މާފަރު އެއާޕޯޓުގައި ޖައްސާފައިވާ ޕްރައިވެޓް ޖެޓުތައް--ފޮޓޯ:އައިއޭއެސް
28 ޑިސެމްބަރ 2020 - 11:33
19 comments
ޓޫރިސްޓުން ރާއްޖެއަށް އަންނަ ވަރު އިތުރުވެ، މާފަރު އެއާޕޯޓަށް ޖައްސާ ޕްރައިވެޓް ޖެޓުތަކުގެ އަދަދު ވަރަށް ބޮޑަށް އިތުރުވެއްޖެ އެވެ.
މޯލްޑިވިއަން އެއާޕޯޓްސްގެ ޖެނެރަލް މެނޭޖަރު މުމްތާޒް އަލީ ވިދާޅުވީ، މި މަހުގެ މިހާތަނަށް 95 ޕްރައިވެޓް ޖެޓް ޖައްސާފައިވާ ކަމަށެވެ. އަންނަ މަހު އެއްކޮށްހެން ވެސް ޕްރައިވެޓް ޖެޓްތައް ފުލް ކެޕޭސިޓީގައި އަންނާނެ ކަމަށް އޭނާ ވިދާޅުވި އެވެ.
"ކުރިއަށް އޮތް ދުވަސްތަކުގައި ވެސް އެއާޕޯޓަށް އޮތީ ވަރަށް ބާރު ބޮޑުކޮށް،" އޭނާ ވިދާޅުވި އެވެ.
މާފަރު އެއާޕޯޓު އޮންނަ ސަރަހައްދަކީ ހައި އެންޑް ގިނަ ރިސޯޓުތަކެއް އޮންނަ ސަރަހައްދެކެވެ. އެގޮތުން ވެލާ އާއި ސޮނޭވާ ޖާނީގެ ރަންދެލި ރިސޯޓު ހިމެނެ އެވެ. މި ދުވަސްވަރަކީ ރާއްޖެއަށް އަންނަ ޓޫރިސްޓުން ވަރަށް ބޮޑަށް އިތުރު ދުވަސްވަރެކެވެ. މިމަހުގެ މިހާތަނަށް 70،000 ވުރެ ގިނަ ޓޫރިސްޓުން ވަނީ އައިސްފަ އެވެ.
މާފަރު އެއާޕޯޓުގައި ޖައްސާފައިވާ ޕްރައިވެޓް ޖެޓުތައް. މިމަހު އެކަނި 95 ޕްރައިވެޓް ޖެޓް ޖައްސާފައިވޭ--ފޮޓޯ:އައިއޭއެސް
މުމްތާޒް ވިދާޅުވީ، ބޯޑަރު ހުޅުވައިލި ފަހުން ކޮންމެ މަހަކު އެވްރެޖުކޮށް 50 ޕްރައިވެޓް ޖެޓް ޖައްސާ ކަމަށެވެ. މިދިޔަ މަހު އެކަނި 60 ޕްރައިވެޓް ޖެޓް ޖެއްސި އެވެ. މާފަރު އެއާޕޯޓަށް މިދިޔަ ހޮނިހިރު ދުވަހު އެކަނި ވެސް 20 ޕްރައިވެޓް ޖެޓް ޖައްސާފައިވެ އެވެ. މިމަހު އެވްރެޖުކޮށް ދުވާލަކު ހަތް ޕްރައިވެޓް ޖެޓް ޖައްސަ އެވެ.
މާފަރު އެއާޕޯޓުގައި 10 ޖެޓަށް އެއްފަހަރާ ޕާކު ކުރެވޭނެ އެވެ. އެހެން ނަމަވެސް މިވަގުތު ޕާކިން ފުލް ވުމުގެ ސަބަބުން ޖެޓްތައް ޖެއްސުމަށްފަހު ދާން ޖެހެނީ އެހެން އެއާޕޯޓުތަކަށެވެ.
މާފަރު އެއާޕޯޓުގައި ޖައްސާފައިވާ ޕްރައިވެޓް ޖެޓެއް.--ފޮޓޯ:އައިއޭއެސް
މިދުވަސްވަރަކީ އާންމު ގޮތެއްގައި ރާއްޖެއަށް ގިނަ އަދަދެއްގެ ޕްރައިވެޓް ޖެޓްތައް ޖައްސާ ދުވަސްވަރެކެވެ. ބައެއް އެހެން އެއާޕޯޓުތައް ކަމަށްވާ ކޫއްޑު އާއި ގަން އިންޓަނޭޝަނަލް އެއާޕޯޓަށް ވެސް ޕްރައިވެޓް ޖެޓުތައް ޖައްސަ އެވެ.
މާފަރު އެއާޕޯޓު ހުޅުވީ މިިދިޔަ އަހަރުގެ ޑިސެމްބަރު މަހު އެވެ. އަބޫދާބީ ފަންޑް ފޯ ޑިވެލޮޕްމެންޓް (އޭޑީއެފްޑީ) އިން 60 މިލިއަން ޑޮލަރު ޚަރަދު ކޮށްގެން ހެދި މާފަރު އިންޓަނޭޝަނަލް އެއާޕޯޓަށް ހިންގަނީ ސަރުކާރުގެ އެއާލައިން ހިންގާ ކުންފުނި އައިލެންޑް އޭވިއޭޝަނުންނެވެ. މިއީ އޭ320 އާއި ބޮއިން 737 މަރުކާގެ ބޯޓު ފަހަރަށް ވެސް ޖެއްސޭ ފެންވަރުގެ އެއާޕޯޓެވެ. މީގެ އިތުރުން އެއާޕޯޓުގެ ރަންވޭ ބޮޑު ކުރުމުގެ މަސައްކަތް އަނެއްކާ ވެސް ވަނީ ފަށައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނިކަމެތިރައްޔިތުމީހާ
29 December 2020
ހެޔޮ ނުވާނެ، ރަންވޭ ބޮޑު ކުރުމުގެ ކުރިން ތިތަނުން ތެޔޮ އެޅޭނެ ގޮތް ހަދައި ލައުންޖު ތަކެއް ހަދާބަލަ. ބިލިއަނަރުން އަންނަ އިރު ތިތާނގަ އިށީނދެލާނެ ތަންކޮޅެއްވެސް ނެތް
ދުންދަނޑި
29 December 2020
އުތުރު ރަށެއްގެ ބަޔަކު ޕޯޗުގީޒުން ނުމެރިނަމަ ލިޒްބަން އެއާޕޯޓަށްވުރެ ވަކި ކުޑައެއްނުވާނެ ތިތާގެ ޑިޕާޗާ ހޯލު އެކަނިވެސް. އެކަމަކު ޕޯޗުގީޒުން މެރިމީހުންގެ ރަށަށްވެސް 400 އަހަރުވިއިރު އައި ކުރިއެރުމެއް ކޮބާ މާލޭމީހުންގެ ކުލީވިޔަފާރީގެ މާކެޓިން ޕުރޮޕެގެންޑާ "ގައުމީ" ލަވަޖެހުން ފިޔަވާ.
ވަރަށް އުފާވެރި
29 December 2020
ސަރުކާރުން އަވަހަށް ނ އަތޮޅުގައި އިތުރު ރިސޯޓް ތަކާ ރަށް ރަށުގަ ގެސްޓްހައުސް ތައް އަޅަން ހުއްދަދީ ޓްރާންސިޓް ޝިޕިންގް ބަނދަރެއްއަޅާދެންވީ، ޝައްކެއްވެސް ނެތް މާފަރު މާލެއެކޭ އެއް ފެންވަރަށް ތަރައްގީ ވާނެ، އަހަންނަށް ފްލައިނުކުރެވިފަ މިހުންނަނީ ކަރަންޓީނު ވާން ޖެހޭތީ ހަރަދު ބޮޑުވާނެތީ، އަތްމަތިވެސް މިދުވަސް ކޮޅު ދަތިވީމަ
އަވަސް11
28 December 2020
ސަރުކާރުން އަވަސްކުރަންވީ ހުވަދު އަތޮޅު މާވަރުލު ނޫނީ ފަރެސްމާތޮޑާ އެއަރޕޯޓް އިންޓަނޭޝަނަލް އެއަރޕޯޓެއްގެ ގޮތުގައި ތަރައްގީކޮށް ދެކުނުގެ ޓޫރިމަށްވެސް އަލިމަގެއް ހޯދައިދިނުން. ތަރައްގީ ކުރާނެ ރަށްތަކާއި ފަޅުތައް އޮތީ ހުވަދޫގައި. އައްޑޫ އެއަރޕޯޓުގައިވެސް ކުރެވެން ހުރި ކަމެއްކުރަންވީ. ހުވަދޫ އިންޓަނޭޝަނަލް އެއަރޕޯޓް އަޅަންވާނީ ޓްރާންސްޝިޕްމެންޓް ޕޯޓެއް އަޅަންޖެހުނަސް އަޅާނެ ސަރަހައްދަކާއި މާ ދުރުނޫން ހިސާބެއްގައި. އެއީ މާވަރުލު ނުވަތަ ފަރެސްމާތޮޑާ އެއަރޕޯޓް
ކަލޭތީ ކާކު
28 December 2020
ރަންވޭއަށްވުރެ މިވަގުތައް މުހިއްމީ ޕާކިން ބޮޑުކުރުން
ލައުރާ
28 December 2020
އަޅުގަނޑު އެދެނީ އައްޑޫ މީހުން އަވަހައް މާލެއިން އުތުރައް ބަދަލު ވު މައް އެގޮތުން ހއ ފުން ފެށިގެން ބ އަތޮޅާ ދެ މެދުގެ ރައްތަކައް އައްޑޫ އަކީ ސަރުކާރައް ބެލެހެއްޓޭ ހަރަދު ކުރެވޭ ހިސާބެއްގަ އޮތްތަނެއްނޫން އައްޑޫ އިން މީހުން ފޭބު މުން ދައުލަތުން އެތަން ހަދަންވީ ދަނޑުވެރި ރަށަކައް އަސްކަރީ ބޭސް ކުއްވެރިންގެ މައިޖަލު އެތަނައް ބަދަލު ކޮއްފަ
ތިމާވެށި
28 December 2020
ސަރަހައްދީ އެއަރޕޯޓް ތަކުން ތެޔޮ އެޅޭނެ ގޮތް ހަދާ ބަލާށެވެ.
ަައައްޑޫ ގޫބައްޑާ
28 December 2020
ގަން އެއަރ ޕޯޓެ މިވަގުތެ އަސް ތެބޮއް 23 ޕްރައިވެޓު ޖެޓު
ގަން އެއަރޕޯޓް
28 December 2020
މާފަރުން ގަމަށް އައި 23 ޖެޓް ދޯ
ނުރަބޯ
28 December 2020
ޔާމީނު މީ ގަދަ މީހެއް. ދިވެހިން އެކަމަކު އޭނާ އަށް ދިނީ ބޮނޑި. އިންޑިޔާ ބޭނުންވާގޮތަށް އޭނާ އެވަނީ ނުޙައްގުން ޖަލަށް ލާފައި. ހިތާމަ ހުރި
ބަޑީ
29 December 2020
ދިވެހިން އެކަން ޤަބޫލުކުރާތީ، އާރާ ބާރުގަހުރެ ބޭއްވި އިންތިހާބުން "ނޯ" ބުނެފަ ބޭލީދޯ؟ ދިވެހިންގެ އެތައްބަޔަކަށް ދިން ނުހައްޤު އަނިޔާއާ ދިވެހިންގެ ބައިތުލްމާލު ކާލާ ބަހާލާ ހެދުން، ގިނަ ދިވެހިން ޤަބޫލެއް ނުކުރޭ. ގިނަ ދިވެހިންގެ ތާއީދެއް އޮތްމީހެއްގެ ނޫންކަމަށް ނަގާ ވޯޓްތަކުން ފެންނަނީ. މާލެ ސިޓީގަ ނޫޅޭ ތިޔަބައި ޤަބޫލުކުރާ މާގިނަބަޔަކު، ކައުންސިލް އެއްކޮށްނަގާ މަޖިލިސް އެއްކޮށްނަގާގެން އެތިބީ.
ދެރަވ
28 December 2020
މިގޮތަށް އެންމެ އުތުރުވެސް ދެކުނުވެސް ތަރައްޤީގޮތް ސީދާ އެހިސާބުތަކަށް ބޭރުން ފްލައިޓްތައް އަންނަގޮތް ހެދަންވީ. މާލެއަކީ ނެތްތަނަކަށް ހަދައިގެން ރާއްޖެ ތަރައްޤީވާނީ