ބަޖެޓު ކޮމެޓީގެ މުގައްރިރު ނިހާނު، މިއަދުގެ ބައްދަލުވުމުގައި. - ފޮޓޯ: މިހާރު/ ނިޝާން އަލީ
26 އޮކްޓޯބަރ 2020 - 21:04
14 comments
އެމްއެމްޕީއާރުސީގެ ބޮޑު ހިޔާނާތާ ގުޅިގެން އެސެޓު ރިކަވަރީ ކޮމިޝަނުން ކުރާ ތަހުގީގަށް އިދިކޮޅު ޕީޕީއެމްގެ ކުރީގެ ޕީޖީ ލީޑަރު އަހުމަދު ނިހާނާއި ކުރީގެ ނައިބު ރައީސް އަހުމަދު އަދީބު މިއަދު އެ ކޮމިޝަނަށް ހާޒިރުކޮށްފި އެވެ.
އެނގިފައިވާ ގޮތުގައި މިދިޔަ ބުރާސްފަތި ދުވަހު ވެސް ނިހާން ކޮމިޝަނަށް ހާޒިރުކުރި އެވެ. އެ ދުވަހު އޭނާ އަށް ފުރުސަތު ދިނީ ވަކީލަކާ އެކު ކޮމިޝަނަށް ހާޒިރުވުމަށެވެ. އެހެންވެ، ޖުމްހޫރީ ޕާޓީގެ މިހާރުގެ މެމްބަރު ނިހާން ކޮމިޝަނަށް މިއަދު ވަޑައިގަތީ ގާނޫނީ ވަކީލަކާ އެކު އެވެ. ނިހާންގެ ބޭންކު އެކައުންޓުތަކުގެ ތަފުސީލު ވެސް އެސެޓު ރިކަވަރީ ކޮމިޝަނާ މިއަދު ހިއްސާކުރި ކަމަށް ވެ އެވެ.
ނިހާން، ޕީޕީއެމްގައި އިސްކޮށް އުޅުއްވި ދުވަސްވަރު އަދީބާ ވަރަށް ގާތްގުޅުމެއް ބާއްވަމުން ގެންދެވި އެވެ. ޚާއްސަކޮށް މަގާމުގެ ހައިސިއްޔަތުން ވެސް ދެ ބޭފުޅުންގެ ގުޅުން އޭރު ވަރަށް ބޮޑެވެ.
ތަހުގީގީ އިދާރާތަކުން ކުރިން ބުނެފައިވާ ގޮތުގައި އެމްއެމްޕީއާރުސީގެ ޚިޔާނާތުގެ ފައިސާ ޖުމްލަ 267 ފަރާތަކަށް ލިބިފައިވާ ކަމަށް ތުހުމަތު ކުރެވެ އެވެ. އޭގެ ތެރޭގައި މިހާރުގެ ސަރުކާރުގެ ހަތް ފަރާތަކާއި ރައްޔިތުންގެ މަޖިލީހުގެ ކުރީގެ މެމްބަރުންނާއި މިހާރުގެ މެމްބަރުންނާއި މިނިވަން މުއައްސަސާތަކުގެ ފަސް މެމްބަރަކާއި ސަލާމަތީ ޚިދުމަތްތަކުގެ 23 ފަރާތެެއް ހިމެނޭ ކަމަށް އޭރު ބުންޏެވެ.
ރިޔާސީ ކޮމިޝަނަށް ޕީޕީއެމް/ޕީއެންސީގެ ބައެއް އިސް ބޭފުޅުން ވެސް މިދިޔަ ހަފުތާގައި ހާޒިރުކޮށްފައިވާ ކަމުގެ އަޑު ފެތުރުނު ނަމަވެސް އިދިކޮޅުން ވަނި އެކަން ދޮގުކޮށްފަ އެވެ. އެމްއެމްޕީއާރުސީގެ ހިޔާނާތުގެ ތުހުމަތު ގިނަ ބަޔަކަށް ކުރާއިރު އަދި މިހާތަނަށް މިހާރުގެ ސަރުކާރުގެ އަދި ވެރިކަން ކުރާ ކޯލިޝަންގެ މައި ޕާޓީ، އެމްޑީޕީއަށް ނިސްބަތްވާ އެއްވެސް ފަރާތަކާ ކޮމިޝަނުން އަދި ސުވާލެއް ނުކުރެ އެވެ.
އެސެތް ރިކަވަރީ ކޮމިޝަނަކީ 2012 އިން 2018 ވަނަ އަހަރާ ދެމެދު ހިންގާފައިވާ ހިޔާނާތުގެ މައްސަލަތައް ބަލައި ތަހުގީގުކުރުމަށް ރައީސް އިބްރާހިމް މުހައްމަދު ސޯލިހު، މަގާމުގެ ހުވާކުރެއްވުމާ އެކު، އުފައްދަވާފައިވާ ކޮމިޝަނެކެވެ. ނަމަވެސް އަދި އެ ކޮމިޝަނުން އެއްވެސް މައްސަލައެއް ނިންމައި ދައުވާކުރަން ފޮނުވާފައެއް ނުވެއެވެ. ކޮމިޝަނުގެ މަސައްކަތްތައް ލަސްވާތީ ކޮމިޝަނަށް ވަނީ ފާޑުކިޔުން ވެސް އަމާޒުވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ތިހެން
28 October 2020
ބެލޭނީ ހުސް މި ސަރުކާރުން ރުޅިއަންނަ ޒާތުގެ ބޭނުންވާ މީހުންގެ މައްސަލައެކަނި. އަމިއްލަ ޕާޓީ މީހެއްގެ މައްސަލައެއް ނުބެލޭނެ. ވެރިކަމުގަ ތިބޭއިރު އަމީނުދީދީ ޒަމާނުއްސުރެ ހުރި މައްސަލަތައް ބެލޭނެ އެމްޑީޕީ ވެރިކަން ކުރި އަހަރުތައް އިސްތިސްނާވާ ގޮތަށް.
12134
27 October 2020
ހަމައެކަނި އަދީބު ބުނާއެއްޗެއް ޤަބުޅެއްނުކުރެވޭނެ، އެއާއެކު ހެކިވެސް ހުންނަންވާނެ؟
ގޯސް
26 October 2020
ޢަދީބު ބުނާހާއެއްޗެއް ތެދަކަށްވެސް ނުވާނެ. ޢަދީބު ބެހިފައިސާގެ ޒިންމާ ނަގަންޖެހޭނީ އަދީބު. އަދީބު ނާއިބު ރައީސަށް ވާންވެގެން ވޯޓިގަތުމަށާއި ގާނޫނު އަސާސީބަދަލުކުރަން. ޢެކަމަކު އަދީބަށް އަދަބެއްނުލިބޭ އެހެރީގޭގަ އެ މުއްސަދިކަމުގަ.
ނަގިލި
26 October 2020
ބޮޑުނިގުލައް ދޯ. ތިލާރި އަދީބު އަތުން ހޯދަންޖެހޭނީ.އެއީ ބެހިމީހަކީ.ކޭ މީހުންނެއްނޫން ކުއްވެރި ކުރަންވީކީ. ބެހި މީހާ.
އަރުވާލި އާދަނުގެ ސިޔާސީ ހާސަރު
26 October 2020
ވަހީދުގެ 2 އަހަރާއި ޔާމީންގެ 5 އަހަރާއި ޖުމްލަ ހަތް އަހަރު ގެ ޕްރޮފެޝަނަލަ ހޯދުން ތަކެއް ހޯދަން . ތިޔަތާ މުއަށްޒިފުން ތިބީ ކިހާވަރަކަށްތޯ؟ މަދު ބަޔަކު ލައިގެން ހަންކެޑެންދެން ކިތަށް ގަޑިއިރުތޯ މަސައްކަތް ކުރެވޭނީ؟ 7 ވިކެޓް ނަގަން ތިޔަޖެހެނީ 5 އޯވަރުން(ޔައުނީ 7 އަހަރުބެލުން 5 އަހަރުތެރޭ) އައްސަދު ފަކީރު ބާވެ ހައްވުން ގާތީ. 7 ވިކެޓް ނެގޭނެތޯ 5 އޯވަރުން.؟
ތެދުބަސް
26 October 2020
މިސޮރު މީ އެމްއެމްޕީއާރުސީގެ ވަގު ލާރީގައި އުދުހުނު މީހެއް. އެހެންވިޔަސް މިސޮރު ޕޯޑިއަމް އަށް އަރާއިރަށް އެންމެން އަތްޖަހާނެ
ބޮކިފުރާޅު މުޙައްމަދު
26 October 2020
މީނާ ހިތުން ކުލަބަދަލުކޮށްލީމާ ދެން މީހުންނަކަށް މީނާމީ ކާކުކަމެއް ނޭންގޭނެ. ހަމަ މުޅިން ބޯވަވިސްނުން މީނާގެ މިހުންނަނީ.
ވައިސޫރި
26 October 2020
މިސޮރު ގެންގުޅޭ ރިލެކުސް ގަޑީގެ ވާހަކަވެސް މިހާރަކު ނުދައްކަވަނީ ގަޑިވެސް ވިއްކާލީމާތޯ ބެޓްރި ދިޔާމާ ގަޑީގެ ބޭނުން ތިޔޮތީ ކެނޑިފާ
ނަޖުމުއްދީން
26 October 2020
ކިތަންމެ ގަޑިމޮޅުވިޔަސް ތިމާގައިގާ އޮއްޓަރެއްނެތިއްޔާ ވާނެ މޮޅެއް އޮންނާނެތަ؟
ޞޒބސގ
27 October 2020
ރިލެކްސް އެއްނޫން ރޮލެކްސް
ރަދީފު ބިން ރަފައިދާ
26 October 2020
މައުމޫނު ބަސްޓުކޮށްލާންވެސް ރިޔާސީކޮމިޝަނެއް ހަދައިގެން އުޅުނު. ވީކަމެއް ހަރާން. ތިކަން ތަހުގީގުކުރާވަރަކަށް އަދީބު ވާނީ ހުދު. އެންމެފަހުންގޮސް ވާނީ ހުދުކަފަކޮޅަކަށް.
ވަރަބިދުނުކޮތަރު
26 October 2020
މިކަލޭގެފައިސާބެހިއިރު ފައިސާބެހީބޮޑުމުސާރަލިބޭމީހުނަށް . ގައުމުގެޒިންމާދާރުމަގާމުތަކުގަތިބޭބަޔަކަށް ނިކަމެތިފަގީރަކަށްއެއްޗެއްދިއްކޮއްލީކީނޫން . ކިތައް ނިކަމެތިންނަށްމުއްސަދިވުމުގެޗާންސްގެއްލިގެންތިދިއައީ . އަޅުންމިސަރުކާރުގަ ފައިސާއާބެހޭމަގާމަކަށް އަނެއްފަހަރުއާދެވޭތޯބަލާބަލަ އެރުން އަހަރެންފަދަމީހުން ލައްވާލާނެ . މުއްސަދިންުމުއްސަދިކުރެވޭތޯ ކޮންމެމީހަކުވެސްމިބަލަނީ ނިކަމެތިންނިކަމެތިކަންމަތީއަބަދަށް .