ރައްޔިތުންގެ މަޖިލީހުގެ މެމްބަރުން ޖަލްސާއެއްގައި ބައިވެރިވެވަޑައިގަންނަވަނީ. އިމިގްރޭޝަން ގާނޫނަށް ގެނައި އިސްލާހު މިއަދު ފާސްކުރި.
09 ނޮވެމްބަރ 2020 - 16:01
39 comments
ރާއްޖޭގައި 250،000 ޑޮލަރު އިންވެސްޓްކުރާ ބިދޭސީންނަށް ރެސިޑެންޓް ވިސާ ލިބޭ ގޮތަށް އިމިގްރޭޝަން ގާނޫނު އިސްލާހުކުރަން ރައްޔިތުންގެ މަޖިލީހުން މިއަދު ފާސްކޮށްފި އެވެ.
އިމިގްރޭޝަން ގާނޫނަށް ސަރުކާރުގެ ފަރާތުން ތިނަދޫ އުތުރު ދާއިރާގެ މެެމްބަރު އަބްދުލް މުޣުނީ ހުށަހަޅުއްވާފައިވާ އިސްލާހު ދިރާސާކުރުމަށް ފަހު ރައްޔިތުންގެ މަޖިލީހުގެ ގައުމީ ސަލާމަތާއި ޚާރިޖީ ގުޅުންތަކުގެ ކޮމިޓީން އެކުލަވައިލި ރިޕޯޓް މަޖިލީހުގެ މިއަދުގެ ޖަލްސާގައި ފާސްކުރީ 52 މެމްބަރުންގެ ވޯޓުންނެވެ. ރިޕޯޓް ފާސްކުރުމާ ދެކޮޅަށް އެއްވެސް މެމްބަރަކު ވޯޓެއް ނުދެއްވަ އެވެ. ވަކިކޮޅަކަށް ވޯޓް ނުދެއްވާ ތިން މެމްބަރަކު ތިއްބެވި އެވެ.
ކޯޕަރޭޓް ރެސިޑެންޓް ވިސާ އަކީ މިއަދު ފާސްކުރި އިސްލާހުގައިވާ ގޮތުން، ރެޖިސްޓްރާ އޮފް ބިޒްނަސަސް ކަނޑައަޅާ ގޮތެއްގެ މަތިން ރާއްޖޭގައި ރަޖިސްޓްރީކޮށްގެން ހިންގާ ވިޔަފާރިތަކުގެ ހިއްސާދާރުން، ޑިރެކްޓަރުން ނުވަތަ ޕާޓްނަރުންނާއި އެ މީހުންގެ އާއިލާތައް ރާއްޖޭގައި ދިގުމުއްދަތަކަށް ތިބެން ދޫކުރާ ހުއްދައެކެވެ. އެއީ ވަޒީފާ އަދާކުރާ ބައެއްގެ ގޮތުގައި ނޫން ގޮތަކަށް އެފަރާތްތައް ރާއްޖޭގައި ތިބުމަށް ދޭ ހުއްދައެއް ކަމަށް ވެސް ރިޕޯޓްގައި މާނަކޮށްފައިވެ އެވެ.
އިމިގްރޭޝަން ގާނޫނަށް ސަރުކާރުން ހުށަހެޅި އިސްލާހު ކޮމިޓީން ދިރާސާކޮށް އެކުލަވައިލި ރިޕޯޓްގައިވާ ގޮތުން ކޯޕަރޭޓް ރެސިޑެންޓް ވިސާ ދެ ގޮތަކަށް ދޫކުރާނެ އެވެ. އެއް ގޮތަކީ 250،00 ޑޮލަރު ރާއްޖޭގައި އިންވެސްޓްކުރުމެވެ. ދެވަނަ ގޮތަކީ އެ އަދަދުގެ ފައިސާ ރާއްޖޭގެ ބޭންކެއްގައި ފަސް އަހަރު ދުވަހަށް ފިކްސްޑް ޑިޕޮޒިޓް އެކައުންޓެއްގައި ބެހެއްޓުމެވެ.
ކޯޕަރޭޓް ރެެސިޑެންޓް ވިސާ އެގޮތަށް ދޫކުރަން އެމްޑީޕީގެ ބައެއް މެމްބަރުން ވެސް ދެކޮޅެވެ. އެ ރިޕޯޓަށް ވޯޓް ނުދެއްވި މެމްބަރުންގެ ތެރެއިން މާފަންނު މެދު ދާއިރާގެ މެމްބަރު އިބްރާހީމް ރަޝީދު (ބޮންޑޭ) މިއަދު "މިހާރު" އަށް ވިދާޅުވީ ފޮރިން އިންވެސްޓްމަންޓަކީ ހަމަ އެކަނި ރާއްޖެ އަށް ފައިސާކޮޅެއް ގެނެސް ބެހެއްޓުން ނޫން ކަމަށާއި ދިވެހިންނަށް އެ ފައިސާ އިން މަންފާކުރާ ގޮތަކަށް އިންވެސްޓްކުރުން ކަމަށެވެ.
"ލާރީގެ އިތުރުން ދިވެހިން ހުނަރުވެރިކޮށް، ތަން ތަހުޒީބުކޮށް ދިވެހިންގެ އުފެއްދުންތެރިކަން އިތުރުކޮށް ދިވެހިންގެ ޖީބަށް ލާރި ލައިދިނުން ހަގީގަތުގައި އިންވެސްޓްކުރުމަކީ،" އޭނާ ވިދާޅުވި އެވެ.
ރައްޔިތުންގެ މަޖިލީހުގެ މާފަންނު މެދު ދާއިރާގެ މެމްބަރު އިބްރާހީމް ރަޝީދު މަޖިލީހުގެ ޖަލްސާއެއްގައި ވާހަކަދައްކަވަނީ. ފޮޓޯ: ރައްޔިތުންގެ މަޖިލިސް
އޭނާ ވިދާޅުވި ގޮތުގައި 250،000 ޑޮލަރަށް ފްލެޓެއް ވިއްކައިލުމަކުން އެކަން ހާސިލެއް ނުވެ އެވެ.
މިއަދު ފާސްކުރި ރިޕޯޓްގައިވާ ގޮތުގައި އިމިގްރޭޝަން ގާނޫނަށް ގެނައި އިސްލާހުތައް ފާސްކުރާތާ 14 ދުވަހުގެ ތެރޭގައި ކަމާ ބެހޭ ގަވައިދުތައް ދައުލަތުގެ އިދާރާތަކުން ހަދަން ޖެހެ އެވެ. މިހާރު އަމަލުކުރަމުން އަންނަ ގަވައިދުގައިވާ ގޮތުން ރާއްޖޭން ރެސިޑެންޓް ވިސާ ދޫކުރަނީ މަދުވެގެން 50 މިލިއަން ޑޮލަރު އިންވެސްޓްކުރާ މީހުންނަށެވެ.
އިމިގްރޭޝަން ގާނޫނަށް ސަރުކާރުން ހުށަހެޅި އިސްލާހު ކޮމިޓީން ދިރާސާކޮށް ހިމެނި އެހެން ކަންތައްތަކުގެ ތެރޭގައި ދިވެހިންނާ ކައިވެނިކޮށްގެން އުޅޭ މީހުންނަށް މެރިޖް ވިސާ ދޫކުރުން ހިމެނެ އެެވެ. އެއީ ވެސް ކޮންމެ ފަސް އަހަރަކުން އާކުރާ ގޮތަށް ދޫކުރާ ވިސާއެކެވެ.
ބިދޭސީންނަށް ދިގުމުއްދަތުގެ ވިސާ ފަސޭހައިން ލިބޭ ގޮތަށް ގާނޫނު އިސްލާހުކުރަން ފާސްކުރި އިރު، އެކަމާ ބެހޭ ގޮތުން ރައްޔިތުންގެ މަޖިލީހުގައި ހޫނު ބަހުސްތަކެއް ކުރި އެވެ. ނަމަވެސް ކޮމިޓީ ރިޕޯޓްގައިވާ ބަދަލުތަކާ އެކު ބިލް މިއަދު ފާސްކުރި އިރު ބިލާ ދެކޮޅަށް އެއްވެސް މެމްބަރަކު ވޯޓެއް ނުދެއްވަ އެވެ. ވަކިކޮޅަކަށް ވޯޓް ނުދެއްވާ ތިއްބެވީ ކެންދޫ ދާއިރާގެ ޖޭޕީ މެމްބަރު އަލީ ހުސައިނާއި ވިލިނގިލި ދާއިރާގެ އަމިއްލަ މެމްބަރު ސައުދު ހުސައިނާއި ތުލުސްދޫ ދާއިރާގެ އަމިއްލަ މެމްބަރު އިބްރާހީމް ނަސީމެވެ. ބޮންޑޭ ވޯޓުގައި ބައިވެރިވަޑައެއް ނުގަންނަވަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ތިމާވެށި
10 November 2020
އެކި ދީން ތަކުގެ މިނިވަން ކަމަށް ހުޅުވިގެންދާނެ ދޮރެކެވެ. އެމީހުންނަށް މިނިވަން ކަން ލިބެނީ އެވެ. ގައިރު މުސްލިމުންނާ ކައިވެނި ކޮށްގެން އުޅޭ ދިވެހީން ވެސް މަދެއް މޫނެވެ.
އިސްމާލި
10 November 2020
މިޒަމާނުގައި 250،000 ޑޮލަރަކީ އެއްވެސް އެއްޗެއް ނޫން. ތިވަަރު ގެ އަދަދެއް ނިދާ ގޮދަޑިދަށުން ގުނާލާފައިދޭނެ ކިތަންމެ ދިވެހިންނެއްވެސް ތިބޭނެ. މި އަދަދު "އިންވެސްޓް" ކުރުމުން ޑިއުޓީ ފްރީކޮށް އެއްގަމު އުޅަނދަކާއި ކަނޑު އުޅަނދެއްވެސް ގެނެވޭ. ރަނގަޅު ފެންވަރުގެ ކަނޑު އުޅަނދެއް ގެނެސް ވިއްކާލަނިކޮށް އެއކަލަ ފައިސާ ހަމަޖެހިދާނެ. އެހިސާބުން މިއީ ހިލޭ ލިބުނު ވިސާއަކަށް ވާނެ. އެއިގެ ބަދަލުގައި ހުރިހައި އޮފީސްތަކުން އަވަސް ހިދުމަތާއި އެއަރޕޯޓް ވީއައިޕީ ބޭނުންކުރެވޭ.
ނާގޯށި
10 November 2020
ދިވެހި ރައްޔިތަކަށް އަމިއްލަ ބޭނުމަކަށް ގެންނަ އެއްޗެއް ޒީރޯ ޑިޔުޓީގަ އެތެރެ ނުކުރެވޭ، އެކަމަކު މި އިންވެސްޓަރުންނަނަށް ޒީރޯ ޑިޔުޓީގަ ވެސަލް އެތެރެ ކުރެވޭ. މިމީހުންނަށް ފްރީ އެއަރޕޯޓް ލައުންޖު އެންމެ 250،000 ޑޮލަރ އިންވެސްޓް ކުރަންވީ. ދިވެހި ރައްޔިތުން ސެކެންޑް ކްލާސް ސިޓިޒަން އަށްވެ ނިމިއްޖެ.
މަބުނީ
10 November 2020
ކޮމެންޓްކުރާމީހުންނަށް ބުނެލަން އޮތީ މި ބިލާ ދެކޮޅަށް އެއްވެސް މެމްބަރަކު ވޯޓެއް ނުދޭ. ޕީޕީއެމް މެމްބަރުންވެސް ޖޭޕީ މެމްބަރުންވެސް އެތާ ތިބޭ.
އަބްދުއްالله
10 November 2020
ތިޔައީ އިންޑިޔާ މީހުން ރާއްޖޭގެ މައްޗަށް އަތް ގަދަކުރުމަށް ހުޅުވި ދޮރެއް. އައު ދިއްލީގަ އޮންނަ މަރުކަޒީ ސަރުކާރުގެ އަމުރު ހިންގަނީ.
ފޫހި
10 November 2020
އަހަރެން ހައިރާންވަނީ ގައުމު ހިންގަންނޭންގޭބަޔަކު އަބަދު ވެރިކަމާހެދި އުޅޭތީ. އަދި މިބައިގަޑަށް ވޯޓްލާތީ. ޢިސްތިއުފާ. މަޖިލީސް ދަށަށްގޮސް އިސްތިއުފާއަށް ގޮވަންވީ. ނޫނީ އެތާ ތަޅު އަޅުވަންވީ. ބޑމސބތއް
ފޫޖި
10 November 2020
ޢެމްޑީޕީ އަކީ ދިވެހިވަންތަ ބައެއްނޫން. ޢެއީ ބޭރުގެ އެޖެންޓުން މި ރާއްޖޭގައި އެޅުވި ނުބައި ފަންޏެއް. ޢެފަނިން މި ގައުމު ހަލާކުކޮށްލާނެ. ޢެ ޕާޓީން އުޑުން ތަރިބާލައިދޭން ބުންޏަސް އަހަރެން ދޭނެ ވޯޓެއް ނޯންނާނެ. ޢެ ޕާޓީން މަގޭ މަންމަ ނުކުތަސް އެއީ ހަމަ އެންމެ މީހަކުގެ ފިކުރު. ޢެހެންވީމާ ކޮންމެ މީހެއްހޮވިއަސް އެއަކުން ނުކުންނާނެ ހެވެއްނެތް. މި އަގުބޮޑު ޖަވާހިރެއްފަދަ މުތީ މިބައިގަނޑު މިއުޅެނީ ފުޑުފުޑުކޮށްލަން.
ާަާާައަލީ ޝަފީގު
10 November 2020
މަޖިލީހުގައިތިބީ ރީނދޫ އަމިއްލަ އެދުމުންފުރިފައިވާ ނަޝީދުގެ އަޅުންތަކެއް. ރާއްޖެއާއި ދިވެހިންނަށް ގެއްލުންވާ ހުރިހާކަމެއް އެބަކުރޭ. ނޫސްވެރިން ގައުމަށްޓަކާ މިފަދަ ނުބައިނިންމުންތަކާ ދެކޮޅަށް ތެދުވަންޖެހޭ.
ޖޯކަރު
10 November 2020
މިދެން ބޮޑުވަރު. ތީ އިންވެސްޓަރުން ގެންނަން ކުރާކމެއް ނޫން. ތީރާއްޖެ ނާދެވިފައި ތިބި ދިވެހި އާއިލާތަކުގެ ބޭރު ޤައުމުތަކުގެ ވޒަންވެރިން އެއްވެސް ހުރަހެއްނެތި މިތާ އުޅެން މަގުފަހި ކުރަން ބަޔަކު ހީލަތްތެރި ރޭވުމެއް. ތިން މިލިއްއަނަށް ގެދޮރު ގަނެލީމާ ދެން ވިސާ ޔަޤީންވީ. މީގައި ރައްޔިތުންނަށް އޮތީ ކޮންފައިދާއެއް, ތިޔަ ސަބްރާއަަކާއި ދެންވެސް ފއިސާ އޮތްހާ ބޔަކާ ނަޝީދުގެ ތިމާގެމީހުނ ަަަަަަަަަ
މިނިވަން ފިކުރު
10 November 2020
މިބަޔަކު އައިފަހުން ހައްތަހާވެސް ފެންނަނީ ބޭރުމީހުންނަށް ކަންކަން ފަހިކޮށްނުދެވިގެން، އެމީހުނާ ގުޅުން ނުބޭއްވިގެން، އެމީހުންގެ ހައްގުތައް ހޯދަ ނުދެވިގެން އުޅޭތަން. މިކަމުން ދޭހަވަނީ މީ މި ގައުމުގައި ވަކިކަހަލަ ކަންކަމެއް ކުރަން ބޭނުންވާ ބޭރުގެ ނުފޫޒު ތަކަކާ ދިވެހިންގެ ބަޔަކާ ގުޅިގެން ތަންފީޒުކުރާ ދުރުރާސްތާ ޕްލޭނެއްކަން. ސިޔާސީ ގޮތުން ތަގައްޔަރުވެފަތިބި، އަމިއްލަ ސިކުނޑިން ނުވިސްނާ މީސްމީހުން ނުވިސްނުނަސް އަހަރެމެން މިނިވަނުންނަށް މިވަރު އެނގޭ.