސްތީނުކިޔަސް ގުޅުން އުފައްދަންވީ. ފޭރޭ މީހުނާ ގުޅެނީ ކިހިނެއް؟
ވަރަށްސާފު
20 September 2020
ރައީސް ޔާމީންގެ ވެރިކަމުގައި ސޮވްރިން ޑިވެލޮޕްމަންޓް ފަންޑެއްހެދީ ޔަގީނުންވެސް ގައުމު ނުދަރާނެ ގޮތް ހަދަން. ކިތަންމެ ލޯނެއް ނެގިއަސް ގައުމަށް ދެރަނުވާނެ ގޮތަކަށް ކަންތައް ކުރެވޭނެ ގޮތަށް ރާވާފަ ހުރީ.