ކޮމިޝަންގެ މެމްބަރުން ކޮމިޓީގައި ވާހަކަ ދައްކަވަނީ. --ފޮޓޯ: އަހްމަދު އައުޝަން/މިހާރު
15 އޮކްޓޯބަރ 2020 - 13:07
24 comments
ކޮވިޑް-19ގެ ފަރުވާ އަށް 75 ވެންޓިލޭޓަރު ހޯދަން ދުބާއީގެ އެގްޒެކިއުޓާސް ޖެނެރަލް ޓްރޭޑިންއާ ހަވާލުކުރި މައްސަލައިގެ ތަހުގީގު ނިންމައި ހެލްތު މިނިސްޓަރު އަބްދުﷲ އަމީނާއި އެ މިނިސްޓްރީގެ 10 މީހަކަށް ދައުވާކުރަން ޕްރޮސިކިއުޓާ ޖެނެރަލްގެ އޮފީހަށް ފޮނުވީ އަންގާރަދުވަހުގެ ރޭ ދަންވަރު ކަމަށް ކުރާ ތުހުމަތުތައް އެންޓި ކޮރަޕްޝަން ކޮމިޝަން (އޭސީސީ) އިން މިއަދު ދޮގުކޮށްފި އެވެ.
މިދިޔަ އެޕްރީލް މަހު ތަހުގީގު ފެށި މައްސަލަ އަވަސް އަރުވާލައިގެން ނިންމައި، ދަންވަރު ޕީޖީ އަށް ފޮނުވީ އިއްޔެ ހެނދުނު އޮތް މިނިވަން މުއައްސަސާތަކާ ބެހޭ ކޮމިޓީ އަށް ހާޒިރުވުމުގެ ކުރިން އެ މައްސަލަ ނިންމަން ކަމުގެ ތުހުމަތު އޭސީސީގެ މެމްބަރުންނަށް ވަނީ ކޮށްފަ އެވެ. ވެންޓިލޭޓަރުގެ މައްސަލަ ފަދަ ބޮޑު ތަހުގީގެއް، ދަންވަރު ފޮނުވި ކަމަށް ބުނާ މައްސަލައިގައި އޭސީސީ އަށް ފާޑުކިއުން ވެސް ބޮޑެވެ.
އޭސީސީގެ މީޑިއާ އޮފިޝަލް ހަސަން މުހައްމަދު މިއަދު ވިދާޅުވީ ތަހުގީގު ނިންމައި ދައުވާކުރަން މައްސަލަ ފޮނުވީ އިއްޔެ ހެނދުނު 8:16 ގައި ކަމަށެވެ. ތަހުގީގުކޮށް ނިންމާ މައްސަލަތައް އޭސީސީން މިހާރު ޕީޖީ އަށް ފޮނުވަނީ ޕަލޯމާ ޕޯޓަލް މެދުވެރިކޮށެވެ.
"ދަންވަރު ފޮނުވި ކަމަށް ބުނާ ވާހަކައަކީ ހަގީގަތެއް ނޫން،" އޭނާ ވިދާޅުވި އެވެ.
މައްސަލަ ހެނދުނު ޕީޖީ އަށް ފޮނުވިޔަސް މި މައްސަލައިގައި ތުހުމަތުކުރާ މީހުންނަށް ދައުވާކުރާކަން އަންގައި ލިއުން ފޮނުވީ، އެނގިފައިވާ ގޮތުގައި، އަންގާރަ ދުވަހުގެ ރޭ ދަންވަރު 3 ޖެހިއިރެވެ. މިކަން އޭސީސީން ދޮގެއް ނުކުރެ އެވެ.
ރައްޔިތުންގެ މަޖިލީހުގެ މިނިވަން މުއައްސަސާތަކާ ބެހޭ ކޮމިޓީގައި، ވިލިމާލެ ދާއިރާގެ މެމްބަރު އަހްމަދު އުޝާމް، ވަނީ ދައުވާކުރަން ފޮނުވި ގަޑިއާ މެދު ކުރާ ތުހުމަތު އޮޅުން ފިލުއްވަން އޭސީސީއާ ސުވާލުކުރައްވައިފަ އެވެ. އަދި ކޮމިޓީއަށް އަންނަންވާއިރަށް މައްސަލަ ނިންމެވީތޯ ވެސް އޭނާ އެއްސެވި އެވެ.
ކޮމިޝަންގެ ރައީސް މަރިޔަމް ޝިއުނާ ވެސް ކޮމިޓީގައި ވިދާޅުވެފައި ވަނީ ޕަލޯމާ ޕޯޓަލް މެދުވެރިކޮށް މައްސަލަ ފޮނުވީ އިއްޔެ ހެނދުނު ކަމަށެވެ.
ކޮމިޓީއަށް ހާޒިރުވާން ޖެހޭތީ ނިންމީތޯ ނުވަތަ ޝެޑިއުލްއާ އެއްގޮތަށް ނިންމީތޯ އުޝާމް އެއްސެވުމުން ޝިއުނާ ވިދާޅުވި ގޮތުގައި ކޮމިޓީ އަށް ހާޒިރުވާން ޖެހޭ ކަން ވަރަށް ކުރިން އެނގިވަޑައިގަންނަވަ އެވެ. ޝެޑިއުލެއް ކަނޑައަޅައި ވަރަށް ގިނައިރު ބުރަ މަސައްކަތްތަކެއް ތަހުގީގު ޓީމުން މި މައްސަލައިގައި ކުރި ކަމަށް އޭނާ ވިދާޅުވި އެވެ.
"ކޮމިޓީ އަށް އަންނަންވާއިރަށް އަޅުގަނޑުމެން ބޭނުންވި، ތެދުތެދަށް ދަންނަވަންޏާ މައްސަލަ ނިންމާފައި ބާއްވަން. އެކަމަކު އަޅުގަނޑުމެން ޓާގެޓްކުރި ޓައިމްލައިނާ އެއްގޮތަށް [ނުވި] އަޅުގަނޑުމެންގެ ކޮންޓްރޯލުން ބޭރުން ހުރި ވަރަށް ބައިވަރު ކަންކަން، މިސާލަކަށް ބަޔާން ނަގާފައި ސޮއިކުރުން ފަދަ ކަންކަން،" ޝިއުނާ ވިދާޅުވި އެވެ.
އޭސީސީގެ ތަހުގީގުގައި، ވަނީ ވެންޓިލޭޓަރު ހޯދަން ދުބާއީ ކުންފުންޏާ ހަވާލުކުރުމުގައި ހުރި ބޮޑެތި ގޯސްތަކެއް ދައްކައިފަ އެވެ. އޭގެތެރޭގައި އެ ކުންފުންޏާ މަސައްކަތް ހަވާލުކުރުމުގެ ނިޔަތުގައި ކޮށްފައިވާ ކަންކަމުގެ އިތުރަށް، މާލިއްޔަތު ގަވާއިދާ ޚިލާފަށް ކޮށްފައިވާ ބައެއް ކަންކަން ވެސް ފާހަގަކޮށްފައިވެ އެވެ.
ޑިއުޓީ ޕްރޮސިކިއުޝަނަށް ފަހު، އިސްލާހުކުރަން އެދުނުކަންކަން ރަނގަޅުކޮށް، ދައުވާކުރަން ފޮނުވި މި މައްސަލައިގައި ޕީޖީން ނިންމި ގޮތެއް އަދި އާއްމެއް ނުކުރެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަރީމް
16 October 2020
ލޮލް!
ޔތޔތޔތ
15 October 2020
އޭ ޝިއުނާ ވައްކަން ކުުރުމުގެ ލައިސަންސް އޮންނަނީ އެމްޑީޕީއަށް ދީފަ ދޯ! ލައްކަ އެއްޗެހި އަދި ފަޅާއަރާނެ. 2.3 ބިލިއަން ދިރުވާލި ގޮތެއް އެނގޭނީ ހެއްދެވި ފަރާތައް. ހެލްތު މިނިސްޓްރީގެ ޕިއޯނު ވެސް ހިމަނާފައި ނެތީމަ ދެރައީ!
އިބިރިހިމްބެއްޔާ
15 October 2020
ވަރިހަމަ ފަތިހު ފޮނުވިޔަސް. އެކަމަކު ދޮގު ނަހަދާ! އޭސީސީގަ މިހާރު ތިބީ ކުޑަ ކުދިންތަކެއް! ކިޔަވައިގެން ތިއްބަސް ތަޖުރިބާއެއް އަދި މިކިޔާ "މެޗޫރިޓީ" ހުރި ބައެއް ނޫން. ތިތަނަށް ލާން ޖެހެނީ ފުލުހުންނަށް ދޭ ކަހަލަ ތަމްރީނު ވެސް ލިބިފަ ތިބި މީހުން.
ހަސަނުހުރާ
15 October 2020
ކިޔަވައިގެން ތިބި ތަޖްރިބާހުރި މީހުން ލީމަ ބޮޑެތި ވައްކަންއްތައް މާ ރަގަޅަށް ބަލާނެ. އެހެންވެ ނިޔާޒް ކަޓުވާލީ. މަވާ އެންޑީޕީއަށް ސަލާން. މަގޭ އާއިލާވެސް.
ޢަބުދުލް ޤާދިރު
15 October 2020
ޤާނޫނާ ޚިލާފަށް ފިނޭސުން ފައިތައް ދޫ ކުރި އިރު ފިނޭސް މިނިސްޓަ ކުށްވެރި ނުވުމުން މި ސަރުކާރުގެ އިންސާފު ހުރި މިންވަރު އެނގި ކަށަވަރު ވެއްޖެ.
ދޮގުވެޑި
15 October 2020
ޤާނޫނު ނަގަހައްޓަން ތިބި މީހުންނާއި އިންސާފު ގާއިމު ކޮށްދޭން ތިބި މީހުން ގާނޫނު މުގުރާ ނާއިންސާފުން ކަން ކުރީމަޔޯ؟ މި އޮތީ ތިޔަ ބުނާ ހެޔޮ ވެރިކަން. އެމްޑީޕީއަށް ސަލާމް.
ޢެއެބުނާ އިންސާފް
15 October 2020
ޢެއީ ހަމަ ތެދުކަން އަޅުގަނޑަށް އެނގިފައިވޭ.......ގަޑިން ދަންވަރު 2.58 ގަ ގިނަ ފަރާތްތަކަށް ފޮނުވާފައި ހުރީ.......މައްސަލައަކީ ބޮޑުން ކޮޅު ސަލާމަތްވެފަ ނޯކަރުންކޮޅު ޤުރުބާން ކުރާތީވެ.........ޕޭމަންޓްއަކީ ސްވުޗަރކަށް ފިތާލައިގެން ދިޔަ އެއްޗެއްނޫން ފިނޭންސުން ދޫކުރީމަ ބޭރު ޤައުމެއްގެ ކުންފުންޏެއްގެ އެކައުންޓަަށް ޓުރާންސްފަރ ވީ........
އަރުވާލި އާދަނުގެ ސިޔާސީ ހާސަރު
15 October 2020
ރޭގަޑަކީ ފޭރާމެއް. ހާސް ކަޑާލާ.
ޙިނި
15 October 2020
ތަހުގީގައް އެއްބަރުލުން ދީ އަމީންވެސް ރި ވެންޓިލޭޓަރުތައް ހުރި ތަނެއް ބުނެދޭންވީނު. ޢޭރުން ދެންވެސް މަގާމުގަ ހުރެވޭނި
ގަދަފަދަ
15 October 2020
މަގާމަކަށް ސިހޭނެ މީހެއް ނޫން އަމީންއަކީ. ދައުވާއަކަށްވެސް ސިހޭނެ މީހެއް ނޫން އަމީންއަކީ. އަދި ހުކުމަކަށްވެސް ސިހޭނެ މީހެއް ނޫން އަމީންއަކީ. 50 އަހަރަށް ޖަލަށް ލިޔަސް ސިހޭނެ މީހެއް ނޫން އަމީންއަކީ. ދުނިޔޭގެ ތާރީހަށް ބަލާއިރުވެސް ހައްގު ގޮތުގައި ހުރި މީހަކަށް ކާމިޔާބު ނުލިބި ނެތް. ގުދުރަތުގެ ޤާނޫނުވެސް ހިނގާގޮތް އެއީ. މަންޑޭލާއަށް 27 އަހަރު ޖަލުގައި ހޭދަ ކުުރުމަށްފަހުވެސް ހައްގާ ހަމަޔަށް ވާސިލުވެވުނު. އަމީނު ކަލޭވެސް ދޫނުކުރާތި. މެރެޔަސް ތެޅިޔަސް ވަޅުލިޔަސް!
ޥެންޓިލޭޓަރު ގަޑުބަޑު..
15 October 2020
ދިވެހި ތާރީހުހަ ޥެންޓިލޭޓަރު ގަޑުބަޑުގެ ވާހަކަ ލިޔެވޭއިރު، އެކަނަ ދިވާއުކުރަން ހަރަދުކޮއްފަ ތިބި 10 ބޮޓުންގެ ވާހަކަ ލިޔުންމުހިއްމު.. ސަލާމް
ލުތުފީ
15 October 2020
ކޮމެޓީއަށް އައުމުގެ ކުރިން ނިންމުމަކީ މައްސަލައެއްތޯ!