01 އޮކްޓޯބަރ 2020 - 08:39
ފިލްމު އެންޑް ޓެލެވިޝަން އިންސްޓިޓިއުޓް އޮފް އިންޑިއާ (އެފްޓީއައިއައި) ގެ ރައީސްގެ މަގާމަށް ޑައިރެކްޓަރު ޝޭކަރް ކަޕޫރް ހަމަޖައްސައިފި އެވެ.
މިކަން ޓްވިޓާގައި ހާމަކުރަމުން އިންޑިއާގެ އިންފޮމޭޝަން އެންޑް ބްރޯޑްކާސްޓިން މިނިސްޓަރު ޕްރަކާޝް ޖަވޭދްކަރް ވިދާޅުވީ އެފްޓީއައިއައިގެ ރައީސްގެ އިތުރުން ޝޭކަރަކީ އެ ޖަމިއްޔާގެ ގަވަނިން ކަލްސިލްގެ ޗެއާމަން ވެސް ކަމަށެވެ. އުމުރުން 74 އަހަރުގެ ޝޭކަރަކީ އިންޑިއާގެ ނެޝަނަލް ފިލްމު އެވޯޑްސް ކޮމިޓީގައި ވެސް މަސައްކަތްކޮށްފައިވާ ފަންނާނެކެވެ.
އޭނާ އަކީ ވަރަށް ފާހަގަކޮށްލެވޭ ފިލްމުތަކެއް ގެނެސްދިން ޑައިރެކްޓަރެކެވެ. އޭގެ ތެރޭގައި "މާސޫމް" އާއި "މިސްޓަ އިންޑިއާ" ގެ އިތުރުން "ބަންޑިތު ކްއީން" ހިމެނެ އެވެ. ހިންދީ ފިލްމުތަކުގެ އިތުރުން ޝޭކަރަކީ އިންޓަނެޝަނަލް ފިލްމުތަކެއް ވެސް ޑައިރެކްޓްކޮށްފައިވާ މީހެކެވެ. އޭގެ ތެރޭގައި "އެލިޒަބަތު" އާއި "އެލިޒަބަތު: ދަ ގޯލްޑެން އޭޖް" ހިމެނެ އެވެ.
Happy to inform that renowned international film personality #ShekharKapur has been appointed as the President of FTII Society & Chairman of Governing Council of FTII.@narendramodi @shekharkapur pic.twitter.com/lARfoDW4b9
— Prakash Javadekar (@PrakashJavdekar) September 29, 2020
މީގެ ހަތަރު ވަރަކަށް އަހަރު ކުރިން ޝޭކަރް "ޕާނީ" ގެ ނަމުގައި ބޮޑު ފިލްމެއް ހަދަން އިއުލާންކުރި ނަމަވެސް އެ މަސައްކަތް އޮތީ ހުއްޓިފަ އެވެ.
އިންޑިއާގެ މަރުކަޒީ ބޭންކް، ރިޒާވް ބޭންކް އޮފް އިންޑިއާ (އާރްބީއައި) އިން ކަސްޓަމަރުންގެ މެދުގައި ހޭލުންތެރިކަން އުފައްދަން ކުރިއަށް ގެންދަން ނިންމާފައިވާ ކެމްޕޭނަކަށް އަމީތާބް ބައްޗަން ހަމަޖައްސައިފި އެވެ.
.@RBI Kehta Hai.. #BeAware #BeSecure#rbikehtahai #StaySafehttps://t.co/mKPAIp5rA3 pic.twitter.com/1cgHEdkSbV
— RBI Says (@RBIsays) September 27, 2020
ސޮނީ ޓީބީން މިހާރު ގެނެސްދޭ "ކޯން ބަނޭގާ ކަރޯޑްޕަތީ" ގެ 12 ވަނަ ސީޒަން ވެސް ހޯސްޓްކުރަމުން އަންނަ އަމީތާބް ކެމްޕޭނަށް ހަމަޖެއްސި ވާހަކަ އާރްބީއައިގެ ޓްވިޓާގައި ވެސް ހިއްސާކޮށްފައިވެ އެވެ. އިންޑިއާގެ އެންމެ ނުފޫޒު ގަދަ ތަރިންގެ ތެރޭގައި ހިމެނޭ އަމީތާބަކީ މިހާރު ވެސް އެކިއެކި ކަންކަމާ ގުޅުވައިގެން ހިންގާ ހޭލުންތެރިކަމުގެ ކެމްޕޭނުތަކުގައި ބައިވެރިވާ ފަންނާނެކެވެ. އޭގެ ތެރޭގައި އިންޑިއާ ސާފު ގައުމަކަށް ހެެދުމާއި ވެކްސިން ދިނުމާއި ކޮވިޑް-19 އަށް ހޭލުންތެރިކަން އުފެއްދުން ފަދަ ކެމްޕޭންތައް ހިމެނެ އެވެ.
އާރްބީއައި އިން ބުނީ އަމީތާބާ އެކު ކުރިއަށް ގެންދާ ކެމްޕޭނާ ބެހޭ އިތުރު މައުލޫމާތު ވަރަށް އަވަހަށް ހިއްސާކުރާނެ ކަމަށެވެ.
ބޮލީވުޑްގެ ބަތަލާ ސޮނާކްޝީ ސިންހާ އާއި އޭނާގެ ބައްޕަ ކުރީގެ މަޝްހޫރު އެކްޓަރު ޝަތުރަގަން ސިންހާ އެކީގައި ފެނިގެންދާ ލަވައެއް މިއަދު ދައްކާލައިފި އެވެ.
#FirstTime @ShatruganSinha
— Komal Nahta (@KomalNahta) September 29, 2020
& #SonakshiSinha team up for a musical initiative #Zaroorat Song out on October 1! @republikvarun@viralmotani @PakkhiHegde1@anuragchauhanof @thekiranbedi @sonal_mansingh @ImLaxmiNarayan@TheLaxmiAgarwal @AniChoyingDrol@beyondmusic5 @republikofmusik pic.twitter.com/mskdPUFk0h
"ޒަރޫރަތު" ގެ ނަން ދީފައިވާ މި ލަވަ އަކީ އެކި ކަހަލަ އިޖުތިމާއީ މައްސަލަތަކަށް ހޭލުންތެރިކަން އުފެއްދުމުގެ މަގުސަދުގައި ގެނެސްދިން ލަވައެކެވެ. ލަވަ އުފައްދައި، ޑައިރެކްޓްކުރީ ވަރުން ޕްރަބޫދަޔާލް ގުޕްތާ އެވެ.
ސޮނާކްޝީ އެންމެ ފަހުން ބޮޑު ސްކްރީނުން ފެނިފައި ވަނީ މިދިޔަ އަހަރުގެ ފަހުކޮޅު ރިލީޒްކުރި ސަލްމާން ޚާންގެ "ދަބަންގް 3" އިންނެވެ.
ޒީޓީވީން ގެނެސްދޭ ސިލްސިލާ "އިޝްގް ސުބާނަﷲ" ގެ ފަހު އެޕިސޯޑް މާދަމާ ރޭ ގެނެސްދޭ ގޮތަށް ނިންމައިފި އެވެ.
މި ސިލްސިލާ ނިންމައިލަން އުޅޭކަން އޮގަސްޓް މަހުގެ ފަހުކޮޅު އިއުލާންކުރީ މަގުބޫލުކަން ވަރަށް ބޮޑަށް ކުޑަވެ، ޓީއާރްޕީ ރޭޓްގައި ވެސް މިހާރު ލައްވާނުލާތީ އެވެ.
މީގެ ދެ އަހަރު ކުރިން ގެނެސްދޭން ފެށި މި ސިލްސިލާ އަކީ މުސްލިމު އާއިލާތަކެއްގެ ތެރެއިން އުފަންވާ ލޯބީގެ ވާހަކައެއް ކިޔައިދޭ އެއްޗެކެވެ. "އިޝްގް ސުބާނަﷲ" ލީޑް ރޯލް ކުޅެނީ އަދުނާނު ޚާނާއި އީޝާ ސިންގެވެ.
މި ސިލްސިލާ ދައްކަން ފެށީ މާޗް 14، 2018 ގަ އެވެ. އަދި މިހާތަނަށް 580 އަށް ވުރެ ގިނަ އެޕިސޯޑް ގެނެސްދީފައިވެ އެވެ.
Copyright © 2024 Mihaaru · Terms and Conditions · Privacy Policy