ވިޔަފާރި

މި އަހަރު 5.1 ބިލިއަން ރުފިޔާގެ ޓީބިލް ވިއްކައިފި

މޯލްޑިވްސް އިންލެންޑް ރެވެނިއު އޮތޯރިޓީ--ފޮޓޯ:މިހާރު

ފާތިމަތު ޝަނާ މުހައްމަދު، މިހާރު

30 ޑިސެމްބަރ 2020 - 13:38

8 comments

ދައުލަތުގެ ހަރަދުތައް މެނޭޖްކުރުމަށް މި އަހަރު 5.1 ބިލިއަން ރުފިޔާގެ ޓީިބިލް ވިއްކައިފި އެވެ.

ފިނޭންސް މިނިސްޓްރީން އާންމުކޮށްފައިވާ ތަފާސްހިސާބުތަކުން އެނގޭ ގޮތުގައި ދިވެހި ރުފިޔާ އިންނާއި ޑޮލަރުން ޓީބިލް ނަގާފައިވެ އެވެ. އެގޮތުން އެންމެ ބޮޑު އަދަދެއް ނަގާފައިވަނީ ދިވެހި ރުފިޔާ އިންނެވެ. މިދިޔަ އަހަރު ނިމުނު އިރު ޓީބިލްގެ ގޮތުގައި 4.3 ބިލިއަން ރުފިޔާ ވަނީ ނަގައިފަ އެވެ.

މީގެ އިތުރުން އެއް އަހަރަށް ވުރެ ދިގު މުއްދަތަށް ވިއްކާފައިވާ ޓީ ބޮންޑުގެ އަދަދު އުޅެނީ 3.7 ބިލިއަން ރުފިޔާގަ އެވެ. މިދިޔަ އަހަރު 435 މިލިއަން ރުފިޔާ ޓީބޮންޑުގެ ގޮތުގައި ވިއްކާފައިވެ އެވެ. އެހެންކަމުން މިއަހަރު ޓީ ބޮންޑު ވިއްކި އަދަދު ވަނީ 90 ޕަސެންޓް އިތުރުވެފަ އެވެ.

ކޮވިޑްގެ ހާތަކާ ގުޅިގެން ޓޫރިޒަމް ދާއިރާ ހުއްޓުމަކަށް އައިސް ދައުލަތުގެ އާމްދަނީ ވަރަށް ބޮޑަށް ދަށްވި އެވެ. މިއާ އެކު ދައުލަތުގެ ހަރަދުތައް މެނޭޖްކުރުމަށްޓަކާއި ޓީބިލް އަދި ލޯނުތައް ނަގަން ސަރުކާރަށް މަޖުބޫރުވި އެވެ.

މަރުކަޒީ ބޭންކް، އެމްއެމްއޭ އިން ހަތަރު ވައްތަރެއްގެ ޓީބިލު އަންނަނީ ވިއްކަމުންނެވެ. އެއީ 28 ދުވަހާއި 98 ދުވަހާއި 182 ދުވަހުގެ އިތުރުން 364 ދުވަހުގެ ތެރޭގައި ފައިސާ އަނބުރާ ދައްކަންޖެހޭ ޓީބިލެވެ. އަނބުރާ ދައްކަންޖެހޭ މުއްދަތު އިތުރުވާ މިންވަރަކަށް އިންޓަރެސްޓް ރޭޓް ދާނީ ބޮޑުވަމުންނެވެ.

އެމްއެމްއޭ މެދުވެރިކޮށް ސަރުކާރުން ޓީބިލް ވިއްކުމަށް ހަފްތާއަކު އެއް ފަހަރު ހުޅުވައިލަ އެވެ. ސަރުކާރުގެ ކޭޝް ފްލޯ ހަމަޖެއްސުމަށް އެމްއެމްއޭ މެދުވެރިކޮށް ސަރުކާރުން ޓީބިލް އާންމު ގޮތެއްގައި ވިއްކަނީ ޕެންޝަން ފަންޑާއި ބައެއް ބޭންކްތަކާއި ސަރުކާރު ހިއްސާވާ ބައެއް ކުންފުނިތަކާއި އަމިއްލަ ކުންފުނިތަކަށެވެ. މީގެ ތެރޭގައި މަޝްހޫރު ޗަމްޕާ ބްރަދާސްގެ ހިއްސާ އޮންނަ ކޮމާޝަލް ބޭންކް އޮފް މޯލްޑިވްސް އާއި ޔުނިވާސަލްގެ ހިއްސާ އޮންނަ ކުންފުނިތަކުން ވެސް ސަރުކާރުން ވިއްކާ ޓީބިލަށް އިންވެސްޓް ކުރެ އެވެ.

ފިނޭންސް މިނިސްޓްރީ އެމްއެމްއޭ ޓްރެޝަރީ ބިލް

8 ކޮމެންޓް, 15 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަހުމަދުބޭ

31 December 2020

ޓީ ބިލްގެ ތަފްސީލްތަސް ނޭގޭތީ މައްސަލައަކީ، އަބަދުވެސް އިވެނީ 5 ބިލިއަން ގެ ޓީބިލް 6 ބިލިއަން ގެ ޓީބިލް ވިއްކިވާހަކަ؟ ކިހާވަރެއްގެ ޑިސްކައުންޓެއް ދިންކަމާ ކިހާމުއްދަތަކަށްތޯ މިއިން އެއްޗެއް ސާފެއްނުވޭ؟ އާއްމުރައްޔިތުންނަށްވެސް ބައިއަޅައިގެން ތިޔަބިލް ވިއްކަންވީނޫންތޯ؟ މިހާރު ޗަންޕާ ނުޖެހޭ ކަމެއްކުރާކަށް ދައުލަތަށް ލާރީދީގެން ޓީބިލްގެ އިންޓްރަސްޓުން މުޅިވިޔަފާރި މިހިންގަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދަންނަ ނުދަންނަ

31 December 2020

ދަރިންގެ ދަރިންނާއި ދަރިންގެ ދަރިންނަށް ދާނދެން ގައުމު ދަރުވައި ވިއްކައިލީ. މި އިބާރާތަކީ 2004 ވަނަ އަހަރުން ފެށިގެން 2008 އާ ހިސާބަށް އެންމެ ބާރަށް ތިޔަ ޕާޓީން ގޮވި އިބާރާތެއްް. ރައްޔިތުންގެ ޖީބަށް ބަރެއް ނުވާނެ. ހޮވެންދެން ގޮވަމުން އައިގޮތް. އެބުނި އެއްޗެއްގެ މާނަ މިއަދު ކުރާނަމަ ބުނަންއޮތީ ތެދެކޭ. ޖީބު ބަރުވާނީ ރައްޔިތުންގެ ޖީބަށް ލާނެ އެއްޗެއް ހުރިނަމަތާއޭ. ޖީބަށް ލާނެ އެއްޗެއް ނެތީމާ ޖީބަށް ބަރެއް ނުވާނެ. ވަލްހަމްދުލިއްލާހި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަޝީދު.

30 December 2020

ނަން ވާނީ ޔާމީނު!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރާއްޖެެ

30 December 2020

މިއީ ސުމެއްގެ ސަރުކާރެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަކީމް

30 December 2020

މިހެންތާވާނީ ފުއައްމުލަކަށް ނިސްބަތްވާ މ.ޑ.ޕ މީހަކު ހިންގާ ހުޅުމާލޭ ގެސްޓްހައުސް އެއްގެ ވޭނެއް ކޮވިޑް ސެންޓަރަށް ބޮޑު އަގުގައި ހިފާފަ އޮންނަތާ މިހާރު އަހަރެއް ވަނީ. އޭނަ މިހާރު އޭގެ 30 ވޭނު ގަންނަހާ ލާރި މީގެން ހޯދައިފި. މިހިރަ ކަހަލަ ކަންކަން ބަލާނެ މީހަކު ނެތް.