މާމެންދޫގައި ހިންގި މާރާމާރޫގައި މަރާލި އަހްމަދު އުދައްޔު
10 ފެބުރުއަރީ 2021 - 12:22
8 comments
ގުރޫޕު މާރާމާރީއެއްގައި، ހަށިގަނޑުގެ އެތައް ތަނަކަށް ވަޅި ހަރައި އިއްޔެ ރޭ މަރާލި އަހުމަދު އުދައްޔުގެ ޕޯސްޓްމޯޓަމް ހަދަން ނިންމީ، އެ މަރުގެ ފުރިހަމަ ތަހުގީގެއް ކުރުމަށް ކަމަށް ފުލުހުން ބުނެފި އެވެ.
އުމުރުން 17 އަހަރުގެ އުދައްޔުގެ ގަޔަށް ވަޅި ހެރީ، ގއ. މާމެންދޫ ބޮޑުމަގުމަތީ، ހަތަރު އަނގޮޅިއެއްގެ ކަންމަތީ އެވެ. އޭނާގެ ފުރަގަހުން ފުއްޕާމެއާ ދިމާލަށް ތަކުރާރުކޮށް ވަޅި ހަރާފައި ހުރި ކަމަށް، އެ ރަށު ސިއްހީ މަރުކަޒުން ބުނެ އެވެ.
އާއްމު ގޮތެއްގައި ޕޯސްޓްމޯޓަމް ހަދަނީ ގޮތް ނޭނގޭ މަރުތަކުގައި، އޭގެ ހަގީގަތް ހޯދުމަށެވެ. އެހެންވެ، ގުރޫޕު މާރާމާރީއެއްގައި، މީހުންގެ ކުރިމަތީގައި ވަޅި ހަރައި މަރާލި މީހެއްގެ ޕޯސްޓްމޯޓަމް ހަދަން ނިންމުމުން އެކަމާ ބައެއް މީހުން ދަނީ ސުވާލު އުފައްދަމުންނެވެ.
އެކަމާ ގުޅޭގޮތުން "މިހާރު"ން ކުރި ސުވާލަކަށް ޖަވާބު ދެއްވަމުން ފުލުހުންގެ އޮފިޝަލަކު ވިދާޅުވީ މަރުގެ ހަގީގަތް ދެނެގަތުމުގެ އިތުރުން، ތަހުގީގަށާއި ޝަރީއަތުގެ މަރުހަލާގައި ކުރިމަތިވާ ވަރަށް ގިނަ ސުވާލުތަކަށް، ޕޯސްޓްމޯޓަމްގެ ރިޕޯޓުން ތަފްސީލުކޮށް ޖަވާބު ލިބޭނެ ކަމަށެވެ. އުދައްޔުގެ ޕޯސްޓްމޯޓަމް ހަދަން ނިންމީ ވެސް، ފުރިހަމަ ތަހުގީގެއް ކުރުމަށާއި މައްސަލައިގެ ހުރިހާ މަރުހަލާއެއް ވެސް ކާމިޔާބު ކުރުމަށް މުހިއްމު ކަމެއް ކަމަށް ފެންނާތީ ކަމަށް އޮފިޝަލް ވިދާޅުވި އެވެ.
ޕޯސްޓްމޯޓަމް ހެެދުމަށް އުދައްޔުގެ ހަށިގަނޑު ރާއްޖޭން ބޭރަށް ފޮނުވުމަށް، ރޭ ވަނީ އޭނާގެ ހަށިގަނޑު މާލެ ގެނެސްފަ އެވެ.
ޒުވާނާގެ މަރަށް އިންސާފު ހޯދައިދިނުމަށް، ފުލުހުން އަޅަން ޖެހޭ ކޮންމެ ފިޔަވަޅެއް އަޅާނެ ކަމަށް ހޯމް މިނިސްޓަރު އިމްރާން އަބްދުﷲ ވެސް ވަނީ ވިދާޅުވެފަ އެވެ.
ދެ ގުރޫޕެއްގެ ދެމެދުގައި ހިނގި ހަމަނުޖެހުމެއްގައި އުދައްޔު މަރުވި މައްސަލައާ ގުޅިގެން މިހާތަނަށް، ފަސް މީހަކު ވަނީ ހައްޔަރުކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަލީ ހަމީދު
10 February 2021
ޕޯސްޓު މޯޓަމް ހެދުމުގެ ބޭނުމެއް ނެތް. މި ގައުމަކީ އިންސާފުވެރި ސަރީއަތެއް ކުރެވޭ ތަނެއް ނޫން. ގާނޫނީ ވަކީލުން ނާއި ގުޅިފަތިބޭ މީހުން ބޭނުން ގޮތަކަށް ތިޔަކަން ނިންމާނީ. ﷲ ގެ އަމުރުފުޅުގެ މަތިން ފައިސާ އާއި ޖެހުމުން އެމީހުން ހަނދާން ނައްތާލާނެ. މީ އަސްލު ހާލަތަކީ.. ދެން ގަބުރަށް އަނިޔާ ކުރަން ކީއްކުރަންތޯ ޕޯސްޓު މޯޓަމް ހަދަނީ
ކޯޑިނޭޓަރ
10 February 2021
ޙައް ހައްހާ...ފުރިހަމަ ތަހްޤީގެ ކޭ.... ވަރަށް މަޖާ ތި ޖޯކު . ..ބަނޑަށް ވައި އަރައިފި ހީހީ.
ރިޕޯން
10 February 2021
ކޮންޕޯސްޓްމޯތަމް ހަދާކަށް ؟ކަން ދައްކަން ކުރާކަމެއް.ޑރ އަޕްރާޝީމްގެ ޕޯސްޓްމޯޓަމް ނެހެދީ ކީއްވެ.ތިަކަމަކީ ކުރިބަޔަކު ވަރަށް ސާފުކޮށް އިނގެން އޮތްކަމެއް މާކަ ބޮޑު ކަމަކަށް ނަހަދާ.
އަސްލުގައި
10 February 2021
ގޭންގުތަކުން މާރާ މާރީ ހިންގައި ހަރީމާތައް ހިންގީމަ, ދައުލަތުން ހުރިހާ ޚަރަދެއް. ބޮޑެތި ބަލިތަކަށް މީހުންނަށް ބޭސްކޮށްލާނެ ވަރު ނުވެގެން އުޅެނީ.
ޙަބީބު
10 February 2021
ގާތިލުންނައް ލިބެންނުޖެހޭ މައުލޫ މާތު ފުލުހުންގެ ފަރާތުން ލިބޭތީ ހިތާ މަކުރަން ސަރީއަތުގަ ކުރާ ސުވާލު ތަކައް ޖަވާބު ދޭންޖެހޭތީ އެވަނި މިވަނި ކަ މެއް ފުރިހަ މަ ކުރަންޖެހޭ ކިޔައިގެން ތިހެންނުވީސް އިލާހީގާނޫނައް ކިޔަ މަންވާނަ މަކާ ހަ މަނުޖޭ ގާނޫނަކައް ތަބާވާތީ ވާގޮތްތީ
ޖަ މަލޭ
10 February 2021
ދައުލަތުން ވައްކަންކޮއްލާނެ އިތުރު ފުރުސަތެއްލިބިގެން ތިއުޅެނީ ޕޯސްޓް މޯޓަ މޭ ކިޔާފަ ހުސްވަގުންވުއްޔާ
ސާމީ
10 February 2021
ތަހުގީގު ވަރަށްފުރިހަމަކޮށް ހަދާނެ ހަދާފަ އެކުދިންގެ މައިންބަފައިން ބޮލަށްކަނޑާލާފަ އިލްޒާމް އެވެރިންގެ ބޮލުގައި އަޅުވާފަ ދޫކޮށްލާނެ ބަލަގަ މިހާރު މަސްތުވާތަކެތި ބޭނުންކުރާ މައިންބަފައިންވެސް މަދެއްނޫނޭ ރާއޖޭގައި އެހެނީ އެވެރިންގެދަރިންނަށް ކޮންތަރުބިއްޔަތެއް ދެވޭނީ އެހެނޭ ކިޔާފަ މުޅިމުޖުތަމައު ހަރާބުކުރުމުގެ ފުރުސަތުދީގެން ބަލަހައްޓައިގެން ތިބެންވީތޯ ..ޒިމްމާ ނަގަންޖެހޭނީ ކުށްތަށް ހުއްޓުވަން ހަވާލުވެފައިވާ ބަޔަކުކަން ކަށަވަރު.
ގަބުޅި ކަލޯ
10 February 2021
... ދެވަނަ އެއްކަމެއްވެސް ކުރާކަށް ނޫން ކަންދަންކަން ނޫނީ. ޕޯސްޓްމޯޓަމް ހަދަން ޖެހޭނީ ހަދަން ޖެހޭ ކޭސް ތަކުގައި.