އެންޑީއޭ އިސްލާހުކުރަންޖެހޭ، އެކަން ލަސްވުމަކީ ރާއްޖެއަށް ލިބޭ ގެއްލުމެއް: ނަޝީދު

ކުރީގެ ރައީސް މުހައްމަދު ނަޝީދު: އެންޑީއޭ އިސްލާހުކުރުމާ ގުޅޭގޮތުން އެ މަނިކުފާނު ވަނީ ކަންބޮޑުވުން ފާޅުކުރައްވާފައި.--ފޮޓޯ: މަޖިލިސް

އާސިމާ ނިޒާރު، މިހާރު

24 ޖެނުއަރީ 2021 - 11:08

9 comments

ނޭޝަނަލް ޑްރަގް އެޖެންސީ (އެންޑީއޭ) އިސްލާހުކުރުމުގެ މަސައްކަތް ލަސްވަމުން ދިއުމަކީ މުޅި ރާއްޖެއަށް ލިބޭ ބޮޑު ގެއްލުމެއް ކަމަށް ކުރީގެ ރައީސް އަދި ރައްޔިތުންގެ މަޖިލީހުގެ ރައީސް މުހައްމަދު ނަޝީދު މިއަދު ވިދާޅުވެއްޖެ އެވެ.

އެ މަނިކުފާނު ކުރެއްވި ޓްވީޓުގައި ވިދާޅުވީ އެންޑީއޭއަށް އިސްލާހު ގެންނަން ޖެހިފައިވާކަމާ މެދު ޝައްކެއް ނެތް ކަމަށެވެ. އެކަމަކު އެ މަސައްކަތް ފަސްވެ، ލަސްވަމުން ދިއުމަކީ މުޅި ރާއްޖެއަށް ލިބޭ ބޮޑު ގެއްލުމެއް ކަމަށް ވިދާޅުވި އެވެ.

މަސްތުވާތަކެތި ބޭނުންކުރާ މީހުންގެ ފަރުވާގެ ކަންކަން ހަމަޖެއްސުމަށް ގާނޫނުން ލާޒިމްކޮށްފައިވާ އެންޑީއޭ އިސްލާހުކުރުމަށް ގޮވާލައި ސޯޝަލް މީޑިއާގައި އަންނަނީ ކެމްޕެއިނެއް ވެސް ކުރަމުންނެވެ. "ހޭންޑްސްޓުގެދާ" ނަމަކަށް ކިޔާ ޖަމިއްޔާއިން އިސްވެ ކުރިއަށްގެންދާ ކެމްޕެއިންގައި ޕެޓިޝަނެއް ތައްޔާރުކޮށް ކަމާބެހޭ ފަރާތްތަކަށް ވަރަށް އަވަހަށް ހުށަހަޅާނެ އެވެ.

Mee Gaumy kameh, Mee Gaumuge maslahathai, Gaumuge musthaqbalai, zuvaan jeelah takaa kuraa jihad eh! Mikamugai gina beyfulhun Alhugandumennai baiverive dhevvumaky emme bodu edhun! @ibusolih @FaisalNasym @anedhivehirajje @aishamdidi @NDA_MV @hamyds @AhmedMahloof @MDPSecretariat pic.twitter.com/A1ncWnxPoh
— HandsTogether (@HandsTmv) January 23, 2021

އެންޑީއޭއާ ގުޅޭގޮތުން އާއްމުންގެ އެންމެ ބޮޑު ކަންބޮޑުވުމަކީ ފަރުވާ ހޯދުމަށް ދިގު ކިއުއެއް އޮތުމާއި އެ ތަނުން ދޭ "މުސްކުޅި" ފަރުވާ އެވެ.

National Drug Agency ah islaah gennaan jehifai vaakamee shakku higaa kameh noon. Masakkaiy fasve lasvamun dhiyumakee mulhi Raajje ah libey bodu gellumeh
— Mohamed Nasheed (@MohamedNasheed) January 24, 2021

އެ އެޖެންސީ ހިންގާ ބޯޑުގެ ޗެއާމަން އަބްދުލް ހަމީދު މިދިޔަ ނޮވެމްބަރު މަހު ވިދާޅުވީ މަސްތުވާތަކެތީގެ ބަލިމަޑުކަމުން ސަލާމަތްވުމަށް ދޭ ފަރުވާއަށް ބަދަލުތަކެއް އަންނަން ޖެހޭކަމަށެވެ. ނަމަވެސް އެކަމުން މިންޖުވުމަށް ކިއުގައި ތިބި މީހުންގެ އަދަދު ގިނަކަން ފާހަގަކުރެވޭ ކަމަށް އޭނާ އޭރު ވިދާޅުވި އެވެ.

NDA ge kankan islaahu kuran govaalai muzaaharaa koffi

The most trusted news source in the Maldives

Mihaaru

އެ ތަނުން މިދިޔަ މަހު "މިހާރު" އާ ހިއްސާކުރި މައުލޫމާތުތަކަށް ބަލާއިރު، ތަފާތު އެކި ސަބަބުތަކާ ހުރެ ފަރުވާ ނުފެށި 617 މީހުން ތިއްބެވެ

ބޮޑެތި ފާޑުކިޔުންތަކެއް އަމާޒުވެފައިވާ އެންޑީއޭއަށް ހަތަރު މަސް ފަހުން ސީއީއޯއެއް ވެސް ވަނީ އައްޔަންކޮށްފަ އެވެ. އެ މަގާމަށް މިދިޔަ ހަފުތާގައި ހަމަޖެއްސެވީ، އިންޓަނޭޝަނަލް ކޮލެޖް އޮފް ބިޒްނަސް އެންޑް ޓެކްނޮލޮޖީން މާސްޓާސް ޑިގްރީ ހާސިލްކުރައްވާފައިވާ މުހައްމަދު ހަބީބެވެ.

މަސްތުވާތަކެއްޗާ ބެހޭ ގާނޫނުގެ ދަށުން މީގެ ނުވަ އަހަރު ކުރިން އުފެއްދި އެޖެންސީ ހިންގަމުންދިޔައީ ހެލްތު މިނިސްޓްރީގެ ދަށުންނެވެ. ނަމަވެސް މި ސަރުކާރުން އައިސް އެ ތަން ޖެންޑާ މިނިސްޓްރީގެ ދަށަށް ބަދަލުކުރީ އެވެ.

ރައީސް މުހައްމަދު ނަޝީދު މަސްތުވާތަކެތި ނެޝަނަލް ޑްރަގް އޭޖެންސީ ސޯޝަލް އެންޑް ފެމިލީ ޑިވެލޮޕްމަންޓް މިނިސްޓްރީ އާއިޝަތު މުހައްމަދު ދީދީ (ޖެންޑާ މިނިސްޓަރު)

9 ކޮމެންޓް, 8 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ށަވިޔަނި

24 January 2021

އިސްލާހުކުރަންވީ މުއައްސަސާއެއްނޫން. އިސްލާހުނުވެގެން އުޅެނީ މީހުން. ރަނގަޅުބަޔަކު މިގައު މަކު ނެތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެމްޑީޕީގެ ވަފާތެރި ޚާދިމް

24 January 2021

ބައްލަވާ އަނގައެއް އޮތީމާ މަނިކުފާނުވެސް އަނގަ ފުޅާކުރަނީ، ބަލަ އަހަރެމެންގެ ވެރިކަމުގަ މަނިކުފާނެއް ނޫންތޯ އައްޑޫގަ ހުރި އެންޑީއޭގެ ބޮޑު ސިންގާ ސެންޓަރެއް ބަންދުކުރީ؟ އޭރުވެސް މަބުނިން އަހަރެމެން މިކުރަނީ މުޅިން މޮޔަ ކަމެކޭ، ހެލްތު މިނިސްޓްރީގެ މީހުން މުޅި އެންޑީއޭ އިން ވައްކަންކޮށް ހުރިހާ މުދަލެއް ނެގުމަށްފަހު އެންޑީއޭއަށް ދިނީ ޖުމްލަ 5 ޑެސްކް، 1 ކޮމްޕިއުޓަރު. ކަލޭމެން ބުނީ މިވަރުން އެންޑީއޭ ހިންގޭނެޔޯ. މިހާރު ކީކޭ ތިޔަ ގޮވަނީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުފައްކރު

24 January 2021

ބަލަދުއަރާ ބަޔަކު ތިބީމަ ވަޒީފާދޭން އަބުރާ ގޭސް ގަނޑަކަށް ވެސް ވެދާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަސި

24 January 2021

އެހެންވީމާ 2023ގަ އަލުން އިންތިހާބު ވީމަދޯވާނީ. މިހާރު މިއީ އެމްޑީޕީވެރިކަމެއް ނޫންވީއްޔަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނުވނެ

24 January 2021

ތިކަމެއް ނުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފިރުޒާ

24 January 2021

އެންޑީއޭ ރަނގަޅަށް ނުހިނގުމަކީ ޑްރަގް ކޯޓުގެ މަސައްކަތަށް ވެސް ދަތިކަން ކުރިމަތިވާ ކަމެއް. އެ ކޯޓުން އިންޑިކޭޓިވް އެސެސްމަންޓު ހެދުމަށް ފޮނުވުމުން ތިން ހަތަރު މަސް ނަގާ ރިޕޯޓު ހަދަން. އަދި ފަރުވާއަށް ފޮނުވީމަ ފަރުވާދޭ މަރުކަޒުގެ ޖާގަ ނެތިގެން ކަމަށް ބުނެ އެތައް ސަތޭކަ ބަޔަކު މަގުމަތިވެފައިވެސް އެބަތިބި. ރައީސް ނަޝީދު ވިދާޅުވަނީ ރަނގަޅު ވާހަކަފުޅެއް. އެންޑީއޭ ރަނގަޅުކުރަން އެބަޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިބްރާ އިބްރާ

24 January 2021

ފިރުޒާ. ނަޝީދު ކުރިކަމަކީ އައްޑޫގަ ހުރި އެންޑީއޭގެ މައިސެންޓަރު ބަންދުކުރީ އެމީހުންގެ ވެރިކަމުގަ. ހެލްތު މިނިސްޓްރީން ކުރިކަމަކީ އެންޑީއޭގެ ހުރިހާ މުދަލެއް ވަގަށްނެތީ. ދެން މިއަދު ކޮން ކޮހެކޭ އެ ކިޔަނީ؟ ފިރުޒާމެންނަކަށް ނޭނގޭނެ ކަންވާގޮތެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތިމާ

24 January 2021

އެތެރެ ކުރާ މީހުން ދޫކުރާނަމަ ބޯ މީހުންގެ މައްސަލަ ހައްލެއް ނުވާނެ އެވެ. މިތާ ހުރި މަސްތުވާތަކެތި އަތުލާފަ އެތެރެ ކުރާ ތަކެތި އެތެރެވުން ހުއްޓު ވަން ވީ އެވެ.